လိုက်မလား ကျိုက်ထီးရိုး ဘုရားဖူးသွားမယ်

မဟာသက္ကရာဇ် (၁၁၈)ခုနှစ်တွင် အိုမင်းမစွမ်းလာတဲ့ တိဿရသေ့ကြီးဟာ မိမိ ကိုးကွယ်ထားတဲ့ ဆံတော်မြတ် (၃)ဆူကို စေတီတော် တည်ရန် စိတ်၌ဖြစ်ပေါ်လာ လေသည်။ တိဿရသေ့ကြီးရဲ့ အကြံကို သိကြားမင်း သိတော်မူပြီး သိကြာမင်းနှင့် သုဝဏ္ဏပြည့်ရှင် တိဿဓမ္မ သီဟရာဇာ မင်းကြီးနှင့် တိုင်ပင်၍ သာသနာတော် အဓွန့်ရှည် တည်တံ့စေခြင်း အကျိုးအတွက် တိဿရသေ့ကြီးအား ဆံတော်ဓာတ်မြတ် (၃)ဆူဖြင့် ဌာပနာ၍ စေတီတော် တည်ရန် လျှောက်ထား တောင်းပန်ကြလေသည်။

ရသေ့ကြီးက ၄င်း၏ ဦးခေါင်းနှင့် တူသော ကျောက်လုံးပေါ်တွင်သာ စေတီတည်ထား လိုကြောင်း မိန့်ကြားသဖြင့် သိကြားမင်းသည် မဏိမေခလာ နတ်သမီး အကူအညီဖြင့် သမုဒ္ဒရာကြမ်းပြင်မှ ရသေ့ ဦးခေါင်းနှင့် တူသော ကျောက်လုံးတော်ကြီးကို ယူဆောင် လာကာ တောင်စွယ်မှ ထိုးထွက်နေသော ကျောက်ဆောင် (ဒါမှမဟုတ်) ကျောက်တိုင် တစ်ခုပေါ် တင်ထားလေသည်။

တိဿရသေ့ကြီးက ကျောက်လုံးတော်ကြီးကို သဘောကျ နှစ်ခြိုက်သဖြင့် သိကြားမင်းသည် ဆံတော်ဓာတ် ကိန်းဝပ်စံပယ်ရန် ရသေ့ဦးခေါင်းနှင့် တူသော ကျောက်လုံးတော်ကြီး ထိပ်တွင် သံလျက်ဖြင့် အနက် (သုံးတောင်တစ်မိုက်) ထွင်းဖောက်ပေးရာ တိဿရသေ့ကြီး၏ ဆံကျစ်ကြားတွင် သီတင်းသုံးတော်မူသော ဆံတော်ဓာတ် သုံးဆူကို မြကြုတ်တွင်ထည့်ပြီး ကျောက်လုံးတော်ကြီးတွင် ဌာပနာသွင်းရန် စီစဉ်သောအခါ ပြကြုတ်တွင် ကိန်းဝပ်တော်မူသော ဆံတော် ဓာတ်မြတ်များသည် ရောင်ခြည်တော်များ ကွန့်မြူးတော်မူပြီး ကောင်းကင်၌ စံမြန်းတော်မူ လေသည်။ ထို အခြင်းအရာကို တိဿရသေ့ကြီး ဖူးမြော်ရသောအခါ ကြည်ညိုသဒ္ဓါစိတ်များ ပွားများလာပြီး ဤအရပ်ဒေသသည် သာသနာတော် ထွန်းလင်းမည့် ဒေသမှန်ပါက ဆံတော်မြတ်များသည် ရသေ့ဦးခေါင်းနှင့် တူသော ကျောက်လုံးတော် ကြီးတွင် သိကြားမင်း ထွင်းထားသည့် နေရာ၌ ဌာပနာဓာတ် မြတ်တော်များ ကိန်းဝပ်စံပယ်တော်မူ ပါစေသားဟု အဓိဋ္ဌာန်ပြုရာ မြကြုတ်ဖြင့် ပူဇော် ထားသော ဆံတော်ဓာတ်မြတ် များသည် ဌာပနာတိုက် အတွင်းသို့ သက်ဆင်း စံပယ်တော်မူ လေသည်။ တိဿရသေ့ကြီးသည် ကြည်ညို သဒ္ဓါပွားများပြီး ၀မ်းသာ ပီတိကြီးစွာ ဖြစ်လေသည်။

သိကြားမင်းနှင့် ပြည့်ရှင်မင်းတို့သည် ဥာဏ်တော် သုံးတောင် တစ်မိုက်ရှိသော စေတီတော်ကို ဌာပနာဓာတ်မြတ် ကိန်းဝပ်တော်မူသည့် ရသေ့ ဦးခေါင်းနှင့်တူသော ကျောက်လုံးတော်ကြီး ပေါ်တွင် တည်ထား ကိုးကွယ်လေသည်။ " ကျိုက်ဣိသိရို" ရသေ့ရွက်ဘုရား ဟု ခေါ်တွင်ခဲ့ပြီး ယခု ကျိုက်ထီးရိုး အမည်သို့ ပြောင်းလဲ ခေါ်တွင်လျက် ရှိသည်။

ဘူမိဗေဒ လေ့လာ စူးစမ်းချက်အရ ဗုဒ္ဓဆံတော်မြတ် ကိန်းဝပ်စံပယ်တော်မူသည့် ဆံတော်ရှင် ကျိုက်ထီးရိုး စေတီတော်မြတ်၏ ရသေ့ဦးခေါင်းနှင့် တူသော ကျောက်လုံး တော်ကြီးသည် (၆၁၁.၄၅) တန်ခန့်ရှိပြီး၊ အောက်ခံ ကျောက်တိုင် အစွန်းပေါ်တွင် ထိကပ်မှု ဧရိယာသည် (၇.၆၅) စတုရန်းပေ မျှသာရှိသည်ဟု မှတ်သားရ သဖြင့် စေတီတော်မြတ် တည်ပြီးသည်မှ နှစ်ပေါင်း (၂၄၀၀)ကျော်ကြာ မိုးဒဏ်၊ လေဒဏ်၊ ငလျင်ဒဏ် စသည်များ ကို ထိတွေ့ခဲ့ရသော်လည်း " ပြောင်းလဲမှု တစ်စုံတစ်ရာ မရှိ ပကတိ အနေအထားအတိုင်း " တည်ရှိနေခြင်းသည် " အံ့သြကုန်နိုင်ဖွယ် " "အံ့ချီးဖွယ်ရာ အဖြာဖြာ"၊ " တုနှိုင်းစရာမရှိ " တန်ခိုးတော် အနန္တနှင့် ပြည့်စုံတော်မူသော ဆံတော်ရှင် ကျိုက်ထီးရိုး စေတီတော်မြတ် ပင်ဖြစ်သည်။

တစ်ကြိမ်တစ်ခါမျှ မဖူးမြော်ရသေးသူများ လူဖြစ်ရကျိုး နပ်စေရန် ဖူးမြော်နိုင်ကြ စေရန်နှင့် ဖူးမြော်ပြီး သူများလည်း အကြိမ်ကြိမ် လာရောက် ဖူးမြော်ကြရန်ဖြစ်ပြီး မိမိလိုအင်ဆန္ဒ ပြည့်ဝစေရန် "အဓိဌာန်" လာရောက် ပန်ဆင်ကြကာ မိမိတို့ "လိုအင်ဆန္ဒ" အ၀၀ကို တောင်းခံ "ပြည့်ဝ" နိုင်ပါကြောင်း သဒ္ဓါစိတ်များစွာဖြင့် တိုက်တွန်း လိုက်ပါတယ်။

ဗုဒ္ဓ သာသနံ စိရံ တိဋ္ဌတု

ဗုဒ္ဓ သာသနံ စိရံ တိဋ္ဌတု

ဗုဒ္ဓ သာသနံ စိရံ တိဋ္ဌတု

(မောင်မောင်ညိန်း(ကျိုက်ထို)ရေးသားသည့် "အံဖွယ်အလီလီ ကျိုက်ထီးရိုးစေတီ" ဆောင်းပါးကို ကောက်နုတ် ဖော်ပြပါသည်။)