လူငယ် နှင့် ရွေးချယ်မှု
ရွေးချယ်မှုဆိုသည့် စကားကို နေ့စဉ်နှင့်အမျှ ကြားဖူးကြပါလိမ့်မည်။ ထို့အတူ ရွေးချယ်မှုဆိုသည့် အရာနှင့်လည်း မည်သူ တစ်ဦးတစ်ယောက်မျှ လွတ်ကင်းနိုင်ကြ လိမ့်မည် မဟုတ်ပေ။ အစားအသောက်၊ အ၀တ်အထည် များမှအစ ဘ၀တစ်သက်တာ ကာလ တစ်လျှောက်လုံး အတွက် အဓိက အရေးကြီးသည့် အသက်မွေး ၀မ်းကျောင်းမှု များထိ မိမိတို့ စိတ်တိုင်းကျ ရွေးချယ်ဖူးခဲ့ကြ မည်သာဖြစ်သည်။ ထို့ကြောင့် လူတိုင်းလူတိုင်း သည် ရွေးချယ်မှုဟူသော ကွန်ရက် တစ်ခုအတွင်း၌ ကျင်လည်ရှင်သန် နေကြရသည့် သူများဟု ဆိုပါကလည်း မှားလိမ့်မည် မဟုတ်ပေ။
လူတိုင်းလူတိုင်း အနေဖြင့် ရွေးချယ်မှုဟူသော အရာနှင့် ရှောင်လွှဲ၍ မရနိုင်ဟု ဆိုခဲ့သော်လည်း စင်စစ်တွင် ရွေးချယ်မှုဟူသော အရာမှာ လူငယ်များထံ၌ များစွာ ရှိနေတတ်သည်။ တရိပ်ရိပ် ပြောင်းလဲတိုးတက် လာသော ခေတ်စနစ် များနှင့်အတူ တိုးတက်ဆန်းပြား လာသော နည်းပညာရပ် များအရ လူငယ်များအနေဖြင့် သင်ယူစရာ၊ လေ့လာစရာ ပညာရပ်များ များပြားလာသည့် နည်းတူ ရွေးချယ်နိုင်ခွင့် ဟူသောအရာမှာလည်း ယခင်ကထက် ပိုမိုများပြား လာခဲ့ပြီဖြစ်သည်။ သို့သော် ရွေးချယ်စရာများ မည်မျှပင် များပြားစေကာမူ မိမိဘ၀အတွက် မှန်ကန်သည့် ရွေးချယ်မှုမျိုးနှင့် လောကကို အလှဆင်နိုင်သော ရွေးချယ်မှုမျိုး ဖြစ်ရန်လည်း လိုအပ်လှသည်။ ရွေးချယ်မှု မှားယွင်းခြင်းသည် ဘ၀အတွက် တန်ဖိုးရှိလှသော အချိန်များကို ဆုံးရှုံးသွားစေရုံ သာမက မိမိကိုယ်ကိုလည်း ယုံကြည်မှု လျော့ကျသွား စေနိုင်သည်။ မိမိကိုယ်ကို ယုံကြည်မှု လျော့ကျယိုင်နဲ့ သွားခြင်းသည် အောင်မြင်သော ဘ၀ကို တည်ဆောက်နိုင်ရန် အတွက် များစွာနှောင့်နှေး ကြန့်ကြာသွား စေနိုင်သည်ကို သတိပြုသင့်သည်။
ချင်းရိုးရာ စကားပုံကလေးများ၌ " စကားပြောမမှားသူနှင့် တောင်ပေါ်တွင် ခြေမချော်ဖူးသူ " မရှိဟူသော စကားပုံကို မှတ်သားခဲ့မိဖူးသည်။ မြန်မာစကားပုံ တွင်လည်း " မမှားသောရှေ့နေ၊ မသေသော ဆေးသမား " မရှိဟုလည်း ဆိုကြသည်။ ဆိုလိုသည်မှာ ဘ၀တွင် လူတိုင်းမမှားဖူးသူ ရှိလိမ့်မည်မဟုတ်။ တစ်ကြိမ်တစ်ခါစီမျှ မှားခဲ့ဖူးကြမည် ဖြစ်သည်ဟု ဆိုလိုခြင်းဖြစ်သည်။ သို့သော် အမှားတစ်ခုကို နဂိုမူလကပင် မှားနေခြင်းထက် ကိုယ်တိုင်ရွေးချယ် ထားသော ပညာရပ်တစ်ခု သို့မဟုတ် အသက် မွေးဝမ်းကျောင်းမှု အပေါ်၌ စူးစမ်းလေ့လာ ကြိုးစားနေရင်းဖြင့် မှားသည့် အမှားက ပို၍သင့်တော် လိမ့်မည်ဟု ယူဆမိသည်။
ဥပမာ ဆရာဝန်တစ်ဦး ဟူသော ဘွဲ့လက်မှတ်ကို ၀ါသနာပါသည် ဖြစ်စေ၊ မပါသည်ဖြစ်စေ အရယူခြင်းထက် အခြားပညာရပ် တစ်ခုကို နဂိုမူလကပင် မိမိ နှစ်သက်ရာ၊ ၀ါသနာပါရာ ရွေးချယ်ပြီး စနစ်တကျ လေ့လာစူးစမ်း ခြင်းက လောကကို ပို၍အလှဆင်နိုင် လိမ့်မည်ဟု ထင်မိသည်။ အချိန်များ၊ ငွေများ၊ ခွန်အားများ စိုက်ထုတ်ရင်းနှီး ပေးဆပ်၍ ဂုဏ်ပုဒ် တစ်ခုအတွက် ဘွဲ့လက်မှတ် တစ်ခုကို အရယူကာ အလှချိတ်ဆွဲ ထားခြင်းသည် မိမိဘ၀အတွက် တန်ဖိုးရှိသော အရာများ ဆုံးရှုံးနစ်နာ သွားသည့်နည်းတူ အခြားသော လောကကို အလှဆင်လိုသည့် လက်များ ကိုလည်း ရိုက်ချိုးလိုက် သည်နှင့် သဏ္ဍာန်တူ လှသည်။
ဆိုရပါလျှင် မိမိ၏ မှားယွင်းသော ရွေးချယ်မှုသည် မိမိအတွက် ကိုသာလျှင် ဆုံးရှုံးနစ်နာ သွားခြင်းမျိုး မဟုတ်။ အမှန်တကယ် ဖြစ်ထွန်း အောင်မြင်လိုသော သူများအတွက်ပါ အစားထိုး မရသော နစ်နာသွားခြင်း ဖြစ်သကဲ့သို့ လောကအလှ အတွက်ကိုလည်း အဖိုး မဖြတ်နိုင်သော ဆုံးရှုံးခြင်း ဖြစ်နေတတ်သည်။ ထို့ကြောင့် မိမိ၏ ရွေးချယ်မှုသည် မိမိတစ်ဦး တစ်ယောက်တည်း အတွက်သာမက လောကအလှ အတွက် သီးပွင့်လာမည့် အပွင့်အခက်များ အတွက်ပါ အရေးကြီးလှ သည်ကို လူငယ်တိုင်း သို့မဟုတ် လူတိုင်းလူတိုင်း ဂရုပြု စေချင်မိသည်။
ယနေ့ မိမိတို့ ပတ်ဝန်းကျင်၌ ရွေးချယ်မှု မှားယွင်း၍ အောင်မြင်မှု ပျောက်ဆုံးနေသော လူငယ် အများအပြားကို တွေ့မြင်ရ သကဲ့သို့ တိကျ မှန်ကန်သော ရွေးချယ်မှုကို မရွေးချယ်တတ်၊ မဆုံးဖြတ် တတ်ကြသဖြင့် လေလွင့်ပျက်စီး နေသည့် လူငယ်များလည်း အများအပြား ဖြစ်နေသည်ကို တွေ့မြင်ကြ ရပါလိမ့်မည်။
ဆိုရပါလျှင် ရွေးချယ်မှုဟူသည် လူတစ်ဦးအတွက် ရည်မှန်းချက် တစ်ခု ဖြစ်နေနိုင် သကဲ့သို့ ဘ၀အတွက် အရေးပါသော ဆုံးဖြတ်ချက် တစ်ခုလည်း ဖြစ်နေနိုင်သည်။ အထက်တွင်ဆိုခဲ့သည့်အတိုင်း လူတစ်ဦး အတွက် ရွေးချယ်စရာ အခွင့်အလမ်း ပေါင်းများစွာ ရှိနေခြင်းသည် အနာဂတ် လူ့အဖွဲ့အစည်းနှင့် အနာဂတ် ကမ္ဘာကြီးအတွက် အပေါင်းလက္ခဏာ ဆောင်သည့် တိုးတက်မှု ဖြစ်သော်လည်း ကိုယ်တိုင် ရွေးချယ်ခဲ့သော ရွေးချယ်မှု သို့မဟုတ် အခြားသော သူများ၏ စိတ်ဆန္ဒ ကို ငဲ့ကွက်၍ ရွေးချယ်ခဲ့သော ပညာရပ်တစ်ခုကို ဆုံးခန်းတိုင်အောင် မလေ့လာ၊ မသင်ယူ၊ မဆည်းပူး ခြင်းများ၊ အကျိုးရှိအောင် အသုံးမချမှုများ အစရှိသော ပုံရိပ်များ များပြား နေခြင်းမှာလည်း အနာဂတ် လူ့အဖွဲ့အစည်း နှင့် အနာဂတ် ကမ္ဘာကြီးအတွက် အနုတ်လက္ခဏာ ဆောင်သည့် ပုံရိပ်များဟု ဆိုရမည် ဖြစ်သည်။
လူတစ်ဦး အနေဖြင့် မည်သို့သော ပညာရပ်များကို ဖြစ်ပါစေ ကိုယ်တိုင်ကိုယ်ကျ ရွေးချယ်ဆုံးဖြတ် လိုက်နိုင် ခြင်းသည် အောင်မြင်မှု ပန်းတိုင်သို့ အရောက်လှမ်း နိုင်ရန် အတွက် ခြေတစ်လှမ်း စနိုင်လိုက်ခြင်း ဖြစ်သည်။ မိုင်ပေါင်းများစွာသော ခရီးတစ်ခုအတွက် ခြေတစ်လှမ်းက အစပြုသည်ဟု ဆိုပါလျှင် အောင်မြင်သော ဘ၀ကို ပိုင်ဆိုင်နိုင်ရန် အတွက်မှာလည်း ရွေးချယ်မှု ဟူသော ဆုံးဖြတ်ချက် တစ်ခုက စတင်ကြ ရစမြဲဖြစ်သည်။ သို့သော် ခိုင်မာသော ဆုံးဖြတ်ချက်နှင့် တိကျသော ရည်မှန်းချက် ရှိနေရန်လည်း လိုအပ်လှ သည်။ သို့မဟုတ်ပါက ဘ၀အတွက် စတင်လိုက်သော ခြေတစ်လှမ်း နှင့်ပင် ယိုင်နဲ့ပြိုလဲ သွားတတ်သည်ကို သတိပြုသင့် လှပေသည်။
စာဖတ်သူများ အနေဖြင့် ကမ္ဘာ့သမိုင်း စာမျက်နှာထက်မှ စစ်သူကြီး သို့မဟုတ် စစ်ဘုရင်ကြီး ဖြစ်သော နပိုလီယံ ၏အကြောင်းနှင့် စိမ်းမည့်သူဟူ၍ မရှိလောက်ပေ။ ရည်မှန်းချက် ကြီးမားသည့်သူ တစ်ဦးဖြစ်သည် အလျောက် " မဖြစ်နိုင်တာ ကျွန်ုပ်၏ဘ၀တွင် မရှိ " ဟု ကြွေးကြော်ခဲ့သော စစ်ဘုရင်ကြီး နပိုလီယံ၏ နောက်ဆုံးစကား တစ်ခွန်းကိုလည်း ရင်းနှီးကြပြီး ဖြစ်ပါလိမ့်မည်။ အခြားမဟုတ်။ " ကျွန်ုပ်သည် အမြင့်သို့ တက်လှမ်းနိုင်ရန် အတွက် ခြေလှမ်းပေါင်း များစွာ အသုံးပြုခဲ့ရ သော်လည်း ကျဆင်းရန် အတွက်မှာမူ ခြေတစ်လှမ်းမျှသာ ရှိချေသည် " ဟူသော စကားဖြစ်သည်။ လူတိုင်းလူတိုင်း သတိပြုသင့် လှသည့် သံဝေဂ ရဖွယ်ရာ စကားတစ်ခွန်းလည်း ဖြစ်သည်။
ဆိုရပါလျှင် လူငယ်များအနေဖြင့် မိမိတို့၏ ဘ၀အောင်မြင်မှု အတွက် တိကျ မှန်ကန်သည့် ရွေးချယ်မှုကို မဖြစ်မနေ ရွေးချယ်ကြ ရမည်သာ ဖြစ်သည်။ ထိုသို့ ရွေးချယ်ထားသည့် ရွေးချယ်မှုတစ်ခု အပေါ်တွင်လည်း အောင်မြင်မှု ရစေရန်၊ လောကကို အလှဆင်နိုင်ရန် အတွက် ခြေလှမ်းပေါင်းများစွာ၊ လှေကားထစ်ပေါင်း များစွာကို ကျော်ဖြတ် လျှောက်လှမ်း ကြရမည်ဖြစ်သည်။ ထိုသို့လျှောက်လှမ်း ကျော်ဖြတ်ကြရမည့် ဘ၀ခရီး၌ မိမိ၏ ရွေးချယ်မှုကို အဖိုးထိုက်တန်သည့် မှန်ကန်မှု ဖြစ်စေရန်နှင့် ရရှိလာသည့် အောင်မြင်မှုကို ယိုင်နဲ့ပြိုပျက် မသွားစေရန် အတွက် အရေးကြီးလှသည့် လိုအပ်ချက်ကို အမြဲမပြတ် သတိမူထား ရပါလိမ့်မည်။ ထိုအရာမှာ အခြားမဟုတ်။ အကြောင်းအကျိုး၊ အကောင်းအဆိုး ကို ဝေဖန်ပိုင်းခြား သတ်မှတ်ပေး နိုင်သည့် ပညာသတိ ပင်ဖြစ်သည်။
သို့ဖြစ်ရာ ရွေးချယ်မှုဟူသော အရာဖြင့် မလွတ်ကင်း၊ မရှောင်လွှဲ နိုင်သည့် မိမိတို့အားလုံး အနေဖြင့် အခါမလပ် ပညာသတိများ ကပ်၍ အောင်မြင်သော ဘ၀ကို တည်ဆောက်နိုင်ကြ ပါစေဟု ဆန္ဒပြု တင်ပြလိုက်ရ ပါတော့သည်။
စည်သူ (ရေနံချောင်း)
No comments:
Post a Comment