လေမဖြတ်အောင် အစားရှောင်

 

လေမဖြတ်အောင် အစားရှောင် 

 

ကျန်းမာရေးကို လိုက်စားသူ၊ လေ့ကျင့်ခန်း မှန်မှန်လုပ်သူ၊ ညအိပ်ရာ ၀င်ချိန်တွင် စောစော အိပ်လေ့ရှိပြီး နံနက်စောစော အိပ်ရာထကာ ၂ မိုင်ခန့်ရှိသော ကန်ကြီးတစ်ပတ် လမ်းလျှောက်လေ့ ရှိသူ၊ ဥပဓိရုပ် ကြည်လင်ပြီး အသက်အရွယ်နှင့် မမျှ ဖျတ်လတ်သူ တစ်ဦး ရုတ်တရက် လေဖြတ် သွားသည်ဟု ကြားသိရသော အခါ အံ့သြတုန်လှုပ် သွားသည်။

ထိုသူမှာ စာရေးသူ၏ ဦးလေးအရင်း ဖြစ်ပြီး ဇာတိမြို့ ဥက္ကံ ဟုခေါ်သော သာယာလှပသည့် မြို့ငယ်လေး တွင်နေထိုင်သူ ဖြစ်သည်။ ထိုမြို့သည် ရန်ကုန်-ပြည် လမ်းနံဘေး တွင်ရှိပြီး စိမ်းလန်းစိုပြည် ၍ ရာသီဥတု မျှတသော မြို့ကလေးဖြစ်၍ ကျန်းမာရေး အတွက် နေထိုင်ရန် သင့်တော်သော မြို့ကလေး ဖြစ်သည်။

ဥက္ကံမြို့ အလယ်တွင် ၂ ဖာလုံပတ်လည် ခန့်ရှိသော ရေကန်ကြီး ရှိသည်မှာ မြို့၏ ထူးခြားချက် ဖြစ်သည်။ နံနက်စောစောနှင့် ညနေစောင်းချိန် တို့တွင် ကြာဖြူ ၊ ကြာနီ တို့ပွင့်နေသော ကန်ပေါင် တစ်လျှောက်တွင် လမ်းလျှောက်သူ၊ ရေခပ်သူ ပျိုဖြူများဖြင့် စည်ကားလျက် ရှိသည့် မြို့ကျက်သရေဆောင် ရေကန်ကြီး ဖြစ်သည်။

လမ်းလျှောက်ခြင်း သည် ကျန်းမာရေး အတွက် ဆေးတစ်ပါး ဖြစ်သည်။ နှလုံး၊ သွေးတိုး၊ ဆီးချို၊ သွေးချို ရောဂါအားလုံးကို ကာကွယ်တားဆီး သက်သာစေ နိုင်သည်။ နေ့စဉ် ၂ မိုင်ခန့် လမ်းလျှောက် ပေးလျှင် လေဖြတ်ခြင်းမှ ကာကွယ်နိုင်သည် ဟု အနောက်တိုင်း ဆေးပညာရှင် များက ဆိုကြသည်။

ကျွန်တော်တို့ မှတ်မိသည့် အရွယ်မှစ၍ ဦးလေးသည် နံနက်စောစော အိပ်ရာမှထပြီး ကန်ကြီးပတ်၍ လမ်းလျှောက်သည်။   ထွက်ပြူလာသော နေမင်းကြီးကို မျက်နှာမူ၍ အသက်ပြင်းပြင်း ရှူထုတ်သော လေ့ကျင့်ခန်းကို လုပ်လေ့ရှိသည်။ ရှူသွင်း၊ ရှူထုတ် လေ့ကျင့်ခန်း များကြောင့် အဆုတ်အား ကောင်းသည်။ အဆုတ်မှ သန့်ရှင်းသော သွေးကိုပို့ပေး သဖြင့် နှလုံးအားကောင်း သည်ဟု ဦးလေးက ရှင်းပြသည်။ သူပြောသည့် အတိုင်း ဦးလေးမှာ မြင်ရသူတိုင်း အားကျရသည့်   ကျန်းမာ လန်းဆန်း တက်ကြွသူ ဖြစ်သည်။

အသက် ၆၄ နှစ်ဆိုသော အရွယ်သည် နေမည်ဆိုလျှင် နောက်ထပ် ၁၀ နှစ်ကျော် နေနိုင်သေးသော အရွယ်ဖြစ်သည်။ အသက်ကြီး သည်ဆိုရုံမျှနှင့် အိုမင်းသော အရွယ် မဟုတ်သေးပါ။ ဤအရွယ်တွင် ဦးလေး ဘာကြောင့် ဆုံးပါးခဲ့ရပါ သလဲ။ ဆန်းစစ်ကြည့် မိသည်။ လေဖြတ်မည့် နေ့က . . .

(၁) ဦးလေးသည် မိမိကိုယ်မိမိ ကျန်းမာရေး ကောင်းသည်ဟု ယူဆပြီး နံနက်အေးသည့် အချိန် လမ်းလျှောက် ပြန်လာပြီး ရေချိုးသဖြင့် အအေးမိ ထားပုံရသည်။ (၂) နံနက်စာ စားသောအခါ ကြက်ဟင်းခါးသီး ချက်ပါသည်။ ငါးခြောက် ထောင်းကြော် ပါသည်။ အထက်ပါ  နှစ်ချက်တွင် ကြည့်လျှင်  နံနက်ပိုင်း အအေးမိထား သောအခါ သွေးကြောများ အအေးပတ် ကျုံသဖြင့် သွေးပေါင်ချိန် တက်လာနိုင်သည်။

တစ်ဖန် နံနက်စာ ကြက်ဟင်းခါးသီး ချက် (လေပွ၊ သွေးတက်စာ)၊ ငါးခြောက် ထောင်းကြော် (ငန်၍ သွေးတိုးစေသော အစာ) တို့ကြောင့် သွေးအနည်းငယ် တိုးနေမည်။ သို့သော် သူခံနိုင်ရည် ရှိနေသေးသည်။ (၃) ညနေစာ စားသောအခါ နံနက်က ကြက်ဟင်းခါးသီး ဟင်းကျန်ကို ထပ်စားမိသည်။ ပိုဆိုးသည်မှာ ညနေ စာဟင်းမှာ ၀က်သားဟင်း ဖြစ်သည်။ ဦးလေးက ၀က်သား သိပ်မကြိုက်ပါ။ ကြုံလျှင်တော့ စားသည်။ ထိုနေ့က ညနေစာ စားပြီးနောက် တီဗွီ ထိုင်ကြည့်နေသည်။ သတင်းလာချိန် ည ၈ နာရီကျော် မှ အိပ်ရာဝင်ရန် ထိုင်ရာမှ အထတွင် မူးပြီး ရုတ်တရက် လဲကျသွားသည် ဟုဆိုသည်။ ပါးစပ်မှ စကားသံ မပီမသ နှင့် ပြောပြီးနောက် သတိလစ် သွားသည်။ ညတွင်းချင်း ပင် ဥက္ကံမြို့လေးမှ မိုင် ၆၀ ခန့်ဝေးသော ရန်ကုန် ဆေးရုံကြီးသို့ ပို့ကြသည်။ ဦးနှောက်နှင့် အာရုံကြော ကုသဌာနတွင် ကုသပြီး နောက်တစ်နေ့ တွင်ဆုံးပါး သွားသည်။ ဦးခေါင်းဓာတ်မှန် အဖြေမှာ သွေးတိုးပြီး ဦးနှောက် သွေးကြောပေါက် သွားပြီး ဦးနှောက်အတွင်း သွေးယိုစိမ့်ရာမှ သေဆုံးသွားခြင်း ဖြစ်သည်။

တိုင်းရင်းဆေး ပညာတွင် အခါးဟူသမျှ လေဓာတ်ကြွ သည်ဟု ဆိုသည်။ ခါးသော အစားအစာ များတွင် ခွေးတောက်ရွက်၊ တမာရွက်၊ ကြက်ဟင်းခါးသီး၊ လက်ဖက်စို တို့သည် အစားအများဆုံး ဖြစ်သည်။ လေဓာတ်ကြွလျှင် လေတွန်းကန် အားကြောင့် သွေးဖိအား တိုးပြီး သွေးပေါင် တက်လာသည်။ အစာမကြေ မချင်းသွေးပေါင်ချိန် ဖိအားများ နေမည်ဖြစ်သည်။ တော်ရုံသွေးကျဆေး နှင့်မကျပါ။ ပြဒါးတစ်လမ်း သံတစ်လမ်း ဖြစ်သည်။ အချို့မှာ ကိုယ်စားချင်တာ စားမယ် ပြီးမှ သွေးတိုးကျ ဆေးသောက်မယ် ဟု ပြောကြသည်။ မရပါ။ ပြင်းထန်သော လေတွန်းအား ကြောင့် လေဓာတ်ကြွလျှင် သွေးကျဆေးက မကယ်နိုင်ပါ။

ဝက်သားမှာ အဆီအအိမ့် ဖြစ်သဖြင့် အစာကြေချိန် ကိုနှေးကွေး စေသည်။ အစာကြေ အားနည်းသော အခါတွင် မူလထကြွ နေသော လေဓာတ်မှာ ပို၍ကြွ လာသည်။ သွေးပိုက်လိုင်း များတွင် ဖောင်းကားပြီး တိုးသောအခါ လည်ပင်းဘေး နှစ်ဖက်မှ သွေးကြောများ ဖောင်းပြီး တိုးနေသည်ကို တစ်ခါတစ်ရံ မျက်စိဖြင့်ပင် မြင်ရတတ်သည်။ ဦးနှောက်အတွင်း သွေးဖိအားတိုး သောအခါ အစွန်အဖျား၊ အခက်အလက် သွေးကြော ကလေးများ ပေါက်သွားရာမှ လေဖြတ်ခြင်းကို ဖြစ်စေသည်။

ရှေးတိုင်းရင်းဆေး ဆရာကြီးများ၏ လေတိုးဟုခေါ်သော အယူအဆမှာ ယခုခေတ် သွေးတိုးရောဂါနှင့် အတူတူပင် ဖြစ်သည်။ ကျန်းမာရေး လိုက်စားသည်။ လမ်းလျှောက်သည်။ ဆေးလိပ် မသောက်၊ ကွမ်းမစား၊ အငန်ရှောင် သော်ငြားလည်း  လေစာ ဆိုသည်ကို သတိမမူမိလျှင် မသိလျှင် လေဖြတ်ရောဂါနှင့် အသက်ဆုံး နိုင်ကြောင်း အသိပေးချင် ပါသည်။

''အခါးဟူသမျှ၊ လေဓာတ်ကြွ

မူလပျက်စီးရာ။

ခွေးတောက်၊ တမာ၊ ကြောင်လျှာ

ကြက်ဟင်းခါး၊ ၀က်သား၊ လက်ဖက်

မတွဲဖက်၊ တစ်ချက်မှတ်ကြပါ။''

အထက်ပါ အစာများကို တစ်မျိုးတည်း စားလျှင်လည်း အလွန်အကျွံ မစားပါနှင့်။ သင့်တော်ရုံသာ စားပါ။ တစ်နေ့တည်းနှင့် လေစာနှစ်မျိုး ဆင့်ကာဆင့်ကာ စားမိလျှင် သွေးတိုးတက် လေဖြတ် နိုင်ကြောင်း ရေးသားလိုက် ရပါသည်။

အကြောလေလျှောက် အားနည်းသူများ အတွက် စားရန်ဓာတ်စာ

၁။       ကြက်သားနှင့် ရှောက်ရွက်သုပ်စား။

          ကြက်သား အကောင်ငယ် အသားနူးပါစေ။

၂။       ရဲယိုရွက်နှင့်ငါးခူ ရောချက်စား။

          ဖက်ထုပ်ပေါင်း လုပ်၍လည်း စားနိုင်သည်။

၃။       ပဲရာဇာဟင်းချို နေ့စဉ်သောက်ပါ။  အကြောပွင့် စေသည်။

၎။       ဒန့်သလွန်ရွက် ဟင်းချိုသောက်။

၅။       ရှောက်သီး ဖျော်ရည်သောက်။ သံပရာသီး ဖျော်ရည် ရှောင်ပါ။

၆။       ဖီးကြမ်းငှက်ပျောသီး မီးဖုတ်၍ တစ်နေ့ နှစ်လုံးစား။

၇။       ငါးကြင်းကို နှမ်းဆီနှင့် ကြော်၍ မန်ကျည်းမှည့်နှင့် ပြန်ချက်စား။

၈။       ရှားစောင်းလက်ပပ် (အလယ်အနှစ်ကိုယူ)       ဟင်းချိုချက်သောက်။ သို့မဟုတ် (ဆီးချိုရောဂါ မရှိလျှင်) သကြားနှင့် ခေါက်စား။

၉။       ကြက်ဥ အကျက်ပြုတ် အ၀ါနှစ်ကိုဖယ် အကာကိုယူ နှမ်းဆီ အနည်းငယ်ဆမ်း၊    နှမ်းထောင်း၊ ကြက်သွန်ကြော် ထောင်းတို့ဖြူး၍ စားချင်စဖွယ် ဖြစ်အောင် ပြုလုပ်၍စား။

၁၀။     ပဲစောင်းလျားသီး (ခပ်နုနု)ပြုတ် အတို့အမြုပ်လုပ်စားပါ။

၁၁။     ချဉ်ပေါင် (ရိုးနီရွက်နီ)ကို ပုစွန်ခြောက်နှင့် ဟင်းချို ချက်သောက်ပါ။

၁၂။     ငါးရံ့ခြောက်ပြုတ်၍ အသားမွှ ယူပြီးမှ ကြက်သွန်ဖြူနီနှင့် ချင်းအနည်းငယ် မျှထည့်ပြီး ငါးခြောက်ထောင်း ပြုလုပ်စားနိုင်သည်။ မငန်ပါစေနှင့်။

၁၃။     ငါးရံ့ဆန်လှော်ဟင်း (စပါးလင် ထည့်ချက်ပါ) ဆန်များများထည့်ပြီး အရည်သောက် ပြုလုပ်စားပါ။

၁၄။     ဆန်လက်တစ်ဆုပ်၊ ပဲရာဇာ လက်တစ်ဆုပ် ရောပြီး ဆန်ပြုတ်ပြုတ်ပါ။ ကျက်ပြီးမှ ငါး သို့မဟုတ် အသားပြုတ် အနည်းငယ် ရောသောက်ပါ။

၁၅။     အစာစားပြီးတိုင်း   ရှောက်ရည် သို့မဟုတ် ဂရိတ်ဖရု အရည် သုံးဇွန်းနှင့် ပျားရည်တစ်ဇွန်း ရောစပ်တိုက်ပါ။ အစာကြေပြီး ၀မ်းမီးကောင်း စေပါသည်။

လေဖြတ်ရောဂါ၊ လေးဖက်နာရောဂါ၊ သွေးတိုး နှင့် နှလုံးရောဂါ များအတွက် အထက်ပါ ဓာတ်စာများကို နေ့စဉ်နှစ်မျိုး၊ သုံးမျိုးပါအောင် တစ်လခန့် ရက်ဆက် ကျွေးပါ။

 

ကြည်လွင်မြင့် (မုဒြာ)

ဓာတ်ပုံ - အင်တာနက်

Crd - mwddaily