ကောင်းကျိုးကိုယ်၌တည်ပါစေ (သို့မဟုတ်) လူ့တန်ဖိုး
မြန်မာအဘိဓာန်တွင် တန်ဖိုးဟူသော ဝေါဟာရကို ပစ္စည်းတစ်ခုခုကို ရောင်းဝယ်ရန် သတ်မှတ်ထားသော ငွေ ၊ ကျသင့်သော အခ ဟုလည်းကောင်း ၊ ကျေးဇူးဂုဏ် ၊ အဖိုးတန်မှုဟု လည်းကောင်း အဓိပ္ပာယ် ဖွင့်ဆိုထားသည်။ " မီးတိုင်ငယ်လည်း သူ့အရွယ်နှင့်အစွယ်နှင့် ၊ စံပယ်ဦးလည်း သူ့ဂုဏ်ထူးနှင့် ငုံဖူးနှင့် " ဆိုသလို မီးတိုင်ငယ်၏ တန်ဖိုးသည် အလင်းရောင် ၊ စံပယ်ဖူး၏ တန်ဖိုးသည် သင်းပျံ့သောရနံ့ ဖြစ်ကြောင်း ပေါ်လွင်၏။ ပတ်ဝန်းကျင်ရှိ အရာဝတ္ထု ၊ ဒြပ်ရှိ ၊ ဒြပ်မဲ့များ၏ တန်ဖိုးကို တိတိကျကျ သတ်မှတ်၍ ရနိုင်သော်လည်း လူ့တန်ဖိုးကိုမူ အတိအကျ သတ်မှတ်ရန် မလွယ်ကူပေ။ လူအများက တန်ဖိုးရှိသူ ၊ တန်ဖိုးမဲ့သူ ဟူ၍ သတ်မှတ်သုံးနှုန်း နေသည့်တိုင် မည်သည့်အရာဖြင့် တိုင်းတာခြင်း ကိုမူ ဂဃနဏ မသိကြချေ။ မိမိတို့၏ လုပ်ရပ်တစ်ခုကြောင့် တန်ဖိုးရှိသူတစ်ဦး ဖြတ်တတ်သလို တန်ဖိုးမဲ့သူ အဖြစ်သို့လည်း ကျရောက်သွားတတ်သည်။ လူ့ဘ၀တစ်ခုကို ရရှိချိန်တွင် ဘ၀ အနှစ်သာရ ပြည့်ဝစေရေး အတွက်ဆိုလျှင် လူ့တန်ဖိုး ကို နားလည်ပြီး နားလည်ထားသည့် အတိုင်း ကျင့်ကြံအားထုတ် ဆောင်ရွက်ရေးမှာ လူသားအားလုံး အတွက် အခြေခံ လိုအပ်ချက်ပင် ဖြစ်ပေသည်။
