ရေနွေးကြမ်း၏ ကျန်းမာရေးအကျိုးကျေးဇူးများ

 

ရေနွေးကြမ်း၏ ကျန်းမာရေးအကျိုးကျေးဇူးများ

ဒေါက်တာသိင်္ဂီကျော်

ကမ္ဘာတစ်ဝန်းတွင် ရေမှလွဲ၍ လူကြိုက်အများဆုံး သောက်စရာမှာ လက်ဖက်ခြောက် အရည် (မြန်မာ့ဓလေ့ရိုးရာ အမည် ရေနွေးကြမ်း) ဖြစ်ပါသည်။ လူတို့သည် နှစ်ပေါင်း ၅,၀၀၀ နီးပါး ရေနွေးကြမ်းကို သောက်သုံးခဲ့ကြပြီး လက်ရှိအချိန်တွင် ကမ္ဘာ့လူဦးရေ၏ သုံးပုံနှစ်ပုံက သောက်သုံးလျက် ရှိပါသည်။ ရှေးခေတ် ကတည်းက ရေနွေးကြမ်း၊ အထူးသဖြင့် လက်ဖက်စိမ်းရည် ကို တရုတ် တိုင်းရင်းဆေး ပညာက ကျန်းမာရေးနှင့် ညီညွတ်သော ဖျော်ရည်အဖြစ် သတ်မှတ်ခဲ့ကြ ပါသည်။ မြန်မာနိုင်ငံတွင် ရေနွေးကြမ်း သောက်သုံးခြင်းသည် အလောင်းစည်သူမင်း လက်ထက်ကစ၍ ခေတ်အဆက်ဆက် အရေးပါသည့် ဓလေ့ထုံးတမ်း အဖြစ်တည်ရှိ ခဲ့ကြောင်း တွေ့ရှိရသည်။

ရေနွေးကြမ်းသည် Camellia sinensis အပင်၏ လတ်ဆတ်သော အရွက်များနှင့် အဖူးများ သို့မဟုတ် လက်ဖက်ခြောက် ပေါ်တွင် ရေနွေးပူပူ လောင်းချခြင်းဖြင့် ရရှိသော မွှေးကြိုင်သည့် ဖျော်ရည်တစ်မျိုး ဖြစ်ပါသည်။ ရေနွေးကြမ်း ပြုလုပ်သည့် လက်ဖက်ခြောက် အမျိုးအစားများ ပေါ်မူတည်၍ ရေနွေးကြမ်း၏ အရသာနှင့် ဝိသေသများ အသီးသီး ရှိကြပါသည်။ အခြေခံအားဖြင့် အင်္ဂလိပ်အခေါ် Black Tea၊ Green Tea ၊ oolong Tea ၊ White Tea၊ Puer Tea နှင့် Dark Tea စသည်ဖြင့် လက်ဖက်ခြောက် မျိုးကွဲများစွာ ရှိပါသည်။ လက်ဖက်ခြောက် အရောင်ပိုနက်လေ ရေနွေးကြမ်း၏ အရသာ ကောင်းလေဖြစ်ကြောင်း သိရပါသည်။ လက်ဖက်ခြောက် အမျိုးအစားများ ကွဲပြားမှုသည် အဓိကအားဖြင့် အရွက် ခူးဆွတ်ပြီးနောက် ၎င်းတို့ကို စီမံဆောင်ရွက်မှု ကွာခြားသောကြောင့် ဖြစ်သည်။

ရေနွေးကြမ်းပြုလုပ်နည်း

ရေကို ပွက်ပွက်ဆူအောင် ကျိုချက်ပြီးနောက် ဆယ်မိနစ်ခန့် စောင့်ပြီး ရေခွက်ထဲသို့ ထည့်ကာ လက်ဖက်ရွက် သို့မဟုတ် လက်ဖက်ခြောက် အိတ်ကိုထည့်ပါ။ အကောင်းဆုံး အရသာနှင့် ရလဒ်အတွက် သုံးမိနစ်ခန့် နှပ်ထားပါ။ ရေနွေးကြမ်းကို နွေးနွေးလေး သောက်သုံးပေးပါ။ အပူလွန်ကဲသော ရေသည် လက်ဖက်ခြောက်၏ ဂုဏ်သတ္တိကို လျော့ပါးစေပြီး အရသာခါး စေနိုင်သည်။ လက်ဖက်ခြောက်ကို ရေဆူနေစဉ် ထည့်ပြုတ်လျှင် လက်ဖက်ခြောက်တွင် ပါသော Catechin ကဲ့သို့ အကျိုးပြု ဒြပ်ပေါင်းများ ပျက်စီးသွား နိုင်သည်။

လက်ဖက်ခြောက်၏အကျိုးကျေးဇူးများ

လက်ဖက်ခြောက်တွင် polyphenols ပါရှိမှုကြောင့် ကင်ဆာ၊ သွေးချိုဆီးချို၊ အဆစ်ရောင်ရောဂါ၊ နှလုံးသွေးကြော ဆိုင်ရာရောဂါ၊ လေဖြတ်ခြင်းနှင့် အဝလွန်ခြင်းစသည့် ရောဂါများကို ကာကွယ်လျှော့ချ နိုင်သော ကောင်းကျိုးများ ရှိသည်။ လက်ဖက်စိမ်း တွင် ပါဝင်သော epigallocatechin-3-gallate(EGCG) သည်လူတစ်ဦး၏ အသက်အရွယ်အရ မြင့်တက်လာသော မကောင်းသော ကိုလက်စထရောများ (Low Density Lipoprotein) ကို လျှော့ချပေးခြင်းဖြင့် နှလုံးရောဂါကို ကာကွယ်ပေး နိုင်သည်။

ဓာတ်တိုးဆန့်ကျင် ပစ္စည်း catechins သည် အစာခြေခြင်းကို အထောက်အကူ ပြုပြီး အစာအိမ်နှင့် အူလမ်းကြောင်း ဆိုင်ရာ ရောင်ရမ်းသော ရောဂါလက္ခဏာ များကို သက်သာ စေနိုင်သည်။ လက်ဖက်စိမ်းတွင် ပါဝင်သော အမိုင်နိုအက်ဆစ် L-theanine သည် ဦးနှောက်လုပ်၏ ဆောင်ချက်ကို တိုးတက် ကောင်းမွန်စေပြီး၊ မှတ်ဉာဏ်အား ကောင်းစေသည်။ သက်ကြီးရွယ်အို များတွင် အဖြစ်များသော အယ်လ်ဇိုင်းမား ရောဂါကိုလည်း လျှော့ချပေး ပါသည်။

L-theanine နှင့် ကဖိန်းဓာတ်တို့ကို ပေါင်းစပ်ခြင်းသည် လူတို့၏ အာရုံစူးစိုက်မှုကို တိုးတက်စေသည်။ သွေးတွင်း သကြားဓာတ် ပမာဏကို လျော့ကျစေပြီး၊ အမျိုးအစား (၂) သွေးချိုဆီးချို ရောဂါကို ကာကွယ်ပေး နိုင်သည်။ လက်ဖက်စိမ်း၏ polyphenol သည် UVB ကြောင့်ဖြစ်သော အရေပြား ကင်ဆာကို ကာကွယ်ပေးသည့် အကျိုးကျေးဇူး ရှိသည်။

လက်ဖက်ခြောက်မှ ဖလိုရိုက်သည် သွားပိုးစားခြင်းကို လျှော့ချနိုင်သဖြင့် ရေနွေးကြမ်း သောက်ခြင်းသည် ခံတွင်း ကျန်းမာရေးကို အကျိုးသက်ရောက်မှု ရှိသည်။ လက်ဖက်ရွက်တွင် ဓာတ်တိုးဆန့်ကျင် ပစ္စည်း အများအပြား ပါဝင်သောကြောင့် ကိုယ်ခံအားစနစ်ကို အားကောင်းစေကာ ရောင်ရမ်းမှုကို တိုက်ဖျက်ပေးနိုင် သဖြင့် ဘက်တီးရီးယား နှင့် ဗိုင်းရပ်စ်ပိုးမွှားများ ကူးစက်ခြင်းမှ ကာကွယ်ပေး နိုင်သည်။

ရေနွေးကြမ်း၏အကျိုးကျေးဇူးများ

ရေနွေးကြမ်းသည် ခန္ဓာကိုယ်အတွက် ရေဓါတ်ဖြည့်ပေးရုံ သာမက ခန္ဓာကိုယ်အပူကို လျော့ကျစေပြီး ဇီဝကမ္မဖြစ်စဉ်များ အလျင်အမြန် အလုပ်လုပ်ရန် အတွက် လှုံ့ဆော်ပေးသည်။ ထို့ကြောင့် ပူပြင်းသော နွေရာသီတွင် ရေနွေးကြမ်းပူပူ သောက်ခြင်းသည် ခန္ဓာကိုယ် အပူချိန်ကို ထိန်းသိမ်းရန် ကူညီပေးပါသည်။ စီချွမ် တက္ကသိုလ်မှ သုတေသီများ၏ လေ့လာမှုအရ တစ်နေ့လျှင် ရေနွေးကြမ်း သုံးခွက် သောက်ခြင်းသည် အသက်အရွယ် အိုမင်းခြင်းကို နှေးကွေးစေပြီး အသက်ရှည် စေနိုင်ကြောင်း ဖော်ပြထားသည်။ လွန်ခဲ့သည့် ဆယ်စုနှစ်များ အတွင်း ရေနွေးကြမ်း၏ ကျန်းမာရေး အကျိုးကျေးဇူး များကို နာတာရှည် ရောဂါများအတွက် သုတေသန ပြုခဲ့ကြသည်။ တစ်နေ့လျှင် ရေနွေးကြမ်း အနည်းဆုံး ၄ ခွက်သောက်သူ များသည် မသောက်သူ များထက် အမျိုးအစား (၂) သွေးချိုဆီးချို ရောဂါ ဖြစ်ပွားမှုမှ ၁၆% လျော့နည်းကြောင်း ဥရောပ သိပ္ပံပညာရှင်များက သုံးသပ်ထား ပါသည်။ ၂၀၁၉ ခုနှစ်တွင် ထုတ်ဝေသည့် ဆေးပညာ ဂျာနယ်တွင် ရေနွေးကြမ်းကို ပုံမှန် သောက်သုံးသူ များသည် မသောက်သူများ ထက် ရင်သားကင်ဆာ ဖြစ်နိုင်ခြေ ၁၇% လျော့နည်းကြောင်း ဖော်ပြထားသည်။ အမေရိကန် နှလုံးရောဂါဆိုင်ရာ အဖွဲ့အစည်းက ရေနွေးကြမ်း သောက်ခြင်းသည်“နှလုံးကျန်းမာရေးနှင့် အတူ ဦးနှောက် လုပ်ဆောင်ချက် အချို့ကို တိုးတက်စေသည်" ဟု ဖော်ပြထား ပါသည်။

ရေနွေးကြမ်းအလွန်အကျွံသောက်ခြင်းကြောင့်ဖြစ်နိုင်သောဆိုးကျိုးများ

ရေနွေးကြမ်းသည် အချို လွန်ကဲသော အဖျော်ယမကာ များထက် ကျန်းမာရေးကို ပိုမိုအကျိုးပြု သော်လည်း အလွန်အကျွံ သောက်သုံးပါက ဆိုးကျိုးများ ကြုံတွေ့ရ နိုင်သည်။ ဥပမာအားဖြင့် လက်ဖက်ခြောက်တွင် Tannins ပါရှိသဖြင့် ရေနွေးကြမ်း အလွန်အကျွံ သောက်ခြင်းသည် အစာခြေ လမ်းကြောင်းအတွင်း သံဓာတ်စုပ်ယူမှုကို ဟန့်တားနိုင် သောကြောင့် သံဓာတ်ချို့တဲ့မှုကို ဖြစ်ပေါ် စေနိုင်သည်။ လက်ဖက်စိမ်းသည် ကဖိန်းဓာတ် ပါသောကြောင့် လက်ဖက်စိမ်း ရေနွေးကြမ်း အလွန်အကျွံ သောက်သုံးခြင်းသည် စိတ်တုန်လှုပ်ခြင်း၊ ဂနာမငြိမ်ဖြစ်ခြင်း၊ ခေါင်းကိုက်ခြင်း၊ ပျို့အန်ခြင်း၊ နှလုံးခုန်နှုန်း မြန်ခြင်း၊ အိပ်မပျော်ခြင်း စသည့် လက္ခဏာများကို ဖြစ်စေနိုင်သည်။ လက်ဖက်စိမ်း၏ ကျန်းမာရေး အကျိုးကျေးဇူး များသည် သကြား သို့မဟုတ် ပျားရည် ပမာဏများ ပေါင်းထည့်၍ သောက်သုံးခြင်းဖြင့် ပျက်စီးသွား နိုင်သည်။ ထို့ကြောင့် ထည့်မည့် အချိုပမာဏကို သတိထား ရပါမည်။ အရသာထည့်ရန် သကြားအစား သံပုရာသီး တစ်ခြမ်းကို ရွေးချယ်လျှင် ကျန်းမာရေးအတွက် အကျိုးကျေးဇူး များပါသည်။

အကြံပြုချက်များ

၁။ ကိုယ်အလေးချိန် လျှော့ချလိုသူများ အတွက် အစာစားပြီးပြီးချင်း ရေနွေးကြမ်း သောက်နိုင်ပါသည်။  ကိုယ်အလေးချိန် လျှော့ချခြင်း၏ အကျိုးကျေးဇူးကို ရရှိစေရန် အတွက် တစ်နေ့လျှင် ၃-၅ ခွက်သောက်ရန် အကြံပြု ထားသည်။

၂။ ဦးနှောက် ကျန်းမာရေး အတွက် ရေနွေးကြမ်း သောက်ရန် အကောင်းဆုံး အချိန်သည် နံနက်စာစားပြီး နေ့လည် ၁ နာရီမှ ၂ နာရီအတွင်းဖြစ်ပါသည်။  အစာစားပြီး ၁ နာရီမှ ၂ နာရီအတွင်း ရေနွေးကြမ်း သောက်လျှင် အစာကြေညက်မှု ကိုအထောက်အကူ ဖြစ်စေပါသည်။

၃။ ကျန်းမာသော လူနေမှုပုံစံဖြင့် နေထိုင်နေသူ အများစုအတွက် ရေနွေးကြမ်းကို နေ့စဉ် ၁ ခွက်မှ ၂ ခွက်အထိ သောက်သုံးခြင်းသည် ကျန်းမာရေး အကျိုးကျေးဇူး အားလုံးကို ရရှိနိုင်ပြီး ဘေးကင်းပါသည်။

၎။ အမျိုးအစား (၂) သွေးချိုဆီးချို ရောဂါရှိသူများတွင် သွေးတွင်း သကြားဓာတ်ကို ထိန်းညှိပေးနိုင်ပြီး နှလုံးနှင့် အူလမ်းကြောင်း အတွက် ကောင်းမွန်သဖြင့် နေ့စဉ်  ရေနွေးကြမ်း သောက်ပေး နိုင်ပါသည်။

၅။ သံဓာတ်ချို့တဲ့ သွေးအားနည်း ရောဂါရှိသူများ၊ အစာအိမ်ရောဂါ ရှိသူများ၊ သွေးကျဲဆေး သောက်နေသူများ၊ ရင်တုန်တတ်သူများ နှင့် ကဖိန်းဓာတ်ကို ရှောင်ကြဉ်သူများ အနေဖြင့် ရေနွေးကြမ်း သောက်ခြင်းကို ရှောင်ကြဉ်သင့် ပါသည်။

၆။ ကဖိန်းဓာတ်သည် ကျန်းမာစွာ အိပ်စက်ခြင်းကို ထိခိုက် စေနိုင်သဖြင့် အိပ်ရာဝင်ခါနီး ရေနွေးကြမ်း သောက်ခြင်းကို ရှောင်ကြဉ်သင့် ပါသည်။

၇။ လက်ဖက်ခြောက် စိမ်ထားသော ရေနွေးကြမ်းကို သွေးကျဲဆေး၊ စိတ်ကျသက်သာဆေး၊ သွေးကျဆေးများ အပါအဝင် ဆေးများနှင့် တွဲသောက်ခြင်းသည် ဆေးအာနိသင်ကို ထိခိုက်စေနိုင် သဖြင့် ရှောင်ကြဉ်သင့် ပါသည်။

၈။ ကိုယ်ဝန်ဆောင်ချိန်တွင် တစ်နေ့လျှင် ရေနွေးကြမ်း ၃ ခွက်ထက် ပိုသောက်ပါက အန္တရာယ် ရှိပါသည်။ လက်ဖက်စိမ်းသည် ဖောလစ်အက်ဆစ် ချို့တဲ့ခြင်းနှင့် ဆက်စပ်သော ကလေးမွေးရာပါ ချို့ယွင်းမှုဖြစ်ခြင်း  နှင့် ကိုယ်ဝန်ပျက်ကျ နိုင်သော အန္တရာယ်ရှိ ပါသည်။

ရေနွေးကြမ်းသည် ကျန်းမာရေး အကျိုးကျေးဇူး များစွာကို ပေးစွမ်း နိုင်သောကြောင့် မျက်မှောက်ခေတ် တွင် လူတို့၏ အာရုံစူးစိုက်မှု တိုးမြင့်လာသော စိတ်အပန်းပြေ စေသည့် ဖျော်ရည်တစ်မျိုး ဖြစ်ပါသည်။ ကော်ဖီထက် ကဖိန်းနှင့် ကယ်လိုရီနည်းပြီး အရသာရှိသော၊ အချိုမပါသည့် ဖျော်ရည်ကို ရှာဖွေနေပါက ရေနွေးကြမ်းသည် ခန္ဓာကိုယ်အတွက် အကျိုးရှိသော ရွေးချယ်မှု တစ်ခုဖြစ်သည်။ အချုပ်အားဖြင့် ဆိုသော်“တန်ဆေး၊လွန်ဘေး”ဆိုသည့်အတိုင်း ရေနွေးကြမ်းကို ချင့်ချိန်၍ သောက်သုံးခြင်းဖြင့် ကျန်းမာရေးအတွက် ကောင်းကျိုးများစွာ ရရှိနိုင်ကြောင်း အကြံပြု ရေးသားလိုက်ရ ပါသည်။ 

ဓာတ်ပုံ - အင်တာနက်