လေဖြတ်ရောဂါ ကာကွယ်ပါ

 

လေဖြတ်ရောဂါ ကာကွယ်ပါ 

အောက်တိုဘာ ၂၉ ရက်သည် World Stroke Day ကမ္ဘာ့လေဖြတ် ရောဂါနေ့ ဖြစ်သည်။ နှစ်စဉ်ကမ္ဘာ့ လူဦးရေ၏ ၁၅ သန်းခန့်သည်  လေဖြတ်ဝေဒနာ ခံစားနေကြရပြီး ငါးသန်းခန့်သည်   လေဖြတ် ရောဂါနှင့် သေဆုံးရ သကဲ့သို့ ကျန်ငါးသန်းခန့် မှာလည်း နာတာရှည် မသန်စွမ်းသူများ အဖြစ် ကျန်ရှိ ခဲ့ရပေသည်။ လေဖြတ်ရောဂါ သည် ကင်ဆာရောဂါ၊ နှလုံးသွေးကြောပိတ် ရောဂါများ ပြီးလျှင် သေဆုံးမှု အများဆုံးရောဂါ တစ်ခုဖြစ်သည်။ ထို့ပြင် နာတာရှည် မသန်စွမ်းသူ အဖြစ် ကျန်ရှိနိုင်ဆုံးသော   ရောဂါဖြစ်သည်။

လေဖြတ်ရောဂါ ခံစားရချိန်တွင် ရုတ်တရက် မျက်နှာတစ်ခြမ်း ရွဲ့သွားခြင်း၊ မျက်စိမြင်ကွင်း အပြည့်အ၀ မမြင်ရတော့ခြင်း၊ မျက်စိ စောင်းသွားခြင်း၊ စကားမပီခြင်း၊ စကားမပြော နိုင်ခြင်း၊ အစာမျိုရ ခက်ခဲခြင်း၊ ခြေလက်များ မလှုပ်နိုင်ခြင်း၊ ခြေလက်များ ထုံကျဉ်ခြင်း၊ ဆီး၊၀မ်း မထိန်းနိုင်ခြင်း၊ လမ်းလျှောက်လျှင် ဒယိမ်းဒယိုင် ဖြစ်ခြင်းများ ဖြစ်နိုင်ပါသည်။

လေဖြတ်ရောဂါ သည် အခြား အာရုံကြော လက္ခဏာများနှင့် မတူခြင်းမှာ ရုတ်တရက် ဖြစ်သွားခြင်း ဖြစ်သည်။ လေဖြတ်ခြင်း၏ ၈၅ ရာခိုင်နှုန်းမှာ ဦးနှောက်တွင်း သွေးကြော ပိတ်ခြင်းကြောင့် ဖြစ်ပြီး ၁၅ ရာခိုင်နှုန်းမှာ ဦးနှောက်တွင်း သွေးကြော ပေါက်ခြင်းကြောင့် ဖြစ်သည်။

ဦးနှောက်တွင်း သွေးကြောပိတ် နေရာကြီးလျှင် သော်လည်းကောင်း၊ သွေးကြော ပေါက်လျှင် သော်လည်းကောင်း အထက်ပါ လက္ခဏာများ အပြင် သတိလစ်ခြင်း၊ တက်ခြင်းများပါ ခံစားရနိုင်သည်။ ဦးနှောက် CT ကွန်ပျူတာဓာတ်မှန် ရိုက်ကြည့်ပါက သွေးကြောပိတ်ခြင်း ၊ ပေါက်ခြင်း တွေ့ရပါသည်။ ညာဘက်ခြေလက် အားနည်းသွားချိန် တွင် ဦးနှောက် ဘယ်ဘက် သွေးကြောပိတ်ခြင်း၊ ပေါက်ခြင်း တွေ့ရပါသည်။ ဘယ်ဘက် ဦးနှောက်သည် ညာဘက် မျက်နှာ၊ ခြေ၊ လက် ကိုထိန်းချုပ် သကဲ့သို့ ညာဘက် ဦးနှောက် သည် ခန္ဓာကိုယ် ဘယ်ဘက်ကို ထိန်းချုပ်သော ကြောင့်ဖြစ်သည်။

ဦးနှောက်တွင်း သွေးကြောကြီးများ ပိတ်ရခြင်းမှာ  နှလုံး  သို့မဟုတ်  လည်ပင်းနှင့်  ရင်ခေါင်းရှိ သွေးကြောမကြီး များမှ သွေးခဲများ၊  အဆီဖတ်များ ပြုတ်ထွက်၍ ဦးနှောက်တွင်း သွေးကြောများတွင် သွားပိတ်ခြင်း ကြောင့်ဖြစ်သကဲ့သို့ ဦးနှောက်တွင်း သွေးကြောများ တွင် သွေးကြောနံရံများ၊  အဆီဖတ်များ နှင့် ထူပြီး ပိတ်လာခြင်းကြောင့် လည်းဖြစ်သည်။

ဦးနှောက်တွင်း သွေးယိုရာတွင် ဦးနှောက်၏ အသားများတွင် သွေးယိုစီးခြင်းနှင့် ဦးနှောက်ကို ဖုံးအုပ်ထားသော  အမြှေးပါးအောက် သွေးယိုစီးခြင်းတို့ ဖြစ်တတ်သည်။ သွေးတိုးရောဂါနှင့် သွေးပေါင် ဆောင့်တက်ခြင်းသည် ဦးနှောက် သွေးကြော ပေါက်စေသော    အဓိက အကြောင်းအရင်း ဖြစ်ပြီး သွေးယိုစီးသည့် သွေးမတိတ်သော  သွေးရောဂါများ ကြောင့်လည်း   ဖြစ်တတ်သည်။

အသက်ကြီး လာခြင်းကြောင့် သွေးကြောများ ပိတ်လွယ်၊     ပေါက်လွယ်လာခြင်း၊ အမျိုးသားများနှင့် လေဖြတ်ရောဂါ ရာဇ၀င် မိသားစုတွင် ရှိသူများ၊ ယခင် လေဖြန်းဖူးသူ များ၊ နှလုံး သွေးကြောပိတ်၊ ခြေထောက် သွေးကြောပိတ် ရောဂါ     ရှိသူများသည် လေဖြတ်ဝေဒနာ ခံစားရနိုင်သော အန္တရာယ် ရှိသူများ ဖြစ်သည်။

သွေးတိုး၊ ဆီးချို၊ သွေးတွင်း အဆီများ၊  နှလုံးရောဂါရှိခြင်း တို့သည် လေဖြတ်ရောဂါ ဖြစ်စေသော အကြောင်းအရင်းများ ဖြစ်ပြီး ကုသ၍ ထိန်းထားပါက လေမဖြတ်အောင် ထိုက်သင့်သလောက်  ကာကွယ်နိုင်မည် ဖြစ်သည်။   အရက် အလွန်သောက်ခြင်း၊  ဆေးလိပ်သောက်ခြင်း၊    အမျိုးသမီးများ သန္ဓေတားဆေး သောက်ခြင်း၊   လှုပ်ရှားမှု နည်းခြင်း၊ အထိုင်များခြင်း တို့သည်လည်း လေဖြတ်ခြင်းကို ဖြစ်စေသော အကြောင်းများ ဖြစ်သည်။

လေဖြတ်ရောဂါ ခံစားရပါက ဝေဒနာ ခံစားရသူ အနေဖြင့် အသက်ဆုံးရှုံးနိုင် သကဲ့သို့ နာတာရှည် လူနာအနေဖြင့် ကျန်ရှိနိုင်သည်။ အလုပ် မလုပ်နိုင်ခြင်း၊ ဆေးကုသ စရိတ်များ ကုန်ခြင်း၊    မိသားစုဝင်များမှ ပြုစုရခြင်း တို့ကြောင့်  စီးပွားရေး၊  လူမှုရေး ခက်ခဲမှုများ ကြုံတွေ့ နိုင်ပါသည်။

လေဖြတ်ရောဂါ ဖြစ်ပွားပြီး နောက်ထပ် လေဖြတ်နိုင်မှုမှာ တစ်နှစ်တွင် ၁၀ ယောက်၌ တစ်ယောက် ဖြစ်နိုင်ခြေရှိသဖြင့်     ထပ်မံ လေမဖြတ်ရန်    ကာကွယ်သည့် ဆေးများ သောက်ထား ရပါမည်။ သွေးပေါင်သေချာ ထိန်းထားခြင်း၊     ဆီးချို မတက်အောင် ဆေးများ သေချာသောက်ခြင်း၊    အစားအသောက် ဆင်ခြင်ခြင်း၊ အဆီများ လျှော့စားခြင်း၊  သွေးတွင်း အဆီကျဆေးများ   ပုံမှန် သောက်ခြင်း၊ သွေးကျဲ ဆေးသောက်ခြင်းတို့ သေချာ ပြုလုပ်ရပါမည်။ ကိုယ်လက်အင်္ဂါ ပြန်လည် သန်စွမ်းရန် ဦးနှောက် အာရုံကြော နှင့်ကြွက်သား များကို  လှုံ့ဆော်ပေးသည့် လေ့ကျင့်ခန်း များကို ပညာရှင်များနှင့် တိုင်ပင် ပြီး ပြုလုပ်ရပါမည်။

လေဖြတ်ချိန်တွင် သွေးကြောပိတ်ခြင်း အတွက်     သွေးခဲပျော်ဆေးများ ပေး၍  ကောင်းမွန် လာနိုင်သော်လည်း လေဖြတ်ပြီး သုံးနာရီအတွင်း ပေးမှသာ ဆေးစွမ်းခြင်း၊ ဦးနှောက်တွင်း ထိခိုက်မှု သေးလွန်း၊ကြီးလွန်း လျှင် ပေးမရသည့်အပြင် ခန္ဓာကိုယ်တွင်း သွေးယိုစီးမှုများ ရှိခြင်းနှင့်   မကြာခင်က ခွဲစိတ်မှုများ လုပ်ထားပါက ဆေးပေး၍မရ နိုင်ပါ။ ဆေးတန်ဖိုး ကြီးခြင်းနှင့် လေဖြတ် လူနာတိုင်းပေးရန် မကိုက်ညီခြင်း တို့ကြောင့် မူလကပင် လေမဖြတ်အောင် ကာကွယ်သည့် နည်းလမ်းများကို       သေချာလိုက်နာ ဆောင်ရွက် သင့်သည်။

အရက်၊ဆေးလိပ် ရှောင်ကြဉ်ခြင်း၊ ပုံမှန် ကိုယ်လက်လှုပ်ရှား အားကစားပြုခြင်း၊ နေ့စဉ်နာရီဝက်ခန့် ပုံမှန် လမ်းလျှောက်ခြင်း၊ အဆီများသော အစာများ၊ အငန်ကဲသော အစာများ၊ ချိုလွန်းသော အစာများ ရှောင်ကြဉ်ခြင်း တို့ကို  ပြုလုပ်သင့်သည်။   စိတ်ဖိစီးမှု လျော့ကျစေမည့် ကျင့်စဉ်များ ပြုလုပ်သင့်သည်။ နေ့စဉ်ဘ၀တွင် လုပ်ဆောင်မှု များကို သတိထား၍ သိနေအောင် လေ့ကျင့်သင့်သည်။

မိမိ၌ သွေးတိုး၊ ဆီးချို၊ နှလုံးရောဂါများ ရှိပါက သက်ဆိုင်ရာ ကျွမ်းကျင် ပညာရှင်များ နှင့်ပြ၍ ပုံမှန်ဆေးသောက် ထိန်းထားသင့်သည်။ သွေးတွင်း အဆီများ နေပါက သွေးတွင်းအဆီကျ ဆေးများ သောက်ထား သင့်သည်။ မိမိ၌ သွေးတိုး၊ ဆီးချို၊ နှလုံးရောဂါ၊ ကျောက်ကပ်နှင့် သွေးတွင်းအဆီ များခြင်း ရှိ၊မရှိ နှစ်စဉ်ပုံမှန် ကျန်းမာရေး စစ်ဆေးမှုများပြုလုပ်သင့်သည်။ လေဖြတ် နိုင်ခြေများပါက သွေးကျဲဆေး သောက်ပြီး ကာကွယ်ထား သင့်သည်။

လူသားအားလုံးသည် လေဖြတ် အန္တရာယ် မှကာကွယ်ရန်၊ ထပ်မံ မဖြစ်ပွားရန် ကာကွယ်ရေး နည်းလမ်းများကို  စနစ်တကျ လိုက်နာ ဆောင်ရွက်ရန် လိုအပ်ပါကြောင်း   ကမ္ဘာ့လေဖြတ် ရောဂါနေ့ ( World Stroke Day ) အထိမ်းအမှတ် အဖြစ် ရေးသားတိုက်တွန်း လိုက်ရပါသည်။   ။

 

ဒေါက်တာ ဥမ္မာစော

ဓာတ်ပုံ - အင်တာနက်

Crd : mwd daily