Monday, October 19, 2009

စိတ်ရင်းအမှန်

စိတ်ရင်းအမှန်

စိတ်အေးလက်သာနဲ့ အေးအေးလူလူ နေထိုင်နိုင်တဲ့အချိန်ကို တစ်ခါတလေ တောင့်တမိပါတယ်။ နေလို့ မရဘူးလားလို့ မေးလာရင် နေနိုင်ပါတယ် လို့ပဲ ရိုးရိုးသားသား ဖြေမိပါမယ်။ ဒါပေမယ့်လည်း သမုဒ္ဒရာ ၀မ်းတထွာအတွက် သွားလာလှုပ်ရှား ရုန်းကန်နေရတာကလည်း လူ့သဘောသဘာဝ မဟုတ်လား။ တစ်ကိုယ်ရေ တစ်ကာယဆိုပေမယ့် အချိန်ရှိတုန်း အလုပ်လုပ်နိုင်တုန်း အခြေအနေအချိန်အခါ ပေးတုန်း လုပ်ငန်းအပေါ် အာရုံစူးစိုက် လုပ်ကိုင်ချင်တာ လူငယ်တစ်ယောက်ရဲ့ စိတ်အား ထက်သန်မှုပဲ မဟုတ်ပါလား။ ဒါကြောင့် လောဘတက်တတ်တဲ့ လောကီသားရဲ့ စရိုက်အတိုင်း အလုပ်ပြီးအလုပ် ဇောကပ်လုပ်နေမိတယ်။ ပြန်ဆန်းစစ်ကြည့်ရင် ရလဒ်ကတော့ ကျန်တယ်၊ ဒါပေမယ့် ရှုံးတယ်။ ရှုံးတယ် ဆိုတာက လူမှုရေးနဲ့ ကျန်းမာရေးအပိုင်းပါ။

ခရီးပြီး ခရီးသွားနေရတဲ့ ကျွန်တော့်အတွက် အထိုင်များပြီး ဆီးလေမမှန်၊ အလုပ်များတဲ့ဒဏ် ပိတယ်လို့ပဲ ဆိုရမလား။ ခရီးမဆုံးခင် အိမ်ကိုပြန်ရဖို့ အကြောင်းဖန်လာတယ်။ ပထမတော့ ခါးနာတယ်လို့ပဲ ကိုယ့်ကိုကိုယ် လွယ်လွယ်ပဲ ထင်ထားမိပါတယ်။ အိမ်ကလူကြီးတွေကတော့ ကျောက်ကပ်လို့ ပြောတယ်။ နောက် ခါးမှာ အာရုံကြောညှပ်တယ် လို့လဲ ခြောက်ပြန်တယ်။ တစ်ဆင့်ပိုပြီး Medical checkup လုပ်ဖို့ အတန်တန် တွန်းအားပေးတာကြောင့် တစ်ရက်တော့ အချိန်ပေးသွားခဲ့တယ်။ လူကြီးတွေရဲ့ အတွေ့အကြုံနဲ့ မှတ်ချက်တွေကြောင့် စိုးရိမ်စိတ်တွေ ကြီးခဲ့ရပြီး စိတ်လက်မသက်မသာ ဖြစ်မိတာတော့ အမှန်ပါ။ လူတစ်ယောက်အတွက် ကျန်းမာရေးက အဓိကမို့ လူကြီးတွေရဲ့ စကားကို နာခံဖို့ပဲ စိတ်ထဲ ပြင်ဆင်ထားလိုက်ပါတယ်။

ပါရဂူဆရာမ ဆိုပေမယ့် ကျွန်တော်နဲ့အသက်ချင်းက မတိမ်းမယိမ်းရယ်ပါ။ လူနာတွေက ပါရဂူဆရာမကို ဒေါက်တာ၊ ပါရဂူ ဆိုပြီ ခေါ်ကြပေမယ့် ကျွန်တော်က အစ်မလို့ ရင်းရင်းနှီးနှီးခေါ်လိုက်တော့ ကျေနပ်တဲ့ပီတိအပြုံးကို သူမရဲ့ ပါဝါမျက်မှန်ကတစ်ဆင့် ဖောက်ပြီး မြင်လိုက်မိတယ်။ Medical checkup မလုပ်ခင် ကျွန်တော်ရဲ့ နေထိုင် သွားလာ စားသောက်တဲ့ အလေ့အထကို မေးတယ်။ သူမရဲ့ ဘ၀င်မကျစေတဲ့ ကောက်ချက်ကတော့ အသင့်စားသုံးနိုင်တဲ့ ကျွန်တော်ရဲ့ စားသောက်စာရင်းတွေပဲ ဖြစ်ပါတယ်။ ကြာရှည်အထားခံအောင် စီမံထားတဲ့ အဆင့်မြင့် အသင့်စား အစားအစာ တွေကြောင့် ကင်ဆာရောဂါ အမျိုးမျိုး ဖြစ်နိုင်တာကို ကျန်းမာရေး အသိအနေနဲ့ သြ၀ါဒစကားချွေခဲ့ပါတယ်။ ကင်ဆာဖြစ်စေနိုင်တဲ့ အမူအကျင့်တွေကို ရိုးရိုးရှင်းရှင်း နေထိုင်ပြီး ရှောင်ရှားနိုင်ဖို့ ဗဟုသုတအနေနဲ့ နားထောင်ကြည့်ပါအုန်း။ ပါရဂူရဲ့ အဆိုအရ ကင်ဆာအားလုံးရဲ့ သုံးပုံ တစ်ပုံက လေထုမသန့်ရှင်းတာရယ်နဲ့ ဆေးလိပ်ကြောင့် ဖြစ်ရတယ်လို့ ပြောပါတယ်။ ဆေးလိပ်သောက်တာကို ဖြတ်နိုင်မယ်ဆိုရင်တော့ ကင်ဆာဖြစ်မှု သုံးပုံတစ်ပုံကို ကာကွယ်ပြီးသားဖြစ်တယ်လို့ ဆိုတဲ့သဘောပါ။ ကျွန်တော်က ဆေးလိပ်သောက်တတ်သူ မဟုတ်တာကြောင့် စိုးရိမ်စိတ်တော့ နည်းနည်း ကျသွားပါတယ်။ ဆက်ပြောတာကတော့ ကိုယ်လက်လှုပ်ရှားတာ နည်းမယ်၊ ခွန်အားတိုးစေတဲ့ အစာတွေ (ယမ်းစိမ်းများတဲ့ ၀က်အူချောင်း၊ အသားခြောက်၊ အသားကင်) အရောင်ပါတဲ့ အားဖြည့် အချိုရည်တွေနဲ့ တာရှည်ခံအောင် စီမံထားတဲ့ အစားအသောက်တွေ (အထူးသဖြင့် ခေါက်ဆွဲခြောက်) လွန်လွန်ကျွံကျွံ စားသောက်ရင်တော့ ကင်ဆာဖြစ်စေတဲ့နှုန်း ပိုမြင့်စေတယ်လို့ သိရပါတယ်။

နောက်ဆုံး ပါရဂူအကြံပြုတာကတော့ ကိုယ်လက်လှုပ်ရှားတာ တစ်နေ့ ၂ ကြိမ်လုပ်ရမယ်။ စနစ်ကျတဲ့ လေ့ကျင့်ခန်းကို အချိန်မှန် လုပ်ပေးရမယ်။ လမ်းများများ လျှောက်ပေးရမယ်။ အစားအသောက်ဆိုရင် အဆီ အဆိမ့် အငန် လျော့ပြီး ဖြစ်နိုင်ရင် ၀မ်းတွင်းသား၊ အသားစိမ်း ကို ရှောင်ရမယ်။ ပင်လယ်စာနဲ့ သစ်သီးများများ စားပေးရမယ်။ သားကြီးငါးကြီးထက် ဟင်းသီးဟင်းရွက်ကို ပိုစားပေးရမယ်။ ဒါဆိုရင် ကင်ဆာ ၁၂ မျိုးဖြစ်တဲ့ ပါးစပ်ခံတွင်း၊ လည်မျို၊ အစာမျိုပြွန်၊ အဆုပ်၊ ပန်ကရိယ၊ အစာအိမ်၊ အူ၊ သည်းခြေ၊ အသည်း၊ ရင်သား၊ သားအိမ်နံရံ၊ ဆီးကျိတ်နဲ့ ကျောက်ကပ် ကင်ဆာတွေကို တင်ကြိုကာကွယ်နိုင်တဲ့အကြောင်း စိတ်ရှည်လက်ရှည် ရှင်းပြခဲ့တယ်။ ကျေးဇူးတင်ရှိစွာနဲ့ ပြန်မယ်လုပ်တော့ သူ့ဆလင်းဘတ် ထဲကနေ ရွှေရောင် လိပ်စာကတ်လေး တစ်ခုထုတ်ပေးပါတယ်။ စိတ်ထဲ ကျိတ်ကျေနပ်မဆုံးခင်လေးပဲ ရှစ်မိုင်မှာ သူ့အမျိုးသားဖွင့်ထားတဲ့ Fitness Center မှာ Member ၀င်ပြီး လေ့ကျင့်ခန်း မှန်မှန်လုပ်ဖို့ တိုက်တွန်းခဲ့ပါတယ်။ တစ်ကိုယ်လုံး နင်သလိုလို ခံစားလိုက်ရပေမယ့် ဟုတ်ကဲ့ သွားပါမယ်လို့ ကတိပေးခဲ့ရတယ်။ အိမ်နဲ့လည်း သိပ်မှ မဝေးတာ အမှန်ပဲ သွားဖြစ်မှာပါ။

ဆေးခန်းမှာ ၂ ညတက်ခဲ့တယ်။ Medical Checkup ရဲ့ အဖြေကို မသိရသေးခင်မှာ လူက ပေါ့ပါးလန်းဆန်းခြင်းတော့ မရှိသေးပါဘူး။ သို့လော သို့လော အခြေအနေမှာ နက်ပေါ်လည်း အရင်လို အညောင်းခံပြီး အချိန်ပြည့် ထိုင်နေနိုင်မယ် မထင်ပါဘူး။ ဘလောဂ့်ထဲ လွန်လွန်ကျူးကျူး အလည်လွန်တတ်တဲ့ ကျွန်တော့်ရဲ့ခြေလှမ်းကိုလည်း နည်းနည်းတော့ ထိန်းချုပ်ရအုန်းမှာဆိုတော့ မိတ်ဆွေသူငယ်ချင်းတွေရဲ့အိမ်ကို ခဏခဏ ရောက်မလာနိုင်တာကို နားလည်ခွင့်လွှတ် ပေးစေချင်ပါတယ်။ ခရီးသွားနေတဲ့ အချိန်အတောအတွင်း အခင်မင်မပျက် အချိန်မှန် လာလာလည်တဲ့ မိတ်ဆွေတွေရဲ့ မှတ်ချက်စကားလေးတွေကို ပြန်ဖတ်ရတော့ အမှန်ပဲ မျက်ရည်လည်မိတယ်။ မိတ်ဆွေ သူငယ်ချင်းတွေရဲ့ ကျွန်တော့် အပေါ်ထားရှိတဲ့ သံယောဇဉ်တွေကို အလေးမထားလို့ မရပါဘူး။ ကျွန်တော်ခဏခဏ ပြောဖြစ်တဲ့ စကားကတော့ အပြင်မှာထက် နက်ပေါ်မှာက စိတ်ရင်းမှန်နဲ့ ခင်မင်တဲ့ မိတ်ဆွေရောင်းရင်းတွေ အများကြီး ရှိနေတာကိုပါပဲ။ ဘာဖြစ်ဖြစ် အားလုံးကို ကျေးဇူးတင်တယ်လို့ပဲ ပြောချင်ပါတယ်။ အားလုံးပဲ ကိုယ်စိတ်နှလုံး ရွှင်လန်းနိုင်ကြပါစေလို့ ဆန္ဒပြုပါတယ်။







24 comments:

လောဝ်ခမ်း said...

ကျန်းမာရေးဂရုစိုက်ပါ၊ တောင်ကြီး ပြန်အနားယူပေါ့။

Cherrymaw said...

မောင်လေးရေ

ညီမလေးစားဖို့လည်း မရှိဘဲနဲ့

ကုန်း ရုန်းလုပ်မနေနဲ့နော်

စားသတိ သွားသတိ အမြဲရှိပါစေ

flowerpoem said...

ကိုဝင်းဇော်ရေ ကျန်းမာရေး ဂရုစိုက်ပါ ကျန်းမာမှ ကျန်တာတွေ ဆက်လုပ်နိုင်မှာပါ

ဒဏ္ဍာရီ said...

အမြန်ဆုံး ကျန်းမာပါစေနော်။ ကျန်းမာရေးကိုလည်း ဂရုစိုက်ပါ။ အာရောဂျံ ပရမံ လာဘံတဲ့ အကို။ ကျန်းမာခြင်းသည် လဘ်တပါးတဲ့။ ဆရာ လုပ်သွားတယ်။း)

ခင်မင်လေးစားလျှက်

တောင်ပေါ်သား said...

ကျန်းမာရေးကို ဦးစားပေးပါ။ ကျန်းမာရေးကောင်းလျှင် နက်ပေါ်မက တိမ်တွေပေါ်လဲ တက်နိုင်မည်။း)

အစစအရာရာ အဆင်ပြေပါစေ

လေးစားလျက်
တောင်ပေါ်သား

မမသီရိ said...

ရေးများများ သောက်ပြီး
လှုပ်လှုပ်ရှားရှားနေလိုက်ရင်
သက်သာသွားပါလိမ့်မယ် မောင်လေးရေ
ကျန်းမာရေး ဂရုစိုက်ပါ

ရွှေရောင်လိပ်စာကဒ် ပိုင်ရှင်လေးရဲ့ ပိုင်ရှင်ကြောင့်
တကိုယ်လုံးနင်သွားခဲ့ရလို့ အားမရ ၀မ်းမသာ ပြုံးမိသေး..း)

Waing said...

ဘာပဲဖြစ်ဖြစ် ကျန်းမာရေးကို ဂရုစိုက်ပါ ကိုယ်ကျန်းမာမှ စိတ်ချမ်းချမ်းသာသာနဲ့ ဘ၀ကို ပျော်ပျော်နေနိုင်မှာလေ

အစဉ်ထာဝရ ပျော်ရွှင်နိုင်ပါစေ...

hlaung09 said...

အလုပ်များများလည်း လုပ်ချင်တယ်
စာလည်း များများရေးချင်တယ်ဆိုရင်
ကျန်းမာရေးအထူး ဂရုစိုက်ပါ

အဖြူရောင်ဒဏ္ဍာရီ said...

ကျန်းမာခြင်းသည် လာဘ်တစ်ပါးတဲ့နော်

ကိုယ့်ကိုကိုယ်ချစ်ပါ

kiki said...

လွမ်းရေးထက် ဝမ်းရေးခက်၏ ။
ဝမ်းရေးထက် ကျန်းမာရေးခက်၏ ။
ကျန်းမာခြင်းသည် လာဘ်ကြီးတပါး ။

ဒီတော့ ..ဒီတော့... အရေးကြီးတာ မဖြစ်မနေဂရုစိုက်ရ မှာပေါ့နော် .. ဟို မမ က စေတနာ ဗလပွ နဲ့  အကြံပေးတာ နေမှာ ..း))
စောစောအိပ် ။စောစောထ ။ လမ်းလျှောက် ။ ရေသောက် ။ဆေးလိပ်မသောက် ၊ အရက်မသောက် ။
ဒီလောက်ဆိုရင် မဆိုးလှပါဘူး ...
( နေကောင်းသွားမှာ ပါ၊ အင်္ကျီ ပါးပါး ဝတ် ၊ ဘယ်မှာနေလဲ ၊ နီးသားပဲ ၊ ... ဆိုတဲ့ လူပျက် ဟာသလေး ကို သတိရမိလို့  .. ဖတ်ပြီးပြုံးမိသေး ..ဟေးဟေး .. )

တလနွန် said...

ကိုဝင်းဇော်ကြီး

ကျန်းမာအောင် နေနော်။ ကျန်းမာမှ စိတ်ချမ်းသာကိုယ်ချမ်းသာနဲ့  မြန်မာပြန်တနံတလျား သွားလို့ ရမှာပေါ့။ (ဘရားသားက နယ်ထွက်ပြီး စီးပွားရေးလုပ်နေတဲ့သူဆိုတော့ )

ကျန်းမာပါစေဗျာနော်။

reenoemann said...

အကို ကျန်းမာရေးကို ဂရုစိုက်ပါ။

အဲ့ဒါမှ အကိုပြောတဲ့ နက်ပေါ်က

စိတ်ရင်းမှန်တဲ့ မိတ်ဆွေတွေနဲ့

ပျော်ပျော်ရွှင်ရွှင်နေလို့ ရမှာမဟုတ်လား။

ဂရုစိုက်ပါနော်

ခင်တဲ့ ရီနိုမာန်

လင်းဒီပ said...

အေးဗျာ ကျန်းမာရေးတော့ ဂရုစိုက်..ပင်ပန်းမှာစိုးရင် ကျွန်တော့်ဘလောဂ့်ကို taxi နဲ့လာခဲ့ဗျ..။:p

နေ့အိပ်မက် said...

မြန်မာပြည်မှာ တအားတော်တဲ့သူတွေက ကိုယ့်ကိုယ်ကိုယ်ဂရုမစိုက်ကြလို့ ကျန်းမာရေးထိခိုက်ကြတာများတယ်နော်... ကိုယ့်ကိုယ့်ကိုယ်ဂရုစိုက်ပါဦး

kaungkinpyar said...

ကျန်းမာနေရင် ဘာလုပ်ချင်ချင်ရပါတယ် ကိုဝင်းဇော် ..ဂရုစိုက်ပါနော်..း)

kokomaung.uk said...

အားလုံးနားလည်ကြပါတယ်။ အားနာပြီး နက်ရှေ့ မှာ တစ်နေကုန်ထိုင်မနေပါနဲ့။ ကျန်းမာရေးကိုသာ အထူးဂရုစိုက်ပါ။ ကျန်းမာရေးကောင်းရင် ကျန်တာတွေက အချိန်မရွေးရနိုင်ပါတယ်။

ဘေးဘယာဝေးကွာပြီး ကျန်းမာပါစေ။

Anonymous said...

ဆေးစစ်ချက်အဖြေက အားလုံးအကောင်းပဲလား ကိုဝင်းဇော် ...(ကျန်းမာရေးအတွက်မေးရုံသက်သက်ပါနော် စပ်စုတာမဟုတ်ပါ)... ကျန်းမာရေးကိုဂရုစိုက်ပါနော် ... လူကြီးတွေလည်းစိတ်မပူရအောင်၊ ကိုယ်တိုင်လည်း စိတ်ဒုက္ခမဖြစ်ရအောင်၊ မိတ်ဆွေအပေါင်းအသင်းတွေနဲ့လည်း အမြဲတွေ့ဆုံပျော်ရွှင်ခွင့်ရအောင် ပေါ့...။ အထူးဂရုစိုက်ပါနော် ကျန်းမာမှ အရာရာပြီးပြည့်စုံမှာပါ။
သြော် ဒါနဲ့ စကားမစပ် “ကျွန်တော်ခဏခဏ ပြောဖြစ်တဲ့ စကားကတော့ အပြင်မှာထက် နက်ပေါ်မှာက စိတ်ရင်းမှန်နဲ့ ခင်မင်တဲ့ မိတ်ဆွေရောင်းရင်းတွေ အများကြီး ရှိနေတာကိုပါပဲ။“
အဲလိုစိတ်ရင်းအမှန်နဲ့ ခင်မင်သူတွေကို ဘာကြောင့်များ မယုံမကြည်ဖြစ် လျှို့ဝှက်ချင်ရတာပါလိမ့်နော် ....။
အဆင်ပြေပျော်ရွှင်ပါစေ။

angel said...

သူများတွေမှာသလို ကျန်းမာရေးကို ဂရုစိုက်ဖို့ ပဲပြောချင်ပါတယ် အစ်ကိုတော် ..
ကျန်းမာမှကိုယ်လုပ်ချင်တာတွေ
ဆက်လုပ်နိုင်မယ်မဟုတ်လား ...
အစ်ကိုတော်နေမကောင်းဖြစ်ခဲ့ ရင်
အစ်ကိုတော်မိသားစုတင်မကဘူး
အွန်လိုင်းက မောင်နှမတစ်တွေပါ ခံစားကြရမှာ
ဒါကြောင့် ကျန်းမာရေးကို အထူးဂရုစိုက်ပါ ...


ခင်မင်စွာဖြင့်

ညီမလေး

ပန်းခင်း

မငုံ said...

ကျန်းမာရေး ဂရုစိုက်ဦး ဦးချစ်ဖေရ။

မီယာ said...

မရောက်တာ ကြာလို့... ကျန်းမာခြင်းသည် လာဘ်တပါးတဲ့။ ဟုတ်ပါ့လို့

မု;သုင်ခု, said...

body fitness center သွားရင် ငါ့ကိုလဲ လက်တို့အုန်း။

နှင်းဆီနီ said...

ခုရန်ကုန်မှာလား တောင်ကြီးမှာလား၊ ကျန်းမာရေး အထူး ဂရုစိုက်ပါ။ ငွေပဲဖိရှာမနေနဲ့အုံး

Thet said...

အစ်ကို
စိတ်ကျန်းမာ ကိုယ်ချမ်းသာလို့ အမြန်နေကောင်းပါစေ

အရုပ်ကလေး said...

အလည်ရောက်တယ် အစ်ကိုတော် ..။
ကျန်းမာရေး ဆိုလို့ .. ကျွန်တော်လည်း အထိုင်များပြီး ခါးတွေ ကိုက်နေတယ် ... အကြောတက်သလို အောင့်နေတာ .. ဆရာဝန်တော့ မပြဖူးသေးဘူး ..။

လှုပ်ရှားလိုက်ရင် ပျောက်သွားပြန်ရော ....
အလုပ်ပြီးတော့လည်း အွန်လိုင်းလေး တက်ချင်တော့ လေ့ကျင့်ခန်းလည်း မလုပ်ဖြစ်ဘူး အစ်ကိုရေ ..။

အဖြစ်ချင်းတော့ တူနေပြီ ..။

ဘာပဲ ဖြစ်ဖြစ်ပေ့ါ .. ကျန်းမာရေးက အဓိကပါ ..
လေ့ကျင့်ခန်း ပုံမှန်လုပ်ပေးဖို့တော့လိုအပ်မယ် ထင်တယ် အစ်ကို ...။

ရောဂါဝေဒနာများ သက်သာလို့ မနက်ဖြန်ရက်များမှာ နေ့စဉ်တိုင်း လန်းဆန်းတက်ကြွရွှင်လန်းပါစေ ..။

ခင်မင်စွာ
idulize(အရုပ်ကလေး)