ဆောင်းရာသီ ရေချိုး မကြောက်သင့်

 

ဆောင်းရာသီ ရေချိုး မကြောက်သင့်

 

ရှေးလူကြီးများက   ရေချိုးချိန်ကို   နွေ ကိုး၊   မိုး တစ်ဆယ်၊    ဆောင်း ဆယ့်တစ် လို့    ဆိုကြတယ်။ ဒါကြောင့်   ဆောင်းရာသီမှာ  နံနက်  ၁၁  နာရီတွင် ရေချိုးခြင်းက သင့်လျော်ပါတယ်။ ချမ်းအေး၍ ရေချိုးရ ခက်နေပါက   ဦးစွာ သွားတိုက်ပါ၊     ပြီးမှ ရေချိုးပါ။ သွားတိုက်နေစဉ် လည်ကုပ်နွေး၊ ချိုင်းပူ သွားသဖြင့်  ရေချိုးရတာ မချမ်းတော့ပါ။ အအေးကြောက် သူများက ရေနွေးစပ်၍ ချိုးပေးနိုင်ပါတယ်။ သို့သော် ရာသီဥတု မည်မျှအေးပါစေ  ရေနွေးနဲ့ ခေါင်းမလျှော် သင့်ပေ။ မိမိ ခန္ဓာကိုယ်တွင်း အပူချိန်ထက် ပို၍ ပူသောရေနွေးဖြင့်  ခေါင်းလျှော်ခြင်းက    ဆံသားကို ကာကွယ်ပေးသော သဘာဝ အဆီဓာတ်ကို ဆုံးရှုံးသွားကာ   ဆံသားများ  ခြောက်သွေ့မာဆတ် လာစေပါတယ်။     ဒါ့အပြင် ရေနွေးဖြင့် ခေါင်းလျှော်ခြင်းက မျက်စိကို ထိခိုက်စေပါတယ်။

ဆောင်းရာသီ ရေချိုး မကြောက်သင့်သော အကြောင်းရင်း

ဆောင်းရာသီ အအေးဓာတ်ကြောင့်   ခန္ဓာကိုယ် ပြင်ပမှ အသားအရေက အေးနေသော်လည်း ခန္ဓာကိုယ်တွင်း အပူကတော့ ရာသီဥတု မရွေး ကိုယ်တွင်း အပူဓာတ် ရှိမြဲလျက်သာ ဖြစ်ပါတယ်။ ဆောင်းရာသီတွင် အအေးဒဏ်ကြောင့် ရေချိုးကြောက် သူများဟာ နေ့စဉ်ပုံမှန် ရေချိုးသူများထက် လေးလံထိုင်းမှိုင်း နေတတ်ပြီး  ကျန်းမာရေးကို ထိခိုက်စေနိုင် ပါတယ်။ ရေချိုးခြင်းက ခန္ဓာကိုယ် အတွင်းရှိ အပူအခိုးများကို ဖယ်ရှားလိုက်ပြီး စိတ်ကိုကြည်လင် လန်းဆန်းစေပါတယ်။ ချမ်းမှာကြောက်၍ ရေမချိုးသူများဟာ   ခန္ဓာကိုယ်တွင်း အခိုးငုပ်ခြင်း၊ မသန့်ရှင်းခြင်း၊ လေချုပ်ခြင်း၊ သွားနာခြင်း၊ မျက်စိဝေခြင်း၊ ဆံပင်ကျွတ်ခြင်း၊ ခေါင်းမူး ခေါင်းကိုက်ခြင်း တွေဖြစ်စေနိုင် ပါတယ်။ ဒါ့အပြင် ဖျတ်လတ် သွက်လက်ခြင်း မရှိတော့ဘဲ ထိုင်းမှိုင်းမှုကို ဖြစ်စေနိုင်ပါတယ်။

ဒါကြောင့် ဆောင်းရာသီတွင် အသက်အရွယ် မရွေး  ရေချိုးသင့်ပြီး ပုံမှန်ရေချိုး ခြင်းကြောင့် အဆစ်အမျက် ကိုက်ခဲခြင်းနှင့်  ဇက်ကြောတက်ခြင်း ဝေဒနာများမှလည်း ကာကွယ်ရာ ရောက်ပါတယ်။ အကယ်၍ အလွန် ချမ်းအေးသော ဒေသတွင် နေထိုင်သူ ဖြစ်ပါက     မိမိ နေထိုင်ရာ ပတ်ဝန်းကျင်၊ ရာသီဥတု အအေးဓာတ်ပိုသော နေ့ရက်ပေါ် မူတည်၍ တစ်ရက်ခြား တစ်ကြိမ်လောက်  ရေနွေးစပ်၍ ရေချိုးသင့်သလို   ရေနွေးဖြင့် ရေချိုးခြင်းကလည်း အကြောအခြင် များကို ပြေစေကာ ညောင်းညာ ကိုက်ခဲမှု ဝေဒနာများကို အမှန်တကယ်ပင် သက်သာပြေလျော့ စေမှာ ဖြစ်ပါတယ်။ အထူး သတိပြုရန်မှာ ရေချိုးပြီးသော အခါ မော်တော်ကား ပြတင်းပေါက် တံခါးကို ပိတ်၍စီးပါ။     အစားအစာကို   ပူပူနွေးနွေး စားသင့်ပါတယ်။

အအေးမိ၊ နှာစေး၊ ချောင်းဆိုးခြင်းအတွက်

à ဆောင်းရာသီမှာ အမျိုးသား၊ အမျိုးသမီး အရွယ် သုံးပါးမရွေး အအေးမိ၊ နှာစေး၊ ချောင်းဆိုးခြင်း ဝေဒနာ တွေကို ကြုံရတတ်ပါတယ်။ သို့သော် ကိုယ်ခံအား ကောင်းနေပါက ထိုဝေဒနာတွေကို မကြုံတွေ့နိုင်ပေ။  ဒါကြောင့် ကိုယ်ခံအား တောင့်တင်းကြံ့ခိုင် စေဖို့အတွက် ဗီတာမင်စီ မြင့်မားစွာပါရှိတဲ့  မချိုသော လိမ္မော်သီး၊ သံပရာ၊ ရှောက်၊  ဂရိတ်ဖရု  စသည့် အသီးများကို စားပေးပါ။  မုန်လာဥနီ၊   မုန်လာဥဖြူ ၊   ရွှေဖရုံသီး၊ ကန်စွန်းဥ၊ ရွက်စားမုန်လာ၊ စိမ်းစားဥ၊ အာတာလွတ်ဥ၊ ကြက်သွန်နီ စသည့် မြေအောက် မြစ်လျှောက် ဟင်းသီး ဟင်းရွက်များ စားပါ။ ငါး၊ အမဲသား၊ ရွှေဖရုံရွက်ညွန့်၊ မုန်လာရွက်၊ ဆန်လုံးညို၊ ရေနွေးကြမ်း လက်ဖက်ခြောက်၊ တလည်းသီး၊  မျှစ်၊  ချဉ်ပေါင်ရွက်၊  အစိမ်းရောင် ပန်းငရုတ်ချိုပွ၊ ကျောက်ဖရုံသီး၊ ကြက်ဟင်းခါးသီး၊  ခရမ်းချဉ်သီး၊ စောင်းလျားသီး၊ ချဉ်စော်ကားသီး၊ ပြည်ပန်း ညိုရွက်၊ ဒန့်သလွန်ရွက် နှင့် မဲဇလီဖူး၊ မဲဇလီရွက် တို့ဟာလည်း ဆောင်းတွင်း ဓာတ်စာများ ဖြစ်ကြပါတယ်။   

အပူငြိမ်းဝမ်းမှန် စေဖို့အတွက် သင်္ဘောသီးမှည့်၊ ဖီးကြမ်း ငှက်ပျောသီးမှည့် စားပါ။ မန်ကျည်းမှည့် ဖျော်ရည်ထဲကို ဆားထည့်၍ သောက်ပါ။ ဗီတာမင်စီ ကြွယ်ဝပြီး အမျှင်ဓာတ် များသော ဂေါ်ဖီထုပ်ကို ဆောင်းရာသီ ဓာတ်စာ ဟင်းခါးပူပူလေး အဖြစ် မကြာခဏ ချက်သောက်ပေးပါ။

အဆုတ်ပွရောဂါအတွက်

à ရေများများ သောက်ပါ။ ငှက်ပျောဖူးဟာ ချွဲသလိပ် ပျော်ကျစေပြီး အသက်ရှူ လမ်းကြောင်း ပွင့်စေပါတယ်။ ပူပူစပ်စပ်စားပါ။  ငရုတ်သီး၊  ငရုတ်ကောင်း တို့၏ သဘာဝ အပူဓာတ်က   သွေးလည်ပတ် စီးဆင်းမှုကို အားကောင်းစေပြီး ရောဂါပိုးများ ၀င်ရောက်ခြင်းကို တိုက်ထုတ်ပေး ပါတယ်။ တရုတ်နံနံပင်၊ ဟင်းနုနယ်ရွက်၊ မုန်လာဥနီ၊ ရွှေဖရုံသီး၊ ပန်းငရုတ်ပွသီး  ခေါ် ငရုတ်ချို ၊ ဘယ်ရီသီး အမျိုးမျိုး ၊ လိမ္မော်၊ နာနတ်၊ ဂရိတ်ဖရုသီး၊ အစိမ်းရောင် ပဲသီးအမျိုးမျိုး ၊ ပဲစေ့များ၊ အခွံမာသီး၊ ဂေါ်ဖီထုပ်၊ ပန်းဂေါ်ဖီအဖြူ၊ ပန်းဂေါ်ဖီစိမ်း  ခေါ်  ဘရိုကိုလီ၊ ကိုက်လန်၊ ကြက်သွန်ဖြူ ၊ ကြက်သွန်နီများ က အဆုတ်ကို အားကောင်းစေ ပါတယ်။

ပန်းနာရင်ကျပ်ရောဂါအတွက်

à ပန်းနာရင်ကျပ် ဖြစ်ပါက မုန်ညင်းဆီကို ပရုတ်ဆီနှင့် ရော၍ ကျောနှင့် ရင်ဘတ်အနှံ့ စိမ့်ဝင်သွားအောင် ပွတ်နယ် လိမ်းပေးပါ။ ပျားရည်က ချွဲများကို ပျော်ကျစေပြီး     အသက်ရှူ လမ်းကြောင်းကို ပွင့်စေနိုင်သဖြင့်  ပျားရည်ရနံ့ကို ရှူရှိုက်ပေးပါ။ ရေနွေးပူပူ တစ်ခွက်ထဲ တွင် ပျားရည် လက်ဖက်ရည်ဇွန်း တစ်ဇွန်း ရောဖျော်၍ တစ်နေ့သုံးကြိမ် သောက်ပါ။ ကြက်သွန်ဖြူ ၁၀ မြွှာကို နွားနို့  ၃၀ မီလီလီတာ ဖြင့်ပြုတ်၍  တစ်နေ့တစ်ကြိမ် သောက်ပါ သို့မဟုတ် ရေနွေးဆူဆူတွင် ကြက်သွန်ဖြူ လေးမြွှာခတ်၍ အချိန်ငါးမိနစ်ခန့် အအေးခံပါ။ နံနက် တစ်ကြိမ်၊ ညနေတစ်ကြိမ် သောက်ပေးခြင်းဖြင့် ပန်းနာ ရင်ကျပ်ရောဂါ သိသိသာသာ လျော့ကျစေ ပါတယ်။

ရာသီတုပ်ကွေးဖျားနာခြင်းအတွက်

à ကြက်သားနှင့် ကြက်ရိုးစွပ်ပြုတ် ရည်က ကိုယ်ခံအား ကောင်းစေရုံသာမက   တုပ်ကွေးကြောင့်   အအေးမိ၊ နှာစေး၊ ချောင်းဆိုးနှင့် ဖျားနာခြင်း အမျိုးမျိုး တို့အတွက် အကောင်းဆုံး   အိမ်တွင်း သမားတော် ဖြစ်ပါတယ်။ ကြက်သွန်ဖြူ ထဲတွင် Antiviral ခေါ် အအေးမိခြင်းကို ဖြစ်စေသော ဗိုင်းရပ်ပိုးများကို တားဆီး ကာကွယ်နိုင်သည့် ဂုဏ်သတ္တိနှင့် Antibacterial ခေါ် ဗက်တီးရီးယား ပိုးမွှားများ အန္တရာယ်မှ ကာကွယ်နိုင်သော သဘာဝစွမ်းအင် တွေပါရှိနေကြ ပါတယ်။  ဒါကြောင့် ထမင်းစားတိုင်း ကြက်သွန်ဖြူကို အနည်းဆုံး တစ်မြွှာ ထည့်စားပေးသင့် ပါတယ်။ ဒိန်ချဉ်ထဲရှိ Probiotics ခေါ်    ခန္ဓာကိုယ် အကျိုးပြု ဗက်တီးရီးယားများက ကိုယ်ခံစွမ်းအားကို တိုးတက်မြင့်မား လာစေပါတယ်။  ကိုယ်ခံစွမ်းအားကို မြှင့်တင်ပေး နိုင်သော  ဟင်းနုနယ်ရွက်၊ ပန်းဂေါ်ဖီစိမ်း (ဘရိုကိုလီ)၊ ဖရဲသီး၊ ဂရိတ်ဖရုသီး စားပါ။ 

ဆောင်းရာသီ အပူကန်လည်ချောင်းနာအတွက်

à ချင်းပါးပါး ခုနစ်လွှာကို သဘာဝ ထန်းလျက်ခဲအညို သုံးလုံးထည့်ကာ      ရေသုံးခွက် တစ်ခွက်တင် ကျို၍ သောက်ပါ။ ဟင်းလျာများတွင် ကြက်သွန်ဖြူ များများ ထည့်ချက်ပါ သို့မဟုတ် ကြက်သွန်ဖြူ များများထည့်၍ ဆန်ပြုတ် ကျိုသောက်ပါ။ ကင်ပွန်းချဉ်ရွက်ကို ဟင်းချို ၊ ချဉ်ဟင်း ချက်၍စားပါ။ ကြက်ဟင်းခါးသီး အခြောက်ကို ကျောက်ပျဉ်ပေါ် သွေး၍ နာကျင်နေသော လည်ချောင်း တစ်ပြင်လုံးကို လိမ်းကျံပေးပါ။ ကြက်ဟင်းခါးသီး ပြူတ်ရည်သောက်ပါ။ ပျဉ်းတော်သိမ်ရွက် လက်တစ်ဆုပ်စာ ခန့်ကို ရေစင်စင်ဆေးပြီး အိုးသန့်သန့်မှာ သုံးခွက် တစ်ခွက် တင်ပြုတ်ပါ။ ၎င်း ရေခပ်နွေးနွေးဖြင့် ပလုတ် (အာလုတ်) ကျင်းပါ။ ချက်ချင်း ထွေးမပစ်ဘဲ ငုံနိုင်သမျှ ငုံထားပါ (သို့သော် မျိုချရန်မလို)။ ၎င်း ပျဉ်းတော်သိမ်ရွက် ပြုတ်ရည်က   အာသီးရောင်ခြင်း အတွက်ကိုလည်း ကောင်းကျိုးပြု ပေးပါတယ်။  သံပရာသီး တစ်လုံးကို အစေ့ဖယ် အရည်မညှစ်ဘဲ ခပ်ပါးပါး အချပ်လေးတွေ လှီးထားပါ။ ချင်းလက်နှစ်ဆစ် ခန့်ကို အခွံနွှာပြီး နောက် ခပ်ပါးပါး အချောင်းမျှင်မျှင် လေးတွေရအောင် လှီးဖြတ်ပါ။ စောစောက လှီးဖြတ်ထားသော သံပရာသီး အလွှာချပ် လေးများနှင့် ချင်းအချောင်း လေးတွေကို ခြောက်သွေ့ သန့်ရှင်းသည့်   ဖန်ပုလင်းလွတ် တစ်လုံးထဲ ထည့်ပြီး  ၎င်းတို့မြုပ်ရုံ ပျားရည်စစ်စစ် ကို အပေါ်က လောင်းချပေးပါ။ ပြီးနောက် ဖန်ပုလင်း လေလုံအောင် အဖုံးကို ကျပ်ကျပ်ပိတ်၍ ထိုအရောအနှော သုံးမျိုး ဂျယ်လီပုံစံ ပြောင်းသွားသည် အထိ ရေခဲသေတ္တာ ထဲမှာ သိမ်းထားရ ပါမယ်။ ဂျယ်လီဖြစ်လာ သောအခါ ၎င်းကို ဇွန်းနဲ့ခပ်ကာ မတ်ခွက်တစ်ခွက် ထဲပြောင်းထည့်ပြီး    ရေနွေးဆူဆူ လောင်းချ၍ ခပ်နွေးနွေး အနေအထားမှာ စားလို့ရပါပြီ။ ပျားရည်ဖြင့် ဓာတ်ပြုထား တာကြောင့်     သံပရာခွံကို ၀ါးစား၍ ရပါတယ်။ ၎င်း အချိုးအစား အတိုင်း တစ်နေ့ တစ်ကြိမ်ကျ သောက်ပေးခြင်းဖြင့် သုံးရက်မျှ ကြာသည့်အခါ အပူကန် လည်ချောင်းနာများ ပျောက်ကင်းသွား ပါလိမ့်မယ်။ (ပုလင်းဖုံး လုံလုံပိတ်ပြီး ရေခဲသေတ္တာထဲမှာ နှစ်လ၊ သုံးလကြာတဲ့ အထိ သိမ်းထားလည်း ဆေးဓာတ် မပြယ်နိုင်ပါဘူး) မန်ကျည်းသီး မှည့်ကို ဆား၊ အညိုရောင် ထန်းလျက်တို့ဖြင့်   ဖျော်ရည် လုပ်သောက်ပြီး   ၎င်း မန်ကျည်းသီး အဖတ်တွေကို ၀ါးစားပါ။ (ရေခဲမထည့်ရ)  သံပရာရည်ကို အပူပေး၍ ပျားရည်ဖြင့် ရော၍လျက်ပေးပါ။   ဒန့်သလွန်ပင် မြစ်ကို    ထုထောင်း ကြိတ်ခြေ၍ အရည်ကို ညှစ်ယူကာ   စားပွဲတင်ဇွန်း တစ်ဇွန်းခန့် နေ့စဉ်သောက်ပါ။ လည်ချောင်းနာ သာမက အသံဝင်၊ အသံပျက်ခြင်း ကိုလည်း ပျောက်ကင်း စေနိုင်ပါတယ်။

ဆောင်းတွင်းရှောင်ရှား အစားအစာများ

à အေးမြသော ရာသီမှာ အစာကြေညက်ခဲ စေတတ်သော ဆီနှင့် အဆီအအိမ့်တွေ လျှော့စားပါ။ အာလူးကြော်၊ ကြက်ကြော်၊ ဒိုးနတ် စတဲ့ ဆီကြော်မုန့်များ၊ မြေပဲ၊ ဗာဒံစေ့၊ သီဟိုဠ်စေ့ စတဲ့ အဆန်များ၊ ကြက်အူချောင်း၊ ၀က်အူချောင်း များကို ရှောင်နိုင်ရင် ကောင်းပါတယ်။ အဆီအနှစ်နှင့် ငရုတ်သီးများတဲ့ ဟင်းလျာ အစပ်တွေက ရင်ပူစေပါတယ်။ ဆောင်းရာသီမှာ ခရမ်းသီးက  လူကို ကောင်းကျိုး မပြုပေ။ ကော်ဖီနှင့် ချောကလက် ဖျော်ရည် များကလည်း ရင်ပူစေပါတယ်။ ခန္ဓာကိုယ်တွင်း ရေဓာတ် ခန်းခြောက်မှု မဖြစ်ရအောင် ကဖိန်းဓာတ် ပမာဏကို နည်းနိုင်သမျှ လျှော့သောက်ပါ။   ဆောင်းရာသီမှာ အကြော်အလှော် ဟင်းလျာများက   ရင်ပူစေနိုင်၍  အသားငါးတွေကို ဆီဖြင့်ကြော် စားခြင်းထက် ချက်ပြုတ်၍ သာစားခြင်းက ပိုသင့်လျော်ပါတယ်။ အဆီများသော နို့နှင့်နို့ထွက်ပစ္စည်း များဖြစ်ကြသည့် ချိစ်၊ မလိုင်၊ ကရင်မ်များ၊ ၎င်းကရင်မ်ဓာတ် ကဲထားသော ကွတ်ကီးစ်မုန့်များ က နှာခေါင်း၊ လည်ချောင်း၊ ရင်ခေါင်းတို့ကို ပိတ်ဆို့စေ သည့်အပြင် အစာမကြေခြင်း ကိုပါ ဖြစ်စေနိုင်ပါတယ်။

ဂျုံဖြင့် လုပ်ထားသော   အစားအစာတွေ ကလည်း ဆောင်းရာသီမှာ အစာမကြေခြင်းကို ဖြစ်စေပါတယ်။ ဓာတုဆေးဝါးသုံး၍ ဖြူဆွတ်အောင် ပြုပြင်ထားသော သကြားများက    သွေးဆဲလ်များကို ထိခိုက်စေနိုင်ပြီး ကိုယ်ခံစွမ်းအား ယုတ်လျော့ စေသဖြင့်    အအေးမိ၊ ဖျားနာ၊ ချောင်းဆိုး၊ ကူးစက်ပိုးတွေကို ခံနိုင်ရည်မရှိ တော့ပေ။   ဒါကြောင့်   အဖြူရောင် သကြားများနှင့် ၎င်းဖြင့်ပြုလုပ် ထားသော အချိုရည်တွေကို ဝေးဝေးက ရှောင်ရှားပါ။

အချုပ်အားဖြင့် ဆိုသော် ဆောင်းလေဆော့သွေး ကျန်းမာရေး အတွက် ခြေထောက်ကို နွေးနွေးထားပြီး ချင်းစိမ်း၊ ချင်းယို၊ ချင်းခြောက်မှုန့် စားပေးပါ။ ဆောင်းညတွေမှာ လက်မောင်းနှင့် ခြေထောက် အောက်ပိုင်းတို့ကို နွေးနွေးထွေးထွေး ထားပါက နှစ်ခြိုက်စွာ အိပ်ပျော်စေပြီး အအေးမိ ကိုယ်လက်ကိုက်ခဲခြင်း တွေ မဖြစ်စေနိုင် တော့ပေ။ ဒါ့အပြင် ရာသီဥတု ဘယ်လောက် အေးအေး ဦးထုပ်ဆောင်း မအိပ်ပါနှင့်။ မျက်စိနှင့် ဦးနှောက်ကို ထိခိုက်စေပြီး ဆံပင်ကျွတ်စေပါတယ်။ အရေးကြီးဆုံး အသိပေးချင် တာက ဆောင်းရာသီ ရေချိုးမကြောက် သင့်ကြောင်း ရေးသားလိုက်ရ ပါတယ်။

 

ပေါက်ပေါက်

ဓာတ်ပုံ - အင်တာနက်

ခရက်ဒစ် - mwddaily