သတိပြုဖွယ် အိမ်တွင်း လေထုညစ်ညမ်းမှုများ

 

သတိပြုဖွယ် အိမ်တွင်း လေထုညစ်ညမ်းမှုများ

 

လေထု ညစ်ညမ်းမှု ဆိုသော စကားလုံးသည် ကျွန်ုပ်တို့နှင့် ရင်းနှီးနေပြီး သားဖြစ်သည်။ လေထု ညစ်ညမ်းခြင်းကို အကြမ်းအားဖြင့် အဓိပ္ပာယ် ဖွင့်မည်ဆိုလျှင် လေထုထဲတွင် မည်သည့် ပစ္စည်းမဆို ရှိသင့်သည့် အတိုင်းအတာ ထက် ပိုများသွား ခြင်းကို ခေါ်ခြင်း ဖြစ်သည်။

 

လေထု ညစ်ညမ်းမှု ဟု ဆိုလိုက်သည် နှင့် အိမ်တွင်း ၊ အိမ်ပြင် ညစ်ညမ်းမှု အားလုံး အကျုံးဝင် သည်။ လေထု ညစ်ညမ်းမှု ဆိုသည်နှင့် အများစုက အိမ်အပြင် ဘက်ရှိ စက်ရုံများ ၊ အမှိုက်ပုံ များကိုသာ ပြေးမြင်တတ် ကြသည်။ စင်စစ်တော့ အိမ်တွင်း လေထု ညစ်ညမ်းမှု များသည် လူတို့၏ ကျန်းမာရေး ပိုမို ထိခိုက်စေ သည်ကို သတိချပ် စေလိုသည်။ အမေရိက မှ သုတေသန တစ်ခု အရ လူအများစုသည် တစ်နေ့တာ၏ ၈၀ ၊ ၉၀ ရာခိုင်နှုန်း ခန့်သည် အိမ်တွင်း ၊ အဆောက်အဦ အတွင်းတွင် ရှိနေတတ် ကြသည်ဟု ဆိုထားသည် ကို တွေ့ရသည်။

 

ကမ္ဘာ့ကျန်းမာရေး အဖွဲ့ကြီး ၏ စာရင်း ထုတ်ပြန်ချက် အရ တစ်နှစ် တစ်နှစ်တွင် ကမ္ဘာ့ လူဦးရေ၏ ၄ ဒသမ ၃ သန်းသော လူများသည် အိမ်တွင်း လေထု ညစ်ညမ်းမှု ကြောင့် အသက် ဆုံးရှုံး နေကြရကြောင်း လည်း သိရသည်။ အိမ်တွင်း လေထု ညစ်ညမ်းမှုကို ဖြစ်စေသော အကြောင်း အရာများမှာ ဆေးလိပ်ငွေ့မှ ထွက်သော ဓာတ်ပစ္စည်းများ ၊ အော်ဂဲနစ် ဓာတ်ပေါင်းများ ၊ ပိုးမွှားများ ၊ ဓာတ်မတည့်ခြင်း ဖြစ်စေသော ပစ္စည်းများ လောင်ကျွမ်းခြင်းမှ ထွက်သော ပစ္စည်းတို့မှ ဖြစ်သည်။

 

ဆေးလိပ်ငွေ့မှထွက်သော ဓာတ်ပစ္စည်းများ

 

          ဆေးလိပ်မီးခိုးသည် အိမ်တွင်း လေထု ညစ်ညမ်းမှု ကို ဖြစ်စေသော အဓိက အကြောင်းရင်း ဖြစ်သည်။ ဆေးလိပ်ငွေ့တွင် ဓာတု ပစ္စည်းပေါင်း ၄၀၀၀ ကျော် ပါဝင်ပြီး အမျိုးပေါင်း ၇၀ နီးပါးသည် ကင်ဆာကို ဖြစ်စေနိုင်သည်။ ဆေးလိပ် သောက်ခြင်းမှ နှလုံး သွေးကြော ရောဂါ ၊ လေပြွန်ရောင် ခြင်း ၊ အဆုတ်ရောင် ၊ အဆုတ်ပွာ ၊ နှာခေါင်း ကင်ဆာ ၊ ခံတွင်း ကင်ဆာ ၊ လည်ချောင်း ကင်ဆာ ၊ အစာရေမျိုပြွန် ကင်ဆာ ၊ အစာအိမ် ကင်ဆာ ၊ အသည်း ကင်ဆာ ၊ မုန့်ချိုအိတ် ကင်ဆာ ၊ အူကင်ဆာ ၊ ဆီးအိမ် ကင်ဆာ ၊ ကျောက်ကပ် ကင်ဆာ ၊ သားအိမ် ကင်ဆာ ၊ သွေးကင်ဆာ ၊ ရင်သားကင်ဆာ စသည်တို့ ဖြစ်ပွား နိုင်သည်။

 

ကိုယ်ဝန်ဆောင် အမျိုးသမီး များတွင် ဆေးလိပ် သောက်လျှင် သားလျှောခြင်း ၊ သားပျက်ခြင်း နှင့် ကလေးပေါင် မပြည့်ခြင်း ၊ နေ့စေ့ လစေ့ မမွေးဘဲ ကလေး သေဆုံးခြင်းများ ဖြစ်နိုင်သည်။ ဆေးလိပ် သောက်သူ များတွင် သာမက ဆေးလိပ်ငွေ့ ရှူရှိုက်မိသူ များတွင်လည်း အထကပါ ရောဂါများ လက်ဆင့်ကမ်း ခံစား ရနိုင်သည်။ သို့ဖြစ် ပါသောကြောင့် ဆေးလိပ် သောက်လျှင် သတ်မှတ် ထားသော ဧရိယာ အတွင်းတွင် သွားသောက် သင့်သည်။

 

အော်ဂဲနစ်ဓာတ်ပေါင်းများ

 

အော်ဂဲနစ် ဓာတ်ပေါင်း ဆိုသည်မှာ အထူးအားဖြင့် ဖော်မယ်ဒီဟိုက် ဓာတ်ပေါင်းကို ပြောဆိုခြင်း ဖြစ်သည်။ ယင်း ဓာတ်ပေါင်း သည် ကြိတ်သားပြား ၊ ကော်ဇော တွင် ကပ်ထားသော ကော်များ ၊ အပူခံ ပစ္စည်းများ စသည်တို့မှ ထွက်ရှိလေ့ ရှိသည်။ အခြား အိမ်သုတ်ဆေး ၊ ကြေးချွတ် သန့်စင်ဆေး ၊ ပရိဘောဂ အရောင်တင်ဆီ များမှလည် ကလိုရင်း ပါသော ဓာတ်ပေါင်းများ ၊ အက်ဆီတုန်း ၊ အမိုးနီးယား ဘန်ဇင်း ၊ တော်လင်း စသည့် ဓာတ်ပစ္စည်းများ ထွက်ရှိ နိုင်သည်။ ယင်း ဓာတ်ပစ္စည်း များကို ရှူရှိုက်မိလျှင် ခေါင်းမူးခြင်း ၊ ခေါင်းကိုက်ခြင်း ၊ ပျို့အန်ခြင်း ၊ နှာချေခြင်း ၊ နှာရည်ကျခြင်း ၊ အသက်ရှူ ကျပ်ခြင်း ၊ ပန်းနာ တို့ ဖြစ်စေနိုင်သည်။

 

သို့ပါသောကြောင့် ကျွန်ုပ်တို့သည် အနံ့ပျောက်ဆေး ၊ ကြွေပြား ကြေးချွတ်ဆေး ၊ အရောင်တင် ထားသော ပရိဘောဂ များကို သတိပြု သုံးစွဲရမည် ဖြစ်သည်။

 

ပိုးမွှားများ ၊ ဓာတ်မတည့်ခြင်း ဖြစ်စေသောပစ္စည်းများ

 

ပိုးမွှားများ ဆိုသည့် အထဲတွင် အိမ်မွေး တိရစ္ဆာန်များ (ကြောင် ၊ ခွေး ) တို့တွင် တွယ်ကပ် နေသော ပိုးမွှားများကို ဆိုလိုခြင်း ဖြစ်သည်။ ထို့ပြင် ယင်းတို့မှ ထွက်သော အမွေးအမျှင် များသည် လူတို့နှင့် ဓာတ်မတည့် ဖြစ်ရာမှ မှိုစွဲခြင်း ၊ ယားယံခြင်း များကို ဖြစ်စေသည်။ အိမ် အနီးအနား တွင် စိုက်ထားသော ပန်းဝတ်မှုန် များမှလည်း ဓာတ်မတည့်ခြင်း ဖြစ်စေသည်။ ဓာတ်မတည့်ခြင်း၏ လက္ခဏာ အချို့မှာ ယားယံခြင်း ၊ နှာရည်ကျခြင်း ၊ နှာချေခြင်း တို့ဖြစ်သည်။ ဓာတ်မတည့် ခြင်း၏ အဆိုးဝါးဆုံးသော လက္ခဏာမှာ သွေးလန့်ခြင်း ၊ အသက်ရှူ ကျပ်ခြင်း နှင့် အသက်ဆုံးရှုံး သည်အထိ ဖြစ်စေနိုင်သည်။ သို့ပါသောကြောင့် ကျွန်ုပ်တို့သည် အိမ်မွေး တိရစ္ဆာန် များနှင့် နီးနီးကပ်ကပ် နေထိုင်ခြင်း မျိုးကို ရှောင်သင့်သည်။ ထို့အတူ ပန်းနာ ရင်ကျပ် ရောဂါသည် ဖြစ်နေပါက မိမိနှင့် မသင့်ဘူး ထင်သော ၀တ်မှုန်များ နှင့် ဝေးဝေး နေသင့်သည်။

 

လောင်ကျွမ်းခြင်း၏ ဘေးထွက်ပစ္စည်းများ

 

လောင်ကျွမ်းခြင်း ဟူသည်နှင့် ဝေးဝေး ပြေးကြည့်စရာ လိုမည် မထင်ပါ။ အိမ် အနီအနားတွင် ချက်ပြုတ်ရေး အတွက် အသုံးပြု နေသော ထင်း ၊ မီးသွေး ၊ သဘာဝ ဓာတ်ငွေ့ ၊ ရေနံဆီ ၊ ဖယောင်း စသည်တို့ ဖြစ်သည်။ ထို့အတူ အမှိုက်များကို မီးရှို့ ရာမှလည်း ကာဗွန်ဒိုင် အောက်ဆိုက် ၊ ကာဗွန်မို နောက်ဆိုက် များ ထွက်ရှိနိုင် သကဲ့သို့ ကျပ်ခိုး နှင့် အမှုန်အမွှား တို့သည် လေထုထဲသို့ ရောက်ရှိသွား နိုင်သည်။

 

စိုစွတ်နေသော ထင်းနှင့် အခြား အရာများကို မီးရှို့ရာ မှလည်း ကာဗွန်မို နောက်ဆိုက် များ ထွက်ရှိ နိုင်သည်။ မီးစက်များ မှလည်း ကာဗွန်မို နောက်ဆိုက်များ ထွက်ရှိ နိုင်သေးသည်။ မီးခိုးငွေ့ ၊ ကျပ်ခိုး နှင့် ကာဗွန်ဒိုင် အောက်ဆိုက် ၊ ကာဗွန်မို နောက်ဆိုက် များကို နေ့စဉ် ရက်ဆက် ရှူသွင်း ရသူများတွင် အသက်ရှူ လမ်းကြောင်း ဆိုင်ရာ ပြဿနာများ ခံစား ရနိုင်သည်။ ကိုယ်ဝန်ဆောင် အမျိုးသမီး များတွင် ယင်းလေထု ညစ်ညမ်းမှု နှင့် ရင်းနှီး လာသောအခါ ကိုယ်ဝန် ပျက်ကျခြင်း ၊ နေ့စေ့လစေ့ မရှိသော ကလေးများ မွေးဖွား တတ်သည်။

 

သို့ပါသောကြောင့် ကျွန်ုပ်တို့သည် အိပ်ခန်းများ အနီးတွင် မီးဖိုများကို ထားရှိခြင်း မပြုသင့်ပါ။ လေ၀င်လေထွက် ကောင်းသော နေရာများ တွင်သာ မီးဖိုများကို ထားရှိသင့်သည်။ မီးဖိုမှ ထွက်ရှိသော မီးခိုးများ ကို အိမ်ထဲသို့ မပြန့်အောင် မီးဖိုပေါ်မှ မီးဖို အုပ်ဆောင်းများ တပ်ဆင် ထားခြင်းဖြင့် အသက်ရှူ လမ်းကြောင်း ဆိုင်ရာ ရောဂါများမှ ကာကွယ်ပေး နိုင်သည်။

 

အိမ်တွင်း လေထု ညစ်ညမ်းခြင်းများမှ ကင်းဝေး စေရန်အတွက် မီးရှို့ခြင်းကို အထူး ရှောင်ရှား သင့်သည်။ ဓာတ်ဆီ ၊ ဒီဇယ် ၊ ရေနံဆီ စသည့် စွမ်းအင်များကို ချွေတာ သုံးစွဲသင့်သည်။ လေထု ညစ်ညမ်းမှုကို အကောင်းဆုံး ကာကွယ်ပေး နိုင်သည့် နည်းတစ်ခု ဖြစ်သည့် အစိမ်းရောင် ကလိုရိုဖီး များဖြင့် ဖွဲ့စည်း တည်ဆောက် ထားသော အပင်များကို စိုက်ပျိုးခြင်း ဖြင့် လေထု ညစ်ညမ်းမှုကို လျှော့ချနိုင်ကြောင်း ရေးသားလိုက်ရ ပါသည်။

 

မုဒိတာ (တောင်သာ)

ဓာတ်ပုံ - အင်တာနက်