ခါးနာခြင်းအတွက် အိမ်တွင်းကုထုံး

 

ခါးနာခြင်းအတွက် အိမ်တွင်းကုထုံး 

 

ခါးနာခြင်းသည် အသက် ၆၀ ကျော်တွင် အဖြစ် များပြီး အသက်အရွယ် မရွေးလည်း ဖြစ်တတ်သည်။ ခါးနာခြင်းကြောင့် အထိုင်အထ အသွားအလာ ခက်ခဲပြီး ဘေးက မြင်ရသူ အဖို့လည်း စိတ်မသက်သာ၊ ကာယကံရှင် ခံစားရသူ အတွက် အလုပ်အကိုင်ပျက် ရသည်အထိ ဒုက္ခကြီးသည်။ ထို့ကြောင့် နိုင်ငံအရပ်ရပ် ရှိ ကျန်းမာရေး အသင်းအဖွဲ့ များက လူအများတွင် ဖြစ်တတ်သော ခါးနာရောဂါ ဝေဒနာ အကြောင်းနှင့်

ခါးနာခြင်း မဖြစ်အောင် ကြိုတင် ကာကွယ် နေထိုင် ပြုမူတတ်ကြ စေရန် ရည်ရွယ်၍  အောက်တိုဘာ ၅ ရက်မှ ၉ ရက်ကို Back Care Awareness Week ခါးနာရောဂါ သတိပြုရမယ့် ရက်သတ္တပတ် အဖြစ် အထူးတလည် သတ်မှတ် ပေးထားခြင်း ဖြစ်သည်။

ခါးနာခြင်း အကြောင်း 

ကျောရိုး အဆစ်ကြား အရွတ်ဝိုင်း နေရာ လွဲသွား ခြင်းကြောင့် ကျောရိုးဆစ် တစ်ခုနှင့်တစ်ခု ပွတ်တိုက် မိသောအခါ   ခါးနာခြင်း ဖြစ်ပေါ် လာရသည်။ ယေဘုယျ အားဖြင့် ခါးနာခြင်းသည် သက်ကြီးပိုင်း အမျိုးသားများတွင်   အဖြစ်များလေ့ ရှိသည်။ သို့သော် အနေအထိုင်ပုံစံ မမှန်ခြင်း၊ ဟန်ချက်မညီဘဲ အားစိုက်မိ၍  ကြွက်သားနှင့် အကြောများတွင် ဒဏ်ဖြစ်ခြင်း၊ အ၀လွန်၍ ၀မ်းဗိုက်တွင် အဆီစုဝေးခြင်း၊ အားကစား လုပ်နည်း ပုံစံမမှန်ခြင်း၊ လေ့ကျင့်ခန်း ပြင်းပြင်းလုပ်ခြင်း၊ အလေးအပင် မခြင်း၊ ကွန်ပျူတာရှေ့ အထိုင်များခြင်း စသည် တို့ကြောင့်လည်း  သက်ကြီးပိုင်း သာမက  သက်လတ်ပိုင်း အမျိုးသား၊ အမျိုးသမီး များအားလုံး နီးပါး ခါးနာလေ့ ရှိကြသည်။ အထိုင်များခြင်း ကလည်း ခါးရိုးနှင့် ကျောရိုး တစ်လျှောက် ၀န်ပိသွားစေပြီး ခါးနာခြင်းကို ဖြစ်စေသည်။ ခါးနာခြင်း သည် လူတစ်ဦး၏ လှုပ်ရှား သွားလာမှုကို ခံရခက်စေပြီး   နာတာရှည် ရောဂါ ဖြစ်သွားလျှင် ကုသ ရခက်ခဲစေသည်။ မိမိတွင် ခါးနာခြင်း မဖြစ်ဘူးဆိုပြီး ပေါ့ဆ၍ မရပါ။ ကြိုတင် ကာကွယ်နည်း များကို သိရှိသဘော ပေါက်ပြီး လိုက်နာ ထားပါက ခါးနာခြင်း ဝေဒနာ ကင်းဝေးနိုင် ပေလိမ့်မည်။ အနေအထိုင် အပြုအမူ ပုံစံ မှားယွင်းမှုကြောင့် ခါးနာခြင်းကို ဖြစ်စေနိုင်သဖြင့် အောက်ပါ နည်းလမ်းကောင်း များအတိုင်း ပြုမူနေထိုင် သင့်သည်။ 

စနစ်တကျ သယ်မပါ။ ဖြစ်နိုင်ရင်  လေးလံသော အရာဝတ္ထုပစ္စည်းများကို မိမိတစ်ဦးတည်း သယ်မခြင်း ရှောင်ပါ။ 

မတ်တတ်ရပ်နည်း မှန်ကန်ပါစေ။ မတ်တတ်ရပ် ပုံစံ မှားယွင်းခြင်း ကလည်း ခါးနာခြင်းကို ဖြစ်စေနိုင်သည်။ မှန်ကန်သော မတ်တတ်ရပ်နည်း ပုံစံများမှာ ခေါင်းမှ ခြေထောက်အထိ ခန္ဓာကိုယ် တစ်လျှောက်  တစ်ပြေးညီ မတ်တတ်ရပ်ပါ။ နားရွက်၊ တင်ပါးနှင့် ဒူးများ    တစ်ဖြောင့်တည်း ဖြစ်ရမည်။ ဦးခေါင်းကို ရှေ့သို့ မကုန်းဘဲ လည်ပင်းနှင့် တစ်ဖြောင့်တည်း ဖြစ်နေရန် လိုအပ်သည်။

ခါးကို မတ်မတ်ထား၍ ထိုင်ပါ။ ခါးနောက်ကျော ပေါ်သို့ ဖိအား သက်ရောက်မှု လျော့ပါးစေရန် ခါးကို မတ်မတ်ထား၍ ထိုင်ရမည်။ ခါးရိုးဆစ် များသည် မူလသဘာဝ အားဖြင့် အင်္ဂလိပ်စာလုံး အက်စ် (S) ပုံစံဖြင့် တည်ဆောက် ထား၍ ထိုင်သော အခါတွင်  (S) ပုံစံ အနေအထား ဖြစ်အောင် ထိုင်ရမည်။ နာရီဝက် ကြာတိုင်း ထိုင်ခုံပေါ်မှ ထရပ်ပြီး စက္ကန့် အနည်းငယ်ခန့် လမ်းထလျှောက် ရမည်။ ဒါ့ပြင် ဆိုဖာထူသော ကုလားထိုင်တွင် ကြာရှည်စွာ ထိုင်ရခြင်း၊ ကုလားထိုင် အစွန်းတွင် ကြာရှည်စွာ ထိုင်မိခြင်း တို့ကြောင့်လည်း ခါးနာခြင်းနှင့် ကျောဆစ်ရိုး လွဲခြင်းတို့ကို ဖြစ်ပေါ်စေ နိုင်သည်။ 

နူးညံ့ ပျော့ပျောင်းသော ဖိနပ်ကိုစီးပါ။ ခေါင်းအုံး ခပ်ပါးပါးဖြင့် အိပ်စက်ပါ။  ခေါင်းအုံးထူထူဖြင့်အိပ်စက်ခြင်းက  ခါးနာခြင်းကို  ဖြစ်စေနိုင်သည်။ ခါးနာသူများ သာမက ခါးမနာသေး သူများလည်း ကြိုတင် ကာကွယ်မှု အနေဖြင့် ခေါင်းအုံးပါးပါး သို့မဟုတ် ခေါင်းအုံး တစ်လုံးတည်း ဖြင့်သာ အိပ်စက် အနားယူ သင့်သည်။ ခေါင်းအုံးထူခြင်း သို့မဟုတ် ခေါင်းအုံးနှစ်လုံး၊ သုံးလုံးဖြင့် အိပ်စက်ခြင်းက  ခါးနောက်ကျောရှိ ကြွက်သား များကို ဒဏ်ဖြစ်စေသလို၊ လည်ပင်းကိုလည်း ဒဏ်ဖြစ် စေနိုင်သည်။ 

မွေ့ရာ အသစ်လဲပါ။ အလွန်ပျော့သော မွေ့ရာနှင့် အလွန်မာသော မွေ့ရာတို့ ကလည်း ခါးနာခြင်းကို ဖြစ်စေသည်။ ကျန်းမာရေး အသိအမြင်ရှိပါ။  မိမိ သဘောဖြင့် ခါးနာ ပျောက်ဆေး များကို မသောက်သင့်ပါ။ 

လမ်းလျှောက်ခြင်းဖြင့် လေ့ကျင့်ခန်း လုပ်ပါ။ လမ်းလျှောက်ခြင်း သည် ခါးရိုးဆစ် အတွက်   များစွာ အထောက်အကူ ပြုသည်။ ခါးရိုး ကြွက်သားများကို သန်မာစေပြီး အဆစ်များ လှုပ်ရှားမှုနှင့် အရွတ်အ၀ိုင်းပြားများကို ပိုမို ကောင်းမွန်လာ စေသည်။ မလှုပ်ရှားဘဲ ဥပမာ-တစ်နေကုန်  တီဗွီထိုင်ကြည့် သူများသည် ခါးနာခြင်းကို အများဆုံး ဖြစ်စေ နိုင်သည်။ လမ်းမှန်မှန် လျှောက်ကာ လေ့ကျင့်ခန်း ပြုလုပ်ပေးခြင်းဖြင့် ခါးနာခြင်းမှ ကင်းဝေးစေ နိုင်သည်။ 

စိတ်ဖိစီးမှုများကို လျှော့ချပါ။ တချို့ လူများတွင် ပြဿနာ အခက်အခဲ တစ်ခုခုနှင့် ရင်ဆိုင်တွေ့ ရတိုင်း ခါးနာတတ် ကြသည်။ 

ခရီးသွား၍ ခါးနာခြင်းမှ ကင်းဝေးရေး အတွက် ထိုင်ခုံကို ရွေးချယ်ပြီး ရှေ့နောက် ဆန့်နိုင်သော ထိုင်ခုံ ပါသည့်ယာဉ်ကို ရွေးချယ်ပါ။ သားရေထိုင်ခုံများ ဖြစ်လျှင် အပူဒဏ် ကာကွယ်သည့် အ၀တ်ခင်း၊ ထိုင်ခုံအစွပ်များ ပို၍ ကောင်းသည်။ လေ၀င်လေထွက် ကောင်းသော  ခေါင်မိုးမြင့်သည့်  ယာဉ်ကို ရွေးချယ်ပါ။ လေအေးပေးစက် အလွန်အကျွံ ဖွင့်လျှင် အအေးဒဏ် ကြောင့် ခါးဆစ် ကိုက်ခဲခြင်း မဖြစ်စေရန် ခါးမနာ စေသောခါးပတ် သို့မဟုတ် စောင်တဘက်ဖြင့် အအေးဒဏ် ကာကွယ်ရန် ဆောင်ထားပါ။ ယာဉ်ရပ်သည့် အခါတိုင်း အပေါ့အပါး သွားခြင်း၊   ခါးဆန့်၍ လေ့ကျင့်ခန်း လုပ်ခြင်းများ ပြုလုပ်ပါ။ 

ခါးနာခြင်းအတွက် အိမ်တွင်းကုထုံး 

ကျောက်ကပ်၊ ဆီးအိမ်၊ သားအိမ်ရောဂါ အမျိုးမျိုး တို့ကြောင့်လည်း ခါးနာတတ်ပေရာ  ဝေဒနာ မပြင်းထန်ခင် နည်းမှန် လမ်းမှန်ဖြင့် ကုသမှု ခံယူရင်း အောက်ပါ အိမ်တွင်း ကုထုံးများဖြင့် သက်သာနိုင်ကြ ပါစေရန် မျှဝေ လိုက်ရပါသည်။ 

ခါးနာသည့် နေရာသို့ ရေနွေးအိတ် ကပ်ပေး၍ ပူနွေးသော အစားအစာများကို စားပေးပါ။ ထမင်းစားသည့် အခါတိုင်း ကြက်သွန်ဖြူ စားပေးပါ။ အထူးသဖြင့် နံနက် အိပ်ရာထ ဘာမှမစားခင် ကြက်သွန်ဖြူ စားပေးနိုင်ရင် ပိုကောင်းသည်။ ခါးနာခြင်းသည် ပင်စိမ်းရွက်က အကောင်းဆုံး သမားတော်ဟု အဆိုရှိရာ ပင်စိမ်းရွက် ကို နှစ်ခွက်တစ်ခွက် တင်ပြုတ်၍ အအေးခံကာ ဆားအနည်းငယ် ထည့်သောက်ပါ။ ယူကလစ်ဆီနှင့် မုန်ညင်းဆီတို့ ရော၍ အရေပြားထဲ စိမ့်ဝင်အောင် အသာအယာ နှိပ်နယ်ပေးပါ။ ထမင်းစားပြီးတိုင်း သကာရည် သို့မဟုတ် တင်လဲရည် စားပွဲတင်ဇွန်း တစ်ဇွန်းခန့်ကို ရေနွေးဖြူဖြင့် သောက်ပေးပါ။ ဖာလာစေ့ကို ပျားရည်ဖြင့် နှဲ၍ သောက်ခြင်း ကလည်း အမြန်ဆုံး သက်သာလာ စေသည်။  ကယ်စီယမ် ကြွယ်ဝသည့် နွားနို့ကို  တစ်ရက်လျှင် နှစ်ခွက်မှ  သုံးခွက်အထိ သောက်ပေးခြင်း ဖြင့် ခါးမနာအောင် ကြိုတင်ကာကွယ် ပေးနိုင်သည်။ အသာအယာ နှိပ်နယ်ပြီး ဆေးဖယောင်း ချက်ကပ်ပေးပါ။ ရေခဲတုံး လေးများကို   အ၀တ်  သို့မဟုတ် ဂုန်နီအိတ်ပါး ထဲထည့်၍ အသာအယာ လှိမ့်ပေးနိုင်သည်။ တစ်ရက်လျှင် လေးကြိမ်လောက် လုပ်ပေးနိုင်လျှင် ခါးနာ ပျောက်ပါသည်။ မွေ့ရာ ခင်းမထားသော ခုတင် သို့မဟုတ် ကြမ်းပြင်ပေါ် ငြိမ်သက်စွာ  ပက်လက် လှဲခြင်းက သွေးများ ကောင်းစွာ စီးဆင်း လည်ပတ် စေသလို အကြောအခြင်ပြေ၍ ခါးနာခြင်းကို သက်သာ စေသည်။ ဒဏ်ကြေဆေးပူ လိမ်းပေးနိုင်သည်။ (ကိုယ်ဝန်ဆောင် များကို မဆိုလိုပါ) နံ့သာဖြူနှင့် ချင်းကို ဆတူရော၍ လိမ်းပါ သို့မဟုတ် ချင်း အနည်းငယ်ကို ထောင်း၍ နာနေသော နေရာကို မိနစ် ၂၀ လောက် လိမ်းပေးပါ။ တစ်နေ့လျှင် လေးကြိမ်လောက် လုပ်ပေး ခြင်းဖြင့် ခါးနာရောဂါ ပျောက်ကင်း ပါသည်။ မပြင်းထန် သော ခပ်ဖော့ဖော့ အကြောပြင် လေ့ကျင့်ခန်း များကလည်း ခါးနာ သက်သာအောင် အထောက်အကူ ဖြစ်စေသည်။ (အမှန်တကယ် အရိုးအကြော နားလည် တတ်ကျွမ်းသူနှင့် ကုသမှုခံယူပါ)။ 

ညမအိပ်ခင် သင်္ဘောရွက် လတ်လတ်ဆတ်ဆတ် တစ်ရွက် ခူးယူပြီး အင်္ကျီအတွင်း နာနေသော ခါးပေါ်ကို ကပ်ထားပြီး ပက်လက်လှန်ပြီး အိပ်ပါ။ ခန္ဓာကိုယ်မှ အပူများကို သင်္ဘောရွက်မှ သဘာဝဓာတ် သဘောဖြင့်   စုပ်ယူပေး ပါသည်။ ပူရှိန်းရှိန်းလေး ခံစားရပါမည်။ ခါးနာ သက်သာတဲ့ အထိ တစ်ပတ် ၁၀ ရက်ခန့် ညစဉ် လုပ်ပေး နိုင်သည်။ 

မနက်အိပ်ရာ ထချိန် ရေတစ်ခွက် သောက်ပြီးလျှင် နောက်ဖေး မ၀င်မီ ခါးနာ သက်သာ စေမည့် လေ့ကျင့်ခန်းကို အရင်လုပ်ပေးပါ။ တည့်တည့် မတ်မတ်ရပ်ပြီး ခါးကို ရှေ့သို့အနည်းငယ်ကိုင်းပြီးလျှင် ခါးကို အားပြုပြီး ဖြည်းဖြည်းချင်း ဆန်ကောဝိုင်း သလိုမျိုး ဘယ်ပြန်ညာပြန် ၁၀ ကြိမ်ခန့် လှည့်ပေးပါ။ ၎င်း လေ့ကျင့်ခန်းကို လုပ်ပေးခြင်း အားဖြင့် ခါးရိုးခါးဆစ် မှ အပူများ ထွက်သွားပြီး အကျောများ လည်း ပွင့်သွားသလို အညောင်းအညာ များလည်း ပြေသွားစေ ပါသည်။ ညနေပိုင်း ရေချိုး ခါနီးမှာလည်း   နောက်တစ်ကြိမ် လေ့ကျင့်ပေး နိုင်သည်။ တစ်နေ့ကို နှစ်ကြိမ်ခန့် ပြုလုပ်နိုင်ပါသည်။ (သတိပြုရန်မှာ ခါးလှည့်သော အခါတွင် ဖြည်းညင်းစွာ လှည့်ပါ။ ခွန်အားထည် ၍ အလျင်အမြန် လှည့်မိပါက အခန့်မသင့်လျှင် ပို၍ နာသွားတတ် ပါသည်။) 

မလေးရှားနိုင်ငံ တွင်  ခေါင်းကိုက်ခြင်း၊ အဆစ်အမျက် နာကျင် ကိုက်ခဲခြင်းနှင့်   ခါးနာခြင်း ဝေဒနာ များအတွက် အပူပေး ထားသော အုန်းဆီကို ကွမ်းရွက် သတ္တုရည်ဖြင့် ရောကာ လိမ်းကျံလေ့ ရှိသည်။    

ပေါက်ပေါက်

ဓာတ်ပုံ - အင်တာနက်