သင်္ကန်းစုံလင် တန်ဆောင်ဂုဏ်အင်

 

သင်္ကန်းစုံလင် တန်ဆောင်ဂုဏ်အင်

 

တန်ဆောင်မုန်းလ၌ ကျင်းပသော ကထိန်ပွဲသည် တစ်နှစ်လျှင် တစ်ခါသာ ကျင်းပသော ပွဲတော်ဖြစ်သည်။ ကထိန်ပွဲတော်ကို အများ စုပေါင်း၍ ဘုံကထိန်ပွဲတော် အဖြစ် လည်းကောင်း၊ တစ်ဦးတည်း မတည်၍ ပုဂ္ဂလိက ကထိန်ပွဲတော်အဖြစ် လည်းကောင်း ကျင်းပပြုလုပ် ကြသည်။ ဘဒ္ဒ၀ဂ္ဂီညီနောင် သုံးကျိပ်ကြောင့် ကထိန် ပေါ်ထွန်းလာ သည်ဟု   ဗုဒ္ဓစာပေများ၌ တွေ့ရှိရသည်။ မြတ်စွာဘုရားရှင် သည် ဗာရာဏသီမြို့ မိဂဒါဝုန်တော၌ သီတင်းသုံးရာမှ  ဥရုဝေလတော ရှိ သစ်ပင်ကြီး တစ်ပင်အောက်သို့  ကြွရောက် သီတင်းသုံး တော်မူသည်။ ထိုအချိန်၌ ဘဒ္ဒ၀ဂ္ဂီ ညီနောင်သုံးကျိပ် ရောက်ရှိလာပြီး မြတ်စွာဘုရားရှင် အား ''မိန်းမ တစ်ယောက် တွေ့မိပါသလား'' ဟုေ လျှာက်ထား မေးမြန်းသည်။ ဘဒ္ဒ၀ဂ္ဂီညီနောင် တို့ရှာဖွေ နေသော မိန်းမမှာ ပျော်ပါးရန် ခေါ်ယူထားသော ပြည့်တန်ဆာ တစ်ဦးဖြစ်ပြီး ရွှေငွေရတနာ များကို ခိုးယူ ထွက်ပြေးသွား သောကြောင့် ဖြစ်သည်။

မြတ်စွာဘုရားရှင်က ဘဒ္ဒ၀ဂ္ဂီညီနောင် သုံးကျိပ် တို့အား ''ပျောက်သွားသော မိန်းမကို ရှာဖွေခြင်းနှင့် မိမိကိုယ်ကို ရှာဖွေခြင်း တို့တွင် မည်သည်က အမြတ်ဆုံးနည်း'' ဟု မေးမြန်း လိုက်သည်။ ဘဒ္ဒ၀ဂ္ဂီညီနောင် သုံးကျိပ်တို့သည်   ရှေးပါရမီ အခံရှိသူများ ဖြစ်၍ မိမိကိုယ်ကို ရှာဖွေခြင်းသည် အမြတ်ဆုံး ဖြစ်ကြောင်း သိရှိသွားသည်။ မြတ်စွာဘုရားရှင် ဟောကြားသော ပထမအနုပ္ပဗ္ဗီ ကထာတရား လေးပါးနှင့် သာမုက္ကံသ တရား (သစ္စာလေးပါး) တို့ကို    ကြားနာပြီးနောက် သောတာ ပတ္တိမဂ်ဖိုလ်၊  သကဒါဂါမ် မဂ်ဖိုလ် တည်သွားကြသည်။ မြတ်စွာဘုရားရှင် ထံ ရဟန်းပြုပြီး ကောသလတိုင်း အနောက်အရပ်ရှိ ပါဝေယျတိုင်း၌ သီတင်းသုံး ကြသည်။

ညီနောင်ရဟန်း သုံးကျိပ်တို့သည်  သာဝတ္ထိမြို့ ဇေတ၀န်ကျောင်း၌ သီတင်းသုံး တော်မူသော မြတ်စွာဘုရားရှင် အားဖူးမြော်ရန် ခြေကျင်ခရီး ထွက်လာကြသည်။ သာဝတ္ထိမြို့ သို့မရောက်မီ ၀ါကပ်မည့် အချိန် နီးကပ်လာသဖြင့် လမ်းခုလပ်၌ ရှိသော သာကေတမြို့ ၌ ၀ါကပ်တော်မူသည်။ ၀ါလကင်းလွတ် သီတင်းကျွတ် လပြည့်နေ့တွင် သာကေတမြို့ မှ မြတ်စွာဘုရားရှင် ထံသို့ ထွက်ခွာလာ ကြသည်။ မိုးတွင်းကာလ ဖြစ်သဖြင့် လမ်းခရီး၌ ပင်ပန်းဆင်းရဲ သည့်အပြင် ၀တ်ရုံလာသော သင်္ကန်းတို့သည် ဖုံအလိမ်းလိမ်း၊ ရွှံ့အလိမ်းလိမ်း ဖြင့် ဟောင်းနွမ်းဆွေးရိ ကုန်သည်။ မြတ်စွာဘုရား ရှင်ထံမှောက် ရောက်သောအခါ  သင့်တော်သော အရပ်မှ ရိုသေစွာ ရှိခိုးပြီး အကြောင်းစုံကို လျှောက်ထားသည်။ မြတ်စွာဘုရားရှင် သည် ညီနောင်ရဟန်း သုံးကျိပ်အား အနမတဂ္ဂိယ သုတ္တန် ဟောကြားပြီး ရှေးဘုရားရှင် တို့၏ အစဉ်အလာအတိုင်း မဟာကရုဏာ တော်ဖြင့် ကထိန်ခင်းခွင့်ပြု ခဲ့သည်။

မြတ်စွာဘုရားရှင်သည်   တပည့် သားရဟန်းများ အဓိဋ္ဌာန်တင် သင်္ကန်းသုံးထည် တွင် တစ်ထည်ကို ထား၍ မပင်မပန်း ရွှင်လန်းစွာ  သွားလာနိုင် စေရန်နှင့် သင်္ကန်းရှားပါးမှု ကင်းဝေးစေရန် ရည်ရွယ်ချက် တို့ဖြင့် ကထိန်ခင်းခွင့်ပြု ခဲ့ခြင်းဖြစ်သည်။ ကထိန်ခင်းသည့် ကာလကို သီတင်းကျွတ် လပြည့်ကျော် ၁ ရက်မှ တန်ဆောင်မုန်း လပြည့်နေ့ အထိ သတ်မှတ်ထားသည်။

ကထိန်ခင်းရာတွင်  နှစ်ထပ်သင်္ကန်း၊ ဧကသီနှင့် သင်းပိုင်ဟူသော သင်္ကန်းသုံးထည် အနက် တစ်ထည်ကို ခင်းနိုင်သည်။ ကထိန်သင်္ကန်း သည် အလှူခံခြင်း၊ တောင်းခံခြင်း၊ လှူချင်လာအောင် အတိတ်နိမိတ် ပြခြင်း၊ ခေတ္တငှားရမ်း ယူဆောင်လာခြင်း နှင့် ညဥ့်မကျော်ခြင်း အင်္ဂါများနှင့် ပြည့်စုံရန် လိုအပ်သည်။ ထို့ပြင် သံဃာ ပြည့်စုံခြင်း၊ လက်ရှိ သင်္ကန်းဟောင်းကို အဓိဋ္ဌာန် ချ၍ ကထိန်သင်္ကန်းသစ် ကို အဓိဋ္ဌာန် တင်ခြင်းနှင့် ကထိန်ခင်းခြင်း ဟူသော အချက်သုံးချက်နှင့် ညီညွတ် ရမည်။

ဝါတွင်းသုံးလ ပတ်လုံး ၀ါမကျိုးမပေါက်ဘဲ ပ၀ါရဏာ ပြုသော ရဟန်းရှိသည့် ကျောင်း၌ ကထိန်ခင်း ရသည်။ ကထိန်ခင်းမည့် နေ့မတိုင်မီ   ကျောင်းသို့ကြိုတင် ပို့ထားသော သင်္ကန်းဖြင့် ကထိန်ခင်းခြင်း မပြုရပေ။ ကထိန်ခင်းမည့် နေ့ရောက်မှ ကျောင်းသို့ ပို့သည့်သင်္ကန်း ဖြင့် ကထိန်ခင်း ရသည်။ ငါးခန်း သို့မဟုတ် ငါးခန်း ထက်ပိုအောင်   ဖြတ်ချုပ်ထားသော သင်္ကန်းဖြင့် ကထိန်ခင်းလျှင်  ကထိန်မြောက်မည် မဟုတ်ပေ။ ကထိန်ခင်းမည့် သင်္ကန်းတစ်ထည်ကို   ''ဣမံစီဝရံ သံဃဿဒေမိ- ဤသင်္ကန်းကို သံဃာတော် များအား လှူဒါန်းပါ၏''ဟု လျှောက်ထား ဆက်ကပ်ရမည်။

ကထိန်ဆိုသည်မှာ ''ကထိန'' ဟူသော ပါဠိစကားမှ ဆင်းသက်လာပြီး အကျိုးငါးပါး တစ်ပြိုင်နက် စုပေါင်း ရရှိသောအလုပ်၊ အကျိုးပေး မြဲမြံခိုင်ခံ့သော အလုပ်၊ ဘုရားအစရှိသော   သူတော်ကောင်း တို့ ချီးကျူး သောအလုပ်ဟု    အဓိပ္ပာယ် ဖွင့်ဆိုထားသည်။

ဗုဒ္ဓစာပေများတွင် ကထိန်ပွဲတော်ကို ပဒုမုတ္တရ ဘုရားရှင် လက်ထက်ကပင် ကျင်းပခဲ့ကြောင်း လေ့လာတွေ့ရှိ ရသည်။ ကထိန်ခင်းခြင်း ကြောင့် သွားလေရာ အရပ်၌ အနှောင့်အယှက် မရှိ ဘေးကင်းစွာ သွားလာနိုင်ခြင်း၊ မိမိပိုင်ပစ္စည်း များကို ရန်သူမျိုးငါးပါး မဖျက်ဆီးနိုင်ခြင်း၊ အစာရေစာ ပေါများ၍ ဘေးအန္တရာယ် ကင်းရှင်းခြင်း၊ ကာလကြာရှည်စွာ မေ့လျော့ နေသောပစ္စည်း များမဆုံးပါး ခြင်းနှင့် စီးပွားရှာဖွေ ရာတွင် အခြားသူ များထက် ပိုမိုရှာဖွေ ရရှိခြင်းဟူသော အကျိုးငါးပါး ရရှိခံစားရသည်။

ကထိန်ပွဲတော်သည်  ကမ္ဘာတွင် မရှိသလို ဗုဒ္ဓဘာသာဝင် များအတွက်  တစ်နှစ်လျှင် တစ်ရက်သာ ပြုလုပ်ခွင့်ရသော ကာလဒါန ဖြစ်သည်။ ကထိန်အလှူ သည် သူတော်ကောင်း တို့၏ ပေးလှူခြင်း ရှစ်ပါးနှင့် သန့်ရှင်း စင်ကြယ်သော ၀တ္ထုကို  ပေးလှူခြင်း ငါးပါး တို့ဖြင့် ပြည့်စုံသည်။ သူတော်ကောင်း တို့၏ ပေးလှူခြင်း ရှစ်မျိုးမှာ သန့်ရှင်း စင်ကြယ်သော ၀တ္ထုကို ပေးလှူခြင်း၊ မွန်မြတ်သော ၀တ္ထုကို ပေးလှူခြင်း၊ သင့်လျော် လျောက်ပတ်သည့် အခါ ပေးလှူခြင်း၊ အပ်စပ်သော ၀တ္ထုကို ပေးလှူခြင်း၊ အလှူခံ ပုဂ္ဂိုလ်ကို ရွေးချယ်ပေးလှူခြင်း၊ မပြတ်ပေးလှူခြင်း၊ ပေးလှူချိန် ၌ စိတ်ကြည်လင် ခြင်းနှင့်  ပေးလှူပြီးနောက် နှစ်သက် ကြည်နူးခြင်း တို့ဖြစ်သည်။

သန့်ရှင်းစင်ကြယ်သော ၀တ္ထုကို ပေးလှူခြင်းငါးပါး မှာ သူတစ်ပါး အသက်ကို သတ်ဖြတ်၍ ရှာဖွေလှူဒါန်းသော ၀တ္ထုမဟုတ်ခြင်း၊ သူတစ်ပါးဥစ္စာကို ခိုးယူ၍ ရှာဖွေလှူဒါန်းသော ၀တ္ထုမဟုတ်ခြင်း၊ သူတစ်ပါး သားမယားကို ပြစ်မှား၍ ရှာဖွေ လှူဒါန်းသော ၀တ္ထု မဟုတ်ခြင်း၊ မဟုတ်မမှန် စကားပြော၍ ရှာဖွေလှူဒါန်းသော ၀တ္ထုမဟုတ်ခြင်းနှင့် သုရာငါးပါး ရောင်းချ၍ ရှာဖွေ လှူဒါန်းသော ၀တ္ထု မဟုတ်ခြင်း တို့ဖြစ်သည်။

''သင်္ကန်းမှာကထိန်၊ ကျောင်းမှာသိမ်၊ ဆွမ်းမှာပိဏ္ဍပါတ်'' ဆိုသည့်အတိုင်း အမြတ်ဆုံး အလှူတွင် ကထိန်သင်္ကန်း အလှူလည်း ပါဝင်သည်။   တန်ဆောင်မုန်း လတွင် ကထိန်သင်္ကန်း ဆက်ကပ်ပွဲ နှင့်အတူ မသိုးသင်္ကန်း ရက်လုပ်ပူဇော်ပွဲ၊ ကြာသင်္ကန်း ရက်လုပ်ပူဇော်ပွဲ နှင့် ပံ့သကူသင်္ကန်း ပစ်ပွဲတော်များ ကျင်းပကြသည်။

ရှေးအခါက ယခုကဲ့သို့ အဆင်သင့် ချုပ်ပြီးသင်္ကန်းများ မပေါ်ပေါက် သေးပေ။ ကထိန်အလှူရှင် တို့သည် ကထိန်သင်္ကန်း အလို့ငှာ အ၀တ်ပိုင်း ကိုသာ လှူဒါန်းကြသည်။ ကထိန်ခံထိုက်သော ရဟန်းသံဃာသည် ဉတ်တစ်ကြိမ်၊  ကမ္မ၀ါတစ်ကြိမ်ဖြင့်   အလှူခံယူပြီး ရက်ကျော် နေ့ကူးခြင်း မရှိဘဲ ညတွင်းချင်း သင်္ကန်းဖြစ်အောင်  ချုပ်လုပ်စီမံ ရသည်။ ကထိန်သင်္ကန်းကို

မလှူဒါန်းသေးဘဲ တစ်ရက်မျှ သိမ်းဆည်းထားလျှင် လည်းကောင်း၊ ကထိန် ခံထိုက်သော ရဟန်းသံဃာက  တစ်ညအတွင်း အပြီးမချုပ်လုပ် နိုင်လျှင် လည်းကောင်း ကထိန်သင်္ကန်း (မသိုးသင်္ကန်း) ဟု  သတ်မှတ်ခြင်း မရှိ၊ ယခုအခါ ၀ိနည်းနှင့်အညီ ချုပ်ရောင်းသော သင်္ကန်း များရှိသဖြင့် ရဟန်းသံဃာများ သင်္ကန်းချုပ်ဝတ် ရသည့် ဒုက္ခငြိမ်းအေး သွားသည်။ ကထိန်ပွဲတော် နှင့်မသိုးသင်္ကန်း ရက်လုပ် ပူဇော်ပွဲတော် ကိုလည်း သီးခြားစီ ကျင်းပပြုလုပ် ကြသည်။

မသိုးသင်္ကန်း ရက်လုပ်ပူဇော်ပွဲ သည် မြတ်စွာဘုရားရှင် လက်ထက်က   သင်္ကန်းရက်လုပ် ပူဇော်သော မိထွေးတော် ဂေါတမီနှင့် ဆက်စပ်နေသည်။ ကာဠုဒါယီ အမတ်ကြီး လျှောက်ထားမှု ကြောင့် မြတ်စွာဘုရားရှင် သည် ကပ္ပိလ၀တ်ပြည်သို့ ကြွချီတော်မူ လာသည်။ ထိုအခါ ငယ်စဉ်ကလေး ဘ၀အရွယ်မှ စ၍ ပြုစုစောင့်ရှောက် ခဲ့သော မိထွေးတော်ဂေါတမီ သည် မြတ်စွာ ဘုရားရှင်အား သင်္ကန်းရက်လုပ် ပူဇော်ရန် စိတ်အကြံ ဖြစ်သော်လည်း အထမြောက်ခြင်း မရှိခဲ့ပေ။ ကပ္ပိလ ၀တ်ပြည်သို့ ဒုတိယအကြိမ် ကြွချီတော်မူ သောအခါမှ မိထွေးတော် ဂေါတမီသည် စိတ်အကြံကို လက်တွေ့ အကောင်အထည်ဖော် ခဲ့သည်။

နန်းတော်တွင်း၌ ရက်ကန်းရုံများ ဆောက်၍ ၀ါဂွမ်း၊ ၀ါကြိတ်၊ ၀ါဖတ်၊ ဗိုင်းငင်ခြင်း၊ ရက်လုပ် အကျော်အမော် တို့ကိုခေါ်ယူ ရက်လုပ်စေခြင်း တို့ကို ကိုယ်တိုင် စီမံကြီးကြပ် ဆောင်ရွက်သည်။ ညတွင်းချင်း ရက်ချုပ်ပြီးသော သင်္ကန်းလျာကို ရွှေကြုတ်၌ အမွှေးနံ့သာ သင်းထုံစေပြီး ဤခရီးလမ်း တစ်လျှောက်၌ ရေပြည့်အိုး များတည်ခြင်း၊ ပန်းမွေ့ရာခင်းခြင်း၊ တံခွန်ကုက္ကား မုလေးပွားများ စိုက်ထူခြင်း တို့ကိုလည်း ဆောင်ရွက်စေသည်။ ထို့နောက် အထိန်းတော်များ ခြံရံလျက် မြတ်စွာဘုရားရှင်ထံ သွားရောက်ပြီး သင်္ကန်းကို ဆက်ကပ် လှူဒါန်းသည်။ မိထွေးတော် ဂေါတမီ သင်္ကန်းဆက်ကပ် လှူဒါန်းသည့် အချိန်က မြတ်စွာဘုရားရှင် သည် ကထိန်သင်္ကန်းကို ခွင့်ပြုခဲ့ခြင်း မရှိသေးပေ။ ဘဒ္ဒ၀ဂ္ဂီညီနောင် သုံးကျိပ်ကို အကြောင်းပြု၍   ကထိန်သင်္ကန်းကို ခွင့်ပြုခဲ့ခြင်း ဖြစ်သည်။

မြန်မာနိုင်ငံ၌ ကထိန်သင်္ကန်း ဆက်ကပ်လှူဒါန်း ပွဲနှင့်အတူ မသိုးသင်္ကန်း ရက်လုပ်လှူဒါန်းပွဲ ကျင်းပ ပြုလုပ်ကြသည်။ မသိုးသင်္ကန်း ရက်လုပ် လှူဒါန်းခြင်း သည် ဗုဒ္ဓဘာသာဝင်တို့၏ ဓလေ့ရိုးရာ တစ်ခုဖြစ်သည့် အပြင် မြန်မာ့ရက်ကန်း ပညာကိုလည်း တိုးတက်စေသည်။ ရှေးအခါက ကထိန်သင်္ကန်း၊ မသိုးသင်္ကန်း လှူဒါန်းခြင်းအပြင် ကြာရိုးကြာမျှင်ဖြင့် ရက်လုပ်သော ကြာသင်္ကန်း များလည်း လှူဒါန်းကြသည်။ ယခုအခါ ကြာသင်္ကန်း ရက်လုပ်ခြင်း  ကွယ်ပျောက်လု နီးပါးဖြစ် သော်လည်း သင်္ကန်းပရိက္ခရာ ဆိုင်မှ ရောင်းချသော ကြာသင်္ကန်းများကို အဆင်သင့် ၀ယ်ယူ လှူဒါန်းနိုင်သည်။

ပံ့သကူသင်္ကန်း ပစ်သောဓလေ့သည် တစ်နိုင်ငံလုံး မကျင်းပ သော်လည်း အထက်မြန်မာပြည် အနှံ့အပြား၌ ယနေ့တိုင် ကျင်းပလျက် ရှိသည်။ ပံ့သကူပစ်သော ဓလေ့မှာ လူအများရှေ့တွင် ကျင်းပပြုလုပ်ခြင်း မဟုတ်ဘဲ လူအများကွယ်ရာ၌ ဖြစ်စေ၊   ညဥ့်အချိန်၌ ဖြစ်စေ ၀တ္ထုပစ္စည်းများကို တိတ်တဆိတ် စွန့်ပစ်လှူဒါန်းခြင်း ဖြစ်သည်။ ပံ့သကူပစ်သော ဓလေ့ ထွန်းကားခဲ့သလို ပံ့သကူဓူတင် အကျင့်လည်း ထွန်းကားခဲ့သည်။ ပံ့သကူဓူတင် အကျင့်ဆိုသည်မှာ လူတို့တိုက်ရိုက် လှူဒါန်းသော သင်္ကန်းကို သုံးဆောင်ခြင်း မပြုဘဲ လူတို့ စွန့်ပစ်သော အ၀တ်ပိုင်းတို့ကို ကောက်ယူ ချုပ်လုပ်၍ သုံးဆောင် ခြင်းဖြစ်သည်။ ပံ့သကူဓူတင် ဆောက်လုပ်ခြင်း ကြောင့် အလိုနည်းခြင်း၊  ရောင့်ရဲလွယ်ခြင်း၊  ကိလေသာ ခေါင်းပါးခြင်း အကျိုးများ ရရှိခံစားရသည်။  ဂေါတမ ဘုရားရှင် လက်ထက်က     အရှင်အနုရုဒ္ဓါ သည်  ဇနီးဟောင်း ဇာလိနိ နတ်သမီး စွန့်ပစ်သော နတ်ပုဆိုး  သုံးထည်ကို အမှိုက်ပုံမှ ကောက်ယူဝတ်ရုံ ခဲ့သည်။

သို့ပါ၍ တန်ဆောင်မုန်းလ သည် ကထိန်သင်္ကန်း ကပ်လှူပွဲ၊ မသိုးသင်္ကန်း ကပ်လှူပွဲ၊  ကြာသင်္ကန်း ကပ်လှူပွဲနှင့် ပံ့သကူသင်္ကန်း စွန့်လှူပွဲတို့ဖြင့် သင်္ကန်း စုံလင် ဂုဏ်အင် ပြည့်ဝသော လတစ်လဆိုလျှင် မှားနိုင်မည် မဟုတ်ကြောင်း ရေးသား လိုက်ရပေသည်။   ။

 

သက်ဝေမှူး

ဓာတ်ပုံ - အင်တာနက်

ခရက်ဒစ် - mwd daily