ကမ္ဘာ့ရွာ နှင့် သဟဇာတ

ကမ္ဘာ့ရွာ နှင့် သဟဇာတ

ယနေ့အချိန်အခါတွင် နည်းပညာ၏ အစွမ်းက အံ့မခန်းတိုးတက် လာသည်ကို တွေ့နေရသည်။ အထူးသဖြင့် နည်းပညာ၏ ထုတ်ကုန်တစ်ခု ဖြစ်သော ဖေ့စ်ဘွတ်သည် ကျွန်တော်တို့ နိုင်ငံသားတော်တော် များများအပေါ် သိသိသာသာ လွှမ်းမိုးလာခဲ့ပြီ ဖြစ်သည်။

ငွေကျပ် တစ်ထောင့်ငါးရာတန် ဆင်းကတ်တစ်ခု နှင့် ငွေကျပ် လေးသောင်း၊ ငါးသောင်းတန် ဟန်းဆက်တစ်ခု အရင်းအနှီးပြုရုံမျှဖြင့် ကမ္ဘာ့ရွာကြီး အတွင်းသို့ တိုးဝင်ခွင့် ရနေကြပြီ။ ထိုမျှလွယ်ကူလှသဖြင့် မြို့က ဒေးဗစ် နှင့် ရိုစီ တို့ သာမကဘဲ တောက လှမောင် နှင့် အေးစိန် တို့ပါ ဖေ့စ်ဘွတ်သုံးစွဲ လာကြတော့သည်။

ကော်ဖီတွင် ပါဝင်သော ကဖိန်း

ရန်ကုန် ၊ ၁၄-၆-၂၀၁၃

ကော်ဖီကို ကျွန်တော်တို့သည် ငယ်စဉ်မှစ၍ လူမမာစာ အဖြစ် စတင် တွေ့ဖူးသည်။ ရောဂါ ရှိသူများ ၊ မကျန်းမာ သူများကို လူမမာစာ အဖြစ် ကော်ဖီမှုန့် ၊ သကြား နှင့် နို့တို့ကို ရောစပ်ကာ တိုက်သည်။ ဆွမ်းကျွေးမည် ၊ အလှူအဒါန်း ပေးမည် ဆိုပါက ဆွမ်းကပ် အပြီးတွင် ဆရာတော်ကြီးများ ၊ သံဃာတော် များအား အချိုပွဲကပ် ရာတွင် ကော်ဖီဖျော်၍ ကပ်ကြသည်။ ကော်ဖီရောင်းသော ဆိုင်ကို ကာကာဆိုင် ဟု လည်း ခေါ်သည်။

ကော်ဖီကို အာဟာရ စွမ်းအင် ပေးစွမ်းနိုင်သော အာဟာရ အဖြစ် သုံးဆောင် ကြသည်။ နောက်တော့ ကော်ဖီဆိုင် ၊ လက်ဖက်ရည် ဆိုင်များ ပေါ်လာသည်။ ကော်ဖီဆိုင် သည် လူစည်ကားရာ အရပ်ပင် ဖြစ်လာသည်။ ကော်ဖီ သောက်သုံးခြင်းသည် ယဉ်ကျေးမှု တစ်ရပ် ဖြစ်လာခဲ့သည်။

ယခုတော့ ကော်ဖီတွင် လူအား အထွေထွေ အရပ်ရပ် ဒုက္ခပေး နိုင်သည့် ကဖိန်းဟူသော ဓာတ်တစ်မျိုး ပါဝင်နေသည်။ ထို ကဖိန်းဓာတ် ၏ အစွမ်း သတ္တိကိုပင် လူများ မက်မောစွာ သုံးစွဲကြခြင်း ဖြစ်သည်။ အထူးသဖြင့် အချိုရည်များ တွင်လည်း ကဖိန်းဓာတ်ကို ထည့်သွင်း၍ အဖိုးတန် စားသောက် ဖွယ်ရာအဖြစ် ထုတ်လုပ် ရောင်းချသည်။ ကဖိန်းဓာတ် သည် လူတို့၏ အာရုံကို နိုးကြား စေသည်မှာ အမှန်ဖြစ်သည်။

အခြား ဆိုးကျိုးများလည်း ရှိကြောင်း လူတို့ သိလာကြသည်။ လူကို သေစေသည် အထိ အန္တရာယ် ရှိကြောင်း သုတေသန ပြုချက်များ အရ သိရှိကာ ကမ္ဘာတွင် ကဖိန်းကို သုတေသန ပြုလုပ်သည့် လုပ်ငန်း ၄၀ ကျော် ရှိကြောင်း သိရသည်။ ကဖိန်းသည် ကော်ဖီတွင် အများအပြား ပါဝင်သည်။ ကော်ဖီကို ၁၈ ရာစု အလယ်လောက် မှစ၍ လူ့ယဉ်ကျေးမှု အသိုင်းအ၀ိုင်း ထဲ့သို့ အဆင့်မြင့် သီးနှံထွက် စားသောက်ကုန်များ အဖြစ် ၀င်ရောက် လာသည်။ ကော်ဖီစေ့ကို အမှုန့် ပြုလုပ် အခြောက်ခံကာ ရေနွေး ၊ သကြား တို့နှင့် ရောစပ်၍ လည်းကောင်း ၊ မုန့်ဖုတ်ရာတွင် အနံ့အရသာ အဖြစ် လည်းကောင်း ၊ အဖျော်ယမက များ ချက်လုပ် ရာတွင် လည်းကောင်း အသုံးပြု ခဲ့ကြသည်။

၁၉ ရာစု အစဦးပိုင်းတွင် ကော်ဖီနှင့် လူ့အသိုင်းအ၀ိုင်း ရင်းနှီး ကျွမ်းဝင်မှု က ပိုမို ခိုင်မာလာကာ ဥရောပ ၊ အမေရိက တစ်လွှားတွင် ကမ္ဘာကျော် ကော်ဖီမှုန့် လုပ်ငန်းကြီးများ အပြိုင်းအရိုင်း ပေါ်ထွက် လာသည်။ ၁၉၂၀ ပြည့်နှစ် ၀န်းကျင်တွင် ကော်ဖီတွင် အဓိက ပါဝင်သော ဓာတ်ပစ္စည်းကို မျိုးရိုး နာမည် လိုက်ကာ ကဖိန်းဟု ခွဲထုတ်ပြီး စစ်ပွဲကြီး များတွင် ဒဏ်ရာ အနာသက်သာ စေသည့် ဆေးဝါးတစ်မျိုး အဖြစ် တွင်တွင်ကျယ်ကျယ် စတင် အသုံးပြု ခဲ့ကြောင်း သိရသည်။

တစ်ဖက်တွင်လည်း ကဖိန်းကြောင့် ဆေးမတိုးသည့် လက္ခဏာ များကို တွေ့ရှိခဲ့သည်။ သို့သော် စစ်ပွဲကာလ အတွင်း ဖြစ်၍ ကဖိန်းက ပေးသော ဆိုးကျိုးထက် ကဖိန်း၏ အသုံးတည့်မှု ကို ပို၍ တန်ဖိုး ထားခဲ့သည်။ ထို့ကြောင့် စစ်ပွဲများ လွန်မြောက်ချိန် တွင် ဆေးပညာ အသုံးချ ကဖိန်း ထုတ်လုပ်မှု များသာမက ကော်ဖီ သောက်သုံးသည့် ဓလေ့က ခိုင်မာ သည်ထက် ခိုင်မာစွာ အမြစ်တွယ် နေပြီ ဖြစ်သည်။ ကော်ဖီ ထုတ်ကုန် အမယ်သစ်များ ၊ ကော်ဖီ ဈေးကွက်ချဲ့ထွင် မှုများ ၊ ကဖိန်းပါ အစားအစာ နှင့် ဆေးဝါးများသည် ကုန်ချော ထုတ်ကုန် အဆင့်ဖြင့် ကမ္ဘာအနှံ့ ဥဒဟို ကုန်သွယ် နေပြီ ဖြစ်သည်။

ကော်ဖီသည် ဒုတိယ ကမ္ဘာစစ် ၁၉၃၉ မတိုင်မီ ကာလအထိ ယဉ်ကျေးမှု ၊ လူ့ အဆင့်အတန်း ၊ ခေတ်မီ နေထိုင်မှု များနှင့် ကွင်းဆက် ချိတ်မိ နေပြီ ဖြစ်ကြောင်း သိသိသာသာ တွေ့ရှိရသည်။ ဂုဏ်သရေရှိ လူကြီး လူကောင်းများက အကောင်းစား ကော်ဖီနှင့် ကဖိန်းအဆီ အနှစ်ပါ စားသောက်ဖွယ်ရာ များကို ဇိမ်ခံ ပစ္စည်း တစ်ခုလို သဘောထား ကြသည်။ သူတို့၏ ကြီးကျယ် ခန်းနားမှုကို အကောင်းစား ကော်ဖီဖြင့် ဧည့်ခံကာ ထုတ်ဖော် ပြသကြသည်။ လူလတ် တန်းစားနှင့် အောက်ခြေ လူတန်းစားများ အတွက်လည်း ကော်ဖီက တန်ဖိုးကြီး အစားအစာ အဖြစ် သောက်သုံး နေကြသည်။ ထိုအချိန်တွင် ကော်ဖီ ယဉ်ကျေးမှု အစပျိုးချိန်ဟု ဥရောပ တွင် သတ်မှတ် ကြသည်။

၁၉၅၀ ပြည့်လွန်နှစ် များမှစ၍ ကော်ဖီ စီးပွားရေး ၊ ကော်ဖီ ယဉ်ကျေးမှု တို့က အရှိန် အဟုန် ကောင်းကောင်း နှင့် ဆက်လက် စီးဆင်း လာသည်။ လူတန်းစား အသီးသီး အတွက် ကော်ဖီဆိုင်များ သည် စိတ်ကူးဥာဏ် အသစ်အဆန်းများ ၊ စီးပွားရေး ၊ လူမှုရေး အမြင်သစ်များ စုဝေးရာ နေရာ တစ်ခု ဖြစ်လာ၍ လူအစုလိုက် အဝေးလိုက် အပေါင်းမိဆုံး နေရာ များထဲတွင် ကမ္ဘာ့ ကော်ဖီဆိုင် များကို " တတိယနေရာ " ဟုပင် သတ်မှတ် ခဲ့သည်။

ယမကာဆိုင် ၊ ကာစီနို လောင်းကစား ၀ိုင်း ၊ ကြေးတန်းစား လက်ဝှေ့ပွဲများ ၊ ညကလပ် ပျော်ပွဲရွှင်ပွဲ များ ၊ စတော့ရှယ်ယာ ဈေးကွက်များက " ဒုတိယနေရာ " တွင် အပြိုင်လု နေသည်။ သို့သော် ပထမနေရာမှ အားကစားပွဲများ ( အထူးသဖြင့် ဘောလုံး ) နှင့် တတိယ နေရာမှ ကမ္ဘာ့ ကော်ဖီဘားဆိုင် များက ယနေ့တိုင် အပြောင်းအလဲ မရှိ ရပ်တည်နေဆဲ ဖြစ်သည်။

FAO ၏ ၂၀၀၆ ခုနှစ် စစ်တမ်းအရ ကမ္ဘာ့ လူဦးရေ သုံးပုံနှစ်ပုံ သည် ကော်ဖီ သို့မဟုတ် ကဖိန်း ပါသော စားသောက် ဖွယ်ရာများ ကို စားသောက် နေကြောင်း သိရသည်။ ကဖိန်း ပျံ့နှံ့မှု ကလည်း နေရာအနှံ့ စိမ့်ဝင်နေပြီး မုန့် ပဲသရေစာ စားသောက်ဖွယ်ရာ ( အရက် ၊ ယမကာများ အပါအ၀င် ) ၇၀ ရာခိုင်နှုန်း တွင် ကဖိန်း အနည်းနှင့် အများ ပါဝင်နေကြောင်း တွေ့ရှိရသည်။

WHO ကမူ ကဖိန်းသည် ၂၀ ရာစု အဖျက်လက်နက် တစ်ခု ဖြစ်ကြောင်း ၊ ကဖိန်းကြောင့် နောက်ဆက်တွဲ ဆိုးကျိုး ပေါင်းများစွာ ရှိပြီး စမ်းသပ်ဆဲ ကဖိန်း သုတေသန ဌာန ၄၀ ခန့် က ဆိုသည်။ သို့သော် ကမ္ဘာအနှံ့ ကော်ဖီ သောက်သုံးသူ ဦးရေ က ပုံမှန် တိုးပွား နေဆဲပင် ဖြစ်သည်။ စားသောက် ဖွယ်ရာ အတော်များများ တွင်လည်း ကဖိန်းက တရားဝင် ကြော်ငြာ မရေးသော်လည်း ပါမြဲ ပါနေသည်။

ကဖိန်း ပါဝင်သော စားသောက် ဖွယ်ရာ အမယ်သစ် များကလည်း ရေတွက်လို့ မကုန်နိုင်အောင် ဖောင်းပွနေပြီး ကဖိန်းကြောင့် သေဆုံးသူ ဦးရေ ၊ အခြား ကျန်းမာရေး ချို့ယွင်းသူ ဦးရေက ဆယ်စုနှစ် တစ်ခုလျှင် ထက်ဝက်ချိုး မြင့်တက် လာကြောင်း WHO က သတင်း ထုတ်ပြန် ခဲ့ကြောင်း တင်ပြ လိုက်ရပေသည်။

( ချစ်စံဝင်း ၊ လမင်းအိမ် )

http://themyawadydaily.blogspot.com/2013/06/blog-post_5459.html

http://myawady-myawady.blogspot.com/2013/06/blog-post_3122.html

စိတ်ဖိစီးမှုကို ဘယ်လို စီမံကွပ်ကဲမလဲ ...?

" စိတ်ဖိစီးလိုက်တာ " ၊ " Stress " ဟူသော စကားလုံး တို့မှာ အလုပ်ခွင် နှင့် နေ့စဉ်ဘ၀ တွင် ကြားဖူး နေကျ စကားလုံးများ ဖြစ်နေခြင်း မှာ ယနေ့အခါ တွင် မဆန်းကြယ် တော့ပါ။ Stress သို့မဟုတ် စိတ်ဖိစီးမှု ကို သင်နှင့်အတူ ဆုပ်ကိုမလား ၊ လွှတ်ဖယ် မလား ဆိုသည်မှာ သင်၏ အနာဂတ် နှင့်သာ သက်ဆိုင် ပေလိမ့်မည်။ ထို့ကြောင့် စိတ်ဖိစီးမှု ကို စွန့်ပယ်ချင်သူ ၊ ဆုပ်ကိုင် ထားချင်သူများ အတွက် Stress ကို စီမံ ကွပ်ကဲ နည်းလေးများကို မျှဝေ ပေးလိုက် ပါတယ် ...

(၁) စိတ်ဖိစီးမှု ဖြစ်ရသော အကြောင်းအရင်း ကိုရှာပါ

မိမိ လှောင်ပိတ်မိ နေသော စိတ်ဖိစီးမှု ၏ အကြောင်းအရင်း ခံကို ရှာပေးပါ။ တစ်စုံ တစ်ယောက်ကြောင့် ဒေါသ ထွက်ရပါသလား ၊ မိမိကိုယ် မိမိ ဒေါသ ထွက်ရသလား စသဖြင့် မိမိ ဘာကြောင့် ဤကဲ့သို့ ခံစား နေရသော အကြောင်းအရင်း ကို ဖော်ထုတ်ပါ။ Stress ဖြစ်ရသော အကြောင်းအရင်း ပေါ်ပေါက် လာပါလျှင် အဆိုပါ ကိစ္စမှာ အမှန်တကယ် Stress ဖြစ်သင့်သော ကိစ္စ ဟုတ် မဟုတ် ပြန်လည် ဝေဖန် ဆန်းစစ်ပါ။ Stress ဖြစ်လောက်ဖွယ် ကိစ္စ ဟုတ်လျှင် လောလောဆယ် မဆုံးဖြတ် ပါနှင့် ဦးနှောက် အေးသွားမှ သေချာ ပြန်စဉ်းစား ဆုံးဖြတ်ပါ။ Stress ဖြစ်လောက်ဖွယ် ကိစ္စမဟုတ် လျှင် သီချင်း နားထောင်ခြင်း ၊ လုပ်ဖော် ကိုင်ဖက် များနှင် စကားပြောခြင်း စသဖြင့် စိတ်ထွက်ပေါက် တစ်ခုခု ပေးပြီး ဖြေလျှော့ ပစ်လိုက်ပါ။ ဥပေက္ခာ ပြုပါ။

(၂) Stress ဖြစ်နေသောအချိန် ဘာလုပ်မလဲ

ခေါင်းများပင် ကိုက်အောင် Stress ဖြစ်နေပြီ ဆိုလျှင် ပထမဆုံး လုပ်သင့်သည်မှာ လူများနှင့် ဝေးရာ ၊ ဆူညံသံများ နှင့်ဝေးရာသို့ သွား၍ အေးချမ်းစွာ နေပစ်လိုက်ဖို့ ဖြစ်ပါတယ်။ ခန္ဓာကိုယ် ဖြေလျှော့ နိုင်သော ထိုင်ခုံ သို့မဟုတ် ခုတင် တစ်လုံးတွင် လှဲ၍ တစ်ကိုယ်လုံး ရှိ အကြောများကို နဖူးကြော မှ ခြေမကြော အထိ တင်းထားသမျှ အကုန်လျှော့ ပစ်လိုက်ပါ။ ထိုသို့ အကြော လျှော့ရာတွင် မျက်ခုံး ၊ မျက်လုံး ၊ နှုတ်ခမ်း ၊ မေး စသဖြင့် အသေးစိတ် တစ်ခုချင်း လိုက်လျှော့ ပေးဖို့ လိုပါတယ်။ တစ်ကိုယ်လုံး အကြောတွေ လျှော့ပြီး အေးချမ်း သွားပြီ ဆိုမှ စိတ်ကို ပြင်ဆင်ပါ။ အတိတ်ကို ဥပေက္ခာ ပြု၍ လက်ရှိ အချိန်ကို အခြေတည် စဉ်းစားတတ်သော အကျင့်ကို ပျိုးထောင် သင့်ပါတယ်။ ခန္ဓာကိုယ် သာမက စိတ်ကိုပါ ဖြေလျှော့ စေပြီးပြီ ဆိုရင်တော့ အလုပ် ဆက်လုပ် နိုင်ပါပြီ။

(၃) ကျန်းမာရေး မထိခိုက်အောင် Stress ကို ဘယ်လို ကွပ်ကဲမလဲ

Stress ဖြစ်နေတဲ့ အချိန်မှာ ပြဿနာကို လက်ငင်းရှင်းဖို့ မကြိုးစားဘဲ စားစရာ ရှိက စား ၊ အိပ်စရာ ရှိက အိပ်စက်ခြင်း ဖြင့် စိတ်ထွက်ပေါက် ပေး ပေးပါ။ အိပ်ရေး မ၀လျှင် Stress ဖြစ်စေသော ဟော်မုန်း ပိုမို ထွက်ရှိ တာကြောင့် အိပ်ရေး ၀အောင် အိပ်စက် ထားသူဟာ Stress ဒဏ်ကို ပိုမို ခံနိုင်ရည် ရှိတာ တွေ့ရကြောင်း နိုင်ငံတကာ ကျန်းမာရေး ပညာရှင် များက ထုတ်ပြန် ထားပါတယ်။

(၄) ကိုယ်လက် လှုပ်ရှားလုပ်ပါ

နာရီဝတ်ခန့် လမ်းလျှောက် ပေးခြင်း ၊ ယောဂထိုင်ခြင်း များကလည်း Stress ကို သက်သာ စေကြောင်းပါ။ ဒါကြောင့် Stress ဖြစ်ချိန်မှာ ခေတ္တ လမ်းလျှောက် ထွက်ခြင်း မျိုးလည်း သင့်လျော် ပါတယ်။

(၅) ဆန့်ကျင်ဘက် တွေးပါ

တစ်ခုခုကို စိတ်ပူပန် နေပါသလား။ ဥပေက္ခာ ပြုနိုင်သော စိတ်နှလုံးမျိုး မွေးရမှာပါ။ တစ်စုံ တစ်ယောက်ကို ဒေါသ ဖြစ်နေပါ သလား။ ကိုယ်ချင်းစာ တတ်သော စိတ်နှလုံး မျိုး မွေးရမှာပါ။ ပူလောင်ရတဲ့ ခံစားချက် များကို တရား သဘောဖြင့် ရှင်းထုတ် နိုင်အောင် ကြိုးစား သင့်ပါတယ်။

The Myawady Daily

ရှမ်းဟင်းထုပ်

ရှမ်းဟင်းထုပ်

ခရစ္စမတ်နားနီးလာတော့ အအေးဓာတ်က အရင်နေ့တွေထက် ပိုကဲလာတယ်လို့ ထင်ရမိတယ်။ အေးလွန်းတော့လည်း ဘယ်လောက်ထူတဲ့ စောင်ကိုပဲ ခြုံခြုံ နွေးလာတယ်ရယ်လို့ မရှိပါဘူး။ ကွေးရင်း ကွေးရင်းနဲ့ ခါးထဲက အရိုးတွေတောင် ထုံကျဉ်လာတယ်လို့ ခံစားရမိတယ်။ တစ်လုံးတည်းသော Heater ကို ပျိုပျိုဒေါ်လေးများ ပျိုပိုင်စီးထားတာကြောင့် ဒီဆောင်းအဖို့ ကိုယ့်အလှည့် ရောက်လာတော့မယ် မထင်ပါဘူး။ တစ်ယောက်တည်း သမားအတွက် ဒီလို အေးစက်စက် ဆောင်းညရဲ့ အထီးကျန်ဆန်မှုကို စာဖွဲ့မယ်ဆိုရင် ကုန်နိုင်မယ် မထင်ပါဘူး။

လုပ်နေကျ မနက် လမ်းထလျှောက် ရာကအပြန် စာတိုက်ပုံးထဲ စစ်ကြည့်တော့ စာအိတ် ၃ ခုရောက်နေတယ်။ စာ ၃ စောင်လုံး လိပ်စာက ပြည့်ပြည့်စုံစုံ ရေးထားတာ မဟုတ်ပါဘူး။ ဒေါ်လေးငယ် တစ်ယောက်ထဲ ရဲ့ နာမည်ပဲရေးထားတာပါ။ စာအိတ်ကိုင်ပြီး စဉ်းစားမိတာက ဒေါ်လေးငယ် တစ်ယောက် ဧကန်ဓ တော့ အမှန်ဧကန်ဓ ပဲဆိုပြီး အစ်, မလို့ မီးဖိုဆောင်ထဲ ၀င်လိုက်တယ်။ ဒေါ်လေးငယ်ကို အခန့်သင့်တွေ့တာနဲ့ " ဒေါ်လေးငယ်တော့စွံပြီ ဂုဏ်ယူပါတယ် " ပြောပြီး စာတွေကမ်းပေး လိုက်တယ်။ အံ့သြဟန်လည်းမပြ၊ ပြာယာခတ် တာလဲမရှိဘဲ စာအိပ်ကို အေးအေးဆေးဆေးပဲ ဖောက်ဖတ်တယ်။ ပြီးတာနဲ့ " @#$ ~^$# #@$* " အချိုးမပြေတဲ့ စကားလုံးတွေနဲ့ ပစ်ပေါက်ပြီး " ဟဲ့.. ညကျရင် ချက်စ်ကျောင်းက ကလေးတွေ ခရစ္စမတ်အတွက် သီချင်းလာဆိုဖို့ အသိပေးတဲ့စာဟဲ့ @#$ ရဲ့ " တဲ့။ စောစောစီးစီး ထင်ထားသလို မဟုတ်ဘဲ ပယ်ပယ်နယ်နယ် အတွယ်ခံလိုက်ရလို့ နေသာထိုင်သာတော့ ရှိသွားပါတယ်။

မနက်စောစာ စားပြီးတာနဲ့ ဈေးဝယ်သွားဖို့ ဒေါ်လေးငယ်က အခေါ်တော် လွတ်လိုက်တယ်။ ဆွဲခြင်းတောင်းနဲ့ ဈေးဝယ်စာရင်း ပေးပြီး မြန်မြန်ဝယ်ပြီး အမြန်ပြန်လာခဲ့ ချည်တဲ့။ သွားတောင် မသွားရသေးဘူး .. ပျိုပျိုကြီးတွေများ စိတ်ဆိတ်တယ်ဆိုတာ အမှန်ပဲ ယုံကြည် မိလိုက်တယ်။ အတွန့်မတက်ဝံ့တာနဲ့ ကြီးမေနဲ့အတူ ဈေးဝယ်ထွက်ခဲ့တယ်။ ကြီးမေဆိုတာက အိမ်မှာ ချက်ပြုတ်သန့်ရှင်းဖို့ အချိန်ပိုင်းခေါ်ထားတဲ့ အန်တီပါ။ ကနေ့တော့ ကြီးမေရဲ့ ခြင်းတော်ဆွဲပေါ့ဗျာ။ ဈေးဝယ်စာရင်းကို ကြည့်တော့ ကြက်သွန်မြိတ် ၁ ပိဿာ၊ ၃ ထပ်သား ၁ ပိဿာ၊ မွှေးဆန်မှုန့် ၁၀ ထုပ်၊ မွှေးကော်မှုန့် ၁ ထုပ်၊ ကြက်သွန်ဖြူ တစ်လုံးဥ ၅၀ သား၊ ဂျူးမြစ် ၁ ပိဿာ၊ ငရုပ်သီးခွဲခြမ်း ၅၀ သား၊ နံနံပင် အစိတ်သား၊ Birdy ကော်ဖီမစ် ၂ ပါကင်နဲ့ တိုလီမောက်စ တွေရေးထားတယ်၊ နောက်ဆုံးမှာတော့ ကွင်းစကွင်းပိတ်ထဲမှာ ( ကို x x x x အိမ်က ငှက်ပျောရွက် ၁၀ ရွက် ခုတ်ခဲ့) ဆိုတာပါပဲ။ ငှက်ပျောရွက် နဲ့ ကြက်သွန်မြိတ် ဆိုတာကို ဖတ်မိမှ ဟင်းထုပ် လုပ်စားမယ်ဆိုတာ ရိပ်မိသွားတယ်။ ဟင်းထုပ် စားချင်တာနဲ့ ခုမှလူက လန်းလန်းဆန်းဆန်း ရှိပြီး ဈေးအမြန်ဝယ်ဖို့ အားထည့် ဖြစ်သွားတယ်။

ရှမ်းဟင်းထုပ် လုပ်စားနည်းက လွယ်ပါတယ်။ ပထမဆုံး အသားကို အရသာထည့်ပြီး အရင်လုံးထားရပါမယ်။ (ဒီနေရာမှာ အရသာဆိုတာက ဆား၊ အချိုမှုန့်၊ ကြက်သွန်ဖြူနဲ့ ဂျင်းထောင်းတို့ ရောနှယ်ပြီး ရေသင့်ရုံထည့် လုံးတာပါ) နောက် စတီးဇလုံကြီးကြီးထဲကို ဆန်မှုန့်တွေထည့် လက်တစ်ဆစ် သာသာလှီးထားတဲ့ ကြက်သွန်မြိတ်ထည့်၊ အသားထူတဲ့ ခရမ်းချဉ်သီး နည်းနည်းထည့်၊ အရသာထည့်ပြီးတာနဲ့ ရေသင့်ရုံထည့်ပြီး နှံ့အောင် နှယ်ပေးရပါမယ်။ ရေများရင် ပျော့နိုင်တယ်၊ ရေနည်းရင်လည်း မာသွားနိုင်တာကြောင့် အနေတော်လေး ဖြစ်အောင် ဆပြီး ထည့်နှယ် ပေးရပါမယ်။ နှံ့အောင်နှယ် ပြီးသွားရင် လုံးထားတဲ့ အသားကို လက်နှစ်လုံးသာသာ ပါးပါးလေးဖြစ်အောင် လှီးထားရပါမယ်။ ငှက်ပျောဖက်ကိုလည်း မီးနည်းနည်းပြပြီး အနေတော် စိတ်ထားရပါမယ်။ အဆင်သင့်ဖြစ်ရင် စားဆီသုတ်ထားတဲ့ ငှက်ပျောဖက်ထဲကို နှယ်ထားတဲ့ ဟင်းထည့် အသားထည့် ပြီးတာနဲ့ ပေါင်းအိုးထဲ စီထည့်ပြီး ပေါင်းပေးရပါမယ်။ ဟင်းထုပ်ကို ပေါင်းထားတဲ့ အချိန်မှာ ငရုတ်ဆီအတွက် ကြက်သွန်ဖြူကို စလုံးစခုထောင်းပြီး ဆီများများနဲ့ ကြော်ရပါမယ်။ ကြက်သွန်ကျက်ရင် မီးပေါ်ကချပြီး ငရုပ်သီးခွဲခြမ်းကို အဲဒီကြက်သွန်ကြော် ဆီထဲ ထည့်မွှေရပါမယ်။ ဆီနဲ့ ငရုပ်သီး နှံ့သွားရင် စတီးဇလုံအလွတ်ထဲ သွန်ချအအေးခံ လိုက်ရပါမယ်။ ဒီငရုတ်သီးကြော်က ဟင်းထုပ်ထဲ ထည့်စားဖို့ အက္ခရာကျတဲ့ အစာပလာပါ။ ၃ နာရီဝန်းကျင်လောက် ပေါင်းလိုက်ရင် မွှေးကြိုင်နေတဲ့ ရှမ်းဟင်းထုပ်ကို စားလို့ရပါပြီ။ ဟင်းထုပ်နဲ့ အတူကပ်စားဖို့ နံနံပင်ရယ်၊ ဂျူးမြစ်ရယ် အဆင်သင့် ရေဆေးထားရင် အားလုံး အဆင်ပြေပါပြီ။ ဒီနေရာမှာ နည်းနည်းလုပ်စားချင် သမားအတွက် ပေါင်းအိုးမရှိရင်လဲ ရိုးရိုးထမင်းအိုးနဲ့ ပေါင်းလို့ ဖြစ်ပါတယ်။ ထမင်းအိုး အောက်ခြေကို ရေထည့်လို့ဖြစ်အောင် ဇကာခံပေ့ါ၊ ဇကာမရှိလဲ ငှက်ပျောရွက်အရိုးကို အိုးနဲ့အနေတော် တိုင်းဖြတ်ပြီး ခံလို့ဖြစ်ပါတယ်။

ကဲ ညကျရင် သီချင်းလာဆိုမယ့် ချက်စ်ကျောင်းက ရောင်းရင်းတွေ ကြိုက် မကြိုက်တော့ မသိဘူး။ ကျွန်တော်တော့ မစားရတာ ကြာပြီဖြစ်တဲ့ ဟင်းထုပ်ကို များများလေး တွယ်ပစ်လိုက်တယ်။ ဘလောဂ့်မိတ်ဆွေ တွေလည်း ကရိကထ မများတဲ့ ရှမ်းဟင်းထုပ်ကို လုပ်စားကြည့်ပါအုန်းလို့ ...။ သက်သတ်လွတ် စားချင်ရင်တော့ အသားထည့်မပေါင်းလဲ အရသာရှိပါတယ်။ အားလုံးပဲ ပျော်ရွှင်နိုင်ပါစေ။

ကောက်ညှင်းကျည်ထောက်

ကောက်ညှင်းကျည်ထောက်

ကျိုင်းတုံမြို့နဲ့ ရှစ်မိုင်ဝေးတဲ့ ၀မ်ဝိန်းရွာမှာ ဖိုးဖွားတွေပိုင်တဲ့ လယ်နဲ့ ယာခင်းတွေ ကနေ့ထက်ထိ ရှိတယ်။ ဖိုးလေးတို့ ဖွားလေးတို့နဲ့ ရွာကအမျိုးတွေ ကနေ့ထက်တိုင် စပါးတွေ စိုက်ပျိုး လုပ်ကိုင်ဆဲပဲ ဖြစ်တယ်။ ဧက ဘယ်လောက်ကျယ်ကျယ် ရှိပြီး မျိုးစပါး ဘယ်နှတင်းကြဲတယ် ဆိုတာတော့ တစ်ခါမှ မေးကြည့်ဖူးခြင်း မရှိခဲ့ပါဘူး။ အပေါ်ယံအနေနဲ့ လယ်တွေရှိတယ်၊ ငယ်က အလည်ရောက်ဖူးတယ် ဆိုတာလောက် ပါပဲ။ ကိုယ်တိုင် ကိုယ်ကျ စိုက်ပျိုးတတ်ဖို့ ဆိုတာ ဝေးသော အကြောင်းပါ။ အထင်ကြီးအောင် ပြောရမယ်ဆိုရင် လယ်ကန်စင်းရိုးပေါ်တောင် ဖြောင့်မှန်အောင် လမ်းမလျှောက်တတ် ခဲ့ပါဘူး။

စပါးပေါ်ချိန်မှာ ဖိုးလေးတို့က စပါးကိုကြိတ်ခွဲပြီးမှ ဆန်တွေကို နွားလှည်းနဲ့ အိမ်တိုင်ရာရောက် လာပို့ပေးတယ်။ ကျိုင်းတုံအခေါ် ရှမ်းဆန်နဲ့ ကောက်ညှင်းဆန် တွေဖြစ်တယ်။ ဒီလို ဆောင်းဥတု စပါးပေါ်ချိန်ပဲ လာပို့တာ ဖြစ်တယ်။ ဆန်တွေ ကောက်ညှင်းတွေနဲ့ အတူ သပ်သပ်ခတ်ခတ် ခုတ်ထားတဲ့ ၀ါးလုံးစိမ်း ပိုင်းလေးတွေလဲ အများကြီး ပါတယ်။ အဲဒီ ၀ါးလုံးတွေကို ဘာလုပ်ရသလဲ ဆိုတော့ ကောက်ညှင်းကျည်ထောက် ပေါင်းစားတာပါ။ ကောက်ညှင်းကျည်ထောက် လုပ်စားနည်းကတော့ လွယ်ပါတယ်။ ညဘက်မှာ ကောက်ညှင်းကို ရေဆေးပြီး ရေစိမ်ထားရတယ်။ ဒါမှမဟုတ် ၀ါးလုံးထဲ တစ်ခါတည်း ထည့်စိမ်လို့လည်း ရတယ်။ ကောက်ညှင်းဆန်နဲ့ ရေကို ၀ါးလုံးပေါက် မရောက်ခင် လက်လေးလုံးစာလောက် နေရာ ချန်ထားပေးရတယ်။ ဘာကြောင့်လဲ ဆိုတော့ ကောက်ညှင်းကျက်လာရင် ပွတက်ပြီး နေရာယူလာလို့ ကောက်ညှင်းပွစာအတွက် နေရာချန်ထားပေးတဲ့ သဘောပါ။ ဆားကို သင့်ရုံထည့်ပေးရပါတယ်။ ဒါမှ ကောက်ညှင်းကျည်ထောက်ကို ဒီအတိုင်း ကိုက်စားလဲ အရသာရှိစေ ပါတယ်။ ၀ါးလုံးအပေါက်ကို ငှက်ပျောရွက်နဲ့ လိပ်ပြီး ဆို့ထားရပါတယ်။ ဒီလိုနဲ့ တစ်ညလုံး ၀ါလုံးကိုထောင်ထားပြီး ကောက်ညှင်းကို စိမ်ထားရပါတယ်။ ၀ါးကျည်ထောက်ကို မီးမြိုက်ဖို့ အနေတော် မြေကျင်းလေးတူးပေးရတယ်။ ၀ါးလုံးအရှည်ကိုကြည့်ပြီး သင့်တော်တဲ့ အနက်ကို တူးရပါမယ်။ ၀ါးလုံးအရှည်က ၃ ပေဆို ကျင်းကို ၂ ပေခွဲလောက် တူးထားရင် အဆင်ပြေပါတယ်။ (မြို့မှာတော့ အိမ်ရှေ့မြောင်းကို ရှင်းပြီး ဆော်ပစ်လိုက်တာပဲ)

မနက် ၄ နာရီလောက်ဆို တူးထားတဲ့ကျင်းထဲ ထင်းမီးမွှေးပြီး ညက ကောက်ညှင်းစိမ်ထားတဲ့ ၀ါးလုံးတွေကို အစီအရီစီထားပြီး ချက်လို့ရပါပြီ။ အမှန်တော့ ချက်တယ် ဆိုတာထက် ၀ါးကျည်ထောက်ကို မီးမြိုက်လိုက်တာပါ။ မီးအမြိုက်ညီအောင် ၀ါးလုံးကို လှည့်ပေးရပါတယ်။ ဒါမှလည်း ကောက်ညှင်းက အကျက်ညီမှာ ဖြစ်ပါတယ်။ သတိထားဖို့က မီးကင်နေတဲ့ ၀ါးကျည်ထောက်တွေ မီးမလောင်အောင် ဂရုတစိုက်နဲ့ လှည့်လှည့် ပေးရပါတယ်။ ကောက်ညှင်း ကျက်မကျက်ကို ငှက်ပျောရွက်အဖုံး ဟဖွင့်ပြီး လက်နဲ့တို့ စမ်းကြည့်ရတယ်။ အမှန်တော့ သာမန်မျက်စိနဲ့ ကြည့်ရင်တောင် ကျက်မကျက် သိနိုင်ပါတယ်။ ၀ါးကျည်ထောက်ထဲ ရေလဲခမ်းပြီ ၀ါးစိမ်းနံ့နဲ့ ကောက်ညှင်းနံ့ သင်းနေပြီဆိုရင် ကျက်ပါပြီ။ နောက်ဆုံးအဆင့်အနေနဲ့ မီးကင်ပြီး ကျက်နေတဲ့ ၀ါးကျည်ထောက်ကို မီးကင်ထားတဲ့ အပြင်ဘက် မီးလောင်ထားတဲ့ ၀ါးလုံးမျက်နှာစာကို ဓားထက်ထက်နဲ့ စိပ်ထုတ်ပစ်လိုက် ရပါမယ်။ လက်နဲ့ နွှာလို့ရအောင် ပါးလွှာသွားပြီဆိုရင် ၀ါးစွယ်တွေ လက်မစူးမိအောင် အချောသင်ပေးရတယ်။ ဒါလောက်ဆိုရင် အသင့်စားလို့ရတဲ့ ၀ါးစိမ်းနံ့သင်းနေတဲ့ ပူပူနွေးနွေး ကောက်ညှင်းကျည်ထောက် ရပြီဖြစ်ပါတယ်။

ဝါစိမ်းနံ့မွေးနေတဲ့ ကောက်ညှင်းကျည်ထောက်ကို သူ့အတိုင်း စားလည်း အရသာရှိပါတယ်။ ကျွန်တော်တို့ကတော့ (ထိုနောက်)လို့ ခေါ်တဲ့ ပဲပုတ်ချပ်အခြောက်ကို မီးကင်၊ မှုန့်နေအောင်ထောင်း၊ စားနဲ့ ငြုတ်သီးမုန့် နည်းနည်း ထည့်ပြီး ကောက်ညှင်းကျည်ထောက် နဲ့ တို့စားတာကို နှစ်သက်တယ်။ နောက်ပြီး ထို့ဟူးဆီစိမ်နဲ့ စားလဲ လိုက်ဖက်တယ်။ ပိုလို့ကောင်းတာကတော့ မုန်ညှင်းချဉ် (ချဉ်ဖတ်)ကို အနေတော်ဖြစ်အောင် ဓားနဲ့လှီးပြီး နှပ်နှပ်စင်း သုံးထပ်သားနဲ့ ကျော်ထားတဲ့ ၀က်သားမုန်ညှင်းချဉ်ကြော် က အကောင်းဆုံး ဖြစ်ပါတယ်။ (သွားရည်ကျသွားလို့ ဆောရီးဗျာ) ဒီဗမာပြည်ဘက်မှာတော့ ကောက်ညှင်းကျည်ထောက်ကို သကြားနဲ့ပဲ တို့စားကြတာ တွေ့မိတယ်။ သူ့အရပ်နဲ့ သူ့အထာ ဖြစ်မှာပါ။ နောက်ပြီး ၀ါးနံ့သင်းနေတာမျိုးလည်း မရှိဘူး။ ကောက်ညှင်းထက် ဆန်ကြမ်းရောတာ များတော့ မုန့်အသားက မာတောက်တောက် ဖြစ်နေတတ်တယ်။ စားရတာ အာမစွဲလှပါဘူး။

ဆောင်းမနက် ချမ်းချမ်းမှာ မိသားစု ညီအစ်ကို မောင်နှမတွေ စုံစုံလင်လင် ၀ိုင်းဖွဲ့ပြီး ကောက်ညှင်းကျည်ထောက် ကင်ရင်းနဲ့ မီးလည်း လှုံနိုင်တယ်။ နံနက်စောစာကိုလည်း ပျော်ပျော်ရွှင်ရွှင်နဲ့ အရသာရှိရှိ စားနိုင်တယ်။ ပျော်စရာကောင်းတဲ့ ရှမ်းပြည်က ဓလေ့လေးတစ်ခုပါ။ အခွင့်အခါသင့်ရင် ဘလောဂ့်ပေါ်က ရောင်းရင်းတွေကိုပါ ကောက်ညှင်းကျည်ထောက် လုပ်ကျွေးပါအုန်းမယ်။ ခုတော့ ဒီမျှပါပဲ။

သံသယစိတ်လေး ကင်းဝေးပါစေ

သံသယစိတ်လေး ကင်းဝေးပါစေ

ဘလောဂ့်ကို နှစ်နှစ်ကာကာ စွဲလမ်းစေတဲ့ အကြောင်းရင်းတွေတော့ အများကြီးပါ။ ဘလောဂ့်ဂင်း နေရရင် ထမင်းမေ့တယ်၊ ဟင်းမေ့တယ်၊ ဆွေမေ့ မျိုးမေ့နဲ့ အတိတ်ရော ပစ္စုပ္ပန်ပါ မေ့ပစ်တတ်တယ်။  အဲလို အကုန်မေ့ဖြစ်အောင်လည်း ထိုင်ရာကမထ စိတ်လွတ်ကိုယ်လွတ် ဘလောဂ့်နေတတ် လို့ဖြစ်ပါတယ်။ မီးလည်းလာမယ် ကွန်နက်ရှင်းလဲ ကောင်းတယ် ဆိုရင်တော့ သာလို့ဆိုးပြီ မှတ်ပါ။ အလွန်အကျွံ လို့ပဲဆိုဆို သဲတယ်လို့ပဲ ပြောပြောပါ ဘလောဂ့်ဂင်း နေရရင် ကျေနပ်နေတတ်တဲ့ ကျွန်တော်ပါ။ ဘလောဂ့်ဂါစစ်စစ် တစ်ယောက် မဟုတ်ပေမယ့်လည်း ဘလောဂ့်ဂင်း တာကိုတော့ စိတ်ဝင်စားတယ် ပျော်ရွှင်မိတယ်။ ဒီဘလောဂ့်တွေကနေ မိတ်ဆွေ သူငယ်ချင်းတွေရဲ့ ခံစားချက်ကို သိမြင်နိုင်တယ်။ သူတို့ ရေးတဲ့စာ၊ သူတို့ စပ်တဲ့ကဗျာ ကနေ သူတို့ရဲ့ လတ်တလော ခံစားချက်တွေကို သိနိုင်တယ်။ ဒါကြောင့် စိတ်အားငယ်နေမယ် ထင်ရင် ပျော်ရွှင်စေဖို့ အားပေးဖြစ်တယ်။ ပျော်ရွှင်တဲ့ သူကိုတွေ့ရင် အပျော်တွေကူးပြီး ကိုယ်လဲ လိုက်ပျော်ဖြစ်ခဲ့တယ်။  နောက်ပြီး ကိုယ်သိချင်တဲ့ အိုင်တီ နည်းပညာတွေကို ပေါ့ပေါ့ပါးပါး လေ့လာ မှတ်သားနိုင်တာကလည်း အမြတ်တစ်ခုပါ။ ဒါကြောင့် ဘလောဂ့်ကို လှေကား အမျိုးမျိုးထောင်ပြီး မရောက် ရောက်အောင် သွားမြဲ သွားဖြစ်နေတာပဲ ဖြစ်ပါတယ်။

ကိုယ်ပိုင် ဘလောဂ့်လေးက ကျွန်တော့်ရဲ့ ကိုယ်ပွားတစ်ယောက် လို့ပဲ မြင်မိတယ်။ ကျွန်တော် ပြောမထွက်ခဲ့တဲ့ စကားတွေနဲ့ ရင်ထဲက ခံစားချက်တွေကို တစ်ဖက်တစ်လမ်းကနေ အပြင်ရောက်အောင် ကူညီပေးတယ်လို့ ခံယူထားပါတယ်။ တစ်စုံတစ်ယောက်ကို ရွယ်ရည်ပြီး ရင်ဖွင့်စရာရှိရင် ပွင့်ပွင့်လင်းလင်း ရင်ဖွင့်လို့ရတယ်။ အခက်အခဲနဲ့ ၀မ်းနည်းစရာ အဖြစ်တွေ ကြုံခဲ့ရင်လည်း ဒီပေါ်မှာပဲ ပေါက်ကွဲဖြစ်တယ်။ မေ့ဖျောက်လို့မရနိုင်တဲ့ အမှတ်ရစရာတွေနဲ့ မရှိခဲ့တဲ့ အချစ်ဆိုတာကို လွမ်းဖို့ ဖြစ်လာရင်လည်း ကိုယ့်ဘလောဂ့်မှာပဲ ငိုကြွေးနိုင်တာကြောင့် ဘလောဂ့်ကိုပဲ ခင်တွယ်နေမိတာ အပြစ်မဟုတ်လောက် ပါဘူးလို့ ထင်မိပါတယ်။ (သံယောဇဉ်ရှိတဲ့ အစ်မတစ်ယောက်က ဆုံးမခဲ့ဖူးတယ်။ ဘလောဂ့်ဆိုတာကို အစ်မတော့ နားမလည်ဘူး၊ အချိန်လည်း မပေးနိုင်ဘူးတဲ့။ ငါ့မောင်လည်း မိန်းမယူရင် ဘလောဂ့်ဂါထဲက ရှာမယူနဲ့နော်တဲ့။ အချိန်ပြည့် သူဘလောဂ့် ကိုယ်ဘလောဂ့်နဲ့ဆို ထမင်းငတ်မှာတဲ့ .... ခုတော့ အဲဒီအစ်မလဲ ဆူပါထက်ကျော်ပြီး မဂ္ဂါဘလောဂ့်ဂါ ဖြစ်နေပါပြီ။ ဘလောဂ့်ကပေးတဲ့ ထူးခြားတဲ့ အနှစ်သာရကို ခံစားတတ်သွားပြီ ထင်ပါတယ်။ ဘာဖြစ်ဖြစ် ဘလောဂ်ဂါ အသစ်တစ်ယောက် တိုးလာတာကိုတော့ လှိုက်လှိုက်လှဲလှဲ ၀မ်းသာစွာနဲ့ ကြိုဆိုပါတယ်။)

ပိုလို့ တန်ဖိုးထားစေတဲ့ အဓိကအကြောင်းကတော့ ဒီဘလောဂ့်လေးကြောင့် စိတ်ချင်းနီး ဆန္ဒချင်းနွယ် ရင်ခုန်သံစဉ်ချင်း တူညီတဲ့ သူငယ်ချင်းတွေ အများကြီး ရလိုက်တာပဲ ဖြစ်ပါတယ်။ တစ်ယောက်နဲ့ တစ်ယောက် ပိုလို့ရင်းနှီးစေတဲ့ အကြောင်းကလည်း ရှိပါသေးတယ်။ အဲဒါကတော့ အကြောင်းအရာ တစ်ခုကို ကိုယ့်အာဘော် ကိုယ့်အတွေ့အကြုံ ကိုယ်ခံစားမိသလို ၀ိုင်းဝန်းတဂ်ကြ တာပဲ ဖြစ်ပါတယ်။ ဘလောဂ့်အပေါ် ပေးရတဲ့အချိန်နဲ့ ပြန်ရတဲ့ အကျိုးအမြတ်ကို ဘယ်အခါမှ နှိုင်းယှဉ်တွက်ချက်ခဲ့တာ မရှိခဲ့ပါဘူး။ စာဖတ်သူတွေရဲ့ မှတ်ချက်စကားလေး တွေနဲ့တင် ပီတိဝေခဲ့ရတာပါ။ ဒီကြည်နူးမှုတွေကိုပဲ တလေးတစားနဲ့  အမြတ်ရယ်လို့ မှတ်ယူပါတယ်။ တော်လို့ ထင်ပေါ်ချင်လို့ ချီးမွှမ်းခံချင်လို့ အရေးပါ အရာရောက်သူ ဖြစ်ချင်လို့ ဘလောဂ့်ကို ရေးခဲ့တာ မဟုတ်ပါဘူး။ တဆက်တည်း ပြောချင်တာက (ဆုရည် နာမည်နဲ့) နှောင်းအကြောင်းအရာ တွေကြောင့် တစ်စုံတစ်ယောက် ကို စိတ်အနှောင့်အယှက် ဖြစ်စေခဲ့မယ် ဆိုရင် အမှန်ပဲ စိတ်မကောင်းစွာနဲ့ တောင်းပန်ပါတယ်။ ဗဟုသုတ မကြွယ်ခဲ့လို့ စိတ်ကူးစိတ်သန်း အားနည်းခဲ့လို့ အမှားအယွင်း ဖြစ်ရတယ်လို့ပဲ နားလည်ခွင့်လွှတ်ပေးဖို့ မေတ္တာရပ်ပါတယ်။ တစ်စုံတစ်ယောက်ကို နစ်နာစေချင်လို့ အသားယူချင်လို့ (ဆုရည် နာမည်နဲ့) ရေးခဲ့တာ မဟုတ်တာကိုလဲ ပြောချင်ပါတယ်။ တင်ကျန်နေသေးတဲ့ သံသယ အမှားကိုလည်း နောင်အလျဉ်းသင့်ရင် ၀န်ခံသွားဖို့ ၀န်မလေးပါဘူးလို့ ကတိပေးပါတယ်။ အားလုံးကို ကျေးဇူးတင်ရှိပါတယ်။

ခဏတာ နှုတ်ဆက်ချင်တယ် ..

ခဏတာ နှုတ်ဆက်ချင်တယ် ..

• အွန်လိုင်းပေါ်က ညီအစ်ကိုမောင်နှမများ၊ မိတ်ဆွေများ၊ သူငယ်ချင်းများ၊ စာဖတ်သူများ အားလုံး အားလုံး မင်္ဂလာပါ။

• အချိန်ပေးပြီး တကူးတက အိမ်လည် ရောက်လာတဲ့ အတွက် ရင်ထဲကနေ လှိုက်လှိုက်လှဲလှဲနဲ့ အားလုံးကို ကျေးဇူးတင်ရှိပါတယ်။

• ကျွန်တော် ဝါသနာထုံတဲ့ ဘလော့ဂ်ရေးခြင်းကို ခေတ္တရပ်နားပါမယ်။

အားလုံးပဲ အစစ အရာရာ အဆင်ပြေ ရွှင်လန်း ချမ်းမြေ့ ကြပါစေလို့ ဆန္ဒပြုပါတယ်။

လေးစားလျက်နဲ့ .. ..

စကားလက်ဆောင်

လူကြီး သူမတွေ အမြဲပြောဆို ဆုံးမတဲ့ စကားလေး တစ်ခွန်းရှိတယ်။ ဘယ်ကိစ္စ ဘယ်အရာမဆို ဘာကိုပဲလုပ်လုပ် " သေသေချာချာ စဉ်းစားပြီးမှ ဆုံးဖြတ်ပါ " ဆိုတဲ့ စကားလေး တစ်ခွန်းဟာ ပေါ့ပေါ့တန်တန် ထားမယ်ဆိုရင် တန်ဖိုးမရှိပေမယ့်၊ အရေးတယူ စဉ်းစားကြည့်ရင်တော့ အလွန်တန်ဖိုးကြီးတဲ့ စကားလေး တစ်ခွန်းဖြစ်ပါတယ်။ စေတနာအရင်းခံပြီး ပြောတဲ့ စကားလေးမို့ ပိုတန်ဖိုး ကြီးတာအမှန် ဖြစ်ပါတယ်။ ကမ္ဘာနဲ့ယှဉ်ပြီး စီးပွားရေး ပြဿနာတွေ သူသူငါငါ ရင်ဆိုင်နေကြရတာ လူတိုင်းအသိပါ။ တိုင်းပြည်ကြီးရင် ကြီးသလို၊ တိုင်းပြည် ငယ်ရင် ငယ်သလို များများနဲ့ နည်းနည်း ရိုက်ခတ်ခံရတာ ငြင်းနိုင်စရာမရှိပါဘူး။

လွန်ခဲ့တဲ့ ရှစ်လခန့်က ဖြစ်ပါတယ်။ ဦးလေးရဲ့သား၊ ကျွန်နော်ရဲ့ တစ်ဦးတည်းသော ညီဝမ်းကွဲတစ်ယောက် သူ့သူငယ်ချင်းရဲ့ အဆွယ်ကောင်း မှုကြောင့် နိုင်ငံခြားထွက် အလုပ်လုပ်ဖို့ အပူကပ်ခဲ့တယ်။ မိုးတလုံး လေတလုံး အပြောတွေကြောင့် လူကြီးတွေကလည်း မဖြစ်ဖြစ်အောင် လုပ်ဆောင် ပေးခဲ့ရတယ်။ မင်္ဂလာဒုံလေဆိပ်က ထွက်သွားချိန်ထိ ကကြီး ကနေ အ, အားလုံး ၁၀၀ ၀န်းကျင် ကုန်ကျခဲ့သည်။ နိုင်ငံခြားမှာ ၄ လအတွင်း ကြိတ်ပြီး ငွေပို့ခဲ့တာ ဒီစာရင်းထဲ မပါသေးဘူး ဆိုတာ သိရတယ်။ ခုတော့ မယောင်မလည်နဲ့ ကိုယ့်မွေးရပ်ကို ပြန်ရောက်လာပါပြီ။ ရရှိတဲ့ အကျိုးအမြတ်ကတော့ ငွေကုန်ခဲ့တယ်၊ အချိန်တွေ အလဟဿ ဖြစ်ခဲ့တယ်၊ ဗဟုသုတ မရခဲ့ဘူး။ ဆုံးရှုံးသွားတယ်ဆိုတဲ့ သင်ခန်းစာ တစ်ခုပဲ အသားတင် ကျန်ရစ်ခဲ့တယ်။

ခုချိန်မှာ နိုင်ငံရပ်ခြားသွားပြီး အလုပ်လုပ်ရင် ကောင်းမလားလို့ မေးလာရင်တော့ မသွားပါနဲ့လို့တော့ မတားချင်ပါဘူး။ ဒါပေမယ့် မသွားခင် သေသေချာချာ စဉ်းစားဆုံးဖြတ်ပါ လို့တော့ အမှာစကား ချွေချင်ပါတယ်။ တားချင်တဲ့ အကြောင်းရင်းက စီးပွားရေးပြဿနာကို တိုင်းပြည်ကြီးငယ်တိုင်း ကြုံတွေ့နေရတာကြောင့် ကံသေကံမ အလုပ်အကိုင် ရရှိလိမ့်မယ်လို့ မပြောနိုင်သလို၊ အလွယ်တကူ ရရှိဖို့လည်း မလွယ်ကူပါဘူး။ CNA သတင်းရဲ့ Scroller Bar မှာ ဘယ်ကုမ္ပဏီက အလုပ်သမား ၀န်ထမ်း အရေအတွက် ဘယ်လောက်ကို လျော့ချ လိုက်တယ်ဆိုတာကို စဉ်ဆက်မပြတ် ဖတ်နေရလို့ ဖြစ်ပါတယ်။ လက်ရှိ အလုပ်လုပ်နေတဲ့ ၀န်ထမ်းတွေကိုတောင် ညှိနှိုင်းလစာနဲ့ လုပ်အားခလျော့ခံပြီး လုပ်ကိုင်နေရတယ်။ ၀န်ထမ်းအင်အား လျော့ချနေတာကြောင့် သူတို့တတွေလည်း ဘယ်အချိန် အလုပ်ဖြုတ်ခံရမလဲ ဆိုပြီး ရင်တထိတ်ထိတ်နဲ့ စောင့်နေကြရတာမို့ စွန့်စွန့်စားစားနဲ့ သွားဖို့ မတိုက်တွန်းလိုတာ အမှန်ဖြစ်ပါတယ်။ လုပ်အားခတွေ လျော့ချလိုက် တာကြောင့် လူနေမှုစရိတ် ကြီးမြင့်တဲ့ နိုင်ငံရပ်ခြား တိုင်းပြည်မှာ ရေရှည် ရပ်တည်ဖို့ မဖြစ်နိုင်ပါဘူး။ နေထိုင်စားသောက်စရိတ်၊ ခရီးစရိတ်တွေ မကာမိတာကြောင့် ပြည်တော်ပြန် လာကြတာ တော်တော်များ လာပါတယ်။ အိမ်ကထောက်ပံ့ ပေးနိုင်တယ်ထားအုန်း။ အလုပ်အကိုင် အတည်တကျ မရှိရင် ရေရှည်နေထိုင်ဖို့ မဖြစ်နိုင် ပါဘူး။ ဒါကြောင့် နိုင်ငံခြားသွား အလုပ်လုပ်မှ ချမ်းသာနိုင်မယ် ဆိုတဲ့ တွေးထင်ထားတဲ့ အယူအဆကို ခဏတော့ မေ့ထားလိုက် စေချင်ပါတယ်။

ခေတ်မီတိုးတက်လာတဲ့ ကမ္ဘာ့ရွာလို လူနေမှု အဖွဲ့အစည်း၊ ဆန်းသစ်တဲ့ နည်းပညာတွေနဲ့ အတူ ကိုယ့်ဘ၀ တိုးတက်မှုအတွက် ကြိုးစားစွန့်ထွင် လိုတဲ့ လူငယ်တွေရဲ့ မြင့်မားတဲ့ဆန္ဒရှိလို့ တိုင်းတစ်ပါးမှာ အလုပ်လုပ်ကြ၊ ပညာတော်သင်ကြတာကို အားပေးတယ်။ သူများတိုင်းပြည်မှာ အလုပ်သွားလုပ်၊ ပညာသွားသင်တာ ဖြစ်လို့ သူများအိမ်မှာ သွားနေနေရသလို ဖြစ်ပါမယ်။ ကိုယ့်အိမ်မှာလို လွတ်လွတ်လပ်လပ်နဲ့ ကိုယ့်ဆုံးဖြတ်ချက်နဲ့ကိုယ် နေလို့မရနိုင် တော့ပါဘူး။ သူတို့အိမ်မို့ သူတို့ဓလေ့ထုံးစံ အတိုင်းလိုက်နာ နေထိုင်ရမှာ ဖြစ်ပါတယ်။ ခဏတာဧည့်သည် အဖြစ်နဲ့ သွားရောက်နေထိုင် ကြတာကြောင့် အိမ်ရှင်လိုတော့ နေထိုင်သွားလာလို့ ရမှာ မဟုတ်ပါဘူး။ အချိန်အခါနဲ့ အခွင့်အရေး ဆိုတာ ကြုံနိုင်ပါသေးတယ်။ တိုင်းတစ်ပါးကို စွန့်ထွင်ပြီး အလုပ်လုပ်ဖို့ မလုပ်ဖို့ကိုတော့ " သေသေချာချာ စဉ်းစားပြီးမှ ဆုံးဖြတ်ပါ " လို့ ပြောချင်ပါတယ်။ ယနေ့ခေတ် လူငယ်နဲ့ အနာဂတ် လူငယ်တွေ အတွက် စေတနာ အမှာစကားလေးပါ။ အားလုံးပဲ ပျော်ရွှင်နိုင်ပါစေ။

သူ့ကြောင့် .. ..

ကျွန်တော်တို့ဆီမှာ ပြဿနာ တစ်ခုခုဖြစ်ရင် ငယ်သည်ဖြစ်စေ ကြီးသည်ဖြစ်စေ ပြဿနာရဲ့ ရင်းမြစ်ကို မရှာဘဲ တစ်ပါးသူကိုပဲ လက်ညိုးထိုးတတ်တဲ့ ဥာဉ်ဆိုးလေး ရှိတယ်။ သူ့လက်ညိုး ကိုယ့်ထိုး။ ကိုယ့်လက်ညိုး သူ့ထိုးနဲ့ တခါမှ တရားခံ မမိတတ်ပါဘူး။ လူတစ်ဦးချင်းဆီနဲ့ အဖွဲ့အစည်းလိုက် အားနည်းချက် တွေဖြစ်ပါတယ်။ ဒီလိုမှ မဟုတ်ရင်လဲ ဂုဏ်သိက္ခာအတွက် အပုံကြီးကြီး ပုံပေးလိုက်လို့ ပြဿနာအေးအောင် ဖြေရှင်းလိုက်တာလဲ ဖြစ်နိုင်ပါတယ်။ တရားသဖြင့် ဆိုတာထက် ငွေမျက်နှာက ပိုကြီး နေတတ်ပါတယ်။ အရှိန်အ၀ါကြီးသူ ဖြစ်ရင် စည်းကမ်း သတ်မှတ်ချက်တွေကို အလွယ်တကူ သွေဖယ်နိုင်စွမ်း ပါတယ်။ တလောက ဓာတုချည်ထည် ဆိုးဆေးကြောင့် နာမည်ရှိတဲ့ လက်ဖက်ထွက် ရောင်းကုန်တံဆိပ် (၄၃)မျိုးကို စားသောက်ကုန် စာရင်းကနေ ပယ်ဖျက်လိုက်တာ ကြားသိရပါတယ်။ ကုမ္ပဏီ တာဝန်ရှိသူတွေ ပြောစကားအရတော့ သူတို့မှာ တာဝန်မရှိဘဲ သူတို့ကိုယ်စား စေလွတ်ထားတဲ့ ကုန်သည်၊ ပွဲစားနဲ့ လဖက်ထွက်ရာ တောင်ပေါ်ကိုပဲ လက်ညိုးထိုးနေကြ တာကို တရားကျစွာ ဖတ်လိုက်ရတယ်။

ကျွန်တော်တို့ နေ့စဉ်စားသောက်နေတဲ့ အစားအစာတွေမှာ ဓာတုပစ္စည်းနဲ့ ရှင်းရှင်း လွတ်ကင်းတာ ရယ်လို့ ခပ်ရှားရှားပါ။ အသီးအနှံ၊ သားငါး၊ ခေါက်ဆွဲခြောက်၊ နို့မှုန့်၊ ငါးသေတ္တာ၊ ထိုးမုန့်လမုန့်၊ ဖျော်ရည်မျိုးစုံ၊ ငါးပိငါးခြောက်၊ ပုဇွန်ခြောက်၊ လက်ဖက် တွေနဲ့ အသင့်စား အစားအသောက်တွေကို မူရင်း အရည်အသွေးထက် ရေရှည်အထား ခံအောင်နဲ့ ပိုကောင်းမွန်အောင် ဆိုပြီး ဓာတုဆေးဝါး အကူအညီနဲ့ အဆင့်မြှင့်တင်လေ့ ရှိကြပါတယ်။ ဒါကို စားသုံးသူတွေက သိနေပေမယ့် ပေါချောင်ကောင်း နောက် လိုက်နေတာရယ်၊ ၀င်ငွေနဲ့ လောက်ငအောင် ချင့်ချိန်သုံးစွဲရတာရယ် ကြောင့် မကောင်းမှန်းသိပေမဲ့ မျက်စိစုံမှိတ် ၀ယ်ယူစားသုံး နေရတာလဲ ပါပါမယ်။ စားသုံးသူရဲ့ အားနည်းချက်ကို သိတဲ့ထုတ်လုပ်သူ တွေအနေနဲ့လည်း လုပ်ရဲနေတဲ့ သဘောမှာ ရှိပါတယ်။ လူကို အန္တရာယ်ဖြစ်စေတဲ့ ဓာတုဗေဒ ပစ္စည်းတွေ ပါဝင်တဲ့ အစားအစာတွေကို ရေရှည်စားသုံးမိရင် အစာအိမ်ကင်ဆာ၊ အူကင်ဆာ တို့လို ကင်ဆာရောဂါကို နောင်နှစ်ပေါင်း ၂၀-၃၀ ကြာလောက်မှ ရောဂါဖြစ်စေ တတ်ပါတယ်။ နောက် မျိုးရိုးဗီဇကို ထိခိုက်စေတဲ့ ဥာဏ်ရည်မမီတာ၊ ကိုယ်လက်အင်္ဂါ မပြည့်စုံတာတွေ ကြုံတွေ့ စေနိုင်ပါတယ်။ လတ်တလော အနေနဲ့ အစားအသောက် မသန့်ရှင်းတာ စားမိရင် အသည်းရောင် အသားဝါရောဂါ၊ ၀မ်းပျက် ၀မ်းလျောရောဂါ တွေ ချက်ချင်း ခံစားရနိုင်ပါတယ်။ ဒါကြောင့် စားသုံးသူတွေ အနေနဲ့ ချိုတာ၊ မွေးတာ၊ လှတာကို မမက်ဘဲ သဘာဝကပေးတဲ့ အစားအသောက်ကို ပိုမိုရွေးချယ် စားသုံးသင့်ပါတယ်။ မဖြစ်မနေ စားသုံးရမယ် ဆိုရင်တောင် ဓာတုဆေးအာနိသင် ကင်းစင်နိုင်သမျှ ကင်းစင်အောင် သန့်စင်ပစ်ဖို့ လိုကြောင်း အကြံပြုချင်ပါတယ်။

ခုချိန်မှာ ခေတ်မီသူတိုင်း အငန်လျော့စား ကြတယ်။ အဆီလျော့စား ကြတယ်။ သကြား ရှောင်ကြတယ်။ ဟင်းချိုမှုန့် ရှောင်ကြတယ်။ အရောင်ပါတဲ့ အစားအစာ ရှောင်ကြတယ်။ သားကြီးငါးကြီး ရှောင်ကြတယ်။ အဲဒါတွေ အစား ဟင်းသီးဟင်းရွက် ပိုစားလာကြတယ်။ ကျန်းမာရေး လိုက်စားလာကြတယ်။ လူကြီးတွေသာ ဆားအငန် လျော့စားရတာ မဟုတ်ပါဘူး။ အိမ်သုံးဆားဟာ ကလေးတွေကိုလည်း ဆိုးကျိုး ဖြစ်ပေါ် စေပါတယ်။ ကလေးတွေကို ဆားပေါ့ပေါ့ ကျွေးမွေးခြင်းအားဖြင့် အသက်ကြီးလာတဲ့ အခါ နှလုံးရောဂါ ဖြစ်ပွားမှု အန္တရာယ်ကို ကျဆင်းစေနိုင် ပါတယ်။ ၆နှစ် အရွယ်ကလေး တစ်ယောက်ရဲ့ ဆားလိုအပ်ချက်က တစ်နေ့ ၃ ဂရမ်ထက် မပိုသင့်ပါဘူး။ ဒါကြောင့် ကလေးတွေအတွက် ပြင်ဆင်ချက်ပြုတ် ရာမှာလည်း လိုတာထက် ပိုပြီး ဆားကို အသုံးမပြုမိစေဖို့ အရေးကြီးပါတယ်။ ကလေးတွေအတွက် အသင့်လုပ် မုန့်ထုတ်အချို့မှာ ဆားနဲ့ အချိုမှုန့် ပါဝင်နှုန်းများတာကို စားကြည့်တာနဲ့ သိနိုင်ပါတယ်။ ဒါကြောင့် အလွယ်တကူ ရနိုင်တဲ့ မုန့်ထုတ်တွေကို ချင့်ချိန်ပြီး ကလေးတွေကို ကျွေးသင့်ပါတယ်။ အစကောင်းမှ အနှောင်းသေချာ ဆိုသလို ငယ်စဉ်ကလေး ဘ၀ကတည်းက အငန်လျော့စား မှ အသက်ကြီးလာတဲ့အခါ လေဖြတ်ခြင်း၊ နှလုံးရောဂါ ဖြစ်ခြင်းတို့မှ ရှောင်ကျဉ်နိုင်မှာ ဖြစ်တဲ့အကြောင်း တင်ပြလိုက်ရ ပါတယ်။

( မှီငြမ်းတာက )

မော်ဒန်သတင်းဂျာနယ် (၂၀-၃-၂၀၀၉)။

Reader's Digest (2008, Feb) "Salt can be bad for kids too"။

စိတ်ဖိစီးမှု ဖြေဖျောက်ဖို့

ခုတလော စိတ်ဖိစီးမှုတွေ များနေတယ်လို့ ကိုယ့်ကိုယ်ကိုယ် ခံစားမိတယ်။ အလုပ်ကြောင့်တော့ မဟုတ်ပါဘူး။ နယ်ကို ရောက်နေတာ ဖြစ်လို့ ကိုးနတ်ရှင်ကိုပဲ ပါးပါးလေး အပြစ်မြင်မိတယ်။ ပိုက်ပိုက်ပေးပေမယ့် ကိုယ်လုပ်ချင်သလို လုပ်လို့ မရဘူးဆိုတာ သိရတော့ ပိုလို့ စိတ်ညစ်ရတယ်။ ကျွန်တော်နည်းတူ အကြောင်းကြောင်း ကြောင့် စိတ်ဖိစီးမှုတွေ ကြုံတွေ့နေရတယ် ဆိုရင် စိတ်ဖိစီးမှု ၊ စိတ်ပင်ပန်းမှု ၊ စိတ်အလိုမကျမှု တွေကို သက်သာအောင် နဲ့ ဘယ်လို ဖြေဖျောက်ရမယ် ဆိုတာလေး မျှဝေ ပေးချင်ပါတယ် .. ..

ခဏတဖြုတ်နားပါ

• စိတ်မပါတဲ့ အလုပ်ကို ဆက်တိုက် လုပ်နေရသည် ဖြစ်စေ၊ စိတ်သွားတိုင်း ကိုယ်မပါဘဲ လုပ်နေရသည် ဖြစ်စေ စိတ်ပန်းလူပန်း ဖြစ်နေမှာ သေချာပါတယ်။ ဒါကြောင့် လုပ်လက်စ အလုပ်ကို ၅ မိနစ် ဖြစ်စေ၊ ၁၀ မိနစ်ဖြစ်စေ နားလိုက်ပါ။ လမ်းထလျှောက်ပါ၊ ရေထသောက်ပါ။ ဒါတွေက စိတ်ဖိစီးမှုတွေကို ရှင်းလင်းစေပြီး ဖိအားတွေကို လျော့စေပါတယ်။

အားကစားလုပ်ပါ

• အလုပ်တွေပြီးရင် ချက်ချင်း အိပ်ယာထဲ ထိုးမအိပ် သင့်ပါဘူး။ အားကစား စင်တာ တစ်ခုခုကိုသွားပြီး စိတ်ပါလက်ပါ ကစားလိုက်ပါ။ (ကာရာအိုကေ ကို စိတ်လွတ်ကိုယ်လွတ် ဆိုလိုက် ရင်လည်း အားကစား လုပ်သလိုပါပဲ ) ဒီလိုလုပ်ခြင်းဖြ့င် စိတ်ဖိစီးမှုကို အထိုက်အလျှောက် မေ့လျော့ စေပါတယ်။

အလုပ်ချိန်ကို ခွဲခြားပါ

• မနက်စောစော လန်းဆန်း တက်ကြွနေချိန်မှာ ခက်ခဲပြီး ဥာဏ်သုံးရတဲ့ အလုပ်တွေ လုပ်ပါ။ ပင်ပန်းနေတဲ့ ညနေပိုင်း အချိန်တွေမှာ ပေါ့ပေါ့ပါးပါး အလုပ်တွေကို ရွေးချယ်လုပ်ပါ။

သီချင်းနားထောင်ပါ

• အလုပ်နားချိန်မှာ မိမိကြိုက်နှစ်သက်ရာ သီချင်းတစ်မျိုးမျိုးကို နားထောင်ပြီး အပန်းဖြေပါ။

အလုပ်ချိန်ကို ပြောင်းကြည့်ပါ

• ကိုယ်ပိုင်အလုပ်ဖြစ်ရင် တစ်ခါတလေ မနက်အစောကြီး အလုပ်ထသွားကြည့်ပါ။ တစ်ခါတလေ မိုးချုပ်သည်အထိ အချိန်ပို လုပ်ကြည့်ပါ။ အလုပ်ချိန် အပြောင်းအလဲ လေးတွေကလည်း ပင်ပန်းနွမ်းနယ်နေတဲ့ စိတ်ကို လန်းဆန်းစေပါတယ်။

( အမှားပါရင် ကျယ်ကျယ်သာ အော်သွားပါ။)
( Reader's Digest, 2008, March. " Five ways to Manage Workplace Stress " )

အမြဲနုပျိုနေစေဖို့

ပျော်ပျော်နေသေခဲ ဆိုတဲ့ စကားပုံလေးလို အမြဲတမ်း ပျော်ပျော်ရွှင်ရွှင်နဲ့ နေနိုင်ရင်တော့ ကောင်းပါတယ်။ လူတိုင်းကလည်း ဒီလို ပျော်ရွှင်မှုကို တောင့်တကြမှာ အမှန်ပါ။ တဒင်္ဂလောက် စိတ်လိုလက်ရ ရယ်မော လိုက်နိုင်ရင်တောင် တစ်ရက်ပိုပြီး အသက်ရှည်တယ်ဆိုတာ ယုံကြည်ထားကြတယ် မဟုတ်ပါလား။ အသက်တစ်ရက် ပိုရှည်ဖို့အတွက် ရမယ်ရှာပြီး ရယ်ဖြစ်ရင်တောင် စိတ်ထဲမှာ ပျော်ရွှင်မှု ဆိုတာ မရှိရင် အသက်ပါတဲ့ ရယ်မောခြင်းတော့ ဖြစ်လာမှာ မဟုတ်ပါဘူး။ ပျော်ရွှင်မှုနဲ့ သောကကို မမျှမတ ရောမွှေထားတဲ့ ဒီဘဝထဲမှာ သောကစိတ်က ပိုများနေမှာပါ။ ကိုယ်လိုချင်တာ မရနိုင်တဲ့အခါမျိုးမှာ၊ ကိုယ်ဖြစ်ချင်တာ ဖြစ်မလာ နိုင်တဲ့ အခါမျိုးမှာ တက်ရိပ်ပြနေတဲ့ သောကရဲ့ ဒီရေကို ပိုမြင်မိမှာပါ။ သောကဗျာပါဒ စိတ်များတော့ အရွယ်မတိုင်ခင် ရုပ်ရည်ရင့်တာတို့၊ ရုပ်ရည်ကျတာတို့ ဖြစ်ဖို့ အထောက်အကူ ဖြစ်နေမှာပါ။ ဒါကြောင့် လျင်မြန်စွာနဲ့ အိုမင်းခြင်းကို ရှောင်ရှားစေနိုင်မယ့် နည်းလမ်းလေးတွေ မျှဝေပေးချင်ပါတယ် ..

၁။ ဦးနှောက်ကို အလုပ်ပေးပါ ..

• စိတ်ကို အချိန်နဲ့အမျှ အလုပ်ပေးထားတာဟာ ဦးနှောက်ရဲ့ တုံ့ပြန်မှု လျော့နည်းလာတာကို ကာကွယ်ပေးပြီး ဦးနှောက်ဆဲလ် တွေထဲမှာရှိတဲ့ အာရုံကြော မျှင်တွေကို အသစ်ဖွံ့ဖြိုး လာစေတယ်လို့ သိရပါတယ်။ ဒီအာရုံကြောမျှင်တွေက အသက်ကြီးလာတဲ့အခါ ပျက်စီးတတ်ပါတယ်။ ဒါပေမယ့် အတွေ့အကြုံသစ်နဲ့ စိတ်ကို လေ့ကျင့်ပေးရင် အာရုံကြောမျှင်တွေ အသစ်ပြန်ဖြစ် စေပါတယ်။ ဒါကြောင့် စာဖတ်ရင်ဖြစ်စေ၊ တီဗွီ အစီအစဉ်ကို ကြည့်သည်ဖြစ်စေ ဦးနှောက်ကို တွေးတောစရာ၊ မှတ်သားစရာတွေ ပေးတဲ့ အစီအစဉ်တွေကို ကြည့်ရှုသင့်တယ်လို့ သိရပါတယ်။
  

၂။ ကိုယ်အလေးချိန်ကို ပုံမှန်ဖြစ်အောင် ထိန်းသိမ်းပါ ..

• အသက်ကြီးလာရင် ကိုယ်လက် လှုပ်ရှားမှု နည်းလာပြီး ခန္ဓာကိုယ်တွင်း ဇီဝဖြစ်စဉ်လည်း နှေးကွေး လာပါတယ်။ ကယ်လိုရီလိုအပ်မှုလည်း နည်းလာပါတယ်။ ဒီအတွက်ကြောင့် ကိုယ်အလေးချိန် လျော့ကျလာစေ ပါတယ်။ ဒါကြောင့် သင့်တင့်လျှောက်ပတ်တဲ့ ကိုယ်လက်လှုပ်ရှားမှုကို ပုံမှန်လုပ်ပေးသင့်ပါတယ်။
  

၃။ မိတ်ဆွေ သူငယ်ချင်း များများထားပါ ..

• ပေါင်းသင်းဆက်ဆံရေး ကောင်းမွန်ပြီး မိတ်ဆွေအပေါင်းအသင်း မျုားတဲ့သက်ကြီး ပိုင်းတွေဟာ ရှိရင်းစွဲ အသက်အရွယ်ထက် ပိုပြီး နုပျိုလန်းဆန်း စေတယ်လို့ သိရပါတယ်။ တစ်ဦးအပေါ်တစ်ဦး ပုဂ္ဂိုလ်ရေး ဆက်ဆံမှု ကောင်းတွေက စိတ်ဖိစီးမှုကို ကာကွယ်ပေးပါသတဲ့။
  

၎။ ဆေးလိပ်နဲ့ မီးခိုးငွေ့တွေကို ရှောင်ပါ ..

• ကိုယ်ကိုယ်တိုင် ဆေးလိပ်သောက်သုံးခြင်း မရှိပေမယ့် ဆေးလိပ်ငွေ့ကို တစ်ဆင့်ခံ ရှူရှိုက်မိရင်တောင် အိုမင်း ရင့်ရော်စေတယ်လို့ သိရပါတယ်။ ဆေးလိပ်ငွေ့တွေရှိတဲ့နေရာမှာ ၄ နာရီလောက်ရှိနေရင် ရှိရင်းစွဲ အသက်ထက် ၇ နှစ်စာလောက် အိုစာသွားစေပါတယ်။ အသက် ၄၀ အရွယ် ဆေးလိပ်သောက်သုံးသူရဲ့အသားအရည် ဟာ ဆေးလိပ်မသောက်တဲ့ အသက် ၆၀ အရွယ်ရဲ့ အသားအရည်နဲ့ အတူတူပဲဖြစ်ပါတယ်။ ဘာကြောင့်လဲ ဆိုတော့ ဆေးလိပ်မှာ ပါဝင်တဲ့အဆိပ်ဓာတ်က အသားအရည်အတွက် အောင်ဆီဂျင်ရရှိမှုကို အားနည်းစေပြီး တစ်ရှူးတွေကို ပျက်စီးစေတယ်လို့ သိရပါတယ်။
  

၅။ အိပ်ရေး၀၀ အိပ်ပါ ..

• မိမိရဲ့ ရုပ်ရည်အတွက်ရော၊ ကျန်းမာရေး အတွက်ပါ အချိန်မှန် အိပ်ဖို့နဲ့ အိပ်ရေး၀၀ အိပ်ဖို့ အရေးကြီး ပါတယ်။ ကောင်းမွန်တဲ့ အိပ်စက်ခြင်းက ကိုယ်ခံအားကို မြင့်တက်စေပြီး အာရုံစူးစိုက်မှုကို ကောင်းမွန်စေပါတယ်။ စိတ်ဖိစီးမှုကိုလည်း အထိုက်အလျှောက် ကာကွယ်ပေးပါတယ်။
  

၆။ စိတ်ဖိစီးမှုကို တိုက်ဖျက်ပါ ..

• စိတ်ဖိစီးမှုက လူကို အိုမင်းစေပါတယ်။ စိတ်ဖိစီးမှုက လူကို နှလုံးရောဂါ ဖြစ်ပွားစေနိုင်ပြီး၊ စိတ်တင်းကြပ်မှု တာရှည်လာရင် ကိုယ်ခံအားကို လျော့ပါးလာစေ ပါတယ်။ အကောင်းဆုံး ဖြေရှင်းနည်း ကတော့ တရားထိုင်ခြင်းနဲ့၊ ယောဂကျင့်စဉ်လိုမျိုး စိတ်ကို တည်ငြိမ်စေမယ့် လေ့ကျင့်မှုမျိုးကို လုပ်ဆောင် ပေးသင့်ပါတယ်။
  

၇။ အိမ်ထောင်ရေးသုခကို ခံစားပါ ..

• အိမ်ထောင်ရေး သုခကို အပြည့်အ၀ ရရှိတဲ့ အိမ်ထောင်သည် တွေဟာ အိမ်ထောင်ရေး သုခ အပြည့်မ၀ မရရှိတဲ့ အိမ်ထောင်သည် တွေထက် ၇ နှစ်ပိုပြီး နုပျိုစေတယ်လို့ မှတ်သားရ ပါတယ်။ (အိုမင်းရင့်ရော် တာကနေ ရှောင်လွဲနိုင်အောင် မြန်မြန် အိမ်ထောင်ထူသင့်တယ်လို့ ပြောချင် တာများလား မသိ...၊ အတွေးတွေ ပွားသွားရပါတယ်)။

အားလုံးပဲ ပျော်ရွှင်နိုင်ပါစေ။

သံယောဇဉ်အမျှင် တန်းတယ် .. ..

တိမ်တောက်နေတဲ့ ကောင်းကင်ကို မြင်တော့ ရင်ကို ပိုအိုက်လာစေတယ်။ ဒီလို ပြိုးပြက်တဲ့ အလင်းရောင်ဟာ လွမ်းကျန်ခဲ့တဲ့ ကိုယ့်အဖို့ ဘယ်လိုမှ ခံနိုင်ရည် မရှိဘူးဆိုတာ မင်းလေး ယုံနိုင်မလားပဲ။ မင်းနဲ့ အတူရှိနေခဲ့တဲ့ ခဏတာ အချိန်လေးမှာ ရာသီဥတုလေးက တကယ့်ကို ထာဝရ အိုအေစစ်လေးပါ။ ဒီအချိန်လေးကိုပဲ ဖမ်းဆုပ်ထားနိုင်မယ် ဆိုရင် ကိုယ့်အတွက် အတိုင်းထက် အလွန် ကျေနပ်မှုကို ဖြစ်မစေမှာ အမှန်ပါ။ နွေးနေတဲ့ ရေမှုန်လေးတွေရယ်၊ မြေသင်းရနံ့လေးရယ်၊ တိမ်ကင်းတဲ့ ကောင်းကင်ပြာပြာ ကြီးရယ်က မင်းလေးကို ဒီနွေရက်မှာ ပြောပြ ပါလိမ့်မယ် .. ကိုယ်မင်းကို သံယောဇဉ် ရှိနေတယ် ဆိုတာကိုပါ။

မဟာဆန်တဲ့ မျက်နှာလေးနဲ့ အပြုံးတွေ ဝေနေတဲ့ မင်းလေးကို မျက်စိထဲကနေ မထွက်နိုင်ခဲ့ဘူးလေ။ မင်းလေးရဲ့ ဂုဏ်ပုဒ်တွေက အချစ်ကဲ့သို့ နူးညံ့သိမ်မွေ့ခြင်း တွေနဲ့ အတူ အမျက်ဒေါသ ကင်းသူလည်း ဖြစ်တယ်။ အလွန်နူးညံ့သိမ်မွေ့ တတ်သူတစ်ဦးဖြစ်ပြီး နှုတ်ထွက် စကားတွေတိုင်းက တစ်ပါးသူအတွက် ပျားသကာလို ချိုမြိန်စေတယ်။ မင်းလေးရဲ့ ဂရုတစိုက် လုပ်ကိုင်ပေးတတ်မှုတွေ အမြဲပဲ တစ်ဘက်လူအပေါ် အကာအကွယ် ပေးတတ်မှုတွေနဲ့ ကျေနပ်မှုတွေကြောင့် လူချစ်လူခင် ပေါများသူဖြစ်တယ်။ ဒါပေမဲ့ လည်း ကိုယ်တိုင်မှာတော့ အမြဲခံစားကျိုးပဲ့ လွယ်တတ်တဲ့  စိုးရိမ်ပူပန်ခြင်းတွေနဲ့  ချစ်စရာ အလွန်ကောင်းသူ တစ်ဦးပါတဲ့။ ဒီလို စိုးရိမ် ကြောင့်ကျစိတ် ကြောင့်ပဲ ကိုယ့်ကို အပြည့်အ၀ မယုံကြည်ခဲ့ တာလေလားပဲနော်။

ကိုယ်မင်းကို လွမ်းတယ်။ နှုတ်ခမ်းနဲ့ လွမ်းတာမဟုတ်ပါဘူး။ ရင်မှာဖြစ်တဲ့ နှလုံးသားနဲ့ လွမ်းတယ် ဆိုတာကို ယုံစေချင်တယ်။ တစ်နေ့နေ့ ဆိုတဲ့ မျှော်လင့်ချက်လေးနဲ့ မင်းလေးကို စောင့်နေမိတယ်။ မင်းဆီက နူးညံ့တဲ့ အပြုံးတစ်ပွင့်နဲ့အတူ နွေးထွေးတဲ့ လက်တစ်စုံရဲ့ အင်အားကို ကိုယ်တမ်းတ နေမိတယ်။ ကိုယ်ညည်းဖို့ မင်းလေး ပေးထားတဲ့ သီချင်းလေးတွေကို ကောင်းကင်ပေါ် ကြယ်တွေစုံတဲ့ ညမှာ မင်းလေးရှိနေမယ့် နေရာကို ရော်ရည်မှန်းပြီး ညည်းချင်းထပ် နေမိတယ်။ ကိုယ့်သံယောဇဉ်တွေဟာ အဖော်မပါတဲ့ လမ်းမပေါ် ရှင်သန်လျက်ပါ။ အလွမ်းတွေနဲ့ ဝေးစေမယ့် နေရာသစ်ဆီကို ခေါ်သွားနိုင်မယ့် သူဟာ မင်းလေးပဲ ဖြစ်တယ်ဆိုတာ ကိုယ်ယုံကြည်တယ်။

အဖြူသက်သက် ကိုယ့်နှလုံးကို ပုံရိပ်ထင်စေတာ မင်းလေးပဲဆို ယုံမှားသံသယ မဖြစ်မိပါဘူး။ အလတ်ဆတ်ဆုံး နဲ့ အသန့်ရှင်းဆုံး ရင်ခုန်သံတွေကို ပထမဆုံး ဖြစ်ပေါ် စေခဲ့တာလည်း မင်းလေးပဲ ဖြစ်တယ်ဆို ၀န်ခံပါရစေ။ မင်းလေးကို သံယောဇဉ်ရှိ တယ်ဆိုတာကို ကိုယ် အပွင့်လင်းဆုံး ၀န်ခံခဲ့ပါပြီ။ ပကတိ ရိုးသားတဲ့ စကားလုံးတွေရဲ့ နောက်မှာ အစစ်မှန်ဆုံး ရင်ခုန်သံတွေကို မင်လေး မေ့နိုင်မှာလား။ ကိုယ့်ဘ၀မှာ အမြတ်နိုးဆုံး ဆိုတဲ့ နေရာလေးမှာ ရှိနေစေဖို့ ရည်ရွယ်ရင်း၊ မျှော်လင့်ရင်း မင်းလေးနဲ့ ဝေးရမှာ ကြောက်မိတဲ့ ကိုယ့်ရဲ့ စိုးရိမ်စိတ်နဲ့အတူ မင်းလေး ပြောဖို့ကျန်နေသေးတဲ့ စကားလေး တစ်ခွန်းကို စောင့်မျှော်နေလျက်ပါ။

မိတ်ကောင်းဆွေမွန်

ကိုယ်ကိုယ်တိုင်က စီးပွားရေးသမား ဖြစ်တဲ့အပြင် လူအများနဲ့ ပေါင်းသင်းဆက်ဆံ နေရတဲ့ ကားသမား တစ်ယောက် ဖြစ်တယ်။ မတူညီတဲ့ လူအမျိုးမျိုး၊ ခြားနားတဲ့ စိတ်အထွေထွေ ရှိနေကြတဲ့ လောကသားတွေနဲ့ နေ့စဉ် ပြောဆို ဆက်ဆံ ပေါင်းသင်းနေရတဲ့ အခြေအနေ ဖြစ်ပါတယ်။ ကိုယ်ကတော့ လူငယ်ပီပီ ဖောက်သည်တွေကို အမြဲပဲ ဦးညွတ်ပြီး တလေးတစား ဆက်ဆံပါတယ်။ ဟင်းသီး ဟင်းရွက်သည် ကိုလည်း အလိုက်အထိုက် ဆလံပေး ဆက်ဆံပါတယ်။ ကုန်တိုက် မန်နေဂျာနဲ့လည်း လည်တငြိမ့်ငြိမ့် ရိုသေတာမို့ ကိုယ့်ကိုယ်ကိုယ် တစ်ခါတလေ ပေါတောတော ဖြစ်နေသလားလို့ ဆန်းစစ်မိပါတယ်။ လုပ်ငန်းရဲ့သဘော သဘာဝမို့ ပေါနေရင်လည်း ခွင့်လွတ်နိုင်မယ် ထင်ပါတယ်။ လူတွေထဲက လူတစ်ယောက်မို့ နေ့တွေထပ်လို့ ရက်တွေ ဆက်လာတော့လည်း အဆင်မပြေရင် မပြေသလို ဘုစကားတွေ ပြောဖြစ်မိတယ်။ စိတ်ထဲက ပါလို့တော့ မဟုတ်ပါဘူး။ မိတ်ဆွေ အပေါင်းအသင်းတွေကို လိုချင် တပ်မက်ပါတယ်။ စိတ်သဘောခြင်း ထပ်တူသည် ဖြစ်စေ စိတ်အမြင်ခြင်း ဆန့်ကျင်သည် ဖြစ်ပါစေ လူတိုင်းနဲ့ မိတ်ဆွေ ဖြစ်ချင်ပါတယ်။ မှန်ကန်တဲ့ မိတ်ဆွေစစ် တစ်ယောက်ရဖို့ နှစ်တွေ အကြာကြီးစောင့်ရပါစေ စောင့်ရကျိုးနပ်တယ်လို့ပဲ မြင်မိပါတယ်။

မိတ်ဆွေကောင်းဆိုတာ တစ်ယောက်နဲ့တစ်ယောက် ကျွန်းကိုကိုင်းမှီ၊ ကိုင်းကိုကျွန်းမှီ ဆိုသလို အပြန်အလှန် မှီခို၊ အပြန်အလှန် လေးစားမှုရှိကြရ ပါမယ်။ တစ်ယောက်ရဲ့ ကောင်းမြတ်တဲ့ အရည်အချင်းတွေကို တစ်ယောက်က လေးစား အသိအမှတ်ပြုပြီး တစ်ယောက်ရဲ့ အားနည်းချက်ကို တစ်ယောက်က ဖေးမကူညီ ဖြည့်စွမ်းပေး ရပါမယ်။ တစ်ယောက်ရဲ့ ဘေးအန္တရာယ်ကို တစ်ယောက်က ကာကွယ်စောင့်ရှောက်ပြီး တစ်ယောက်ရဲ့ အောင်မြင်မှုကို တစ်ယောက်က ၀မ်းမြောက် ၀မ်းသာ ဂုဏ်ယူတတ် ရပါမယ်။ တစ်ယောက်က ကောင်းစားရင် ကျန်တစ်ယောက်က မနာလို ၀န်တိုခြင်း မရှိပါဘဲ မုဒိတာစိတ် ထားရှိတတ် ရပါမယ်။ တစ်ယောက်ရဲ့ အမှားကို တစ်ယောက်က သည်းခံခွင့်လွှတ်ပြီး တစ်ယောက်ရဲ့ အကျိုးကို တစ်ယောက်က ဆောင်ရွက်ပေးခြင်းဟာ မိတ်ကောင်း ဆွေကောင်းတွေရဲ့ ကျင့်ကြံအပ်တဲ့ ကောင်းမြတ်တဲ့ လက္ခဏာ ဖြစ်ပါတယ်။

မိတ်ကောင်း ဆွေကောင်း သူငယ်ချင်းကောင်း ဆိုတာကတော့ တစ်ကိုယ်ကောင်း မဆန်တဲ့သူ။ စေတနာမှန်ကန်တဲ့သူ၊ အကျိုးတူ ကိစ္စရပ်များကို သတ္တိရှိရှိ ပူးပေါင်း ဆောင်ရွက် ကူညီလိုစိတ်ရှိသူ၊ အခက်အခဲ အကြပ်အတည်းတွေနဲ့ အရေးကြုံ လာတဲ့အခါ ခေါင်းရှောင် သွေဖီ မသွားပါဘဲ မိမိရှေ့ကနေ မားမားမတ်မတ်ရပ်ပြီး ကူညီ ဖြေရှင်းပေးတာတွေ ပဲဖြစ်ပါတယ်။ လူတစ်ယောက်ဟာ အခြားတစ်ယောက်ရဲ့ အမှားအယွင်းနဲ့ အပြစ်တွေကိုပဲ ကြည့်ပြောနေမယ်၊ အားနည်းချက်တွေကိုပဲ မြင်နေမယ် ဆိုရင်တော့ အဲဒီပုဂ္ဂိုလ်ကို သူ့အပေါင်း အသင်း မိတ်ဆွေတွေက ရှောင်ရှားဖယ်ပြန် သွားကြမှာ ဓမ္မတာပါ။ အဲဒီနည်းနဲ့ လူတွေကို စည်းရုံးသိမ်းသွင်းလို့ မရနိုင်ပါဘူး။ လူတိုင်းလူတိုင်းမှာ ချို့ယွင်းမှုနဲ့ ပြစ်ချက်ဆိုတာ အနည်းနဲ့အများတော့ ရှိတတ်ကြတာ သဘာဝပါ။ ပုထုစဉ် လူသားမို့ ခြောက်ပစ်ကင်း သဲလဲစင် တယ်ဆိုတာ မရှိနိုင်ပါဘူး။ လူတစ်ယောက်ဆီကနေ အကောင်းတွေချည်း မျှော်လင့်လို့ မရစကောင်း တာကိုတော့ နားလည်ထားပြီးသား ဖြစ်ပါတယ်။

နောက်ဆုံးအနေနဲ့ စိန်ကောင်း ကျောက်ကောင်း တစ်ပွင့်ရဖို့ ငွေကြေးဥစ္စာနဲ့ ပုံအောပေးပြီး ရနိုင်ပေမဲ့လည်း မိတ်ကောင်း ဆွေကောင်း သူငယ်ချင်းကောင်း တစ်ယောက်ကို ရရှိနိုင်ဖို့ အတွက်တော့ ငွေကိုပုံအောပေးလို့ မရနိုင်ကောင်းပါဘူး။ စိန်ကောင်း ကျောက်ကောင်းထက် မိတ်ကောင်း ဆွေကောင်းက ပိုပြီး ရှားပါတယ်။ ပိုပြီး တန်ဖိုးကြီးပါတယ်။ စိန်ကောင်း ကျောက်ကောင်းကို တန်ဖိုးထား သတ်မှတ်လို့ ရနိုင်ပေမယ့် မိတ်ကောင်း ဆွေကောင်း သူငယ်ချင်းကောင်းမှာ တန်ဖိုးဖြတ်လို့ မရနိုင်တဲ့အကြောင်း ပြောကြား ချင်ပါတယ်။ အားလုံးကို လေးစားခင်မင်လျက်ပါ။

ဟိုမရောက် ဒီမရောက် နေ့များ

အလုပ်ကိစ္စနဲ့ ပဲခူးကို ရောက်နေတာ ၄ ရက်ရှိသွားပြီ။ ပျားပန်းခတ်နေတဲ့ မြို့သေးသေးလေးမှာ ပူပြင်းတဲ့ ရာသီဥတုဒဏ်နဲ့ လေပူနဲ့အတူ လိပ်လိပ်ပြီး တက်လာတတ်တဲ့ ဖုန်မှုန့်တွေရဲ့ဒဏ်ကို မခံစားနိုင်တာကြောင့် နက်ကဖီးဆိုင်ကိုပဲ အကြောင်းမရှိ အကြောင်းရှာ ရောက်နေမိတယ်။ အကြောင်းပြချက်ကတော့ မေးလ်တွေ သွားရှင်းလိုက် အုန်းမယ်။ မေးလ်တွေ အ၀င်များရင် အကောင့် ပျက်သွားနိုင်တယ် ဆိုပြီး မသိတဲ့သူကို ဘာမှနားမလည်တဲ့ ကျွန်တော်ကပဲ ရွှီးခဲ့ပါတယ်။ ဒါမှလည်း နားအေး ပါးအေး လွတ်ရာကျွတ်ရာ ဖြစ်မှာမို့ပါ။ ဒီလိုနဲ့ ဖက်တန်းဈေးကနေ မြို့ထဲကို ဒိုးခဲ့တယ်။

နယ်က နက်ကော်နက်ရှင်ဆိုတော့ ဘလောဂ့်စပေါ့ထဲကို ၀င်လို့ရတစ်ချက် မရနှစ်ချက်မို့ စိတ်ရှည်စရာ အကြောင်းမရှိပါဘူး။ ဒါနဲ့ အလွယ်တကူ ၀င်လည်လို့ ရတဲ့ ဖိုရမ်တွေဖြစ်တဲ့ တောင်ပေါ်သားတို့ ဆုံဆည်းရာမြေ (ရှမ်းပြည်နယ်တောင်ပိုင်း)၊ ကြယ်စင်စုရပ်၊ GreenHill နဲ့ Taunggyi Youth တွေဆီပဲ ၀င်လည်ဖြစ်တယ်။ ကြယ်စင်စုရပ် ကတော့ အစည်ကားဆုံးလို့ မြင်မိပါတယ်။ Taunggyi Youth ဖိုရမ်လည်းပဲ အွန်လိုင်းပေါ်မှာ အနည်းဆုံး ၁၅ ယောက်လောက်တော့ အမြဲ ရှိနေတတ်ပါတယ်။ ကနဦးဆုံးဖွင့်ခဲ့တဲ့ MBS တော့ တော်တော်လေးကို မန်းဘား များပေမယ့် ခုတော့ ငြိမ်ချက်သား ကောင်းလွန်းတယ်လို့ မြင်မိပါတယ်။ ကိုယ်ဖန်တီးခဲ့ ဖိုရမ်တစ်ခု အမြဲ active ဖြစ်နေဖို့အတွက် ပေးရတဲ့ အချိန်ကိုလည်း နားလည်ပါတယ်။

ဖိုရမ်တွေ လည်ပြီးလို့ ငြီးငွေ့လာတော့ ဂိမ်းဖက်ကို ဦးတည်လိုက်တယ်။ အင်တာနက်ဆိုင်နဲ့ ဂိမ်းဆိုင် တွဲဖွင့်ထားတာကြောင့် ဆိုင်ထဲကို တစ်ချက် ဝေ့ကြည့်တော့ ကျောင်းသားလေးတွေ တော်တော်များပါတယ်။ အငယ်တန်းလေးတွေ အတန်းတင် စာမေးပွဲ ပြီးသွားတာကြောင့်လို့ ဖြစ်နိုင်ပါတယ်။ ကျွန်တော်လည်း ပြီးခဲ့တဲ့နှစ်ကအထိ တွေ့သမျှဂိမ်း လက်မရှောင်တမ်း ကစားဖြစ်ခဲ့တယ်။ ထမင်းလျော့စားတယ် ကော်ဖီများများ သောက်တယ်။ များများထိုင်တယ်၊ နည်းနည်းပဲအိပ်တယ်။ ဒီလို ဂိမ်းကို တမ်းတမ်းစွဲ ကစားခဲ့ပါတယ်။ ဂိမ်းအဟောင်းတွေကို နိုင်ပြီးရင် ဂိမ်းအသစ်တွေကို အမြဲ စိတ်ဝင်စားတယ်။ ဘယ်လို စိတ်လှုပ်ရှားမှုကို ပေးမလဲ၊ ဘာဖြစ်လာမလဲ ဆိုတဲ့ မေးခွန်း တွေနဲ့ မရပ်မနားကစားဖြစ်တယ်။ ဂိမ်းကို အချိန်အကြာကြီး ရေရှည်စွဲ ဆော့ရင်တော့ (level မကုန်မချင်း ထချင်စိတ်မရှိတော့ရင်) ခေါင်းမူးမယ်၊ လက်အံသေတယ်၊ မျက်စိကျိန်းစပ်တယ်၊ နှလုံးနာတယ်၊ ကိုယ်လက် မအီမသာ ဖြစ်တယ်၊ အိပ်နေရင်တောင် နားထဲမှာ ဂိမ်းထဲက music တွေက ကိုယ့်ကိုယ် စိုးမိုးထားတယ်။ ပစ်ပယ်လို့ မရနိုင်ခဲ့တဲ့ ဆိုးကျိုးလေး တွေပါ။ ခုတော့ အတိုက်အခိုက် အပစ်အခတ် ကြမ်းကြမ်းဂိမ်းတွေ မကစားဖြစ်တော့ ပေမယ့် Mario ကိုတော့ ကစားနေတုန်းပါပဲ။

မြန်မာနိုင်ငံမှာ ဂိမ်းကစားခြင်းဟာ တဖြည်းဖြည်းကျယ်ပြန့် လာတာကြောင့် ရန်ကုန်မြို့တွင်းမှာတင် ဂိမ်းဆိုင်ပေါင်း ၂၀၀ ၀န်းကျင်လောက် ရှိပါမယ်။ ခေတ်နဲ့အညီ တိုးတက် လာတဲ့ ကစားနည်းဖြစ်ပေမယ့် အလွန်အကျွံစကားရင် ပညာရေး၊ စီးပွားရေးသာမက ကျန်းမာရေးကိုပါ ထိခိုက်စေနိုင်ပါတယ်။ ဒါကြောင့် ဂိမ်းကစားတာကို လူငယ်တွေကြားမှာ ဖျော်ဖြေရေးတစ်ခု အနေနဲ့ သာမက အားကစားနည်း တစ်ရပ်အနေနဲ့လည်း ကစားလာကြပါတယ်။ ( Counter ပြိုင်ပွဲလိုမျိုးပါ) ဂိမ်းကစားတာဟာ လူငယ်တွေရဲ့ စူးစမ်းလိုစိတ်၊ ထူးခြားဆန်းသစ်တဲ့ ဂရပ်ဖစ်တွေရဲ့ ဆွဲဆောင်မှုတွေကြောင့် ဂိမ်းကစားဖို့ကို ဖမ်းစားနိုင်ခဲ့ပါတယ်။ ခေတ်သစ်ဂိမ်းတွေဟာ ပျော်ရွှင်မှု ရသကို အပြည့်အ၀ ပေးနိုင်စွမ်းပါတယ်။ ဂိမ်းကစားတာကြောင့် ဆိုးကျိုးတွေ ရနိုင်သလို မိမိကစားတဲ့ ဂိမ်းကစားနည်း အမျိုးအစားအပေါ် မူတည်ပြီး ဥာဏ်ထက်မြက်စေတယ်၊ ဖြတ်ထိုးဥာဏ် ကွန့်စေတယ်၊ သွတ်လက် ချက်ချာစေတယ်၊ ကွက်ကျော် မြင်တတ်စေတယ်၊ အနိုင်ရလိုစိတ်ကို ပြင်းပြစေတယ်၊ အင်္ဂလပ် ဝေါဟာရတွေ ကြွယ်ဝလာစေတဲ့ ကောင်းကျိုးလေးတွေ လည်းရရှိစေပါတယ်။

မြန်မာနိုင်ငံမှာတော့ ဂိမ်းကစားရာကနေ သေဆုံးတာတို့၊ စိတ်ဖောက်ပြန်တာတို့ မရှိသေးပေမယ့် ချက်ချင်း လက်ငင်း မသိနိုင်သေးတဲ့ မျက်စိအာရုံကြောများ ထိခိုက်ခြင်း၊အလွန်အကျွံ ကစားတာကြောင့် ဦးနှောက် အာရုံကြောများ အားနည်းခြင်း တွေတော့ ဖြစ်ပေါ်တတ်ပါတယ်။ ဂိမ်းကစားခြင်းကြောင့် အန္တရာယ်ဆိုးတွေကို ကျော်လွှားနိုင်ဖို့ အတွက် ဂိမ်းကစားတဲ့ လူငယ်တွေအနေနဲ့ တစ်နေ့ကို အနည်းဆုံး ၆ နာရီထက် ပိုမကစားသင့်ပါဘူး။ ဂိမ်းရဲ့ အတိုက်အခိုက်တွေ ဆွဲဆောင်အား ကောင်းတယ် ဆိုပေမယ့် လူငယ်တွေရဲ့ စိတ်ကို လွှမ်းမိုးနိုင်စွမ်း ရှိတာကြောင့် ပြည်ပနိုင်ငံတွေလိုမျိုး ဂိမ်းဆင်ဆာ အဖွဲ့များက လူငယ်များ အသက်အရွယ်အလိုက် ကစားသင့်တဲ့ ဂိမ်းအမျိုးအစား များကိုသာ ရွေးချယ် ကစားသင့်ကြောင်း ပြောချင်ပါတယ်။ (ဂိမ်းခွေ cover မှာတော့ ဂိမ်းအဆင့်သတ်မှတ်ချက် တွေရေးထားပါတယ်)

မည်သို့ဖြစ်ပါစေ ဂိမ်းကစားခြင်းဟာ လူငယ်လူရွယ်တွေအကြား ပိုမိုကျယ်ပြန့်လာနိုင်တဲ့အတွက် ဂိမ်းများကို အလွန်အကျွံ ကစားခြင်းထက် ဂိမ်းထဲကနေ ကောင်းတဲ့ အချက်တွေကို ထုတ်ယူ ပြောင်းလဲ ကစားမယ်ဆိုရင် လူငယ်များရဲ့ အနာဂတ် တိုးတက်ရေးအတွက် အသုံးတည့်လာနိုင်တဲ့ ပညာရပ်တစ်ခု အဖြစ် အထောက်အကူ ဖြစ်စေမယ် ထင်မိပါတယ်။ ဂိမ်းကစားတာဟာ လူငယ်များရဲ့ လူမှုရေးလိုအပ်ချက် တစ်ခုအဖြစ်ပါ ပြောင်းလဲ လာတဲ့အတွက် ကလေးငယ်များကို ဂိမ်းလုံးဝ မကစားစေဖို့ ထိန်းချုပ်ခြင်းထက်စနစ်တကျ အချိန်ဇယားတစ်ခု ရေးဆွဲကစားစေခြင်းဖြင့် ကလေးများရဲ့ ပညာရေးနဲ့ ကျန်းမာရေးကို မှန်ကန်တော်တည့်စွာ လမ်းညွှန်ပေးနိုင်မှာ ဖြစ်ပြီး ဆိုးကျိုးကို နဲစေနိုင်မှာ ဖြစ်ကြောင်း တင်ပြချင်ပါတယ်။

ပုံတွေကို google images ကနေ ယူထားတယ်နော် ... ...

မိန်းမစကား နားထောင်သင့် - မသင့်

အိမ်ထောင်ပြုတယ် ဆိုတာ အခြေခံအနေနဲ့ ယောက်ျားလေးနဲ့ မိန်းကလေး ချစ်ကြ ကြိုက်ကြလို့ပါ။ အကြင်သူနှစ်ဦး ချစ်သူတွေ ဖြစ်ကြပြီးမှ လက်ထပ်ကြတာ ရာခိုင်နှုန်းများတတ် ပါတယ်။ ရာခိုင်နှုန်း အနည်းငယ် လောက်သာ အိမ်က လူကြီးတွေ ပေးစားလို့ ယူဖြစ်ကြတာ ဖြစ်ပါတယ်။ ချစ်ကြတယ် ဆိုတဲ့ နေရာမှာ တစ်ယောက် အကျိုးကို တစ်ယောက်က လိုလားတယ် နှစ်သက်တယ် စိတ်တူ ကိုယ်တူ ဖြစ်တယ် ဆိုတဲ့ သဘောလည်း ဖြစ်ပါတယ်။ ဘယ်လောက်ပဲ ချစ်ကြတယ်ပြောပြော အိမ်ထောင်တစ်ခု ထူထောင်လို့ အတူနေကြပြီ ဆိုတာနဲ့ တစ်ယောက်က အခြားတစ်ယောက်ကို မိမိလိုလားတဲ့စိတ်နဲ့ အားနည်းချက်တွေကို ဝေဖန် ထောက်ပြမှာ အမှန်ပါပဲ။ (ဥပမာအားဖြင့် သွားတိုက်ဆေးဘူးကို ညှစ်တဲ့ နေရာချင်း မတူတာတို့၊ ဆပ်ပြာကို အသုံးပြုပြီး ရေပြန် မဆေးထားတာတို့ တွေကအစပေါ့) လူဟာ ဘယ်သောအခါမှ ပြီးပြည့်စုံတယ် ဆိုတာ မရှိပါဘူး။ ယောက်ျားလေးမှာ မရှိတဲ့ အရည်အချင်းက မိန်းကလေးမှာ ရှိနေတတ်ပါတယ်။ ကိုယ်မတွေးမိတဲ့ အတွေးအခေါ်ကောင်းတွေ သူတွေးမိတာတွေလည် ရှိတတ်ပါတယ်။

ယောက်ျားလေးနဲ့ မိန်းကလေးတွေ များသောအားဖြင့် ပြဿနာတစ်ခုအပေါ်မှာ ရှုမြင်တဲ့ အမြင်တွေ သုံးသပ်ပုံတွေ မတူတတ်ကြပါဘူး။ စီးပွားရေး၊ လူမှုရေး၊ အထွေထွေ ကိစ္စ တွေမှာပဲဖြစ်ပါစေ ယောက်ျားလေးတွေရဲ့ အားနည်းချက်၊ ဟာကွက်တွေကို ထောက်ပြနိုင်စွမ်း တဲ့ မိန်းကလေးတွေ ရှိတယ်။ ဒါကိုလက်ခံတတ်ရင် သာယာတဲ့ အိမ်ထောင် တစ်ခု ဖြစ်လာမှာပါ။ ဒီလိုမှ မဟုတ်ဘဲ ငါသာ စေ့စပ်သေချာတယ်။ ငါလို ယောက်ျားဆိုတဲ့ မဟာဖိုဝါဒ သမားတွေအတွက် ဘယ်မိန်းမစကားကိုမှ နားမထောင်သင့်ဘူး လို့ ထင်မှတ်ပြီး ကိုယ်ထင်ရာ ကိုယ်စိုင်းရင်ဖြင့် အိမ်ထောင်ရေး အမှားအယွင်းတွေ ဖြစ်တတ်ကြပါတယ်။ လူတိုင်း ကိုယ့်စိတ်ကြိုက် ပြုမူနေထိုင်နိုင်တယ် ဆိုပေမယ့် အိမ်ထောင်တစ်ခု ဖြစ်လာရင်တော့ ညှိနှိုင်းယူရတဲ့ အပိုင်းကို ဦးစားပေးရမှာပေါ့နော်။

ချစ်ခြင်းမေတ္တာကို အခြေခံပြီး အိမ်ထောင်ထူထောင် ထားတဲ့ မိသားစုတစ်ခုမှာ မိန်းမတွေအနေနဲ့ ကိုယ့်ယောက်ျားကို မကောင်းတဲ့ ဒုစရိုက်အလုပ်တွေကို လုပ်ခိုင်းမယ် မထင်ပါဘူး။ ခြွင်းချက်တော့ ရှိချင်ရှိမှာပါ။ ဒါပေမယ့် များသောအားဖြင့်တော့ မိန်းမတွေဟာ ကိုယ့်ယောက်ျားရဲ့ အကျိုး၊ ကိုယ့်မိသားစုရဲ့ အကျိုးကိုရှေးရှုပြီး ပြောတာ ဖြစ်တယ်လို့ ကျွန်တော်ယုံကြည်ပါတယ်။ ဒီနေရာမှာ ယောက်ျားက မိန်းမပြောတိုင်း ယုံကြည်နာခံမှာလား ဆိုပြီး စိုးရိမ်စရာ မရှိပါဘူး။ ယောက်ျားကလည်း ဘယ်စကားက ငါ့အကျိုးစီးပွား၊ ငါ့ကျန်းမာရေး အတွက်ပြောတယ်။ ဘယ်စကားကဖြင့် ငါ့မိသားစု တစ်ခုလုံးရဲ့ အကျိုးစီးပွား အတွက် ပြောတယ် ဆိုတာကို ဝေဖန် ချင့်ချိန်အုန်းမှာပါ။ သက်သက် ဒီမိန်းမ အစိုးရိမ်လွန်ပြီး ပြောနေတာ ဆိုရင်လည်းပဲ မိန်းမက စိတ်ရင်း အမှန်နဲ့ စေတနာနဲ့ ပြောတာဖြစ်လို့ သူရှေ့မှာတော့ လေးလေးစားစား နားထောင်သင့်ပါတယ်။ စကားပုံတောင် ရှိပါတယ်။ မိန်းမစကားနားထောင်ရင် အိုတောင် မဆင်းရဲဘူးတဲ့။ ဒါကြောင့် ကိုယ့်မိန်းမက ကိုယ့်အကျိုးကို လိုလားတဲ့ စိတ်နဲ့ အစစအရာရာကို ပြောမှာဖြစ်လို့ အိမ်ထောင်ရှင် ယောက်ျားတိုင်း ကိုယ့်မိန်းမစကားကို နားထောင်သင့်တယ်လို့ ဒီလို တွေးထင်မိ ပါတယ်။ ဒီအထဲမှာ ကိုယ်မပါသေးပေမယ့် နည်းနည်းတော့ ကျင့်သားရအောင် အင်ထရိုဝင်ပြီး ပရယ်ဒီကယ် လုပ်ထားရတာပါ။ အားလုံးပဲ ပျော်ရွှင် နိုင်ပါစေ။

အဆင်ပြေ ပါစေ ကြယ်ပိန်

Sent at 10:17 AM on Tuesday

thinstar1: hi
Win: မင်္ဂလာပါ၊ ဘယ်သူများပါလဲ၊ တွေ့ရတာ ၀မ်းသာပါတယ်
thinstar1: hi
Win: ပြောပါ၊ say something pls
thinstar1: ခင်ချင်လွန်းလို့ပါရှင့်၊ အဟိ
Win: ခင်တတ်ပါတယ်၊ ဘယ်သူများလဲ မသိဘူးနော်
thinstar1: မသိဘူး
Win: မ-သိဘူး နဲ့ သူငယ်ချင်းတွေ အများကြီးရှိတယ်
thinstar1: အင်း
Win: နာမည်တူတွေ များတယ်နော်
thinstar1: အဲဒါကိုတော့သိတယ်
Win: ခင်ချင်တာပဲ နာမည်လေးတော့ ပြောသင့်တာပေါ့
thinstar1: မပြောချင်လို့ပါ
Win: ဒါမှလည်း စကားပြောရတာ အဆင်ပြေတာပေါ့၊ ဒါဆို ဘလောဂ့်ရှိလား
thinstar1: ဘလော့လ်ဆိုတာဘာလဲ၊ မသိ
Win: ဒါဆို ကျွန်တော့်ကို ဘယ်လိုသိပြီး ဘာလို့ ခင်ချင်တာလဲတော့ မသိဘူး
thinstar1: အမြင်ကပ်လို့
Win: အန်
thinstar1: အကြောင်းသိချင်လို့
Win: ကောင်းပ
thinstar1: ဘာကောင်လဲလို့၊ တကယ်ပြောတာ
Win: ဘာမှ မဟုတ်ပါဘူးဗျာ၊ သာမန်လူထဲက လူပါပဲ
thinstar1: ဟုတ်လောက်ပါတယ်
Win: ခုပဲ ဗေဒင်တွက်လာတာ၊ လူမုန်းများတယ်တဲ့၊ မှန်တာတော့ မှန်နေပြီ
thinstar1: တကယ်ဟုတ်လောက်တယ်
Win: ပြောပါအုန်း
thinstar1: အရမ်းမှန်တယ်၊ ဗေဒင်ဆရာကိုအိမ်မှာပူဇော်ထား သိလား
Win: အမြင်ကပ်တာ ဘာကြောင့်လဲ၊ အကြောင်းတော့ ရှိမှာပါ
thinstar1: အခြေကြီးတယ်လို့ ပြောာသံကြားလို့
Win: နံပတ် ၁၁ ပဲစီးတာပါ
thinstar1: ဟင်၊ အဲဒါကြောင့်ဖြစ်ချင်ဖြစ်မှာပါ
Win: ဘယ်သူက မြောက်ပေးလိုက်တာလဲ မသိဘူးနော်

• ကနေ့အထိတော့ ဘယ်သူ့ကိုမှ အမှား မလုပ်ခဲ့သေးပါဘူး
• အထင်လွဲတာ ဖြစ်ပါမယ်
• တောင်းပန်ပါတယ်
• နစ်နာ ထိခိုက်တာများ ရှိရင်
  

thinstar1: ဟင်၊ နင်ကို ငါ ခုမှသိတာ၊ ဘာထိခိုက်မှု့မှ မရှိဘူး
Win: ဒါဆို ဘာလို့ အမြင်ကတ်တာလဲ
thinstar1: စိတ်ထဲ တမျိုးဖြစ်နေလို့၊ အင်ဗိုက်လုပ်လိုက်တာ
Win: ပြောမှားဆိုမှားရှိရင် ခွင့်လွှတ်စေချင်ပါတယ်ဗျာ
thinstar1: မာန ကြီးတယ်လို့ ပြောသံကြားလို့ပါဆိုဟာ
Win: ကျွန်တော်က အားလုံးကို ခင်တတ်ပါတယ်
thinstar1: ဟုတ်ကဲ့ရှင့်၊ ဟုတ်၊ ယုံပါတယ်ရှင့်
Win: မာနဆိုတာ ကျွန်တော် ပြောချင်ပါတယ်၊ ခုလိုမျိုးပေါ့၊ ခင်ချင်တယ်ပြောပြီး

• နာမည်တောင်မပြောပြနိုင်တာ
• ဘယ်လို သူငယ်ချင်းကောင်းဖြစ်လာမလဲနော်
  

thinstar1: နင်အသိဆုံးနေမှာပေါ့ဟာ
thinstar1: မပြောချင်လို့ပေါ့
Win: ဒါဆို ဘယ်လိုလုပ် ဆက်ခင်မလဲ၊ စဉ်းစားကြည့်ပါအုန်း
thinstar1: ထင်ချင်သလို ထင်နိုင်တယ်
Win: ကျွန်တော်က မျက်နှာမရှိတဲ့သူနဲ့ စကားပြောနေရမှာလား
thinstar1: မစဉ်းစားချင်ဘူး
Win: သယ်ချင်းတို့ဘက်က မာန လျော့သင့်တယ်မဟုတ်လား
ခင်မင်ချင်စိတ် တကယ်ရှိခဲ့ရင် ပြောပါတယ်
thinstar1: မပြောရင် ခင်လို့မရဘူးဆို၊ သဘောအတိုင်းပဲ
Win: အဲဒီ သဘော မဟုတ်ပါဘူး

• သယ်ချင်းတို့က
• ကိုယ့်ဘက်ပဲကိုယ်ကြည့်တတ်တာပဲ
• ကျွန်တော့် သယ်ချင်းတွေ အများဆုံးက blogger တွေ ဖြစ်တယ်
• ဒီလို ဘုမသိ ဘမသိ နဲ့တော့ စကားပြောရတာ တစ်မျိုးကြီးပါပဲ
• မေးလို့လည်း အဆင်မချော
• ပြောတော့လည်း ဘုနဲ့ဘောက်
• တောင်းပန်တော့လည်း အထက်စီးက မဆင်းချင်ဘူး
• အစကတည်းက မခင်နဲ့ပေါ့ဗျာ
• ဒါကို ကျွန်တော်ကပဲ မာနကြီးတယ်ဖြစ်ရတယ်။
  

---------------------------------------------------------------

thinstar1@gmail.com လိပ်စာနဲ့ မနေ့က ကျွန်တော့်ကို အရင်လာပြီး Invite လုပ်ထားခဲ့တယ်။ ဒီမနက် အဲဒီကလေးမ ကပဲ အရင်ဝင်ပြီး အပေါ်ကအတိုင်းပဲ စကားပြောဖြစ်ခဲ့တယ်။ စကားစပြောကတည်း လူတဖက်သားကို အကောင်းမမြင် ခဲ့ပါဘူး။ ကျွန်တော်ကပဲ အတတ်နိုင်ဆုံး လိုက်လျောပြီး စကားပြောခဲ့ပါတယ်။ ဒါပေမယ့် အဆင်မပြေတာတော့ အမှန်ပါပဲ။ ကိုယ့်ဘ၀ ကိုယ့်အကြောင်းကို လျှို့လျှို့ဝှက်ဝှက် နေချင်သူတွေ အနေနဲ့ သူများတွေကိုလည်း မိတ်ဆွေဖွဲ့နေစရာများ လိုသေးလားလို့ မေးချင်ပါတယ်။ နာမည်လေး တစ်လုံးလောက်တောင် မပြောပြ နိုင်လောက်အောင် လျှို့ဝှက်ထား ချင်တယ်ဆိုရင် ဒါဟာ ရိုးသားမှု မရှိဘူးလို့ သုံးသပ်မိပါတယ်။ ဒီလို ဒီအကြောင်းတွေ မကြာခဏ ဖြစ်တတ်လွန်းလို့ Invite လုပ်လာရင် အမြဲပဲ No ပေးခဲ့မိပါတယ်။ လူတိုင်းကို သူငယ်ချင်းလို၊ မိတ်ဆွေရောင်းရင်းလို ဖော်ဖော်ရွေရွေ ခင်မင် တတ်ပါတယ်။ ခင်လည်း ခင်ချင်ပါတယ်။ လိုအပ်တဲ့ အကူအညီကို အတတ်နိုင်ဆုံး ကူညီဖြေရှင်းပေး တတ်ပါတယ်။ (အိပ်စိုက်ပြီးတော့ပါ) ဒါပေမယ့် နှစ်ဦးနှစ်ဖက် စိတ်ရင်းအမှန်နဲ့ ခင်မင်ဖို့တော့ လိုအပ်မယ် ထင်ပါတယ်။ စောစောစီးစီး နှလုံးနာစရာဖြစ်လို့ ဒီလို ရေးဖြစ်ခဲ့ပါတယ်။ နစ်နာသူများရှိရင် ဒီကပဲ တောင်းပန်ပါရစေ။

လိုအင်လေး ပြည့်စုံစေ

ကုန်မြန်တဲ့ ရန်ကုန်ဆောင်း ရယ်ပဲလား။ ဒါမှမဟုတ် ကိုယ့်အတွက် ဆောင်းဆိုတဲ့ အရသာကို မခံစားလိုက်ရတာပဲလား။ ဆောင်းတွင်းသာ ကုန်သွားတယ် အနွေးထည်တွေ တကူးတက ထုတ်မ၀တ် လိုက်ရပါဘူး။ ပုံမှန် မနက် ၆ နာရီ အိပ်ယာထတာနဲ့ ရေချိုးခန်းဝင် ရေချိုးနေကျမို့ အေးရင်တောင်မှ စောစောရေချိုးလို့ အေးတာပဲဆိုပြီး စိတ်ထဲဒီအတိုင်းပဲ တွေးမိပါတယ်။ ခပ်လွင်လွင်လေးနဲ့ ဖုန်တွေသယ်လာတဲ့ လေကိုရှူရှိုက်မိတော့ အော် .. နွေကိုတောင် ကူးနေပါလားလို့ နွေရနံ့ သင်းသင်းလေးကို ခံစားရင်း သူငယ်ချင်းတစ်ယောက် ချိန်းထားတဲ့ ဘူဖေးဆိုင်ကို ထွက်လာခဲ့တယ်။ တနင်္ဂနွေနေ့မို့ ကားရပ်ဖို့ နေရာမရတတ်ပါဘူး။ လွတ်တဲ့နေရာမှာ ရပ်ရတာမို့ ဆိုင်နဲ့ အလှမ်းဝေးပါသေးတယ်။ သိမ်ကြီးဈေးရဲ့ စတုဂံ ခုံးကျော်တံတားဘေးနား ကားကပ်ရပ်ပြီး ဆိုင်ဘက်ကို အေးအေးလူလူ လမ်းလျှောက် လာလိုက်တယ်။

နိုင်ငံခြားသင်္ဘောလိုင်းမှာ အင်ဂျင်နီယာပညာနဲ့ သင်္ဘောလိုက်နေတဲ့ သူငယ်ချင်းနဲ့ မတွေ့ဖြစ်တာ ၂ နှစ်ကျော်ခဲ့ပါပြီ။ ကျွန်တော့်လို ကော်မစွံသေးတဲ့ လူပျိုသိုးပါပဲ။ ဘူဖေးဆိုင်ရှေ့မှာ စီးကရက်ခဲပြီး ကြိုစောင့်နေတဲ့ သူငယ်ချင်းကိုတွေ့တော့ နေလောင်တယ်လို့ ထင်ရတဲ့ အသားအရည်နဲ့ ကြည့်လို့တော့ ကောင်းပါတယ်။ ကျားကျားလျားလျား သင်္ဘောသားကြီးနဲ့တော့ လိုက်ဖက်ပါတယ်။ အလာပ သလာပပြောပြီး ဆိုင်ထဲ ၀င်ဖြစ်တယ်။ ကိုယ်ယူကိုယ်ရ ဘူဖေးထုံးစံအတိုင်း ရောက်တာနဲ့ စတီးပုံစံခွက်ကို လှမ်းယူတယ်။ ကုန်နိုင်သလောက်လေး ထမင်းထည့်တယ်။ ဟင်းကောင်တာ ဖက်ရောက်တော့ ကျွန်တော့်ဝသီအတိုင်း အသားတွေ ငါးတွေထက် ပဲကြီးနှပ်ချက်ကို လက်ငြိုးထိုးတယ်။ ပဲပြားနဲ့ ပဲပင်ပေါက်ကြော်ကို ပြတယ်။ နောက် ပြောင်းဖူးကြော်ကို တောင်းတယ်။ လုံလောက်ပါပြီ။ သူငယ်ချင်းက သက်သတ်လွတ်လား မေးတော့ မဟုတ်ဘူး ဒီလိုပဲ စားတတ်လို့ပါလို့ ပေါ့ပေါ့ပါးပါး ပြန်ပြောလိုက်တယ်။ လူတော်တော် များများ အများအားဖြင့်တော့ အပြင်ထွက် ထမင်းစားကြရင် ကောင်းပေ့ ညွှန့်ပေ့ ဆိုတဲ့ ပုဇွန်ချက်တို့၊ ငါးခူကြော်ဆီပြန်တို့၊ ကြက်သဲကြက်မြစ်တို့၊ ဆိတ်သား ဆတ်သားတွေ စားကြတာပါ။ အိမ်မှာ တကူးတက မချက်စားဖြစ်တဲ့ ဟင်းတွေကို ဒီလိုနေရာမှာ ကော့တက်နေတဲ့ ထမင်းနဲ့ ဇိမ်ရှိရှိ လွေးကြတာပါ။ ကျွန်တော်ကတော့ အသီးအရွက်ပြုတ်သုပ်နဲ့တင် တင်းတိမ်နိုင်၊ စားနေကျမို့ သားကြီး ငါးကြီးတွေ မစားဖြစ်ပါဘူး။ လူထူး လူဆန်းမဟုတ်ပေမယ့် သူများအိမ် ဧည့်သည်သွားလုပ်ရင် အလုပ်ရှုပ် စေတတ်တာကိုတော့ အားနာမိပါတယ်။ ကိုယ့်အတ္တလေးကို တခါတလေလည်း ခဏလောက်ဖြစ်ဖြစ်တော့ လျော့ပေးမိချင်ပါရဲ့။

ပုံစံခွက်နဲ့ အစားအသောက်တွေ ထည့်စားနေရင်းနဲ့ မန်းလေးမှာ ကျောင်းတက်တုန်းက အဆောင်ကျောင်းသား ဘ၀ကို ပြုန်းစားပဲ ပြန်အမှတ်ရမိတယ်။ အဆောင်ရောက်စ အဆောင်နေထိုင်ခွင့် ပုံစံတွေဖြည့်တော့ အစားအသောက်စာရင်းမှာ အမဲမစား၊ ၀က်မစား လို့ပဲ ရေးရမှာ ဖြစ်ပေမယ့် မှတ်ချက်ကွက်မှာ ငါး/ငါးခြောက် မစားလို့ အတွန့်တက်ခဲ့တယ်။ အခန်းဖော် ပင်းဒယသားက ဟင်းသီးဟင်းရွက်နဲ့ အသီးအနှံမစားတဲ့။ နောက် အင်းသားဘော်ဒါက ခြေနှစ်ချောင်းသား မရှောင်လို့ ကွန့်တယ်။ တောင်ကြီးသား တရုတ်ကတော့ အကုန်စား(မနဲစေနဲ့) ဆိုပြီးတင်ခဲ့တယ်။ ဒီတော့ ထမင်းစားဆောင် လေးယောက်စား စားပွဲတစ်လုံးမှာ ကျွန်တော်တို့ လေးယောက်အတူတူ ကျတယ်။ ထမင်းစား စားပွဲဘေးမှာ စာလေးတစ်ကြောင်း ရေးပြီးကပ်ထားတယ်။ လူထူးလူဆန်း ကျောင်းသား လေးယောက် ဆိုပြီးတော့ပါ။ ထပ်ထားတဲ့ ပုံစံခွက်လေးခွက်ကို အုပ်ထားတဲ့ ထမင်းအုပ်ကို ဖွင့်ကြည့်လိုက်ရင် အမြဲပဲ ကျွန်တော်တို့ လေးယောက်အတွက် ဟင်းက ဘရာကျော်ကို ခရမ်းချဉ်သီး များများနဲ့ ချက်ထားတဲ့ ဟင်းပဲ အမြဲရတယ်။ တစ်ခါပဲ စားဖြစ်ခဲ့ပါတယ်။ အရသာပျက်နေတဲ့ ဘရာကျော်ဟင်းနဲ့ ကာလာတက်ပြီး မာကလောင်နေတဲ့ ထမင်းကို မ၀ါးနိုင် ခဲ့လို့ပါ။ ကင်တင်းက ထမင်း ၂ ထုပ်ဝယ်တယ်။ အိမ်ကထည့်ပေးလိုက်တဲ့ အကြော်အလှော်နဲ့ပဲ စခန်းသွားဖြစ်တယ်။ ငြီးငွေ့လာရင် ကင်တင်းက ကုလားမလေးဆိုင်မှာ အ၀စားလိုက်တယ်။ အပြောင်းအလဲလေးလည်း ဖြစ်အောင်ပါ။

အသားဟင်းတွေ ထည့်မစားဘဲ သက်သတ်လွတ်စားနေတဲ့ ကျွန်တော့်ကို ဟင်းကောင်တာက မမလေး တွေက စာနာစိတ်နဲ့ သရက်ချဉ်သုပ်နဲ့ မြင်းခွာရွက်သုပ် အပိုဆု လာချပေးသေးတယ်။ နောက်ပြီး ပြောပါသေးတယ်။ ကျွန်မတို့ဆိုင်က အသားငါးဟင်းတွေကို လတ်ဆတ်တဲ့ ပစ္စည်းတွေနဲ့ အရသာရှိအောင် ကျွမ်းကျင်တဲ့ စားဖိုမှူးကြီးတွေ ကိုယ်တိုင် ချက်ပြုတ်ထားတာကြောင့် စိတ်ချစွာနဲ့ စားသောက်နိုင်ပါကြောင်း ချိုသာတဲ့ အသံနဲ့ မေတ္တာရပ်ခံနေတာကြောင့် အရမ်းပဲ အားနာမိ ပါတယ်။ အကျိုးအကြောင်းပြောပြီး တောင်းပန်လိုက်ပေမယ့် ဆိုင်ကောင်တာက မမလေးရဲ့ စေတနာနဲ့ ၀က်သားအချိုချက် တစ်ပွဲ ဖရီးကစ် ထပ်စားလိုက်ရတယ်။ ဒါကို သူငယ်ချင်းက သိပ်ကြည်ချင်ပုံမရဘဲ ဘေးကနေ စကားနာ ထိုးနေပါတော့တယ်။ ဒါနဲ့ သူနိုင်ငံခြားက ပြန်လာတာ ဘာလက်ဆောင်မှ ပါမလာလို့ လိုချင်တာ တစ်ခုခု ပြောရင် ၀ယ်ပေးမယ့်အကြောင်း စကားကမ်းလာပါတယ်။ ကိုယ်ကလည်း ကလေးမဟုတ် နောက်ပြီး ရန်ကုန်က လက်ဆောင်ပစ္စည်းပဲမို့ စိတ်တော့ သိပ်မ၀င်စားလှပါဘူး။ နိုင်ငံခြားပြန်မို့ နိုင်ငံခြားက ဘောလ်ပင်လေးဖြစ်ဖြစ်၊ ဒိုင်ယာရီ စာအုပ်လေး ဖြစ်ဖြစ် လက်ဆောင်ရခဲ့ရင် ကျွန်တော့်အတွက် တန်ဖိုးရှိခဲ့မှာ အမှန်ပါ။ ခုတော့ ဒီရောက်မှ စိတ်ကြိုက်ဝယ်ပေးမယ်ဆိုတော့ သိပ်ဘ၀င်မကျလှပါဘူး။ အလိုမကျတဲ့ စိတ်ကို ရင်ထဲမှာပဲ သိုဝှက်ထားရင်းပဲ စိတ်ပေါက်ပေါက်နဲ့ ဆိုင်ငွေရှင်း ကောင်တာက ကောင်မလေးကို မေးငေါ့ပြရင်း "" ငါအဲဒီ ကော်ပတ်ရုပ်လေးကို လိုချင်တယ်.. ၀ယ်ပေးပါ "" လို့ ပြောလိုက်တာ့။ မင်းကလည်း မင်းအစွမ်းအစနဲ့ မင်းဖာသာ ၀ယ်တော့ ငါတော့ လုပ်မပေးနိုင်ဘူးဆိုပြီး ဒေါတသောသောနဲ့ ငွေရှင်းပြီး ထွက်သွားလေပါရဲ့။ အော် ကော်ပတ်ရုပ်လေး ကျမှ တွန့်တိုရန်ကောလို့ စိတ်ထဲတွေးပြီး ပြုံးမိပါတယ်။ အားလုံးပဲ ကျေနပ်နိုင်ပါစေ။

လျှောက်လမ်းလေး

လမ်းကလေး ဆိုတဲ့ စကားလုံးဟာ တစ်မျိုးတမယ် ထူးခြားမှု ရှိလို့တော့ မဟုတ်ပါဘူး။ ဘာကြောင့်လဲ ဆိုတော့ မြောက်မြားစွာသော လမ်းလေးတွေကို အားလုံးပဲ လျှောက်လှမ်းဖူး တာကြောင့်ပဲ ဖြစ်ပါတယ်။ မြေနီလမ်း၊ ကျောက်ခင်းလမ်း၊ ကတ္တရာလမ်း၊ ကွန်ကရစ်လမ်း နဲ့ ဖြောင့်သော၊ ကောက်သော၊ ဝေ့၀ိုက်သော လမ်းကလေးတွေ စသည် စသည်များပါ။ ပန်းခင်းတဲ့ လမ်းကလေးများကိုလည်း လျှောက်ဖူးသူတို့ ရှိကြပါမယ်။ ထပ်တူ ထပ်မျှ ကြည်နူးပေးနိုင်ဖို့ ဖြစ်ပါတယ်။ ကြမ်းတမ်းတဲ့ ခရောင်းလမ်းကိုလည်း လျှောက်ခဲ့ဖူးသူတွေ ရှိကြမှာပါ။ သူတို့အတွက်တော့ အမှန်ပဲ စိတ်မကောင်း ဖြစ်မိပါတယ်။ ဒါပေမယ့် နေရာတိုင်းမှာ လူတိုင်းက လျှောက်ခဲ့ရတဲ့ လမ်းကလေးတွေကို မေ့ထားလို့ ရမယ် မထင်ပါဘူး။

ဒီလမ်းကလေး တစ်နည်းအားဖြင့် ဒီကန်ပတ် လမ်းကလေးကို လျှောက်ခဲ့တာ ဆယ်စုနှစ် တစ်ခုကျော်ကြာခဲ့တယ်။ ဆူညံပေမယ့်လည်း စည်ကားပြီး မျက်စိ ပသာဒရှိလှပါတယ်။ လတ်ဆတ်တဲ့လေနဲ့ အတူ တခါတခါ တံငါသည်ရဲ့ ပံ့ပိုးမှုနဲ့ ညှီစို့စို့ငါးနံ့ကိုပါ ခံစားရတတ်ပါတယ်။ လွယ်အိတ်ကို ပုခုံးသိုင်းပြီး ကြောင့်ကျမှု ကင်းစွာနဲ့ ကျောင်းတက်ချိန်အမီ အပြေးတစ်ပိုင်းနဲ့ လျှောက်ခွင့်ရခဲ့တဲ့ လမ်းကလေး ဖြစ်တယ်။ ကျောင်းအိမ်စာတွေကို တနင့်တပိုးနဲ့ မနိုင်ဝန်ထမ်းစဉ်က နာကျင် ရှိုက်ငိုရင်းနဲ့ လမ်းမပျောက်ခဲ့တဲ့ လမ်းကလေး ဖြစ်တယ်။ ဒီမြေနီ ကန်ပတ်လမ်းလေးပေါ်မှာ ခင်မင်ရာ သူငယ်ချင်းတွေနဲ့ ခေါက်တုန့် ခေါက်ပြန် လျှောက်ခဲ့ဖူးတယ်။ တစ်နယ် တစ်ကျေးကို ကြင်သူနဲ့ ပြောင်းသွားတဲ့ ဆရာမလေးတစ်ယောက်ကို ဒီလမ်းကလေးမှာ မြင်နေကျဖြစ်တယ်။ အယူအဆ မတူပါဘဲ ဘ၀အဖော် ဖြစ်ချင်သူလေးနဲ့အတူ ဒီလမ်းကလေးပေါ် စက်ဘီးလေးတွန်းရင် အတူယှဉ် လျှောက်ခဲ့ဖူးတယ်။ ဒါပေမယ့် ဒီလမ်းကလေးမှာ ကျွန်တော့်အပေါ် စာနာနားလည် ပြီး ထွေးပွေ့မဲ့သူ တစ်ဦးတစ်ယောက်မှ ရှိခဲ့ပါရဲ့လားလို့ ဆန်းစစ်ခဲ့ခြင်းတော့ မရှိပါဘူး။

ဒီလမ်းကလေး တစ်နည်းအားဖြင့် ဒီလမ်းသွယ်လေးကို ကျွန်တော် ဖြတ်လျှောက်ခဲ့တာ နှစ်အနည်းငယ် ခန့် ကြာမြင့်ခဲ့ပါပြီ။ မာကျူရီမီးနဲ့ ထိန်ညီး နေပေမယ့် ရှုပ်ထွေးပွေလီပြီး အမြဲပဲ သတိနဲ့လျှောက်နေရတဲ့ လမ်းကလေးပါ။ လွှင့်ပျံ့နေတဲ့ ပြူတင်းလိုက်ကာရဲ့ ဖွဲ့တည်မှုကို မခံစားနိုင်ဘဲ လှုပ်လီလှုပ်လှည့် ပလက်ဖောင်းအံဖုံးပေါ် ကျွံမကျအောင် လျှောက်ရတဲ့ လမ်းကလေးပါ။ ကားမှတ်တိုင် နှစ်ခုဟာ မျက်စောင်းထိုး အနေအထားမှာရှိနေပြီး လမ်းဘေး လဘက်ရည်ဆိုင် ရှိနေတတ်လို့ ဣနြေ္ဒရရ လျှောက်ခွင့် မရတဲ့ လမ်းသွယ်လေးကို ဖြတ်လျှောက်ရတာ အကြိမ်ကြိမ်ပါ။ အမှောင်နဲ့အတူ လူပြတ်တတ်တဲ့ မီးကင်းရုံနံဘေးဟာ ကြိမ်ဖန်များစွာ စိုးရွံ့စိတ်ကို ပေးတတ်ပါသေးတယ်။ ရင့်ကျက်ချင် ဟန်ဆောင်မှုနဲ့ အမှိုက်ပုံ ကမူလေးကိုကျော်ပြီး ပြည်လမ်းမကြီးရဲ့ မီးအလင်းရောင်ကို မြင်မိမျှ အနည်းငယ် စိတ်သက်သာရာ ရစေတဲ့ လမ်းသွယ်ကလေးပါ။ ဒါပေမယ့် ဒီလမ်းကလေးမှာ ကျွန်တော့်အပေါ် သံသယအကြည့်နဲ့ နာကျင် မုန်းတီးနေလေသူ တစ်စုံတစ်ယောက်က တိတ်တဆိတ် ကြည့်နေမလားဆိုတာတာ အမြဲပဲ သောကဝေနေမိပါတယ်။

အထက်တန်း ကျောင်းသားဘ၀ ကျောင်းတက်တိုင်း လျှောက်ဖြစ်ခဲ့တဲ့ နောင်တုံကန် ကန်ပတ် လမ်းကလေးရဲ့ အမှတ်ထင်ထင် ရှိခဲ့တာလေး နဲ့ ခုရောက်နေတဲ့ ရှစ်မိုင်အလွန် တစ်မှတ်တိုင် လောက်က လမ်းသွယ်လေးရဲ့ တဒင်္ဂမြင်ကွင်းလေးကို ခံစားမိတာ ဖြစ်ပါတယ်။ လျှောက်ခဲ့တဲ့ လမ်းကလေးတွေမှာ ကိုယ်ပိုင် ရွေးချယ်ပိုင်ခွင့် မရခဲ့သည်ဖြစ်စေ၊ ကိုယ်တိုင်ရွေးချယ် လျှောက်ခဲ့ရတဲ့ လမ်းပဲဖြစ်စေ လျှောက်ရတဲ့ ဘ၀လမ်းကလေးတိုင်း သာသာယာယာ ရှိစေချင်တဲ့ ဆန္ဒနဲ့ .. .. ။

အစ်မသက်ဝေရဲ့ လမ်းကလေးများအကြောင်း ကိုဖတ်နိုင်ပါသေးတယ် ။

တန်ပြန်သောက

တစ်ယောက်နဲ့ တစ်ယောက်နှုတ်ဆက် ကြတဲ့အခါမှာ ၀င်းပတဲ့ အပြုံးမျက်နှာ၊ ချိုသာတဲ့ စကားသံနဲ့ "မင်္ဂလာနံနက်ခင်းပါ" "ကျန်းမာ ချမ်းသာကြပါစေ" ဆိုတဲ့ ပဋိသန္ဓာရ စကားတွေနဲ့ နေ့သစ်ကို စတင်ကြပါတယ်။ ကိုယ့်ရဲ့ အပူမီး၊ သောက ပရိဒေ၀မီးတောက် တွေကိုတော့ ဘယ်သူမှ မရိပ်မိအောင် ဖုံးကွယ် ထားကြတာ ဓမ္မတာပါ။ လောကကြီးထဲမှာ ပရိဒေ၀မီး မတောက်လောင် ခဲ့ဖူးသူ ရယ်လို့ ရှိမယ် မထင်ပါဘူး။ နည်းနည်းလောင် တာနဲ့ များများ တောက်လောင်တာပဲ ကွာခြားမှာပါ။ ကျွန်တော်တင်ပြ ချင်တာကတော့ ကြုံတွေ့လာတဲ့ သောကတွေကို ဘယ်လို ကျော်ဖြတ်သင့်တယ် ဆိုတာလေးပါ။

လူတွေဟာ မိမိတို့ ကြုံတွေ့နေရတဲ့ သောကအပူကိုသာ အကြီးမားဆုံး အပူမီးအဖြစ်နဲ့ ထင်မြင်ယူဆ တတ်ကြပါတယ်။ မိမိလျှောက်လှမ်း ရတဲ့ ဘ၀ခရီးလမ်းကို ဖြတ်သန်းရာမှာ ကြုံတွေ့ရတဲ့ ဒေါမနဿ၊ စိတ်ဖိစီးမှု (Stress)၊ ပူပင် ကြောင့်ကြမှု၊ စိတ်သောက များသည် လူတိုင်းခံစားရမြဲ သောကများ ဖြစ်ပါတယ်။ ထိုထိုသော သောကများ ဖိစီးနှိပ်စက်မှုဒဏ်ကို ခံနေရမယ် ဆိုရင် ထိုသောကဟာ မိမိ တစ်ဦး တစ်ယောက်ထဲကိုပဲ ရွေးဖြစ်တာ မဟုတ်ပါဘူး၊ လူသားတိုင်း နေ့စဉ်နဲ့အမျှ ကြုံတွေ့နေကြရတာပဲ လို့ ဆင်ခြင်နှလုံးသွင်းနိုင်ရင် အနည်းနဲ့ အများတော့ စိတ်သက်သာရာ ရနိုင်ပါတယ်။

"ယူတတ်ရင်ဆေး၊ မယူတတ်ရင်ဘေး" ဆိုတဲ့ စကားပုံရှိပါတယ်။ ဖြစ်တည်လာတဲ့ သောက (ဒါမှမဟုတ်) စိတ်ဖိစီးမှု အန္တရာယ်ကို အလေးထားပြီးတော့ အဲဒီသောကကိုပဲ မိမိအတွက် အကျိုးရှိအောင် ဘယ်လိုပြန်ပြီး အသုံးချရမယ် ဆိုတာကို လေ့လာသင့်ပါတယ်။ ပူပင်သောက လုံးဝမရှိဘဲနဲ့ လူဖြစ်ရတာတော့ အကောင်းဆုံးပါပဲ။ ဒါပေမယ့် မိမိသောကကင်းစင်ရေး တစ်ခုထဲကိုပဲ ဦးတည်ပြီး အတ္တဆန်ဆန် အများရဲ့ အကျိုးကို လျစ်လျူရှုမယ်၊ သောကနည်းလွန်းပြီး မိမိအကျိုး၊ သူတစ်ပါးအကျိုး အတွက် စိုးရိမ်ပူပန်မှု မရှိဘူး၊ ကြုံရာနေ၊ ကျရာစားဘ၀နဲ့ ဘ၀ကို ပေါ့ပေါ့တန်တန် နေထိုင်သွားမယ် ဆိုရင် ထိုသူအတွက် ကောင်းကောင်းကြီး ကို ပျက်စီးစေပါတယ်။ တစ်ကိုယ်ကောင်း သမားအဖြစ်နဲ့ ပတ်ဝန်းကျင်ရဲ့ ၀ိုင်းပယ်ခြင်းကို ခံရမှာ ဖြစ်ပါတယ်။ ဖြစ်တည်လာတဲ့ သောကတွေကို နိုင်နိုင်နင်းနင်း ကိုင်တွယ်ပြီး သောကဝေဒနာနဲ့ အသားကျစွာ နေထိုင်တတ်မယ် ဆိုရင် ထိုသူရဲ့ ဘ၀ဟာ အညွှန့်တလူလူနဲ့ ရှင်သန် တိုးတက် လာမှာ ဖြစ်ပါတယ်။

လောကမှာ လူအချို့ဟာ မိမိက မပြောင်းလဲနိုင်တဲ့၊ မပြုပြင်နိုင်တဲ့ ကိစ္စရပ်တွေအတွက် ပူပင်သောက ရောက်နေတတ်ကြ ပါတယ်။ အိုခြင်း၊ နာခြင်း၊ သေခြင်း တို့ဟာ တားဆီးပစ်ဖို့၊ ပြုပြင် ပြောင်းလဲပစ်ဖို့ မဖြစ်နိုင်တဲ့ သဘာဝ နိယာမ တရားတွေ ဖြစ်ပါတယ်။ အဲဒီ ရှောင်လွဲမရနိုင်တဲ့ ကိစ္စတွေအတွက် သောကရောက် နေမယ့်အစား မအိုခင်၊ မနာခင်၊ မသေခင် အချိန်ကလေးမှာ အတ္တ နဲ့ ပရ ညီမျှတဲ့ အကျိုးကိစ္စများကို ဆောင်ရွက်ပေးခြင်းက လောကီ လောကုတ္တရာ အတွက် အကျိုးဖြစ်စေမှာ ဖြစ်ပါတယ်။ မိမိတတ်နိုင်၊ စွမ်းဆောင်နိုင်တဲ့ ကိစ္စရပ်တွေအတွက် ပူပင်ခြင်းဟာ အကြောင်းမဟုတ်ပါဘူး။ မိမိ တတ်နိုင်သလောက် ကူညီ ဖြေရှင်းပေးခြင်း အားဖြင့် အများရဲ့ ချစ်ခင် လေးစားမှု၊ အားကိုး ယုံကြည်မှုတို့ကို ခံယူ ရရှိနိုင်မှာ ဖြစ်ပါတယ်။ ဘဘာဝ ဘေးအန္တရာယ်ဆိုးတွေနဲ့ ကံကြမ္မာဆိုး တွေကသာ မိမိ မမြင်စွမ်းနိုင်သော၊ မဖြေရှင်းနိုင်သော သောက တိုးပွားစေတဲ့ အခြေခံ အကြောင်းရင်းတွေပဲ ဖြစ်ပါတယ်။ အဲဒီကိစ္စရပ်တွေကို မျက်နှာလွဲထားနိုင်ရင် အကောင်းဆုံး ဖြစ်ပါတယ်။

အဓိကကတော့ သောကကို အကောင်းမြင် ရှုထောင့်ကနေ ကြည့်မြင်တတ်ဖို့ ဖြစ်ပါတယ်။ ရှိသင့်သည်ထက် ပိုလွန်တဲ့ သောကမီးကြောင့် စိတ်ဒုက္ခ ကြီးမားစွာနဲ့ ဘ၀ခရီးကို လျှောက်လှမ်းနေသူ တစ်ဦး မဖြစ်သင့်ပါဘူး။ ယထာဘူတကျတဲ့ အမြင်နဲ့ ဆင်ခြင်ပိုင်းခြားပြီး ဖြစ်သင့်တဲ့ ကိစ္စတွေမှာ ရှိသင့်တဲ့ သောကကို အရင်းပြုပြီး အကျိုးရှိရှိ အသုံးချတတ်ကြပါလို့ တင်ပြချင်ပါတယ်။ အားလုံးကိုပဲ သောက ကင်းဝေးစေချင်ပါတယ်။ သောက ကင်းဝေးနိုင်ကြပါစေ။

Charles Robert Darwin (1809-1882)

၂၀၀၉ ခုနှစ် ဖေဖော်ဝါရီလ ၁၂ ရက်နေ့ဆိုရင် သမိုင်းမှာ အထင်ရှားဆုံး သိပ္ပံပညာရှင် တစ်ဦးဖြစ်တဲ့ ချားလ်စ်ဒါဝင်ရဲ့ နှစ် ၂၀၀ ပြည့် မွေးနေ့ဖြစ်ပါတယ်။ အမှတ်ရနေစေဖို့ တင်ပြလိုက်ပါတယ်။ ချားလ်စ်ဒါဝင်ရဲ့ စာပေပေါင်းချုပ်ကို အွန်လိုင်းပေါ်မှာ ဖတ်ရှု လေ့လာနိုင် ပါတယ်။ ချားလ်စ်ဒါဝင်ရဲ့ အွန်လိုင်း ပရောဂျက်ကို ကိန်းဘရစ် တက္ကသိုလ်က ဆောင်ရွက်ခဲ့ပါတယ်။ မူရင်း စာမျက်နှာပေါင်း ၅၀၀၀၀ နဲ့ ရုပ်ပုံပေါင်း ၄၀၀၀၀ တို့ကို Digital format ပြောင်းပြီး အားလုံးကို အင်တာနက် ပေါ်မှာ ဖတ်ရှုနိုင် ပါတယ်။ ဘ၀ဆင့်ကဲ ပြောင်းလဲပုံနဲ့ စပ်လျဉ်းတဲ့ ဒါဝင်ရဲ့ သီအိုရီနဲ့ ဒါဝင်အကြောင်း စိတ်ဝင်စားသူတိုင်း လေ့လာနိုင်ပါတယ်။ ချားလ်စ်ဒါဝင်ရဲ့ ဝက်ဘ်ဆိုက်ကို သမိုင်းပညာရှင် Dr. Van Wyhe က လေးနှစ်ကြာ ကမ္ဘာပတ်ပြီး ဒါဝင်ရဲ့ ကိုယ်ပိုင် စာမူပွားများနဲ့ သူ့ရဲ့ အတွေးအခေါ်နဲ့ သူ့အကြောင်း ရေးသားထားတဲ့ စာပေများကို ရှာဖွေခဲ့ပါတယ်။ ချားလ်စ်ဒါဝင်ရဲ့ ဝက်ဘ်ဆိုက်မှာ ယင်းပညာရှင်ကြီးကိုယ်တိုင် ရေးတဲ့ တစ်ခါမျှထုတ်ဝေရခြင်း မရှိသေးတဲ့ စာမူများလည်း ဖော်ပြပေးထား ပါတယ်။ ဂျာမန်၊ ဒိန်းမတ်နဲ့ ရုရှာဘာသာပြန် များကိုလည်း တွေ့ရှိရပါတယ်။ ချားလ်စ်ဒါဝင်ရဲ့ အွန်လိုင်းလိပ်စာကတော့ www.darwin-online.org.uk ဖြစ်ပါတယ်။