Thursday, December 31, 2009

အနာဂတ်လှပနိုင်ကြပါစေ

အနာဂတ်လှပနိုင်ကြပါစေ

ပန်းတွေ ဖူးရာကနေ ပွင့်ကြတယ်၊ အစွမ်းကုန် လှသွေးကြွယ်ပြီး အချိန်တန်တော့ ညှိုးမယ်။ ကျွန်တော်တို့လည်း နှစ်ဟောင်းကို နှုတ်ဆက်လိုက်တာနဲ့ တစ်နှစ်တော့ ထပ်အိုသွားကြတယ်။ ဒါကြောင့် ဘယ်အရာကမှ ထာဝရ ဆိုတာ မရှိပါဘူး။ မတည်မြဲတဲ့ ကျွန်တော်တို့ လူ့လောကထဲမှာ ရောက်စဉ်ခဏ အဓိပ္ပါယ်ရှိရှိ ဖြတ်သန်းနိုင်ရင်ပဲ အလှတရား ဆိုတာကို တွေ့ရမှာ ဖြစ်တယ်။ အဲဒီ အလှတရား တွေကသာလျှင် ဘဝကို ရှည်ကြာစေပြီး နေပျော်တဲ့ ရှင်သန်မှုကို ဖြစ်စေမှာ အမှန်ပါ။ အဆိုးတွေရော အကောင်းတွေနဲ့ပါ ရောပြွန်းနေတဲ့ နှစ်ဟောင်းကို ပျော်ရွှင်စွာနဲ့ပဲ ဖြတ်ကျော်လာခဲ့တယ်။ ရှေ့မှာ စောင့်နေတဲ့ ကျွန်တော်တို့ ရင်ဆိုင်တွေ့ရမယ့် နှစ်သစ်ကို လှပပြီး အောင်မြင်တဲ့ နေ့သစ်တွေပဲ ဖြစ်စေချင်တာ ဆန္ဒမှန်ပါ။ ဒါကြောင့် နှစ်သစ်မှာ အောင်မြင်လိုသူတွေ အတွက် ရှောင်ကျဉ်ရမယ့် အချက်တွေကို မျှဝေ ပေးလိုက်ပါတယ်။

(၁) စွန့်စားရန် သတ္တိမရှိခြင်း ( Unwillingness to take risks )
(၂) ဇွဲမရှိခြင်း ( Lack of persistence )
(၃) ချက်ချင်းစိတ်ကျေနပ်မှုကိုသာကြည့်ခြင်း ( Instant gratification )
(၄) ဦးစားပေးရွေးချယ်မှုမရှိခြင်း ( Lack of priorities )
(၅) ဖြတ်လမ်းလိုက်တတ်ခြင်း ( Looking for shortcuts )
(၆) တစ်ကိုယ်ကောင်းဆန်ခြင်း၊ လောဘကြီးခြင်း ( Selfshness and greed )
(၇) ခိုင်မာစွာ ယုံကြည်မှု မရှိခြင်း ( Lack of conviction )
(၈) သဘာဝ၏ ဥပဒေသများ (သဘာဝနိယာမများ)ကို နားမလည်ခြင်း ( Lack of understanding of nature's laws )
(၉) ကြိုတင်ပြင်ဆင်ရန် စိတ်မပါခြင်း ( Unwillingness to plan and prepare)
(၁၀) အကြောင်းပြခြင်း၊ ဆင်ခြေပေးခြင်း ( Rationalizing)
(၁၁) အတိတ်က အမှားများကို သင်ခန်းစာ မယူခြင်း ( Not learning from past mistakes )
(၁၂) အခွင့်အလမ်းကို မမြင်ခြင်း ( Inability to recognize opportunity )
(၁၃) ကြောက်စိတ် ( Fear )
(၁၄) ဗီဇစွမ်းရည်များကို အသုံးမချတတ်ခြင်း ( Inability to use talents )
(၁၅) စည်းကမ်းမရှိခြင်း ( Lack of discipline )
(၁၆) ကိုယ့်ကိုယ်ကိုယ် မြတ်နိုးလေးစား တန်ဖိုးထားမှု မရှိခြင်း ( Lack of self-esteem )
(၁၇) ဗဟုသုတမရှိခြင်း ( Lack of knowledge )
(၁၈) ဒုက္ခရောက်မယ့် ခံယူချက်သဘောထား ရှိခြင်း ( Fatalistic attitudes )
(၁၉) ရည်ရွယ်ချက် ကင်းမဲ့ခြင်း ( Lack of purpose )
(၂၀) သတ္တိမရှိခြင်း ( Lack of courage )

ရှင်သန်နေရသမျှ အချိန်တိုင်းကို ပျော်ပျော်ရွှင်ရွှင် ဖြတ်သန်းနိုင်ကြဖို့ ဆန္ဒပြုပါတယ်။ မွန်မြတ်တဲ့ လူမှုရေး လုပ်ငန်းတွေကို စိတ်အား ထက်သန်စွာနဲ့ တတ်အားသရွေ့ ကူညီဆောင်ရွက် နိုင်သူများ ဖြစ်ကြစေဖို့ ဆန္ဒပြုပါတယ်။ နှစ်သစ်မှာ စာဖတ်သူအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံကြစေဖို့ ဆန္ဒပြုပါတယ်။


ဘ၀အမောတွေ ကြားမှာ ဆင်ခြင်လို့ ပြုံးပျော်နိုင်ကြပါစေ ....

Friday, December 25, 2009

ငယ်ငယ်တုန်းခဏ

ငယ်ငယ်တုန်းခဏ

လူတိုင်းအတွက် ကိုယ်တိုင် ဖန်တီးခဲ့တဲ့ မှတ်မှတ်ရရ သမိုင်းလေးတွေ ကိုယ်စီရှိကြမှာပါ။ ဒိုင်ယာရီ အနေနဲ့ မှတ်တမ်း မတင်ဖြစ်ခဲ့ပေမယ့် ဖြတ်သန်းခဲ့တဲ့ ငယ်ဘ၀ တစ်လျှောက်လုံးဟာ ကိုယ်ပိုင်သမိုင်း တွေပဲဖြစ်မယ်လို့ ယုံကြည် မိပါတယ်။ ကိုယ့်ရဲ့ သမိုင်းကြောင်းတွေ လှခဲ့တယ် မလှခဲ့ဘူး ဆိုတာကတော့ ဘ၀ပေး အခြေအနေပေါ်မှာ မူတည်ပါမယ်။ ဒါပေမယ့် အပူအပင် မရှိခဲ့တဲ့ ငယ်ဘ၀ရဲ့ သမိုင်းကတော့ အများအားဖြင့် လှပကြမယ်လို့ မျှော်လင့်မိပါတယ်။

တဂ်ပို့စ်တစ်ပုဒ် ရေးရတော့မယ်ဆိုရင် များသောအားဖြင့် ကိုယ့်ရဲ့ ကိုယ်ရေး အချက်အလက်တွေ တော်တော်များများ ချပြလိုက်တာနဲ့ အတူတူပဲလို့ ထင်မိပါတယ်။ ကျွန်တော့် ငယ်ဘ၀၊ ငယ်အကြောင်း၊ ကျောင်းသားဘ၀နဲ့ ပတ်သက်လို့ လှုပ်ရှားမှုတွေကို တော်တော်များများ ရေးခဲ့ပြီး ဖြစ်ပါတယ်။ ထင်ရှား ကျော်ဇောတဲ့ လူသိသူသိ ပုဂ္ဂိုလ် မဟုတ်တော့ ဖတ်ပျော်တဲ့ အတ္ထုပ္ပတ္တိတော့ ဖြစ်လာမှာ မဟုတ်ပါဘူး။ ဒါပေမယ့် အမှတ်တရ ရှိနေအောင်တော့ ဒီငယ်ဘ၀ဆိုတဲ့ တဂ့်ပို့စ်ကို ရေးဖြစ်ခဲ့ပါတယ်။

ကျောင်းမနေခင် အချိန်ထိတော့ ဝေေ၀၀ါးဝါးမို့ မှတ်မိတာ ဘာမှမရှိခဲ့ပါဘူး။ ငယ်ဘ၀မှာ အမှတ်အရဆုံး နေ့ကတော့ မူလတန်းကျောင်း စတက်တဲ့နေ့ပဲ ဖြစ်ပါတယ်။ အဖိုးနဲ့ အဖွားက ကျောင်းခန်းထဲ အထိ လိုက်ပို့ပြီး ပြန်တော့မယ် လို့ ပြောတဲ့အချိန်မှာ တခြား ကလေးတွေလို ငိုချင်ခဲ့ပေမယ့် မငိုဖြစ်တော့ ရင်ထဲမှာ တင်းကျပ်ကျပ် ဖြစ်ကျန်ခဲ့တယ်။ အိမ်ကလူကြီး တွေနဲ့ ပထဆုံး ခွဲနေရတဲ့ အချိန်မို့ အားငယ်စိတ်တော့ ဖြစ်ခဲ့မိတာ အမှန်ပါ။ ဆရာမက စာတွေ စသင်တော့မှ အဲဒီအားငယ်စိတ်တွေ ပျောက်သွားခဲ့တယ်။ ဒါက ပထမဆုံးရခဲ့တဲ့ အထီးကျန်ခြင်း အတွေ့အကြုံသစ် တစ်ခုပါ။

အဖေနဲ့အမေက တာချီလိတ် မကာဟိုခမ်း ရပ်ကွက်မှာ ရှေးဟောင်းပစ္စည်းနဲ့ မြန်မာလက်မှု လက်လုပ်ထည်တွေ ရွှေချည်ထိုးထည်တွေ ရောင်းတယ်။ ကျွန်တော်က ကျိုင်းတုံ မဟာမုနိဘုရားနဲ့ သိပ်မဝေးတဲ့ လေယာဉ်ကွင်း သွားတဲ့လမ်းမှာ အဖိုးနဲ့အဖွားနဲ့ နေတယ်။ ကျွန်တော့်ထက် ၅ တန်းကြီးတဲ့ ဒေါ်လေး ၂ ယောက်ရှိတယ်။ အုတ်တံတိုင်း မြင့်မြင့်၊ သံပြားတံခါးထူထူ အပိတ်နဲ့ ခြံဝင်းကျယ်ထဲမှာ စည်းကမ်းကြီးပြီး ရှေးရိုးဆန်တဲ့ ဖိုးဖွားတွေနဲ့ကြီးပြင်း လာတာကြောင့် ပြင်ပသူငယ်ချင်းနဲ့ ဗဟုသုတ နည်းခဲ့တယ်။ ကျွန်တော့်ရဲ့ အရင်းနှီးဆုံး အဖော်တွေကတော့ ယိုးဒယားကလာတဲ့ သံပတ်အရုပ်တွေ၊ ဖြုတ်/တပ် ကစားနိုင်တဲ့ ကစားစရာတွေနဲ့ Puzzy အရုပ်ဆက်တဲ့ ပန်းချီကားတွေပဲဖြစ်တယ်။ ဒုတိယ အရင်းနှီးဆုံး ကတော့ အဖိုးရဲ့စာဖတ်ခန်းထဲက စစ်နဲ့ငြိမ်းချမ်းရေးလို ဂန္ထ၀င် စာအုပ်တွေ၊ ကဏ္ဍစုံတဲ့ ဘာသာပြန်စာအုပ်တွေ၊ တစ်ထောင့်တစ်ည ပုံပြင်စာအုပ်တွေ၊ ဆားပုလင်းနှင်းမောင် လို ၀တ္ထုအတွဲလိုက်တွေနဲ့ မြန်မာ့စုံစွယ်ကျမ်း စာအုပ်တွေပဲ ဖြစ်ပါတယ်။ တတိယ အရင်းနှီးဆုံး ကစားဖော်တွေကတော့ အဖိုးရဲ့ တပည့်တွေဖြစ်တဲ့ ကားဆရာတွေ၊ စပါယ်ယာတွေ၊ စက်ပြင်တွေ ဖြစ်ပါတယ်။ (တစ်ချိန်ကျရင် ကျွန်တော့် သင်ဆရာ မြင်ဆရာတွေ ဖြစ်လာမယ့် ကားရဲ့ စက်ပိုင်းဆိုင်ရာ ဆရာတွေ ဖြစ်ပါတယ်) ကျွန်တော် ဆိုးသမျှကိုငြူစူခြင်းမရှိဘဲ ကျွန်တော့်အပေါ် အနွံတာခံခဲ့တဲ့ ကျွန်တော်အကြိုက် လိုက်ပေးတဲ့ ကျွန်တော်ခိုင်းသမျှ အကုန်လုပ်ပေးတဲ့ ကားဆရာအဖွဲ့တွေပဲ ဖြစ်ပါတယ်။ ကျောင်းတက်ရင် အဖိုးကိုယ်တိုင် အဒေါ်တွေနဲ့အတူ ဂျစ်ကားလေးနဲ့ အကြိုအပို့ လုပ်ခဲ့တာကြောင့် ပြင်ပ ပျော်ရွှင်မှု မရခဲ့တဲ့ အထီးကျန်ဆန်မှုကို ထဲထဲဝင်ဝင် ခံစားရခဲ့ပါတယ်။

ငယ်ဘ၀က အရိုးစွဲခဲ့တဲ့ ဒီအထီးကျန်ဆန်မှုရဲ့ နောက်ဆက်တွဲ ရလဒ်ဆိုးကတော့ သူငယ်ချင်း အပေါင်း အသင်းတွေ နည်းပါးခဲ့တယ်။ ကိုယ့်ကြောင့် သူတစ်ပါး နာကျင်ခဲ့တာကိုလဲ ဂရုဏာ မသက်မိတတ်ဘူး။ သူများနဲ့ စကားပြော တော့လည်း အပြော မတတ်တော့ ဘေထုတ်နဲ့ ပစ်ပေါက်လိုက်သလို အဖြစ်မျိုး ခဏခဏ ကြုံခဲ့ရတယ်။ သူတစ်ပါးရဲ့ ပြောစကားတွေနဲ့ အမူအရာကို ဘ၀င်မကျခဲ့ရင် စိတ်အလိုမကျ ဖြစ်ပြီး သူငယ်ချင်း တစ်ယောက်လို မမြင်မိတော့ပါဘူး။ ဒါကြောင့် ကျွန်တော်ဟာ ပေါင်းသင်း ဆက်ဆံရေးဘက်မှာ အားနည်းချက်တွေ ရှိတယ်ဆိုတာကို ၀န်ခံတယ်။ ကျွန်တော် ဖြတ်သန်းခဲ့တဲ့ ကျွန်တော့်ရဲ့ ငယ်ဘ၀ ကတော့ ဒီမျှပါပဲ။ ဇာတ်ပေါင်းလိုက်ရင် ကောင်းတာနည်းပြီး လိုအပ်ချက်က ခပ်များများရယ်ပါ။ တဂ်ထားတဲ့ ညီမငယ် နေ့အိပ်မက် လည်း ကျေနပ် နိုင်လိမ့်မယ်လို့ မျှော်လင့်ပါတယ်။




Tuesday, December 22, 2009

ရှမ်းဟင်းထုပ်

ရှမ်းဟင်းထုပ်

ခရစ္စမတ်နားနီးလာတော့ အအေးဓာတ်က အရင်နေ့တွေထက် ပိုကဲလာတယ်လို့ ထင်ရမိတယ်။ အေးလွန်းတော့လည်း ဘယ်လောက်ထူတဲ့ စောင်ကိုပဲ ခြုံခြုံ နွေးလာတယ်ရယ်လို့ မရှိပါဘူး။ ကွေးရင်း ကွေးရင်းနဲ့ ခါးထဲက အရိုးတွေတောင် ထုံကျဉ်လာတယ်လို့ ခံစားရမိတယ်။ တစ်လုံးတည်းသော Heater ကို ပျိုပျိုဒေါ်လေးများ ပျိုပိုင်စီးထားတာကြောင့် ဒီဆောင်းအဖို့ ကိုယ့်အလှည့် ရောက်လာတော့မယ် မထင်ပါဘူး။ တစ်ယောက်တည်း သမားအတွက် ဒီလို အေးစက်စက် ဆောင်းညရဲ့ အထီးကျန်ဆန်မှုကို စာဖွဲ့မယ်ဆိုရင် ကုန်နိုင်မယ် မထင်ပါဘူး။

လုပ်နေကျ မနက် လမ်းထလျှောက် ရာကအပြန် စာတိုက်ပုံးထဲ စစ်ကြည့်တော့ စာအိတ် ၃ ခုရောက်နေတယ်။ စာ ၃ စောင်လုံး လိပ်စာက ပြည့်ပြည့်စုံစုံ ရေးထားတာ မဟုတ်ပါဘူး။ ဒေါ်လေးငယ် တစ်ယောက်ထဲ ရဲ့ နာမည်ပဲရေးထားတာပါ။ စာအိတ်ကိုင်ပြီး စဉ်းစားမိတာက ဒေါ်လေးငယ် တစ်ယောက် ဧကန်ဓ တော့ အမှန်ဧကန်ဓ ပဲဆိုပြီး အစ်, မလို့ မီးဖိုဆောင်ထဲ ၀င်လိုက်တယ်။ ဒေါ်လေးငယ်ကို အခန့်သင့်တွေ့တာနဲ့ " ဒေါ်လေးငယ်တော့စွံပြီ ဂုဏ်ယူပါတယ် " ပြောပြီး စာတွေကမ်းပေး လိုက်တယ်။ အံ့သြဟန်လည်းမပြ၊ ပြာယာခတ် တာလဲမရှိဘဲ စာအိပ်ကို အေးအေးဆေးဆေးပဲ ဖောက်ဖတ်တယ်။ ပြီးတာနဲ့ " @#$ ~^$# #@$* " အချိုးမပြေတဲ့ စကားလုံးတွေနဲ့ ပစ်ပေါက်ပြီး " ဟဲ့.. ညကျရင် ချက်စ်ကျောင်းက ကလေးတွေ ခရစ္စမတ်အတွက် သီချင်းလာဆိုဖို့ အသိပေးတဲ့စာဟဲ့ @#$ ရဲ့ " တဲ့။ စောစောစီးစီး ထင်ထားသလို မဟုတ်ဘဲ ပယ်ပယ်နယ်နယ် အတွယ်ခံလိုက်ရလို့ နေသာထိုင်သာတော့ ရှိသွားပါတယ်။

မနက်စောစာ စားပြီးတာနဲ့ ဈေးဝယ်သွားဖို့ ဒေါ်လေးငယ်က အခေါ်တော် လွတ်လိုက်တယ်။ ဆွဲခြင်းတောင်းနဲ့ ဈေးဝယ်စာရင်း ပေးပြီး မြန်မြန်ဝယ်ပြီး အမြန်ပြန်လာခဲ့ ချည်တဲ့။ သွားတောင် မသွားရသေးဘူး .. ပျိုပျိုကြီးတွေများ စိတ်ဆိတ်တယ်ဆိုတာ အမှန်ပဲ ယုံကြည် မိလိုက်တယ်။ အတွန့်မတက်ဝံ့တာနဲ့ ကြီးမေနဲ့အတူ ဈေးဝယ်ထွက်ခဲ့တယ်။ ကြီးမေဆိုတာက အိမ်မှာ ချက်ပြုတ်သန့်ရှင်းဖို့ အချိန်ပိုင်းခေါ်ထားတဲ့ အန်တီပါ။ ကနေ့တော့ ကြီးမေရဲ့ ခြင်းတော်ဆွဲပေါ့ဗျာ။ ဈေးဝယ်စာရင်းကို ကြည့်တော့ ကြက်သွန်မြိတ် ၁ ပိဿာ၊ ၃ ထပ်သား ၁ ပိဿာ၊ မွှေးဆန်မှုန့် ၁၀ ထုပ်၊ မွှေးကော်မှုန့် ၁ ထုပ်၊ ကြက်သွန်ဖြူ တစ်လုံးဥ ၅၀ သား၊ ဂျူးမြစ် ၁ ပိဿာ၊ ငရုပ်သီးခွဲခြမ်း ၅၀ သား၊ နံနံပင် အစိတ်သား၊ Birdy ကော်ဖီမစ် ၂ ပါကင်နဲ့ တိုလီမောက်စ တွေရေးထားတယ်၊ နောက်ဆုံးမှာတော့ ကွင်းစကွင်းပိတ်ထဲမှာ ( ကို x x x x အိမ်က ငှက်ပျောရွက် ၁၀ ရွက် ခုတ်ခဲ့) ဆိုတာပါပဲ။ ငှက်ပျောရွက် နဲ့ ကြက်သွန်မြိတ် ဆိုတာကို ဖတ်မိမှ ဟင်းထုပ် လုပ်စားမယ်ဆိုတာ ရိပ်မိသွားတယ်။ ဟင်းထုပ် စားချင်တာနဲ့ ခုမှလူက လန်းလန်းဆန်းဆန်း ရှိပြီး ဈေးအမြန်ဝယ်ဖို့ အားထည့် ဖြစ်သွားတယ်။

ရှမ်းဟင်းထုပ် လုပ်စားနည်းက လွယ်ပါတယ်။ ပထမဆုံး အသားကို အရသာထည့်ပြီး အရင်လုံးထားရပါမယ်။ (ဒီနေရာမှာ အရသာဆိုတာက ဆား၊ အချိုမှုန့်၊ ကြက်သွန်ဖြူနဲ့ ဂျင်းထောင်းတို့ ရောနှယ်ပြီး ရေသင့်ရုံထည့် လုံးတာပါ) နောက် စတီးဇလုံကြီးကြီးထဲကို ဆန်မှုန့်တွေထည့် လက်တစ်ဆစ် သာသာလှီးထားတဲ့ ကြက်သွန်မြိတ်ထည့်၊ အသားထူတဲ့ ခရမ်းချဉ်သီး နည်းနည်းထည့်၊ အရသာထည့်ပြီးတာနဲ့ ရေသင့်ရုံထည့်ပြီး နှံ့အောင် နှယ်ပေးရပါမယ်။ ရေများရင် ပျော့နိုင်တယ်၊ ရေနည်းရင်လည်း မာသွားနိုင်တာကြောင့် အနေတော်လေး ဖြစ်အောင် ဆပြီး ထည့်နှယ် ပေးရပါမယ်။ နှံ့အောင်နှယ် ပြီးသွားရင် လုံးထားတဲ့ အသားကို လက်နှစ်လုံးသာသာ ပါးပါးလေးဖြစ်အောင် လှီးထားရပါမယ်။ ငှက်ပျောဖက်ကိုလည်း မီးနည်းနည်းပြပြီး အနေတော် စိတ်ထားရပါမယ်။ အဆင်သင့်ဖြစ်ရင် စားဆီသုတ်ထားတဲ့ ငှက်ပျောဖက်ထဲကို နှယ်ထားတဲ့ ဟင်းထည့် အသားထည့် ပြီးတာနဲ့ ပေါင်းအိုးထဲ စီထည့်ပြီး ပေါင်းပေးရပါမယ်။ ဟင်းထုပ်ကို ပေါင်းထားတဲ့ အချိန်မှာ ငရုတ်ဆီအတွက် ကြက်သွန်ဖြူကို စလုံးစခုထောင်းပြီး ဆီများများနဲ့ ကြော်ရပါမယ်။ ကြက်သွန်ကျက်ရင် မီးပေါ်ကချပြီး ငရုပ်သီးခွဲခြမ်းကို အဲဒီကြက်သွန်ကြော် ဆီထဲ ထည့်မွှေရပါမယ်။ ဆီနဲ့ ငရုပ်သီး နှံ့သွားရင် စတီးဇလုံအလွတ်ထဲ သွန်ချအအေးခံ လိုက်ရပါမယ်။ ဒီငရုတ်သီးကြော်က ဟင်းထုပ်ထဲ ထည့်စားဖို့ အက္ခရာကျတဲ့ အစာပလာပါ။ ၃ နာရီဝန်းကျင်လောက် ပေါင်းလိုက်ရင် မွှေးကြိုင်နေတဲ့ ရှမ်းဟင်းထုပ်ကို စားလို့ရပါပြီ။ ဟင်းထုပ်နဲ့ အတူကပ်စားဖို့ နံနံပင်ရယ်၊ ဂျူးမြစ်ရယ် အဆင်သင့် ရေဆေးထားရင် အားလုံး အဆင်ပြေပါပြီ။ ဒီနေရာမှာ နည်းနည်းလုပ်စားချင် သမားအတွက် ပေါင်းအိုးမရှိရင်လဲ ရိုးရိုးထမင်းအိုးနဲ့ ပေါင်းလို့ ဖြစ်ပါတယ်။ ထမင်းအိုး အောက်ခြေကို ရေထည့်လို့ဖြစ်အောင် ဇကာခံပေ့ါ၊ ဇကာမရှိလဲ ငှက်ပျောရွက်အရိုးကို အိုးနဲ့အနေတော် တိုင်းဖြတ်ပြီး ခံလို့ဖြစ်ပါတယ်။

ကဲ ညကျရင် သီချင်းလာဆိုမယ့် ချက်စ်ကျောင်းက ရောင်းရင်းတွေ ကြိုက် မကြိုက်တော့ မသိဘူး။ ကျွန်တော်တော့ မစားရတာ ကြာပြီဖြစ်တဲ့ ဟင်းထုပ်ကို များများလေး တွယ်ပစ်လိုက်တယ်။ ဘလောဂ့်မိတ်ဆွေ တွေလည်း ကရိကထ မများတဲ့ ရှမ်းဟင်းထုပ်ကို လုပ်စားကြည့်ပါအုန်းလို့ ...။ သက်သတ်လွတ် စားချင်ရင်တော့ အသားထည့်မပေါင်းလဲ အရသာရှိပါတယ်။ အားလုံးပဲ ပျော်ရွှင်နိုင်ပါစေ။



Thursday, December 17, 2009

ရှမ်းမုန့်တီ ခေါက်ဆေန့်

ရှမ်းမုန့်တီ ခေါက်ဆေန့်

ရန်ကုန်မှာ ရှိနေတုန်းက သူငယ်ချင်းအိမ်တွေ လိုက်လည်ဖို့ တော်တော်ရယ်ပါ အိမ်ပြင်တောင် သိပ်မထွက်ဖြစ်ခဲ့ဘူး။ သူငယ်ချင်းအိမ်တွေတင် မဟုတ်ပါဘူး မြို့ထဲတောင် တစ်လ နှစ်ကြိမ်လောက်ပဲ ဂျာနယ်ဝယ် ထွက်ရင်သာ အပြင်ထွက်ဖြစ်တယ်။ အသိအိမ်တွေ မလည်ဖြစ်ဆို ခင်မင်မှုနဲ့ ကိုယ်ကသွားဖြစ်ရင်တောင် နွေးထွေးမှု မရှိတာကို ခံစားမိလို့ပါ။ နောက်ပြီး ကျွေးမွေးရမှာ စိုးရွံ့နေပုံပေါ်ပြီး သိပ်လည်းပဲ ကြိုဆိုချင်ပုံမရပါဘူး။ ဒါတောင် ကိုယ်က ဘယ်သူ့အိမ်သွားသွား လူကြီးတွေနဲ့ သိသည်ဖြစ်စေ မသိသည်ဖြစ်စေ သစ်သီးတစ်အိတ်တော့ ပါစမြဲပါ။ ခုရွာကို ပြန်ရောက်တော့ အိမ်မှာကပ်တဲ့ရက်ရယ်လို့ မရှိသလောက် အလည်လွန်နေတယ်။ လည်လွန်းဆို ဘယ်အိမ်ရောက်ရောက် ကိုယ့်အိမ်လို ကိုယ့်မိသားစုလို ပျူငှာပြီး မကုန်နိုင်တဲ့ ရှေးဟောင်းနှောင်းတွေ စမြုံပြန် နေမိလို့ပဲ ဖြစ်ပါတယ်။ နောက်ပြီး စားစရိတ်ငြိမ်းတယ်လေ။ ရောက်တာနဲ့ စားမယ် ၀ါးမယ် ကျိတ်မယ် ဆိုတာချည်းပဲ။ မကုန်ရင် အိမ်ပြန်သယ်လို့လည်းဖြစ်တယ်။ ကဲ ဘယ်လောက်အခြေအနေ ကောင်းလဲ စဉ်းစားသာကြည့်ပါ။

တစ်နေ့က စိုင်းနောင့်တို့အိမ် ဖိတ်ထားလို့ ရေအေးကွင်းထဲ ရောက်ခဲ့တယ်။ စိုင်းနောင့်ကြောင့် ရောက်ဖြစ်တာ မဟုတ်ပါဘူး။ စိုင်းနောင့်အစ်မ နန်းလောဝ်ခမ်းက ခေါက်ဆေန့် လုပ်စားလို့ ခေါ်ကျွေးတာ ဖြစ်တယ်။ အဖေကပအိုဝ့် အမေကရှမ်း တွေမို့ ရှမ်းနာမည်တွေနဲ့ ဖြစ်ပေမယ့် မောင်နှမနှစ်ယောက်လုံးက ရှမ်းစကား ပြောတတ်ကြတာ မဟုတ်ပါ။ ကျွန်တော့်ထက် စီနီယာကျတဲ့ လောဝ်ခမ်းက ကွန်ပျူတာနဲ့ ကျောင်းပြီးပေမယ့် မြို့မဈေး တောင်ဘက်တိုက်တန်းမှာ ရွှေဆိုင်ထွက်တယ်။ သူတို့အိမ်က လက်ဖက်ပွဲရုံထောင်ထားတယ်။ လက်ဖက်ကုန်တွေ သယ်ပေးရင်းက အလွန်ရင်းနှီးတဲ့ ပြောမနာ ဆိုမနာ သူငယ်ချင်းတွေ ဖြစ်သွားတာကြာပေါ့။

ခေါက်ဆေန့် ဆိုတာ မုန့်တီဖတ်နဲ့ လုပ်စားတဲ့ ရှမ်းမုန့်တီလို့ပဲ ခေါ်ရမလားပဲ။ သူ့ဟင်းရည်ရဲ့ အနံ့က ပဲပုပ်နံ့ သင်းတယ်။ နံနက်စောစာ အနေနဲ့ စားရတဲ့ ရိုးရာအစားအစာ တစ်မျိုးပါ။ ပဲပုပ်ကြိုက်ရင်တော့ ရှမ်းမုန့်တီဖြစ်တဲ့ ခေါက်ဆေန့်လဲ နှစ်သက်မယ် ထင်ပါတယ်။ ကျွန်တော်တော့ ကြိုက်တယ် အမြဲလဲ စားဖြစ်တယ်။ ပဲပုပ်နံ့သင်းသင်း နဲ့အတူ သံပုရာသီးနံ့နဲ့ နံနံပင်အနံ့နဲ့ပါဆို မဖြစ်မနေ သွားရည်ကို ယိုသွားစေပါတယ်။ သူက ကြက်သားနဲ့ချက်ရင် မလိုက်ဖက်ဘဲ အဆီများတဲ့ ၀က်သားနဲ့ ချက်ပါမှ သူ့ဟင်းရည်က အရသာရှိပြီး ပိုအသက်ဝင်ပါတယ်။ ခေါက်ဆေန့် စားတဲ့အခါ လျှို့ဝှက်ချက် တစ်ခုရှိပါတယ်။ အဲဒါကတော့ ပထမပွဲမှာပဲ စားလို့ကောင်းပြီး လိုက်ပွဲထပ်ယူရင် အရသာ ပေါ့သွားတာမျိုး ဖြစ်တယ်။ ဒါကြောင့် စားရင် ၀မ်းစတုတ်နဲ့ ကုန်နိုင်သလောက် အပြတ်ပြင်ရတယ်။ ဒါကြောင့် ကျွန်တော်တော့ ထမင်းလိုက်ပွဲထည့်တဲ့ ဇလုံကိုရွေးပြီး ခေါင်းမဖော်တမ်း စားလိုက်တာပဲ။ အစားနဲ့ ပတ်သက်လာရင် ရှက်တတ်သူ မဟုတ်တော့ မျက်နှာထူထူနဲ့ပဲ စားဖြစ်ခဲ့တယ်။

ခေါက်ဆေန့် ချက်စားချင်ရင်တော့ လုပ်နည်းကလွယ်ပါတယ်။ ပထမဆုံး အဆီပါတဲ့ ၀က်သားကို သေးသေးတုံးပြီး ခရမ်းချဉ်သီးများများနဲ့ အရသာရှိအောင် ဗမာချက်ချက် ရပါတယ်။ မိသားစု မများရင်တော့ ၀က်သား ၅၀ သားဆို အတော်ပါပဲ။ ၀က်သားဟင်း ဆီလည်ပြီး ကျက်လောက်ပြီဆိုရင် သင့်တော်တဲ့ ဒန်အိုးအကြီးထဲ ပြောင်းထည့်ရပါမယ်။ နောက် ရေကို သင့်တော်သလိုထည့်ပေးရပါမယ်။ ရေဆူလာရင် စလုံးစခု ထောင်းထားတဲ့ ပဲပုပ်ချပ်အကျက်မှုန့်ကို ထည့်ပေးရပါမယ်။ နောက်ပြီး လက်ပံပွင့်ခြောက်ကို ထပ်ထည့်ရပါမယ်။ သိပ်မကြာခင်မှာ အရသာထည့်ပြီးရင် အသင့်စားလို့ရတဲ့ ခေါက်ဆေန့် ဟင်းရည်ကို ရပြီဖြစ်ပါတယ်။ ဗမာမုန့်ဟင်းခါးလိုပဲ ခေါက်ဆေန့်မှာလဲ ဟင်းရည်ရဲ့ အရသာက အခရာကျပါတယ်။ မုန့်တီဖတ် အရွယ်ကတော့ နန်းကြီးသုပ်လုပ်စားတဲ့ အရွယ်ကြီးတဲ့ မုန့်ဖတ်ဆို ပိုအဆင်ပြေပါတယ်။ နောက် စားခါနီးရင် သံပုရာသီးစိတ်ရယ်၊ နံနံပင်ရယ်၊ ငရုတ်သီးမှုန့်ရယ်၊ ငံပြာရည်အချိုရယ် စားပွဲပေါ်တင်ထားလိုက်ရင် ပြီးပြည့်စုံပါပြီ။ ခေါက်ဆေန့်နဲ့ တွဲဖက်ပြီးစားလို့ ကောင်းတာကတော့ ၀က်ဆီဖတ်ကျော်နဲ့ ၀က်အူကျွတ်ကျွတ် ကြော်တို့ပဲ ဖြစ်ပါတယ်။ ဘာပဲ စားဖြစ်စားဖြစ် အွန်လိုင်းပေါ်က ဘလောဂ့်ဘော်ဒါတွေကို ဦးဆုံးအရင် သတိရပါတယ်။ ဒါကြောင့် ချက်စားကြည့်ဖြစ်အောင် အမှတ်တရ ရေးလိုက်ပါတယ်။ အားလုံးပဲ ပျော်ရွှင်နိုင်ပါစေ။



Sunday, December 13, 2009

ကောက်ညှင်းကျည်ထောက်

ကောက်ညှင်းကျည်ထောက်

ကျိုင်းတုံမြို့နဲ့ ရှစ်မိုင်ဝေးတဲ့ ၀မ်ဝိန်းရွာမှာ ဖိုးဖွားတွေပိုင်တဲ့ လယ်နဲ့ ယာခင်းတွေ ကနေ့ထက်ထိ ရှိတယ်။ ဖိုးလေးတို့ ဖွားလေးတို့နဲ့ ရွာကအမျိုးတွေ ကနေ့ထက်တိုင် စပါးတွေ စိုက်ပျိုး လုပ်ကိုင်ဆဲပဲ ဖြစ်တယ်။ ဧက ဘယ်လောက်ကျယ်ကျယ် ရှိပြီး မျိုးစပါး ဘယ်နှတင်းကြဲတယ် ဆိုတာတော့ တစ်ခါမှ မေးကြည့်ဖူးခြင်း မရှိခဲ့ပါဘူး။ အပေါ်ယံအနေနဲ့ လယ်တွေရှိတယ်၊ ငယ်က အလည်ရောက်ဖူးတယ် ဆိုတာလောက် ပါပဲ။ ကိုယ်တိုင် ကိုယ်ကျ စိုက်ပျိုးတတ်ဖို့ ဆိုတာ ဝေးသော အကြောင်းပါ။ အထင်ကြီးအောင် ပြောရမယ်ဆိုရင် လယ်ကန်စင်းရိုးပေါ်တောင် ဖြောင့်မှန်အောင် လမ်းမလျှောက်တတ် ခဲ့ပါဘူး။

စပါးပေါ်ချိန်မှာ ဖိုးလေးတို့က စပါးကိုကြိတ်ခွဲပြီးမှ ဆန်တွေကို နွားလှည်းနဲ့ အိမ်တိုင်ရာရောက် လာပို့ပေးတယ်။ ကျိုင်းတုံအခေါ် ရှမ်းဆန်နဲ့ ကောက်ညှင်းဆန် တွေဖြစ်တယ်။ ဒီလို ဆောင်းဥတု စပါးပေါ်ချိန်ပဲ လာပို့တာ ဖြစ်တယ်။ ဆန်တွေ ကောက်ညှင်းတွေနဲ့ အတူ သပ်သပ်ခတ်ခတ် ခုတ်ထားတဲ့ ၀ါးလုံးစိမ်း ပိုင်းလေးတွေလဲ အများကြီး ပါတယ်။ အဲဒီ ၀ါးလုံးတွေကို ဘာလုပ်ရသလဲ ဆိုတော့ ကောက်ညှင်းကျည်ထောက် ပေါင်းစားတာပါ။ ကောက်ညှင်းကျည်ထောက် လုပ်စားနည်းကတော့ လွယ်ပါတယ်။ ညဘက်မှာ ကောက်ညှင်းကို ရေဆေးပြီး ရေစိမ်ထားရတယ်။ ဒါမှမဟုတ် ၀ါးလုံးထဲ တစ်ခါတည်း ထည့်စိမ်လို့လည်း ရတယ်။ ကောက်ညှင်းဆန်နဲ့ ရေကို ၀ါးလုံးပေါက် မရောက်ခင် လက်လေးလုံးစာလောက် နေရာ ချန်ထားပေးရတယ်။ ဘာကြောင့်လဲ ဆိုတော့ ကောက်ညှင်းကျက်လာရင် ပွတက်ပြီး နေရာယူလာလို့ ကောက်ညှင်းပွစာအတွက် နေရာချန်ထားပေးတဲ့ သဘောပါ။ ဆားကို သင့်ရုံထည့်ပေးရပါတယ်။ ဒါမှ ကောက်ညှင်းကျည်ထောက်ကို ဒီအတိုင်း ကိုက်စားလဲ အရသာရှိစေ ပါတယ်။ ၀ါးလုံးအပေါက်ကို ငှက်ပျောရွက်နဲ့ လိပ်ပြီး ဆို့ထားရပါတယ်။ ဒီလိုနဲ့ တစ်ညလုံး ၀ါလုံးကိုထောင်ထားပြီး ကောက်ညှင်းကို စိမ်ထားရပါတယ်။ ၀ါးကျည်ထောက်ကို မီးမြိုက်ဖို့ အနေတော် မြေကျင်းလေးတူးပေးရတယ်။ ၀ါးလုံးအရှည်ကိုကြည့်ပြီး သင့်တော်တဲ့ အနက်ကို တူးရပါမယ်။ ၀ါးလုံးအရှည်က ၃ ပေဆို ကျင်းကို ၂ ပေခွဲလောက် တူးထားရင် အဆင်ပြေပါတယ်။ (မြို့မှာတော့ အိမ်ရှေ့မြောင်းကို ရှင်းပြီး ဆော်ပစ်လိုက်တာပဲ)

မနက် ၄ နာရီလောက်ဆို တူးထားတဲ့ကျင်းထဲ ထင်းမီးမွှေးပြီး ညက ကောက်ညှင်းစိမ်ထားတဲ့ ၀ါးလုံးတွေကို အစီအရီစီထားပြီး ချက်လို့ရပါပြီ။ အမှန်တော့ ချက်တယ် ဆိုတာထက် ၀ါးကျည်ထောက်ကို မီးမြိုက်လိုက်တာပါ။ မီးအမြိုက်ညီအောင် ၀ါးလုံးကို လှည့်ပေးရပါတယ်။ ဒါမှလည်း ကောက်ညှင်းက အကျက်ညီမှာ ဖြစ်ပါတယ်။ သတိထားဖို့က မီးကင်နေတဲ့ ၀ါးကျည်ထောက်တွေ မီးမလောင်အောင် ဂရုတစိုက်နဲ့ လှည့်လှည့် ပေးရပါတယ်။ ကောက်ညှင်း ကျက်မကျက်ကို ငှက်ပျောရွက်အဖုံး ဟဖွင့်ပြီး လက်နဲ့တို့ စမ်းကြည့်ရတယ်။ အမှန်တော့ သာမန်မျက်စိနဲ့ ကြည့်ရင်တောင် ကျက်မကျက် သိနိုင်ပါတယ်။ ၀ါးကျည်ထောက်ထဲ ရေလဲခမ်းပြီ ၀ါးစိမ်းနံ့နဲ့ ကောက်ညှင်းနံ့ သင်းနေပြီဆိုရင် ကျက်ပါပြီ။ နောက်ဆုံးအဆင့်အနေနဲ့ မီးကင်ပြီး ကျက်နေတဲ့ ၀ါးကျည်ထောက်ကို မီးကင်ထားတဲ့ အပြင်ဘက် မီးလောင်ထားတဲ့ ၀ါးလုံးမျက်နှာစာကို ဓားထက်ထက်နဲ့ စိပ်ထုတ်ပစ်လိုက် ရပါမယ်။ လက်နဲ့ နွှာလို့ရအောင် ပါးလွှာသွားပြီဆိုရင် ၀ါးစွယ်တွေ လက်မစူးမိအောင် အချောသင်ပေးရတယ်။ ဒါလောက်ဆိုရင် အသင့်စားလို့ရတဲ့ ၀ါးစိမ်းနံ့သင်းနေတဲ့ ပူပူနွေးနွေး ကောက်ညှင်းကျည်ထောက် ရပြီဖြစ်ပါတယ်။

ဝါစိမ်းနံ့မွေးနေတဲ့ ကောက်ညှင်းကျည်ထောက်ကို သူ့အတိုင်း စားလည်း အရသာရှိပါတယ်။ ကျွန်တော်တို့ကတော့ (ထိုနောက်)လို့ ခေါ်တဲ့ ပဲပုတ်ချပ်အခြောက်ကို မီးကင်၊ မှုန့်နေအောင်ထောင်း၊ စားနဲ့ ငြုတ်သီးမုန့် နည်းနည်း ထည့်ပြီး ကောက်ညှင်းကျည်ထောက် နဲ့ တို့စားတာကို နှစ်သက်တယ်။ နောက်ပြီး ထို့ဟူးဆီစိမ်နဲ့ စားလဲ လိုက်ဖက်တယ်။ ပိုလို့ကောင်းတာကတော့ မုန်ညှင်းချဉ် (ချဉ်ဖတ်)ကို အနေတော်ဖြစ်အောင် ဓားနဲ့လှီးပြီး နှပ်နှပ်စင်း သုံးထပ်သားနဲ့ ကျော်ထားတဲ့ ၀က်သားမုန်ညှင်းချဉ်ကြော် က အကောင်းဆုံး ဖြစ်ပါတယ်။ (သွားရည်ကျသွားလို့ ဆောရီးဗျာ) ဒီဗမာပြည်ဘက်မှာတော့ ကောက်ညှင်းကျည်ထောက်ကို သကြားနဲ့ပဲ တို့စားကြတာ တွေ့မိတယ်။ သူ့အရပ်နဲ့ သူ့အထာ ဖြစ်မှာပါ။ နောက်ပြီး ၀ါးနံ့သင်းနေတာမျိုးလည်း မရှိဘူး။ ကောက်ညှင်းထက် ဆန်ကြမ်းရောတာ များတော့ မုန့်အသားက မာတောက်တောက် ဖြစ်နေတတ်တယ်။ စားရတာ အာမစွဲလှပါဘူး။

ဆောင်းမနက် ချမ်းချမ်းမှာ မိသားစု ညီအစ်ကို မောင်နှမတွေ စုံစုံလင်လင် ၀ိုင်းဖွဲ့ပြီး ကောက်ညှင်းကျည်ထောက် ကင်ရင်းနဲ့ မီးလည်း လှုံနိုင်တယ်။ နံနက်စောစာကိုလည်း ပျော်ပျော်ရွှင်ရွှင်နဲ့ အရသာရှိရှိ စားနိုင်တယ်။ ပျော်စရာကောင်းတဲ့ ရှမ်းပြည်က ဓလေ့လေးတစ်ခုပါ။ အခွင့်အခါသင့်ရင် ဘလောဂ့်ပေါ်က ရောင်းရင်းတွေကိုပါ ကောက်ညှင်းကျည်ထောက် လုပ်ကျွေးပါအုန်းမယ်။ ခုတော့ ဒီမျှပါပဲ။





Thursday, December 10, 2009

ကယောက်ကယက် ဒီဇင်ဘာနေ့မနက်

ကယောက်ကယက် ဒီဇင်ဘာနေ့မနက်

ညကတည်းက ပြင်ဆင်ထားတဲ့ ငှက်ခါးရောင်ထွက်ဆွတ်ကို ၀တ်တယ်။ Walking shoe လဲပြီး NY တံဆိပ်ပါတဲ့ သိုးမွှေးခေါင်းဆောင်းကို စွပ်တယ်။ သက္ကလပ်မာဖလာ ကိုပတ်ပြီး ကိုယ့်ကိုယ်ကိုယ် မှန်ထဲပြန်ကြည့်တော့ အားကစားလုပ်မယ့်သူက လည်စည်းနဲ့ဆိုတော့ ကြည့်ကောင်းမယ် မထင်တာနဲ့ ပြန်ချွတ်တယ်။ လိုရမယ်ရ သိုးမွှေးလက်အိတ်ကိုတော့ ယူလိုက်တယ်။ ပြည့်စုံပြီ ထင်ပေမယ့် မသိစိတ်ထဲမှာ တစ်ခုခုလိုနေသလိုမျိုး မတင်မကျ ခံစားရမိတယ်။ ဒါနဲ့ အိမ်သားတွေ မနိုးခင် အေးစက်နေတဲ့ သံပန်း ခြံဝင်းတံခါးကို အသာအယာပိတ်ပြီး လမ်းလျှောက်ဖို့ ထွက်လာခဲ့တယ်။

ကိုယ်ထူကိုယ်ထ ကွန်ကရစ်လမ်းလေး နဲနဲ လျှောက်လိုက်တာနဲ့ မင်းလမ်းမပေါ် ရောက်တယ်။ မင်းလမ်းကနေ မြို့မဈေးဘက် မျက်နှာမူလိုက်တာနဲ့ နိုင်လွန်ကတ္တရာ အတတ်လမ်းတွေက ဆီးကြိုနေတယ်။ ဒီအတတ်လမ်းက အေးသာယာမြို့သစ် အတက်ကနေစလိုက်တာ တောင်ကြီးတက္ကသိုလ် အ၀င်ဝ ကျော်သည်အထိ အတက်လမ်းတွေပဲ ဖြစ်တယ်။ တောင်ကြီးသား စစ်စစ် မဟုတ်ပေမယ့် ကျွန်တော်ရဲ့ သက်တမ်းတစ်ဝက်နီးပါးက ဒီတောင်ကြီးမှာပဲ နေထိုင် ကြီးပြင်းလာတာကြောင့် ကိုယ့်မြို့ ကိုယ့်ဌာန ကိုယ့်မွေးရပ်မြေနဲ့မခြား သံယောဇဉ် ဖြစ်မိတယ်။ မျှတတဲ့ ရာသီဥတုနဲ့ သန့်ရှင်းသပ်ရပ်တဲ့ မြို့ဖွဲ့စည်းမှုကြောင့် ဘယ်နေရာရောက်ရောက် တောင်ကြီးမြို့လောက် စိတ်ကြိုက်မဖြစ် မပျော်ပိုက်မိတာ အမှန်ပါ။

လတ်ဆတ်တဲ့ ဆောင်းလေ အေးမြမြကို ရှုရှိုက်ရင်း ခေါင်းစွပ်ကို နားလုံအောင် ဆွဲချလိုက်တယ်။ ချိန်းထားတဲ့ ရွှေအင်းလေး တည်းခိုခန်းရှေ့ ရောက်တော့ စိုင်းနောင့်ကို မတွေ့သေးတာနဲ့ ၅ မိနစ်လောက် သွေးပူလုပ်ရင်း စောင့်နေလိုက်တယ်။ သူထွက်လာမယ့် လမ်းကြားထဲ လှုပ်ရှားမှု မတွေ့တာနဲ့ တစ်ယောက်ထဲပဲ လမ်းလျှောက်ထွက်ခဲ့တယ်။ လမ်းနဲနဲပြေရင် ပြေးတယ်။ ကုန်းမှောက်ရင် လမ်းလျှောက်တယ်။ တစ်ခါတလေ ဓာတ်တိုင် ၂ တိုင်စာပြေးပြီး ဓာတ်တိုင် ၁ တိုင်စာ လမ်းလျှောက်တယ်။ အားကစား မလုပ်ဖြစ်တာ ကြာပြီဖြစ်လို့ ခြေသလုံးကြွက်သား တွေက တင်းနေတာကြောင့် သိပ်လည်း မပြေးနိုင်ပါဘူး ဒါပေမယ့် ဂေါက်ကွင်းအ၀င်ဝထိ ရောက်အောင်တော့ လမ်းလျှောက်ဖြစ်မယ်လို့ အားခဲပြီး လမ်းဆက်လျှောက် ဖြစ်တယ်။ မင်းလမ်းတစ်လျှောက်မှာ သူလို ကိုယ်လို အားကစား လိုက်စားတဲ့သူတွေ အရွယ်စုံ အများကြီးတွေ့ရတယ်။ ရှမ်းစာပေနဲ့ ယဉ်ကျေးမှု အဆောက်အဦရှေ့ လမ်းအချိုးနေရာမှာ အနည်းငယ် မှောင်နေတာကလွဲရင် နီယွန်မီးလုံးတွေနဲ့ တစ်လမ်းလုံး လင်းထိန် နေပါတယ်။ စက်မှုလက်မှု ကျောင်းရှေ့ရောက်တော့ မြူတွေအုပ်ဆိုင်းပြီး ပိန်းပိတ်အောင် ကျလာတာကြောင့် ဒီဇင်ဘာရဲ့ ဆောင်းအလှကို ပိုအသက်ဝင်စေတယ်။ ဂေါက်ကွင်းဂိတ်ပေါက်ထိ ရောက်ခဲ့ပါတယ်။ ခြေသလုံးနဲ့ ပေါင်ကကြွက်သားတွေ တင်းပြီး အတော်လေး နာနေတာကြောင့် အပြန်လမ်းမှာ မပြေးနိုင်တော့ဘဲ မှန်မှန်လေးပဲ လမ်းလျှောက်ပြန်ခဲ့တယ်။

အိမ်မပြန်ခင် ညဈေးထဲဝင်ပြီး Breakfast အနေနဲ့ ထို့ဟူးနွေးဝင်စားတယ်။ စောလွန်းသေးတော့ စားဖို့ အဆင်သင့် မဖြစ်သေးပါဘူး။ ထိုင်လက်စနဲ့ တစ်ခါတည်း စားသွားမှာဖြစ်လို့ အခါးရည်သောက်ရင်း စောင့်နေလိုက်တယ်။ ထို့ဟူးနွေး ၂ ပွဲ၊ ထို့ဟူးကျော် ၁ ပွဲနဲ့ ၀က်ခေါက် ၂ ထုပ် စားလိုက်တယ်။ သူ့ခေါက်ဆွဲနဲ့ သူအကြော် လိုက်ဖက်ညီတာကြောင့် အာသာမပြေ သေးပေမယ့် လျော့ပေါ့ပေါ့ပဲ စားလိုက်တယ်။ စားပြီးလို့ ငွေချေမယ်လုပ်တော့မှ ဒိန်းကနဲဆို ကျွန်တော် ခေါင်းနပန်းကြီးသွားတယ်။ ခြေဖ၀ါး လက်ဖ၀ါးတွေမှာ ချွေးစေးတွေ ပြန်လာတယ်။ ပြေးနေတုန်းက ချွေးမထွက်ပေမယ့် ခုမှ ချွေးတွေ တစို့စို့ ထွက်လာတယ်။ ကျောနဲ့ ရင်ဘတ်မှာ ချွေးတွေ စီးကျလို့တောင် နေတယ်။ အိမ်ကထွက်လာ ကတည်းက တစ်ခုခု လိုနေတယ်လို့ မသိစိတ်က နိုးဆော်နေပေမယ့် သိစိတ်က အမှတ်မရတာနဲ့ အရေးကြီးတဲ့ ပိုက်ဆံအိတ် ပါမလာမှန်း ခုမှ အသိဝင်လာတယ်။ ပိုက်ဆံအိတ်ပါမလာဘူးလို့ ပြောရင်လည်း ဆိုင်ရှင်က ယုံမှာ မဟုတ်သလို မနက် ဈေးဦးပေါက် အကြွေးနဲ့တော့ လူကို ဒီအတိုင်း ပြန်လွှတ်လိုက်မယ် မထင်ပါဘူး။ ကိုယ့်ပေ့ါလျော့မှုနဲ့ ကိုယ်မို့ ခြေမကိုင်မိ လက်မကိုင်မိ ဖြစ်ခဲ့ရတယ်။ ပလက်ဖောင်းပေါ် ဖြတ်သွားဖြတ်လာနဲ့ ဈေးဝယ်သူတွေထဲမှာ အသိတစ်ယောက်ယောက်များ ပါလေမလားဆိုပြီး မျက်လုံးကျွတ်မတတ် ရှာနေပေမယ့် ဆိုင်ရှင် အစ်မကြီး မရိပ်မိအောင်တော့ ဟန်ကိုယ့်ဖို့မို့ အခါးရည်ကိုပဲ တစ်ခွက်ပြီးတစ်ခွက် ငှဲ့သောက်နေမိတယ်။

မိနစ် ၂၀ လောက်ကြာမှ သောကဗျာပါဒတွေ နုတ်ယူပေးမယ့် ကျေးဇူးရှင် စိုင်းနောင့် ရောက်လာတယ်။ ရောက်တာနဲ့ ကိုယ်က ဦးအောင် ဆီးဟောက် လိုက်တယ်။ မင်းချိန်းထားတဲ့ နေရာကို နာရီဝတ် (အမှန်တော့ ၅ မိနစ်ပါ) ကြာအောင် စောင့်နေပေမယ့် မင်းမလာလို့ ဒီဝိုင်းကို မင်းပဲ ရှင်းလိုက်လို့ ပြောကာရှိသေး သူ့အပြစ်ကို သူဝန်ခံသွားတယ်။ ညက ချက်တင် (ခြင်၏ဦးလေး) ကိုက်လို့ မနက်မထနိုင်တဲ့ အကြောင်း ပြုံးဖားဖားနဲ့ လုပ်နေလို့ မနည်း ခွင့်လွှတ်လိုက်ရတယ်။ ငွေရှင်းမယ့်သူ ရောက်လာမှပဲ လူက နေသာထိုင်သာ ပုံမှန်ဖြစ်သွားတော့တယ်။

ဒီနေ့ ဒီဇင်ဘာ ဆောင်းမနက်ရဲ့ ရာသီအခြေအနေဟာ အေးစက်စက်ဖြစ်လိုက် ချွေးပြိုက်ပြိုက် ကျလိုက်နဲ့ လူကိုတကယ်ပဲ ကယောက်ကယက် ဖြစ်စေတာ အမှန်ပါပဲ။ သွားသတိ စားသတိနဲ့ မမေ့မလျော့ မဖြစ်စေဖို့ အားလုံးကို အသိပေးချင်ပါတယ်။ အားလုံးပဲ လှပပျော်ရွှင်တဲ့ ဒီဇင်ဘာနေ့လေးတွေ ပိုင်ဆိုင်နိုင်ပါစေလို့ ဆန္ဒပြုလိုက်ပါတယ်။



Sunday, December 6, 2009

အချိန်တွေ နှမြောတတ်ပါစေ

အချိန်တွေ နှမြောတတ်ပါစေ

ကျွန်တော်တို့ရဲ့ ရခဲလှတဲ့ လူ့ဘ၀ဆိုတာ အလွန်ပဲ တိုတောင်းလွန်းတဲ့ အချိန်ကာလလေး ဖြစ်ပါတယ်။ ဒီတိုတောင်းလှတဲ့၊ ရခဲလှတဲ့၊ တန်ဖိုးရှိလှတဲ့ အချိန်လေးမှာ တစ်ယောက်နဲ့ တစ်ယောက် ချစ်ချစ်ခင်ခင် ကြင်ကြင်နာနာ နေတတ်ဖို့ နဲ့ တစ်ယောက်အပေါ် တစ်ယောက် အပြစ်မမြင်တတ်ဖို့ အလွန်မှ အရေးကြီးပါတယ်။ နောက်ပြီး တစ်ယောက်အပေါ် တစ်ယောက် စိတ်ကောင်း စေတနာကောင်း ထားတတ်ဖို့လည်း အထူး လိုအပ်ပါတယ်။ စိတ်စေတနာကောင်း ရှိဖို့ အဓိကကျတာကို ဒီလို လေ့လာထားဖူး ပါတယ်။

(၁) စိတ်ကောင်းရှိဖို့က (ပထမ)
(၂) ၀ိနည်းလေးစားတတ်ဖို့က (ဒုတိယ)
(၃) ကျန်းမာဖို့က (တတိယ)
(၄) သန့်ရှင်းဖို့က (စတုတ္ထ)
(၅) အ၀တ်အစား ၀တ်တတ်ဖို့က (ပဉ္စမ)
(၆) အနေအထိုင်တတ်ဖို့က (ဆဋ္ဌမ)
(၇) အသွားအလာတတ်ဖို့က (သတ္တမ)
(၈) အပြောအဆိုတတ်ဖို့က (အဋ္ဌမ)
(၉) စည်းကမ်းလိုက်နာဖို့က (န၀မ)
(၁၀) စာတတ်ဖို့က (ဒသမ) ဆိုတာ ဖြစ်ပါတယ်။

လူတိုင်းကိုယ်စီ စိတ်ကောင်းရှိနေဖို့ ပဓာနကျတယ်ဆိုတာ ဘယ်အခါမှ သံသယ မဖြစ်မိပါဘူး။ လူတစ်ယောက်ဟာ စိတ်ကောင်း နှလုံးကောင်း ရှိနေမယ်ဆိုရင် ကျန်တဲ့အရာတွေမှာ အလိုက်သင့် ပြည့်စုံလာမှာ ဖြစ်ပါတယ်။ စိတ်ကောင်းရှိသူ တစ်ယောက်ဟာ ကိုယ်ကျင့်တရားပါ ကောင်းမွန်နေမယ်ဆိုရင် ကျန်လိုအပ်ချက် တွေကို ကြိုးစားဖြည့်ဆည်း လိုက်ရုံနဲ့ လူတော်တစ်ယောက် ဖြစ်လာမှာ ဧကန်အမှန်ဖြစ်ပါမယ်။

အမြဲပဲ မိမိစိတ်ဟာ ကောင်းတဲ့စိတ်လား၊ မကောင်းတဲ့စိတ်လား ဆိုတာကို မကြာမကြာ ပြန်လည်ဆန်းစစ် ကြည့်ဖို့လိုပါတယ်။ တကယ်လို့ လမ်းလွဲရောက်နေတဲ့ အတွေးအခေါ်၊ အယူအဆ၊ အသိတွေဖြစ်နေခဲ့ရင် ဆင်ခြင်တုံဥာဏ်နဲ့ လမ်းကြောင်းမှန်ပေါ် ပြန်တည့်မတ်ရင်းနဲ့ စိတ်ကောင်းသူ တစ်ယောက်ဖြစ်အောင် ကိုယ့်ကိုယ်ကိုယ် ပြုပြင်ယူနိုင်ရပါမယ်။ မိမိရဲ့ စိတ်နှလုံး ဖြူစင်နေမယ်၊ ငြိမ်းချမ်းနေမယ် ဆိုရင် သူတစ်ပါးကို ကြည့်တဲ့အခါ အပြစ်တွေကို မြင်မိမှာ မဟုတ်ပါဘူး။ မိမိရဲ့စိတ်က ညစ်နွမ်းနေမယ်၊ မကြည်မလင်ဖြစ်နေမယ် ဆိုရင် ဘယ်အရာကို ကြည့်ကြည့် အပြစ်တွေပဲ မြင်နေမိမှာ သဘာဝပါ။ ဒါကြောင့် မိမိရဲ့စိတ်အစဉ်ကို သန့်ရှင်းကြည်လင် နေစေဖို့ အမြဲမွေးမြူပါလို့ ပြောချင်ပါတယ်။ ဒီလိုဆိုရင် လောကကြီးဟာ အကြည်းတန် မနေတော့ဘဲ သာယာလှပပြီး ပျော်ရွှင်စရာအတိနဲ့ အပြစ်ကင်းစင်နေတဲ့ မိမိပတ်ဝန်းကျင်ကို ထာဝရ မြင်တွေ့နိုင်မှာ ဖြစ်ပါတယ်။

တခဏတာ ရရှိထားတဲ့ ဘ၀သေးသေးလေး အချိန်တွေကို တစ်ယောက်အပေါ်တစ်ယောက် ရန်စောင် ငြူစူ စောင်းမြောင်း ကောက်ကျစ် ၀န်တိုမှုတွေ နဲ့အဓိပ္ပာယ်မဲ့ မကုန်ဆုံးကြပါစေနဲ့လို့ ဆန္ဒပြုလိုက်ပါတယ်။



Wednesday, December 2, 2009

မနာလို ၀န်တိုမှု ကင်းပါစေ

မနာလို ၀န်တိုမှု ကင်းပါစေ

ပုထုဇဉ် လူသားတွေရဲ့ သဘော သဘာဝဟာ သူတကာတွေထက် တော်ချင်တယ်၊ တတ်ချင်တယ်၊ ထင်ပေါ်ချင်တယ်၊ ကျော်စောချင်တယ်၊ အချီးမွမ်းခံ ချင်တယ်၊ အရေးပါ အရာရောက်သူ ဖြစ်ချင်တယ်၊ ဘယ်နေရာပဲ ဖြစ်ဖြစ် မိမိသည်သာ နံပါတ်တစ် ဖြစ်ချင်တယ်။ လောဘစိတ် မွှန်တယ်လို့ ဆိုနိုင်ပါတယ်။ တစ်ဦးတစ်ယောက်ကြောင့် မိမိက နံပါတ်တစ် ဖြစ်မလာခဲ့ရင်၊ အရေးမပါ အရာမရောက်ဘဲ မှေးမှိန်သွားခဲ့ရင်၊ အပြစ်တင် ဝေဖန်ပုတ်ခတ် ခံရင် ထိုထိုသော တစ်ဦးတစ်ယောက် အပေါ် မကျေမနပ် ဖြစ်လာတတ်ပါတယ်။ မိမိရဲ့ လိုအင်ဆန္ဒကို မဖြည့်ဆည်းဘဲ ငြင်းပယ်ခံရတဲ့ အခါ အငြိုးအတေး ကြီးစွာနဲ့ လက်တုန့်ပြန်ဖို့ အခွင့်ကောင်း အချိန်အခါကောင်းကို စောင့်နေတတ်ပါတယ်။

ဖြစ်တည်လာတဲ့ မကျေနပ်စိတ်ကို အရင်းခံပြီး မနာလိုစိတ် ၀န်တိုစိတ်တွေ တိုးလာတယ်။ အဆိုးမြင်လာတယ်၊ အပြစ်တင်ချင်လာတယ်၊ မကောင်းပြောလာမယ်၊ ချောက်တွန်းတာ အဆုံး ပြုမူလာတတ်တယ်။ သူတစ်ဦးတစ်ယောက်ကို မကောင်းကြံတဲ့ စိတ်မွေးပြီး သူ့အကျိုး ပျက်စီးအောင် နည်းမျိုးစုံနဲ့ ကြံဆောင်လာ တတ်တဲ့ အမှောင်ထဲက ရန်သူတွေမို့ ကြောက်ရွံ့ တုန်လှုပ်စရာ ကောင်းလှပါတယ်။

ကျွန်တော်တို့ ခင်တွယ်နေတဲ့ ဘလောဂ့်ရပ်ဝန်းမှာ ဘလောဂ်ဂင်း နေကြတဲ့ ဦးရေပမာဏဟာ မပြောကောင်း မဆိုကောင်း လက်ချိုး ရေတွက်နိုင်အောင်ပဲ နည်းပါးလှတဲ့ အစုအဖွဲ့လေးပါ။ ဒီဘလောဂ်ရပ်ဝန်း ငယ်လေးကို ခိုင်မြဲအောင် တိုးပွားအောင် အချင်းချင်း ချစ်ကြည်ရင်းနှီးမှု ရှိအောင် အပြုသဘောနဲ့ တစ်ဖက်တစ်လမ်း ကနေ ကြိုးစား ကြံဆောင်နေကြတဲ့ ပုဂ္ဂိုလ်များလည်း ရှိပါတယ်။ ၀မ်းသာ ဂုဏ်ယူစရာပါ။ ဒါပေမယ့်လဲ တစ်ဦးတစ်ယောက်ရဲ့ ပယောဂကြောင့် ဘလောဂ်လောကကနေ ပျောက်ကွယ်သွားရတဲ့ သူငယ်ချင်းတွေလဲ ရှိပါတယ်။ လတ်တလောဆို မေ၊ ရုံလေးနဲ့ ဂျပန်မလေး တို့ဖြစ်ပါတယ်။ နှမြောတသ ဖြစ်မိတာတော့ အမှန်ပါ။ အပေါ်က ပြောခဲ့သလို မိမိရဲ့ မကျေနပ်စိတ် တစ်ခုတည်းနဲ့ ပျော်ရွှင်နေတဲ့ တစ်ပါးသူရဲ့ဘ၀ကို ညစ်နွမ်းအောင် စိတ်ဆင်းရဲ ကိုယ်ဆင်းရဲ ဖြစ်လောက်အောင် မလုပ်သင့်ဘူးလို့ ထင်မြင်မိပါတယ်။ ကိုယ့်ဘလောဂ်ကို အဝေဖန်ခံနိုင်တဲ့ စွမ်းအားရှိကြပေမယ့် ပုဂ္ဂိုလ်ရေးအရ တိုက်ခိုက်လာရင်ဖြင့် အရှက်ကြီးတဲ့ မိန်းမသားတွေမို့ မမြင်နိုင်တဲ့ အွန်လိုင်း မျက်နှာစာပေါ်မှာတောင် ဆက်လှုပ်ရှားဝံ့မှာ မဟုတ်ဘူးလို့ ယူဆရပါတယ်။

မိမိကြံစည်ခဲ့သလို အောင်မြင်ပြီး မိမိ မနာလိုဝန်တိုတဲ့သူတွေ ထိခိုက်ပျက်စီးသွားပေမယ့် ကဖျက်ကယက် လုပ်သူတွေအတွက် ဘာအကျိုးအမြတ်မှ မရနိုင်ပါဘူး။ အကျိုးအမြတ် မရနိုင်သလို သူကိုယ်တိုင်လဲ စိတ်ပန်းကိုယ်နွမ်း ဖြစ်ရတာပဲ အဖတ်တင်ကျန်ခဲ့မှာပါ။ တစ်ပါးသူ ထိခိုက် ပျက်စီးသွားမှုမှာ သူလဲပဲကြာရှည် ၀မ်းသာနိုင်မယ် မထင်ပါဘူး။ ဒါကြောင့် နှစ်ဦးနှစ်ဖက် အကျိုးမရှိတဲ့ မနာလိုခြင်းအမှုကို သတိနဲ့ဆင်ခြင် ရှောင်ကျဉ်နိုင်ကြ ပါစေလို့ ဆန္ဒပြုလိုက်ပါတယ်။