အဆုတ်ကင်ဆာရောဂါ အကြောင်း သိကောင်းစရာများ

 

အဆုတ်ကင်ဆာရောဂါ အကြောင်း သိကောင်းစရာများ

          အဆုတ်ကင်ဆာ ရောဂါသည် ကမ္ဘာတလွှား ကင်ဆာရောဂါ များကြောင့် သေဆုံးရမှုများ၏ အဓိကနောက်ခံ အကြောင်းရင်း တစ်ရပ်ဖြစ်ပါသည်။ အမျိုးသားဖြစ်စေ၊ အမျိုးသမီးဖြစ်စေ အဆုတ်ကင်ဆာ ရောဂါ ခံစားရပါက တခြားကင်ဆာ ရောဂါများနှင့် ယှဉ်လျှင် သေဆုံးနိုင်ချေ ပိုများသည်။ အဆုတ်ကင်ဆာ လူနာများ၏ ၈၅ ရာခိုင်နှုန်းမှာ ဆေးလိပ် သောက်ခြင်းကြောင့် ဖြစ်ရသည်။ အဆုတ်ကင်ဆာ ရောဂါဖြစ်ပွား နေကြောင်း သိရပြီဆိုရင်လည်း အချိန် နောက်ကျ နေသည်က များသည်။ ရောဂါက ဟိုပျံ့သည်ပျံ့ ဖြစ်နေပြီး ကင်ဆာအဆင့်မြင့် နေပြီဆိုရင် ကုသမှုနည်းလမ်း ရွေးချယ်စရာလည်း နည်းသွားသည်။ အဆုတ်ကင်ဆာကို စောစော သိနိုင်စေရေး ကြိုတင်ရှာဖွေဖို့က ဆေးလိပ် မသောက်တတ်သူများ အတွက် မလိုအပ်လှ၊ သိပ်အကျိုးမရှိဟု ဆိုသည်။ ဆေးလိပ်ကို ရေရှည်သောက်ခဲ့ သူများ အတွက်တော့ အဆုတ်ကင်ဆာ ကြိုတင်ရှာဖွေရေး လုပ်ငန်းများက တစုံတရာ အကျိုးရှိပါသည်။ အဆုတ်ကင်ဆာ ကြိုတင် ကာကွယ်ရေး အတွက် Primary Prevention ခေါ်သည့် ဆေးလိပ်နှင့် ဆေးရွက်ကြီး ရှောင်ကြဉ်ခြင်း၊ လေထုညစ်ညမ်းမှု လျော့ချခြင်း နည်းလမ်းများက အကျိုးရှိပါသည်။

          အဆုတ်ကင်ဆာ ရောဂါသည် အဆုတ်တွင်းလေပြွန် များမှလည်းကောင်း၊ အဆုတ် အသားလွှာများမှ လည်းကောင်း၊ အဆုတ်ဖုံး အမြှေးပါး များမှလည်းကောင်း စတင်ဖြစ်ပွားသည့် ရောဂါဖြစ်သည်။ အဆုတ်ကင်ဆာ အများစုက ပြင်းထန်ပြီး အသက်သေဆုံး နိုင်ချေများသည်။ အဆုတ်ကင်ဆာ လက္ခဏာာရပ် များမှာ အချိန်ကြာမြင့်စွာ ချောင်းဆိုးခြင်း၊ ရင်ဘတ်အောင့်ခြင်း နှင့် မောပန်းခြင်း တို့ဖြစ်သည်။ အထက်ပါ လက္ခဏာရပ်များ ခံစားရပါက ဆေးရုံ၊ဆေးခန်း များသို့ သွားရောက်ပြသ သင့်သည်။ ဖြစ်ပွားသည့် လူနာ၏ ရောဂါရာဇဝင်နှင့် ကင်ဆာအဆင့်တို့ အပေါ်မူတည်ပြီး  အဆုတ်ကင်ဆာ ကုသမှုပုံစံများ ကွာခြားသွားကြသည်။

          အဆုတ်ကင်ဆာ ရောဂါကို အကြမ်းဖျဉ်းအားဖြင့် NSCLC နှင့် SCLC ဟူ၍ အမျိုးအစား ခွဲခြားထားသည်။ NSCLC အုပ်စုက ကြီးထွားမှုနှုန်း နှေးတတ်သည်။ ဆေးလိပ် မသောက်တတ်သူ များမှာ ဖြစ်တတ်သည်။ ပိုပြီးလည်း အဖြစ်များသည်။ SClC အမျိုးအစားကတော့ ဆေးလိပ်သမားတွေမှာ ဖြစ်လေ့ရှိပြီး ပိုပြင်းထန်သည်။

          ၂၀၂၀ ပြည့်နှစ် GLOBOCAN အဖွဲ့ကြီး၏ ထုတ်ပြန်ချက်အရ အဆုတ်ကင်ဆာ သည် လူကိုသေစေ နိုင်သော အဓိကကင်ဆာ အမျိုးအစား ဖြစ်ပြီး ၂၀၂၀ ပြည့်နှစ်အတွင်း ကမ္ဘာတဝှမ်း အဆုတ်ကင်ဆာ လူနာ ၁.၈ သန်း သေဆုံးခဲ့သည်။ ကင်ဆာလူနာသစ် စုစုပေါင်း၏ ၁၈ ရာခိုင်နှုန်း ဖြစ်သည်။ ဆေးရွက်ကြီး သုံးစွဲခြင်း (စီးကရက်၊ ဆေးပေါ့လိပ်၊ ဆေးတံ) ပုံစံများအားလုံးက အဆုတ်ကင်ဆာ ဖြစ်ပွားမှုကို အားပေးသည်။ တဆင့်ခံ ဆေးလိပ်ငွေ့များ၊ လုပ်ငန်းခွင် ကျန်းမာရေး ပြဿနာများ (ဆိုးဆေး၊ မီးခံကျောက်နှင့် တခြား ဓာတုပစ္စည်းများ) ကလည်း အဆုတ်ကင်ဆာ၏ တရားခံများဖြစ်ကြသည်။ မျိုးရိုးလိုက် အဆုတ်ကင်ဆာ ရောဂါကတော့ ရှားပါးသည်ဟု ဆိုသည်။

အဆုတ်ကင်ဆာရောဂါကာကွယ်ခြင်း

          ဆေးလိပ်နှင့် ဆေးရွက်ကြီး ရှောင်ကြဉ်ခြင်းက အဆုတ်ကင်ဆာ ကာကွယ်ရေး အတွက် အဓိကအကျဆုံး ဖြစ်သည်။ တဆင့်ခံ ဆေးလိပ်ငွေ့များ၊ လေထုညစ်ညမ်းမှုများနှင့် လုပ်ငန်းခွင် အန္တရာယ်များမှ ရှောင်ရှား နိုင်ဖို့လည်း အရေးကြီးသည်။ အဆုတ်ကင်ဆာ ကို မကာကွယ်နိုင်ရင် တောင်မှ စောစီးစွာ သိရှိခဲ့ပါက သက်တမ်းရှည်ဖို့ အလားအလာ များသည်။ အဆုတ်ကင်ဆာ ကာကွယ်ရေးမှာ ပထမဆင့် (Primary) နှင့် ဒုတိယဆင့် (Secondary) ဟူ၍ နှစ်မျိုးခွဲနိုင်သည်။ ပထမအဆင့် အဆုတ်ကင်ဆာ ကာကွယ်ရေး (Primary Prevention) က ရောဂါမဖြစ်ခင် ကတည်းက ဆေးလိပ်၊ ဆေးရွက်ကြီးကို ရှောင်ရှားပြီး ကျန်းမာရေးနှင့် ကိုက်ညီသည့်  အပြုအမူများကို ကျင့်သုံးဖို့ဖြစ်သည်။ ပထမဆင့် အဆုတ်ကင်ဆာ ကာကွယ်ရေးမှာ လူတစ်ဦးချင်းစီက လိုက်နာဆောင်ရွက်ဖို့ လိုသလို နိုင်ငံတော်အဆင့် မူဝါဒများချမှတ်ပြီး ဆောင်ရွက် ရတာမျိုးလည်း ရှိသည်။ လေထုညစ်ညမ်းမှု လျော့ချခြင်း၊ ဆေးလိပ် ကြေညာများ ထိန်းချုပ်ခြင်းနှင့် လုပ်ငန်းခွင် ဘေးအန္တရာယ်များ လျော့ချခြင်းတို့ကို မူဝါဒများ ချမှတ် ဆောင်ရွက်ဖို့ လိုပါသည်။

          ဒုတိယအဆင့် အဆုတ်ကင်ဆာ ကာကွယ်ရေး (Secondary Prevention) မှာတော့ ကင်ဆာဖြစ်ကာစ အခြေအနေမှာ ရောဂါကို ဖမ်းမိနိုင်ဖို့ ရည်ရွယ်သည်။ အဆုတ်ကင်ဆာ ကြိုတင်ရှာဖွေရေး နည်းလမ်းများ အသုံးပြုရန် လိုအပ်ပါသည်။ Screening ဟုခေါ်သည့် အဆုတ်ကင်ဆာ ကြိုတင်ရှာဖွေရေး နည်းလမ်းများဖြင့် စစ်ဆေးခြင်း ဖြစ်ပါသည်။ အဆုတ်ကင်ဆာ ကြိုတင် ရှာဖွေရေးတွင် လူအားလုံးကို ဓာတ်မှန်ရိုက်ဖို့ မလိုပါ။ ဆေးလိပ်ကို နှစ်ကာလကြာရှည် သောက်သုံးခဲ့သူများ ကိုသာ အသက် ကန့်သတ်ချက်ဖြင့် ကွန်ပြူတာ ဓာတ်မှန်ရိုက် စစ်ဆေးခြင်း ဖြစ်ပါသည်။

အဆုတ်ကင်ဆာရှာဖွေစစ်ဆေးခြင်း

          အဆုတ်ကင်ဆာ ဟု သံသယရှိပါက ရိုးရိုးဓာတ်မှန်၊ ကွန်ပြူတာဓာတ်မှန်၊ သံလိုက်စက်ကွင်း ဓာတ်မှန်များ ရိုက်၍ ပုံရိပ်ဖော်စစ်ဆေး နိုင်သည်။ အဆုတ်ကင်ဆာ အသားစရယူ နိုင်ရေးအတွက် လေပြွန်အတွင်း မှန်ပြောင်း ထည့်ကြည့်ပြီး အသားစ ယူနိုင်သည်။ အသားစအဖြေ ရရှိပါက မော်လီကျူးအဆင့် အသေးစိတ် စစ်ဆေးမှုများကို ကုသမှု အစီအစဉ် အသေးစိတ် ရွေးချယ်ရန် အတွက် ဆက်လက်ပြုလုပ် နိုင်ပါသည်။

အဆုတ်ကင်ဆာကုသမှုများ

          အဆုတ်ကင်ဆာ ကုသရာတွင် လူနာ၏ နောက်ခံ ကျန်းမာရေး အခြေအနေ၊ ကင်ဆာပျံ့နှံ့မှု အဆင့်၊ အသားစအဖြေ အသေးစိတ် စစ်ဆေး မှုများအပေါ် မူတည်ပြီး ကုသမှု အစီအစဉ်ကို ချင့်ချိန် ဆုံးဖြတ်ရသည်။ အဆုတ်ကင်ဆာ ကုသရေး၌ ခွဲစိတ်ကုသခြင်း၊ ကင်ဆာဆေး သွင်းခြင်း၊ ဓာတ်ရောင်ခြည်ဖြင့် ကုသခြင်း၊ တိုက်ရိုက်ပစ်မှတ် ကုထုံးဖြင့် ကုသခြင်းနှင့် ကိုယ်ခံစွမ်းအား ကုထုံးများဖြင့် ကုသခြင်းတို့ဖြင့် ကုသနိုင်သည်။ လူနာ တစ်ဦးချင်းစီကို အထက်ပါ ကုသမှုအားလုံးဖြင့် ကုသဖို့ လိုချင်မှ လိုအပ်ပါမည်။ ဉပမာ ခွဲစိတ်ကုသမှုကို ရောဂါစောစီးစွာ သိရှိသည့် အဆုတ်ကင်ဆာ လူနာများမှာသာ အသုံးပြုနိုင်မှာ ဖြစ်သည်။

          ဓာတ်ရောင်ခြည်ဖြင့် ကုသခြင်းကို ခွဲစိတ်ကုသမှုနှင့် ကင်ဆာဆေးသွင်း ကုသမှုများဒဏ်ကို မခံနိုင်သည့် လူနာများတွင် အသုံးပြုနိုင်သည်။ နေရာအတော်များများ ပျံ့နှံ့နေသည့် အဆုတ်ကင်ဆာ လူနာများအတွက်မူ ဓာတ်ရောင်ခြည် ကုထုံးက ပြီးပြည့်စုံသော ကုသမှု မဖြစ်နိုင်ပေ။ ကင်ဆာဆေး သွင်းခြင်းနှင့် နောက်ဆုံးပေါ် ကိုယ်ခံစွမ်းအား ကုထုံးများဖြင့် ကုသခြင်း လုပ်ငန်းများကို ကင်ဆာပျံ့နှံ့မှု အဆင့်မြင့်သည့် လူနာများတွင် အသုံးပြုလေ့ ရှိကြသည်။ တိုက်ရိုက်ပစ်မှတ် ကုထုံးများမှာ သောက်ဆေး အများစုဖြစ်ပြီး မျိုးဗီဇပျက်ယွင်းမှု ရှိသည့် လူနာများတွင်သာ အသုံးပြုနိုင် ကြသည်။

အဆုတ်ကင်ဆာအဆင့်အလိုက် ကုသမှုပုံစံများ

(က) စောစီးစွာ သိရှိသည့်အဆင့်- အဆုတ်ကင်ဆာ ရောဂါလက္ခဏာ များမှာ ရောဂါစတင် ဖြစ်ပွားသည့် ကာလတွင် မထင်ရှားတတ် ကြပေ။ ထို့ကြောင့် အဆုတ်ကင်ဆာ ရောဂါကို စောစီးစွာသိရှိဖို့ မလွယ်ကူခြင်း ဖြစ်သည်။ ကံကောင်းသည့် လူနာတချို့မှာ အကြောင်း တိုက်ဆိုင်သဖြင့် ဓာတ်မှန်ရိုက်မိ ရာမှ အဆုတ်ကင်ဆာကို စောစီးစွာ ရှာတွေ့မိပြီး ကုသခွင့် ရကြပါသည်။ အဆုတ်ကင်ဆာ အစောပိုင်း အဆင့်များသည် တခြားကိုယ်အင်္ဂါ အစိတ်အပိုင်းများသို့ ပျံ့နှံ့ခြင်း မရှိပဲ အရွယ်အစား ၂ မှ ၃ စင်တီမီတာ ခန့်သာရှိသေးပြီး အဆုတ်မွှာ တစ်ခုတည်း၌ တည်ငြိမ် နေတတ်ကြသည်။

ထိုကြောင့် အကျိတ်ရှိနေသည့် အဆုတ်မွှာကို ဖြတ်ထုတ်ခြင်း (Lobectomy)၊ အဆုတ်အစိတ်အပိုင်း အကန့်တစ်ခုခုကို ဖြတ်ထုတ်ခြင်း (Segmentectomy) နှင့် အကျိတ် ပတ်ဝန်းကျင်မှ အဆုတ်အသား များကို ရသလောက် ဖြတ်ထုတ်ခြင်း (Wedge resection) ဖြင့် ခွဲစိတ်ကုသနိုင် ကြပါသည်။

          အဆုတ်မှ အကျိတ် အရွယ်အစား အတန်ငယ်ကြီး နေသည့် လူနာများတွင်မူ မခွဲစိတ်မီ ကင်ဆာဆေး သွင်းခြင်း၊ ဓာတ်ရောင်ခြည်ဖြင့် ကုသခြင်းများဖြင့် ကြိုတင်ကုသနိုင် ပါသည်။ Neoadjuvant ကုထုံးဟု ခေါ်ကြပါသည်။ ဆေးကုပြီး အကျိတ်ကျုံ့သွား တော့မှ ခွဲစိတ်ကုသ ကြသည်။ ထိုကဲ့သို့ မခွဲစိတ်မီ ကြိုတင် ကုသခြင်းဖြင့် ခွဲစိတ်သည့်အခါ ပိုမိုလွယ်ကူခြင်း၊ သွေးထွက်နည်းခြင်း၊ ဒဏ်ရာသေးခြင်း နှင့် ခွဲစိတ်မှုရလဒ် ပိုမိုကောင်းမွန်ခြင်း စသည့် အကျိုးကျေးဇူးများ ရရှိနိုင်ပါသည်။

          ခွဲစိတ်ကုသမှု ဒဏ်ကို မခံနိုင်သည့် အသက်ကြီးရင့်သူများ၊ နောက်ခံရောဂါ ကြီးကြီးမားမား ရှိသူများအတွက် ဓာတ်ရောင်ခြည် ကုထုံး အဓိက ကုသမှုအဖြစ် အသုံးပြုကြသည်။ ယခုနောက်ပိုင်း ရောဂါရှာဖွေရေး နည်းပညာသစ်များ၊ ကုထုံးသစ်များ ပေါ်ပေါက် လာခဲ့ပြီးနောက် မျိုးဗီဇပျက်ယွင်းမှု များအတွက် တိုက်ရိုက်ပစ်မှတ် ကုထုံး၊ ကိုယ်ခံစွမ်းအား ကုထုံးများဖြင့် ကုသ လာကြပါသည်။ မှတ်သားရန် အချက်မှာ ကင်ဆာကုထုံး လုပ်ငန်းစဉ် လမ်းညွှန်ချက်များ ရှိသော်လည်း ဆေးကုသရာတွင်မူ လူနာတစ်ဦးချင်းစီ အလိုက် ချင့်ချိန်သုံးသပ်ပြီး ကုသကြဖို့ ဖြစ်သည်။

(ခ) နောက်ကျမှ သိရသည့် အဆုတ်ကင်ဆာ အဆင့် - အဆုတ်ကင်ဆာ ရောဂါသည် အဆုတ်ပြင်ပ အသည်း၊ ပျံရည်ကျိတ်၊ ဦးနှောက် အစရှိသည့် တခြားကိုယ်အင်္ဂါ များသို့ ရောက်ရှိပျံ့နှံ့ နေပါက ပျောက်ကင်းအောင် ကုသရန် မလွယ်ကူတော့ချေ။ ထိုအခြေအနေ မျိုးတွင် အဆုတ်ကင်ဆာ ကုသခြင်း၏ ရည်ရွယ်ချက်မှာ ရောဂါကို အမြစ်ဖျက်ဖို့ထက် သက်တမ်းရှည် စေရန်၊ ခံစားနေရသည့် လက္ခဏာများ သက်သာစေရန်နှင့် ဘဝအရည် အသွေးမြင့်မား စေရန်ဖြစ်ပါသည်။ ပျံ့နှံ့မှုများသည့် အဆုတ်ကင်ဆာ အခြေအနေမျိုးတွင် ခွဲစိတ်ခြင်း၊ ဓာတ်ကင်ခြင်း တို့ထက် ကင်ဆာဆေးသွင်း ခြင်း၊ တိုက်ရိုက်ပစ်မှတ် ကုထုံးနှင့် ကိုယ်ခံစွမ်းအား ကုထုံးများကို ပိုပြီးအသုံးပြု ကြသည်။ ကမ္ဘာမှာရော မြန်မာမှာပါ အဓိက အားကိုးရသည့် အဆုတ်ကင်ဆာ ကုသမှုက ကင်ဆာဆေးသွင်း ကုသခြင်းပင် ဖြစ်သည်။

          တိုက်ရိုက်ပစ်မှတ် ကုသခြင်း (Targeted therapy) မှာ ဆေးလိပ် မသောက်တတ်သည့်  အာရှသူ အမျိုးသမီးများ ထံတွင် ပိုပြီးအသုံးတည့်သည်။ မျိုးဗီဇပုံစံပျက်ယွင်းမှု ရှိမှ အစွမ်းထက်သည့် ကုထုံးဖြစ်ပါသည်။ အသားစအဖြေကို ထပ်မံ အသေးစိတ် စစ်ဆေးခြင်းဖြင့် သော်လည်းကောင်း၊ သွေးစစ်၍ မျိုးဗီဇအစီအစဉ် (Genetic sequencing) စစ်ဆေးခြင်းဖြင့် သော်လည်းကောင်း မျိုးဗီဇပျက်ယွင်းမှု ရှိ၊မရှိ သိရှိနိုင်ပြီး တိုက်ရိုက်ပစ်မှတ် ကုထုံးဖြင့် ကုသခွင့်ရကြသည့် အဆုတ်ကင်ဆာ လူနာများ၏ သက်တမ်းမှာ အရှည်ဆုံြး ဖစ်သည်။

          ကိုယ်ခံစွမ်းအား ကုထုံးမှာ ကင်ဆာကုသ ရေးတွင် ပေါ်ထွက်လာသည့် နောက်ဆုံးပေါ် ကုသနည်းဖြစ်သည်။ နည်းပညာ အဆင့်မြင့်မား၍ ကုန်ကျစရိတ်လည်း များသည်။ ပုံမှန်အားဖြင့် ခန္ဓာကိုယ်တွင် ပုံမှန်မဟုတ်သည့် ပြင်ပပိုးမွှားများ၊ ဆဲလ်ကလာပ်စည်းများ ပေါ်ပေါက်လာပါက ကိုယ်ခံစွမ်းအား စနစ်မှ တိုက်ထုတ်ပစ်ရသည်။ ကင်ဆာဆဲလ် များသည် ခန္ဓာကိုယ်၏ ကိုယ်ပိုင် မဟုတ်သော၊ ပုံမှန်မဟုတ်သော ဆဲလ်များဖြစ်၍ ကိုယ်ခံစွမ်းအား ဆဲလ်များမှ တိုက်ထုတ်ပစ်ရန် တာဝန်ရှိသည်။ တချို့သော ကင်ဆာဆဲလ်များမှာ ကိုယ်ခံစွမ်းအား စနစ်ကို ပိတ်ဆို့နိုင်သည့် စွမ်းအားရှိသည်။ ယင်းပိတ်ဆို့ထားသည့် ကိုယ်ခံစွမ်းအား စနစ်ကို ဖွင့်ပေးနိုင်သည့် ဆေးဝါးများသည် ကိုယ်ခံစွမ်းအား ကုထုံး(Immunotherapy) ပင်ဖြစ်သည်။ အဆုတ်ကင်ဆာ ကုသရေး နောက်ဆုံးပေါ် လမ်းညွှန်ချက်များ အရ ကိုယ်ခံစွမ်းအား ကုထုံးများသည် ရောဂါရင့် အဆုတ်ကင်ဆာများ အတွက် ပထမဆုံးဦးစားပေး ကုသမှုများ ဖြစ်လာသည်။

ကမ္ဘာ့ကျန်းမာရေးအဖွဲ့ကြီး(WHO)၏ အဆုတ်ကင်ဆာထိန်းချုပ်ရေး ဆောင်ရွက်မှုများ

          WHO အနေဖြင့် အဆုတ်ကင်ဆာ၏ ကမ္ဘာကြီးအပေါ် ဖိစီးမှု ဝန်ထုပ်ဝန်ပိုးကို အမြဲလေ့လာ သုံးသပ်ပြီး ပြည်သူ့ကျန်းမာရေး အမြင်ဖြင့် ထိန်းချုပ်ဆောင်ရွက် လျက်ရှိသည်။ ဆေးလိပ်နှင့် ဆေးရွက်ကြီး ထိန်းချုပ်ရေး၊ အဆုတ်ကင်ဆာ ကြိုတင်ရှာဖွေရေး နှင့် အဆုတ်ကင်ဆာ ကုသမှု အဆင့်အတန်း မြင့်မားပြည့်မီ စေရေးအတွက် သက်ဆိုင်ရာနိုင်ငံ ကျန်းမာရေးဌာန များနှင့် ပူးပေါင်းဆောင်ရွက် လျက်ရှိပါသည်။ ဆေးလိပ်နှင့် ဆေးရွက်ကြီး ထိန်းချုပ်ရေး လုပ်ငန်းစဉ်များဖြစ်သည့် ဆေးလိပ်ခွန် တိုးမြှင့်ကောက်ခံခြင်း၊ ဆေးလိပ်ကြေညာ ပုံစံအမျိုးမျိုးကို ပိတ်ပင်တားမြစ်ခြင်း၊ ဆေးလိပ်ဗူးများတွင် ဆေးလိပ်နှင့်ကွမ်း ဆိုးကျိုးများကို ပညာပေးဓာတ်ပုံ များဖြင့် ဖော်ပြခြင်းလုပ်ငန်း များကို ဆောင်ရွက်လျက် ရှိသည်။

          ကျန်းမာရေးနှင့် ကိုက်ညီသည့် စားသောက်မှုပုံစံနှင့် ပုံမှန်လေ့ကျင့်ခန်း ပြုလုပ်ခြင်းများ သည်လည်း အဆုတ်ကင်ဆာ ကာကွယ်ရေး အတွက်  အရေးကြီးသည်။ WHO အဖွဲ့ကြီးမှ အဖွဲ့ဝင်နိုင်ငံများ အပေါ် ကင်ဆာကုသမှု လမ်းညွှန်ချက်များ အကြံပြုခြင်း၊ အခြေခံ မရှိမဖြစ် ကင်ဆာ ဆေးဝါးများ ညီတူညီမျှ ရရှိနိုင်ကြစေရန် ကူညီပေးခြင်း၊ နိုင်ငံပေါင်းစုံ ပူးပေါင်းဆောင်ရွက် အသိပညာ ဖလှယ်ကြခြင်းဖြင့် အဆုတ်ကင်ဆာ ကုသရေး လုပ်ငန်းစဉ်များ အဆင့်မြှင့်တင် နိုင်ရေးအတွက် ဆောင်ရွက်လျက် ရှိပါသည်။

Dr.Lwan Moe Han

( photo - Internet )