စာဖတ်ပါ

 

စာဖတ်ပါ

ရန်ကုန် ဌေးဇော်

မိဘတို့သည် သားသမီးများ စကားပြော တတ်သည့် အရွယ်သို့ ရောက်လျှင်ပင် စာရေးတတ် စာဖတ်တတ် လေအောင် ကျောင်းသို့ စေလွှတ်၍ စာသင်စေသည်။ ကလေးများ ကျောင်းသို့ရောက် သော် ဆရာဆရာမ တို့သည် ထိုကလေးများကို စာရေးတတ် စာဖတ်တတ် ကြစေရန် ပထမဦးဆုံး ဗျည်းအက္ခရာ များမှစ၍ စာကြီးပေကြီး များအထိ သင်ကြားပို့ချကြ လေသည်။ ဤသို့ ငယ်စဉ်ကအစပြု၍ မိဖဆရာသမား တို့က စာဖတ်တတ်အောင် သင်ကြားပေးကြ သည်မှာ စာဖတ်တတ် ခြင်းကြောင့် ကလေးတို့၏ အနာဂတ် ကောင်းကျိုးကို ဖန်တီးနိုင်စေရန် ရည်သန်သောကြောင့် ဖြစ်လေသည်။ လူမျိုးအသီးသီး၊ ဘာသာအသီးသီး တို့တွင် အများအားဖြင့် စာနှင့်စာပေ ဟူ၍ ရှိကြသည်။ စာပေသည် စာမှပေါ်ပေါက် လာသည်။ စာသည် စကား၏ သင်္ကေတဖြစ်သော အက္ခရာများကို စုပေါင်းဖွဲ့စည်း၍ စံနစ်တကျ စီစဉ်ရေးသား တင်မှတ်ထားသော အမှတ်အသား ဖြစ်သည်။ အချို့ နိုင်ငံများတွင် ရုပ်ပုံသင်္ကေတ များမှ ဆင်းသက်လာသည့် အရေးအမှတ် များကိုပါ စာဟု ခေါ်ကြသည်။

          စာကို သုခုမအရာ မြောက်အောင် (ဝါ) အနုပညာ သက်ဝင်အောင် ဖွဲ့စည်းစီရင် တီထွင်သော် ‘စာပေ’ဖြစ်လာသည်။ စာမရှိဘဲ စာပေလည်း မရှိနိုင်ဟု ဆိုကြသည်။ ထို့ကြောင့် စာဖတ်တတ်ရန် စာကို သင်ကြရသည်။ စာတတ်မြောက်သော် စာပေကို ဖတ်ရှုကြသည်။ မြန်မာတို့တွင် စာပေဟူသော စကားသည် ရှေးခေတ်များ၌ တရားစာပေ ဟူ၍ အနက်ရခဲ့သည်။ ကိုးခန်းပျို့၌ “စာပေနားဝင်၊ ငါ့ကိုသင်သည်၊ လင်လည်းစွန့်ထား၊ ယခုသွားခဲ့” ဟု စပ်ဆိုထားရာ ‘တရားစာပေကို နားလည်အောင် သင်ပြပေးသောလင်’ ဟု အဓိပ္ပာယ် ဖွင့်ကြသည်။ တစ်ဖန် နေမိငရဲခန်းပျို့ ၌ ‘ပုထိုးဘုရား၊ ကျောင်းကန်သွား၍၊ တရားစာပေ၊ နာပါချေအံ့’ ဟု စပ်ဆိုထားရာ စာပေဟူလျှင် တရားစာစု ဖြစ်သည်ဟု ကျမ်းဂန်တတ် ပုဂ္ဂိုလ်များက နားလည်ယူဆ ခဲ့ကြသည်။ လောကုတ္တရာနှင့် ဆိုင်သော စာစုကို စာပေဟု ခေါ်ခဲ့သည့် ခေတ်မှလောကီနှင့် ဆိုင်သော စာစုများ ပေါ်ပေါက် ခေတ်စားချိန်၌ စာပေဟူသော ဝေါဟာရ အနက်လည်း ပြောင်းလဲခဲ့ရသည်။ ဝေါဟာရအနက် ပြောင်းလဲခြင်းနှင့် အတူ စာဖတ်သည့် အလေ့သည်လည်း ရေချိန်မြင့်တက် လာခဲ့တော့သည်။

စာဖတ်ရာတွင် ပညာဗဟုသုတ တိုးပွားစေရန်နှင့် အတွေးအခေါ် ရင့်သန်စေရန် ဟူသော ရည်ရွယ်ချက် နှစ်မျိုးရှိသည်။ ပညာဗဟုသုတ မရှိလျှင် မိမိတို့၏ သက်ဆိုင်ရာ လုပ်ငန်းကို တိုးတက် ကောင်းမွန်အောင် လုပ်နိုင်ဖို့ ခဲယဉ်း ပေလိမ့်မည်။ စိတ်ကူးဉာဏ် အတွေးအခေါ် ရင့်သန်ခြင်း မရှိပါလျှင်လည်း လူ့လောကတွင် တိုးတက်မှု ခဲယဉ်းပေ လိမ့်မည်။ ထို့ကြောင့် လိမ္မာရေးခြား ဗဟုသုတ ကြွယ်ဝစေရန် အတွက် စာဖတ်ခြင်း အလေ့သည် အလွန်အရေးပါ အရာရောက် လေသည်။

          ယခုခေတ်၌ စာဖတ်ခြင်းကို အထောက်အပံ့ ဖြစ်စေသော သတင်းစာ၊ ဂျာနယ်၊ မဂ္ဂဇင်း၊ စာအုပ် ဟူသည်တို့သည် အမြောက်အမြား ထွက်ပေါ်လျက် ရှိသည်။ သတင်းစာ၊ ဂျာနယ်၊ မဂ္ဂဇင်း ဟူသော စကားတို့၏ အဆုံး စကားသုံးလုံးကို စုပေါင်း၌ စာနယ်ဇင်းဟု ခေါ်ကြခြင်းဖြစ်သည်။ သတင်းစာ၊ ဂျာနယ်၊ မဂ္ဂဇင်း ဟူ၍ခွဲခြားထား သည့်သုံးမျိုး အပြင် စာ၊ နယ်၊ ဇင်း များမှလည်းကောင်း၊ စာအုပ်များမှ လည်းကောင်း ထုတ်နုတ်၍ အနှစ်သာရ ပေါ်လွင်အောင် အကျဉ်းချုံးကာ ပြန်လည်ထည့်သွင်း ထုတ်ဝေသည့် သတင်းစုံ မဂ္ဂဇင်းနှင့် မဂ္ဂဇင်းပဒေသာ စာစောင်များလည်း ရှိသေးသည်။

မျက်မှောက်ခေတ်၌ စာနယ်ဇင်း လုပ်ငန်းသည် ကမ္ဘာတွင် အရေးပါ အရာရောက် လာပြီဖြစ်သည့် အလျောက် စာနယ်ဇင်း များကိုလည်း လူအများသည် လေးစား၍ စိတ်ထက်သန်စွာ လေ့လာလိုက်စား ဖတ်ရှုနေကြပြီ ဖြစ်သည်။ သတင်းစာ တစ်စောင်လုံးတွင် ခေါင်းကြီး သို့မဟုတ် သတင်းစာ အာဘော် သည် မဖတ်မဖြစ် ဖတ်သင့်သည့် နေရာဖြစ်သည်။ ခေါင်းကြီး သို့မဟုတ် သတင်းစာ အာဘော်သည် နိုင်ငံရေးကို ၎င်းတို့ သတင်းစာ၏ ဝါဒနှင့် ချိန်ထိုးကြည့်ရှု၍ ပြတ်သားစွာ ဝေဘန်သုံးသပ် ရေးသားထားခြင်း ဖြစ်ရာ သို့စာဖတ်ခြင်းဖြင့် မိမိနိုင်ငံ၏ နိုင်ငံရေးကို မိမိသည်လည်း ချိန်ထိုးသုံးသပ် လာနိုင်မည်ဖြစ်သည်။ တိုင်းပြည် တစ်ပြည်၌ မဏ္ဍိုင်ကြီး လေးခုရှိရာတွင် စတုတ္တမဏ္ဍိုင် ဖြစ်သော သတင်းစာများ တစ်နည်း စာနယ်ဇင်းများသည် တိုင်းပြည်တွင် အရေးအကြီးဆုံး ဖြစ်သည်ဟု အင်္ဂလန်ပြည် ပါလီမန် လွှတ်တော်တွင် ‘အက်ဒမန်ဗတ်’သည် တစ်ခါက အတိအလင်း ထုတ်ဖော်ပြောဆို ခဲ့ဖူးသည်။ ထို့ကြောင့် စာဖတ်ရာတွင် သတင်းစာပဲ၊ စာစောင်ပဲ ဟူ၍ လစ်လျုရှု ကျော်လွှားခြင်း မပြုမိစေရန် လိုသည်။ သတင်းစာ၏ အရေးအသားဖြင့် လူမျိုးအချင်းချင်း သို့မဟုတ် လူတန်းစား အချင်းချင်း မုန်းတီးရေးကိုလည်း တည်ဆောက်ပေး နိုင်သည်။ ချစ်ကြည် လေးမြတ်ရေး ကိုလည်း တည်ဆောက်ပေး နိုင်သည်။ နိမ့်ကျနေသော စိတ်ဓာတ်ကိုလည်း မြှင့်တင်ပေး နိုင်သောကြောင့် စာနယ်ဇင်းသည် စာဖတ်ရာတွင် များစွာ အထောက်အပံ့ ဖြစ်စေသည်။ ခေတ်နှင့် လျော်ညီစွာ နေ့စဉ်ဖြစ်ပျက် ပေါ်ပေါက်လျက် ရှိသော ကိစ္စများမြောင် ကိုလည်း သိနိုင်ပေသည်။

ပုံနှိပ်စာများ မပေါ်မီက ပညာဗဟုသုတ ဆည်းပူးရန် ကိစ္စသည် များစွာခဲယဉ်း လှသည်။ အရေးအသား ဟူ၍ မရှိသေးသော ခေတ်တွင် လူတို့သည် တစ်ဆင့်စကား တစ်ဆင့်နားဖြင့် ကြားရသမျှသော ပညာဗဟုသုတ တို့ကို နှုတ်ငုံဆောင် ကြသည်။ ထို့နောက်ရွှံ့ပြား ၊ ကျောက်ပြားများ ပေါ်တွင်ရေးကြ ထွင်းကြသော အရေးအသားများ ပေါ်လာသည် တို့ကို လူတို့သည် ကြည့်ရှု မှတ်သားကြ ရသည်။ ထို့နောက် ပေရွက်၊ ကျူရွက်၊ ပုရပိုက် စသည့်တို့အပေါ်တွင် ရေးမှတ်ထားသည်ကို လူတို့ဖတ်ကြ ရသည်။ စက္ကူနှင့် ပုံနှိပ်စက်ခေတ် သို့ရောက်လာသော အခါ လူအများ၌ စာဖတ်ခြင်း အလေ့သည် ပိုမိုကျယ်ပြန့် လာလေသည်။ ခရစ် ၁၂၀၀ ပြည့်နှစ်ကျော် လွန်သောအခါတွင် စာပေလိုက်စားခြင်း၊ ကျမ်းပြုခြင်း၊ ပညာသင်ကြားခြင်း စသည့်ကိစ္စများမှာ တက္ကသိုလ်များတွင် ပိုမိုထွန်းကား လာလေသည်။ ကျောင်းသားများသည် စာအုပ်ဌာနများမှ စာအုပ်များကို ငှားဖတ်ရသည်။ စာအုပ်များကို ကိုယ်ပိုင်ပစ္စည်း အဖြစ် အခြားသို့ ယူသွားခွင့် မရှိချေ။ တဖြည်းဖြည်းနှင့် စာအုပ်များကို အပိုင်ရောင်းချသော အလေ့အထ ပေါ်လာလေရာ စာအုပ်ဌာနမှ စာအုပ်ဆိုင် ဖြစ်သွားတော့သည်။

၁၅၅၀ ပြည့်နှစ် အရောက်တွင် ယခုခေတ် စာအုပ်များ၏ ပုံသဏ္ဍာန်အတိုင်း စာအုပ်များ ပေါ်ပေါက်လာခဲ့သည်။ စာအုပ်တစ်အုပ်ကို ဖတ်ရှုရာတွင် စာမျက်နှာ အစီအစဉ်နှင့် စာများကို တစ်ဆက်တည်း ဖတ်ရှုနိုင်သည်။ အသိဉာဏ်ပညာ တိုးတက်မြင့်မားရေး အတွက် စာဖတ်ခြင်း အလေ့ကို ယခင်ရှေး ကတည်းက ဆောင်ကြဉ်း ကြသည်။ ခေတ်မီ နည်းပညာတို့ဖြင့် ဝေဆာလျက် တိုးတက် မြင့်မားခြင်း သဘောကို ဆောင်နေသော လောကကြီးကို ကြည့်မြင်နိုင်ရန် အတွက် စာဖတ်ခြင်းသည်သာ မျက်မှန်ကောင်း တစ်လက် ဖြစ်ပါသည်။ ယခုအခါ မျက်မမြင်များ အတွက်ပင်လျှင် လက်ဖြင့်စမ်း၍ ဖတ်ရသော အပိမ့်အဖု အမှတ်အသားများ ဖြစ်သည့် ဗရေးလစံနစ် သည် ထွန်းကားလျက် ရှိပြီဖြစ်သည်။

          စာအုပ်သည် စာဖတ်သူ၏ မိတ်ဆွေကောင်း မည်ပေသည်။ စာအုပ်များမှာ ပညာဗဟုသုတ အမျိုးမျိုးကို ပေးသော ပညာပဒေသာပင် များဖြစ်သည်။ စာဖတ်၍ ပညာဗဟုသုတ ကြွယ်သောအခါ စာဖတ်သူသည် မိမိ၏စိတ်ကို မိမိဆုံးမပဲ့ပြင် လာတတ်သည်။ အမှားအမှန်ကို ပိုင်းခြားဝေဖန် လာတတ်သည်။ နေ့စဉ်ကြုံတွေ့ ရသော ပြဿနာတို့ကို ဖြေရှင်းနိုင် တတ်သည်။ အတွေးအခေါ် ရင့်သန်လာသည် နှင့်အမျှ မိမိပြုမူပြောဆို လုပ်ကိုင်သော အကြောင်းအခြင်းရာ တို့သည် လူ့လောကနှင့် ဝင်ဆံ့လာတတ်သည်။ ဤအချက်ကို သိမြင်သော ခေတ်မီနိုင်ငံ တို့သည် လူတိုင်း စာဖတ်သော အလေ့အထ ပြန့်ပွားအောင် တိုက်တွန်းနိုးဆော် ပေးကြသည်။ ထို့ကြောင့်လည်း နိုင်ငံတကာတွင် စာကြည့်တိုက်များ အဓွန့်ရှည်စွာ တည်တံ့အောင် ထူထောင်ခြင်း အလုပ်ကို အလေးဂရုပြု၍ လုပ်ဆောင်ကြခြင်း ဖြစ်သည်။

          စာကြည့်တိုက်သည် ပုံနှိပ်စာအုပ်များ၊ လက်ရေးစာမူ များကို လူခပ်သိမ်းတို့ လေ့လာရန် စုဆောင်းထားရာ ဌာနဖြစ်သည်။ ယခုခေတ် စာကြည့်တိုက် များသည် မည်သူမဆို ဝင်ထွက်သွားလာ နိုင်၍ စာအုပ်များ ငှားရမ်းဖတ်ရှု နိုင်သဖြင့် စာကြည်တိုက် များသည် စာဖတ်ရာ ကောင်းသော နေရာတစ်ခုပင် ဖြစ်တော့သည်။ စာကြည့်တိုက် များတွင် နိုင်ငံတော် စာကြည့်တိုက် တစ်နည်း အမျိုးသား စာကြည့်တိုက်၊ တိုင်းဒေသကြီးနှင့် ပြည်နယ်များတွင် ဖွင့်လှစ်ထားသည့် ပြည်သူ့ စာကြည့်တိုက်၊ ကျောင်းနှင့် တက္ကသိုလ်များက ထူထောင်ထားသော စာကြည့်တိုက်၊ ကလေး စာကြည့်တိုက်၊ နယ်လှည့် စာကြည့်တိုက် ဟူ၍ များမြှောင်စွာ ရှိနေပြီဖြစ်ရာ မိမိနှင့်နီးစပ်သည့် မည်သည့် စာကြည့်တိုက်မဆို သွားရောက် ငှားရမ်းဖတ်ရှု နိုင်နေပြီဖြစ်သည်။ စာဖတ်ခြင်း အလေ့ကို မိမိဘာသာ ပြုစုပျိုးထောင် နိုင်ရန် စာကြည့်တိုက်ကို အားကိုးနိုင်မည် ဖြစ်သည်။

          သို့ရာတွင် စာဖတ်ခြင်းမှ အကျိုးများ ပြည့်ပြည့်ဝဝ ရနိုင်ရန်မှာ စာဖတ်ရာတွင် နည်းစံနစ်ကျဖို့ လိုအပ်သည်။ ဦးစွာ၌ စာအုပ်ကောင်း များကို မိတ်ဆွေကောင်း များအား ရွေးချယ်ရ သကဲ့သို့ ရွေးချယ် ရပေလိမ့်မည်။ စာအုပ်များ၌ မိမိစိတ်ကို ဖြေဖျော်ပေးသည့် စာအုပ်က တစ်မျိုး၊ မိမိအား ဉာဏ်ပညာ ဗဟုသုတ အတွေးအခေါ် ရင့်သန်အောင် သွန်သင်ပေးသည့် စာအုပ်က တစ်မျိုးဟူ၍ ရှိလေသည်။ အခါကာလ အားလျော်စွာ မိမိစိတ်ကြိုက် လည်းဖြစ်၍ မိမိအားလည်း အကျိုးတရား ပွားများစေသော စာအုပ်ကို ရွေးချယ်တတ် ရမည်။ စာဖတ်ခြင်း နည်းကို ပညာရှင် အမျိုးမျိုးတို့က ညွှန်ပြခဲ့ ကြရာတွင် ဂမ္ဘီသာရပျို့လာ၊ ရှင်မဟာရဠသာရ ၏ “သု၊စိ၊ပု၊ဘာ၊ဝိ၊လိ၊သိ၊ဓာ၊အက္ခရာစွဲသုံး၊ ဤရှစ်လုံးကို၊ သီကုံးပန်းသွင်၊ နေ့တိုင်းဆင်လော့၊ စာသင်ပျိုနု၊ အခြေပြုတို့” ဟူသော ဩဝါဒသည် တန်ဖိုးအရှိဆုံး ဖြစ်သည်ဟု ယူဆထိုက် လေသည်။ ထိုအက္ခရာ ရှစ်လုံးမှာ အကျဉ်းပြသော ပါဠိစကားများ ဖြစ်သည်။ အဓိပ္ပါယ်မှာ-သုသုဏေယျ ကြားနာရာ၏။ စိစိန္တေယျ ကြံစည်ရာ၏။ ပုပုစ္ဆေယျ မေးမြန်းရာ၏။ ဘာဘာသေယျ ပြောဆိုရာ၏၊ ဝိဝိစာရေယျ ဆင်ခြင်ရာ၏။ လိလိခေယျ ရေးသားရာ၏။ သိသိက္ခေယျ လေ့ကျင့်ရာ၏။ ဓာဓာရေယျ နှုတ်ငုံဆောင် ရာ၏ ဟူ၍ပင် ဖြစ်သည်။ ထိုအင်္ဂါရှစ်ပါးမှာ စာဖတ်ခြင်း၏ အခြေခံဖြစ်သည်။ ထိုရှစ်ပါးတို့အနက် စာဖတ်၍ ကြားသိရသော ဗဟုသုတတို့ကို ကြဲစည်ပြီးလျှင် မရှင်းမလင်းသည် တို့ကို သူတစ်ပါးအား မေးမြန်း၍ ဆွေးနွေးပြောဆို သင့်သည်။ သို့မှသာလျှင် အကောင်းအဆိုး တို့ကိုဆင်ခြင် ဝေခွဲနိုင်မည် ဖြစ်သည်။ ဤသို့ပိုင်းခြား ဝေဖန်ကြည့်ပြီးသော် စာ၏အမြုတေ တို့ကို ရေးမှတ်ခြင်း၊ လေ့ကျင့်ခြင်း၊ အာဂုံဆောင်ခြင်း တို့ကို ပြုလုပ်သင့်သည်။

သကြားသည် ချိုသည်။ ဆားသည်ငန်သည်။ ချိုခြင်းငန်ခြင်းကို သာမန်အားဖြင့် သိကြသည်။ ချိုသောအရသာ သိဖို့ရာအတွက် သကြားကို စားသင့်သည်။ ငန်သောအရသာ သိဖို့ရာအတွက် ဆားကို မြည်းသင့်သည်။ သို့မှသာ ချိုခြင်းငန်ခြင်းသည် ပီပြင်မည် ဖြစ်သည်။ စာဖတ်ပါဟု တိုက်တွန်းသည်။ မည်သည့် အကျိုးကျေးဇူး ရမည်နည်း ဟူသည် သင်စာဖတ်ပါမှ သိမည်ဖြစ်သည်၊ သို့ကြောင့် စာဖတ်ပါဟု တိုက်တွန်းရခြင်း ဖြစ်ပါသည်။     

မှီငြမ်း

၁။မြန်မာစွယ်စုံကျမ်းအတွဲ(၃)