Thursday, April 17, 2008

တောင်ကြီးသို့အလည်တစ်ခေါက် (၁)

= မရောက်တာကြာပြီဖြစ်တဲ့ တောင်ကြီးမြို့ကို သင်္ကြန်ရက်အတွင်း အိမ်ကကားနဲ့ ၁၄-၄-၂၀၀၈ ရက်နေ့ညနေထွက်တယ်။ တစ်ညလုံးမောင်းပြီး နောက်တစ်နေ့မနက် ၆ နာရီလောက် ရောက်တယ်။ တစ်ညလုံးကားပေါ် အိပ်ပြီးလိုက်လာတာကြောင့် လမ်းမှာ ဘာမှမသိလိုက်ဘူး။ တောင်ပေါ် ရောက်တော့ လတ်ဆပ်တဲ့လေကို ရှုရှိုက်ရင်း တောင်ပေါ်လေနဲ့ ရန်ကုန်လေ အတော်လေးကို ခြားနားပါလားလို့ တွေးမိတယ်။
= ရောက်တာနဲ့ အဒေါ်အိမ်မှာပစ္စည်းထားပြီး မြို့မဈေးသွားကြတယ်။ ရှမ်းခေါက်ဆွဲ၊ ထို့ဟူးနွေးကို တစ်ဝကြီးစားဖြစ်တယ်။ ဧည့်သည်ရန်ကုန်သူ တွေတော့ ရိုးရာအစားအစာထက် လဘက်ရည်ဆိုင်ထိုင်ကြတယ်။ မုန့်ဖက်ထုတ်ကိုလည်း အာသာမတွေ့ကြဘူး။ ရှမ်းချဉ်ကိုလည်း နာခေါင်းရှုံ့ တယ်။ ဒါကို ကိုရီးယားမှာ နာမည်ကြီးတဲ့ ကမ်ချီ လို့ပြောပြမှ ကျူးမြစ်ချဉ် နည်းနည်းလေးတို့ကြည့်တယ်။ ပါးစပ်ထဲတောင်မရောက်သေးဘူး ကောင်းပါ တယ်တဲ့။ (စိတ်ညစ်ဖို့ကောင်းတာလားတော့မသိဘူး)။ ဒီလိုချွေးမမျိုး အမေ့အိမ်ကို ဘယ်လိုခေါ်သွားရပါ့မလဲ။ ဒါတွေသိဖို့ သင်ပေးရမယ့် ကျွန်တော့်ပဲ ညံ့နေသလားပဲ။ မနက်ပိုင်းဆိုအေးတော့ ရေလောင်းတဲ့သူတွေမတွေ့ရဘူး။ ဘုန်းကြီး ကျောင်းတက်ဖို့၊ ဥပုသ်ယူဖို့၊ လူကြီးသူမတွေကန်တော့ဖို့ လှုပ်ရှားနေတာ တော့ တွေ့ရတယ်။ ဈေးအရှေ့ဘက်၊ ကုန်တိုက်ဘက်ခြမ်းမှာ ရန်ကုန်သူတွေ မတွေ့ဘူးတဲ့ ထူးဆန်းတဲ့ အသီးအရွက်တွေဝယ်ကြတယ်။ ပျံကျတန်းဆိုတော့ ပအိုဝ့်၊ ပလောင်တိုင်းရင်းသားတွေ ရောင်းနေတာတွေ့ ရတယ်။ သူတို့ဆီက ပြန်အမ်းတဲ့ပိုက်ဆံတွေကတော့ အခုမှ စ၀်စံထွန်းဆေးရုံကနေ ဆင်းလာတာအောက်မေ့ရတယ်။ အဖာတစ်ရာနဲ့။ ကပ်တဲ့ solo tape ဖိုးက ပိုက်ဆံတန်ဖိုး ထက်များနေတယ်။
= နောက် တောင်ကြီးတက္ကသိုလ်သွားကြတယ်။ ကျောင်းပိတ်ထား တော့ ဓာတ်ပုံရိုက် ကြတယ်။ ကျွန်တော် Digital ကင်မရာကတော့ သုံးမရ အောင်ပျက်သွားတယ်။ ဒါကြောင့် ကျွန်တော့်ကောင်မလေးတွေကိုတောင် ဓာတ်ပုံမရိုက်လိုက်ရဘူး။ သူတို့ကင်မရာနဲ့တော့ ရိုက်နေကြတာပဲ။ ကင်မရာပျက်နေတာပဲ ကောင်းပါတယ်။ နို့မဟုတ်ရင် သူတို့ပုံတွေ ကျွန်တော့ blog ထဲရောက်သွားရင် ဒုက္ခ။ blog ထဲက သူငယ်ချင်းတွေက ဆိုးလား ကောင်းလား၊ ကျားလား မလား လည်းမသိ online ထဲ Good morning လုပ်နေရတာ နည်းနည်းတော့ဖြုံတယ်။ နာမည်တွေကိုကြည့်လေ ဆိုးသွမ်းတဲ့၊ ရာဇဌာနီတဲ့၊ နွေမုန်တိုင်းတဲ့၊ ရေခါးတဲ့၊ ရွှမ်းမီတဲ့၊ ညမီးအိမ်တဲ့၊ ပီကေတဲ့၊ နှံကောင်တဲ့၊ မီးပြတိုက်၊ သူရဿဝါတဲ့၊ မော်စီ၊ အထူးကောင်၊ ဇောင်းတဲ့၊ ရွှေဂျမ်းတဲ့ ယုံရမလားတော့မသိဘူး။ ဒါပေမယ့် ယုံလိုက်ပါတယ်။

1 comment:

လွမ်းလုင် said...

တောင်ကြီးမြို့ကို အလည်လိုက်လာတယ်ဗျ။ ရှမ်းခေါက်ဆွဲကတော့ တော်တော်ကြိုက်တယ်.. ဟီးဟီး.. ရန်ကုန်သူတွေကို ကိုရီးယားနဲ့သာကိုင်ပေါက်လိုက် အဆင်ပြေပါတယ်ဗျ.. :D :P