ကိုယ်ဝန်ဆောင်သွေးတိုးရောဂါ

 

ကိုယ်ဝန်ဆောင်သွေးတိုးရောဂါ

 

သွေးတိုးရောဂါဟာ လူကို မကူးစက်နိုင်တဲ့ နာတာရှည် ရောဂါတစ်ခု ဖြစ်တယ်။  ကိုယ်ဝန်ဆောင် မိခင် သွေးတိုးရင် ကိုယ်ဝန်ဆိပ် တက်ခြင်း၊ ကိုယ်ဝန် ပျက်ကျခြင်း၊ ကလေးစောစော မွေးခြင်း၊ ပေါင်မပြည့် လမစေ့ မွေးခြင်းတို့ ဖြစ်စေတယ်။ မိခင်ရော၊ ကလေးပါ ကျန်းမာရေး ဒုက္ခရောက် နိုင်တယ်။ သိပ်ဆိုးရင် အချင်းကနေ ကလေးဆီ အာဟာရပို့တဲ့ အခါ ချို့ယွင်းမှုရှိကာ ရသင့်တဲ့ အာဟာရမရလို့ ကလေးကြီးထွားမှု နှေးစေတယ်။

ကိုယ်ဝန်ရှိ၊ မရှိစစ်ဆေးဖို့ လိုသလို  သွေးတိုးရောဂါ စွဲကပ်ရင်  မိမိဗိုက်အပ်တဲ့ ဆေးရုံ၊ ဆေးခန်းပြန်ပြဖို့ လိုတယ်။ ကိုယ်ဝန်ဆောင် အမျိုးသမီး တက်ရင် သွေးဆိပ် တက်ခြင်း ဖြစ်တတ်ရာ -

(၁) ဦးနှောက်ရောင် နိုင်တယ်။ ဦးနှောက် သွေးကြောပြတ်၊ ဦးနှောက် ရုတ်တရက် တိုက်ခိုက်ခံရပြီး အသက်ဆုံး နိုင်တယ်။

(၂) သွေးတိုးများ လွန်းတဲ့အတွက် အဆုတ်မှာ ရေများလာတယ်။ သွေးတိုးကြောင့် နှလုံး ရုတ်တရက် အလုပ် မလုပ်ဘဲ Acute Hypertensive Heart Failure ဖြစ်ကာ အဆုတ်မှာ ရေများလာတယ်။ သေဆုံးနိုင် ပါတယ်။

(၃) ကလေးတွေမှာ (RDS – Respinatory Distress Syndrome) ရှိသလို၊ သွေးတိုးပြင်းထန်တဲ့ မိခင်မှာ ခံစားရတယ်။

(၄) သွေးတိုးလွန်းရင်   အသည်း အလုပ်မလုပ်ဘဲ  အသည်းပျက်စီးခြင်း Liver Failure ဖြစ်ကာ အသည်း ကလာပ်စည်းတွေ ပျက်စီးသွားနိုင် ပါတယ်။

(၅) ကျောက်ကပ်မှာ ကျောက်ကပ် သွေးလှည့်ပတ် စီးဆင်းမှု ချို့ယွင်းသွားလို့ ကျောက်ကပ် အလုပ်မလုပ် နိုင်သလို ကျောက်ကပ်ရောဂါ ( Renal Failure) နဲ့ ဒုက္ခရောက်နိုင်၊ သေဆုံးနိုင်ပါတယ်။

(၆) ပြင်းထန်တဲ့ သွေးတိုးဟာ   ခန္ဓာကိုယ်ရဲ့အင်္ဂါ အစိတ်အပိုင်းတွေ အားလုံး၊ အလုပ်လုပ်နေတဲ့ စနစ်တွေ အားလုံး၊ အလုပ်လုပ်နေတဲ့ ရင်သွေးရဲ့ စနစ်အားလုံး ပျက်ယွင်းသွားပြီး ရင်သွေး သေဆုံးနိုင်တယ်။ သွေးမှာ ပါတဲ့ ၀တ္ထု ပစ္စည်းတွေ၊ သွေးခဲစေတတ်တဲ့ ပစ္စည်းတွေ၊ သွေးမှာပါတဲ့ အခြေခံဖြစ်တဲ့    သွေးနီဥ၊ သွေးဖြူဥ၊ သွေးဥမွှား စတာတွေ အကုန်လုံး ယောက်ယက်ခတ်ပြီး  သွေးမခဲတဲ့ရောဂါ ဖြစ်စေတယ်။   တစ်ကိုယ်လုံး အရေပြားအောက်မှာ သွေးခြည်ဥ နေမယ်။ သွေးကြောငယ်လေး တွေကနေ သွေးတွေ စိမ့်ထွက်မယ်၊ နှာခေါင်းသွေး ၀င်မယ်၊သွားဖုံးသွေး ထွက်မယ်၊ အစာအိမ် အူလမ်း လမ်းကနေ သွေးထွက်မယ်။ ယင်းကို ဒီအိုင်စီ (Disseminated Intravascular Clotting) ဟုခေါ်ပြီး တစ်ကိုယ်လုံးက သွေးခဲတဲ့စနစ် ပျက်စီးသွားပြီး သွေးယိုစိမ့်ရောဂါ ဖြစ်နိုင်ပါတယ်။

(၇) သွေးတိုးကြောင့်   ကျောက်ကပ် ပျက်စီးခြင်း  (Help Syndrome) ဆိုးရွားလာနိုင်တဲ့ အန္တရာယ်တွေ သိထားရမယ်။ ကိုယ်ဝန်ဆောင်မှာ သွေးတိုးဒုက္ခပေး နိုင်သလို ကိုယ်ဝန်ဆောင်က သွေးတိုးအပေါ် ပိုဆိုးလာတယ်။ ကျန်းမာရေး ၀န်ထမ်းတွေက တစ်ဆင့် ကျန်းမာရေး အသိဥာဏ်ပေးတဲ့ အခါ မိသားစုတွေ သိထားရမယ်။ သွေးတိုးမိခင်ကို စောစောစီးစီး ကိုယ်ဝန်အပ်ရ ပါမယ်။ ကိုယ်ဝန်ဆောင် သွေးတက်ခြင်း ဖြစ်လို့ အလားအလာ များတယ်။

နဂိုကတည်းက ဗီဇအရ၊ မိဘမျိုးရိုးအရ၊ ကိုယ်ဝန် မရှိခင်ကတည်းက၊ အပျိုအရွယ် ကတည်းက သွေးတိုး ရှိသူတွေ၊ အကြောင်း အမျိုးမျိုးကြောင့် သွေးတိုးရောဂါ ဖြစ်နေတဲ့ အမျိုးသမီးတွေ အထူးသဖြင့် ကျောက်ကပ် ရောဂါကြောင့် ဖြစ်ဖို့များတယ်။ ကျောက်ကပ်ရောဂါတို့၊ အခြားကိုယ်တွင်း အကျိတ်ဂလင်း   (Endocrine) ချို့ယွင်းတာကြောင့် သွေးတိုးဖြစ်နေတဲ့ အမျိုးသမီးတွေ၊ အရင်ကိုယ်ဝန်မှာ တုန်းက သွေးတိုးရှိ ခဲ့တယ်။ ကိုယ်ဝန်ဆောင်စဉ် ကိုယ်ဝန်ဆိပ် တက်ခဲ့တယ်။ ဒုတိယကိုယ်ဝန် မှာ သွေးတိုးပိုတက်ဖို့ များပါတယ်။ သားဦးကိုယ်ဝန် ဆောင် ထားရတဲ့ အမျိုးသမီးတွေ အရင်သွေးတိုးရှိခဲ့ သို့မဟုတ် မရှိခဲ့ရင်၊ ကလေးငါးယောက် နဲ့အထက် ကိုယ်ဝန်ဆောင် မိခင်တွေ ယင်းအမျိုးသမီး တွေအနေ

နဲ့ကိုယ်ဝန်ရှိချိန်မှာ သွေးတိုးက တက်လာနိုင်တဲ့ အတွက် အန္တရာယ်များတဲ့ အုပ်စုအနေနဲ့   ပိုပြီး ဂရုစိုက်သင့် ပါတယ်။ မိခင်ကောင်းဟာ အသက် ၁၈ နှစ်မပြည့် သေးဘူး။ ကိုယ်ဝန်ဆောင် သွေးတိုးရောဂါ ရှိနေတယ် ဆိုရင်   အသက်အန္တရာယ် ကျရောက်နိုင်တဲ့ မိခင် စာရင်းမှာပါဝင် နေလို့ ရိုးရိုးဆေးရုံမှာ မတက်သင့်ဘူး။  ဆေးရုံဆေးခန်း ပြရမယ်။ ခွဲစိတ်မွေးဖွားဖို့ လိုကောင်း လိုတတ်ပါတယ်။

တန်ဖိုးမဖြတ်နိုင်တဲ့ လူ့အသက် နှစ်ချောင်းကယ်တင် ပေးနိုင်ရေး ဆေးရုံမှာ မွေးရမယ်။ ဆေးရုံရောက်ပြီ ဆိုရင် အစားအစာ၊ သောက်ရမယ့် ဆေးတို့ကို စနစ်တကျ မှန်မှန်ကန်ကန်  ညွှန်ကြားပေး နိုင်သလို၊ အထဲက ကလေးကို လအနုအရင့် အလိုက် မွေးတဲ့ထိ၊ တစ်ပတ်တစ်ခါ၊ နှစ်ပတ်တစ်ခါ စစ်ဆေးတဲ့ နည်းနဲ့ စစ်ဆေးရမယ်။ အာထရာဆောင်း ရိုက်တာ၊   ဆီးသွေးစစ်တာ၊ သေသေချာချာ ကုသပေးသင့် ပါတယ်။ ကိုယ်ဝန်ဆောင် နောက်ဆက်တွဲ ပြဿနာ ဖြစ်ပေါ်လာဖို့  အခွင့်အရေး နည်းသွားမှာ ဖြစ်ပါတယ်။

ကိုယ်ဝန်ရှိလာရင် တတ်ကျွမ်းနားလည်တဲ့ ဆရာဝန် ဆီကို စောစောသွား ဗိုက်အပ်ပြီး မိသားစုဆရာဝန် ကနေ သားဖွားမီးယပ် အထူးကုဆရာဝန် အထိ ညွှန်ပေးတဲ့ အတိုင်း သွားရောက်ပြသ ရမယ်။ ဆရာဝန်နဲ့ ပုံမှန်ပြသ လိုအပ်တဲ့ ကုသမှု၊ ကာကွယ်ဆေး ထိုးနှံမှုတွေ ပြုထားရင် စိတ်အေးရမယ်။

ကိုယ်ဝန်ဆောင် သွေးတိုးရောဂါ ဟာ သားဦးမိခင် ၁၀၀ မှာ ၁၀ ယောက်မှ ၁၅ ယောက်ထိ ဖြစ်တတ်သလို သားနှောင်း မိခင်တွေမှာ ၁၀၀ မှာ နှစ်ယောက် ကနေ ငါးယောက်ထိ ဖြစ်တတ်တယ်။ ကိုယ်ဝန်ဆောင် သွေးတိုးရောဂါဟာ    ပုံမှန်လူနာထက် ကိုင်တွယ်ရ၊ မှန်းဆရ၊ ကုသရ မတူတာလေးတွေ ရှိပါတယ်။ ပုံမှန် လူတစ်ယောက် အနေနဲ့    အပေါ်သွေး  ၁၄၀၊ အောက်သွေး ၉၀ နှစ်ခုစလုံး ဖြစ်စေ တစ်ခုခုဖြစ်စေ၊ တက်နေပြီ ဆိုရင်   သွေးတိုးရောဂါ ဖြစ်နေတယ်။

ကိုယ်ဝန်ဆောင် အမျိုးသမီးတွေ မှာလည်း ဒီသဘောပါပဲ။ ကိုယ်ဝန် မဆောင်စဉ်၊ လနုစဉ်များမှာ ဆရာဝန် တစ်ဦးဦးထံမှာ၊ ဒေသန္တရမှာ၊ ကျေးလက် ဆေးခန်းမှာ ဗိုက်အပ်ဖို့ ပြင်ရင်း သွေးပေါင်ချိန်၊ ကလေးနှလုံး ခုန်သံ၊ ကိုယ်အလေးချိန် မှန်မှန်ချိန်ဖို့ လိုအပ်လှ ပါတယ်။ နှလုံးတစ်ချက် ခုန်တိုင်း နှလုံးက ထုတ်လွှတ်ပေးတဲ့ ထုထည်အားနဲ့    သွေးဖိအား အမြင့်ဆုံး ရောက်ရှိ (အပေါ်)ပြီး နှလုံးကြွက်သား လျော့နေချိန်မှာ အနိမ့်ဆုံး (အောက်) ရောက်ရှိ သွားတယ်။ သွေးပေါင်ချိန်(၁၄၀/ ၉၀) မီလီမီတာ ပြဒါးထက်ပိုတဲ့ ဘယ်အခြေအနေ ကိုမဆို သွေးတိုးလို့ သတ်မှတ်နိုင်တယ်။ နေထိုင် စားသောက်မှု နဲ့ဆိုင်ပြီး ၁၀ ရာခိုင်နှုန်းက မျိုးရိုး သို့မဟုတ် ကိုယ်ဝန် ရှိလို့ဖြစ်နိုင် ပါတယ်။

စားသင့်အစာ။  သွေးကြောကျဉ်းတာ ကာကွယ်ဖို့ ဓာတ်တိုးဆန့်ကျင် ပစ္စည်း (Antioxidants) ကြွယ်ဝတဲ့ အစာဖြစ်တဲ့ သစ်သီး၊ ဟင်းသီးဟင်းရွက် စားသုံးသင့် သလို အဆန်၊ အခွံမာသီးအစေ့ တွေက ဗီတာမင်အီး ကြွယ်ဝတယ်။ ယင်းအစားအစာ ထဲက ငါးမျိုးစား သုံးသင့်တယ်။ အဆီများတဲ့ငါး၊  ပင်လယ်ငါး စားပေးရမယ်။ ဆယ်လ်မွန်၊ တူနာ၊ မက်ကာရယ်၊ ဆာဒင်းနဲ့ ပင်လယ်ငါးတွေမှာ အိုမီဂါ(၃)နဲ့ မက်တီအက်စစ် ပါဝင်လို့ သွေးတိုးရောဂါ သက်သာစေတယ်။ သွေးဖိအား လျော့နည်းစေပြီး   ခန္ဓာကိုယ်ထဲက  မကောင်းတဲ့ ကိုယ်လက်စထရော ကို သန့်စင်ပေးတယ်။ သွေးခဲစေမယ့် အလားအလာ ကိုလည်း လျှော့ချပေးပါတယ်။

အကောင်းဆုံး။  အမျှင်ဓာတ် ကြွယ်ဝတဲ့ ကွေကာ၊ ခေါက်ဆွဲခြောက်၊ ထမင်းနဲ့ပေါင်မုန့် ပုံမှန်စားပေး ရမယ်။ အပျော့စား အဆီများတဲ့ အသားမလိုင် ပါတဲ့ နွားနို့၊ နို့ထွက်ပစ္စည်း၊ ကိတ်မုန့်၊ ဘီစကွတ်နဲ့ မာဂျရင်း လျှော့စားရမယ်။

အကြံပြုချင်တာ ကတော့ ချက်ပြုတ်ရာမှာ ဖြစ်ဖြစ်၊  စားသောက်ရာမှာ ဖြစ်ဖြစ်၊   အစားအစာထဲကို  ဆား၊ ငံပြာရည် ထပ်ထည့် မစားသင့်ပါဘူး။   ဆားပါတဲ့ အငန်ကဲတဲ့ အစားအသောက်နဲ့ မုန့်တွေကို အတတ်နိုင်ဆုံး လျှော့စားရမယ်။

ကြက်အူချောင်း၊ ၀က်အူချောင်း၊ အမဲအူချောင်း၊ ၀က်ပေါင်ခြောက်၊ ၀က်ဆားနယ် ခြောက်၊ အာလူးချောင်းကြော်၊ ဆားထည့်ထားတဲ့ အခွံမာအသီးတွေ လျှော့စားရမယ်။ ပြုပြင်စီမံထားတဲ့ စွပ်ပြုတ်၊ ဆားစိမ်သည့် ငါးပိ၊ ငါးခြောက်တွေမှာ   ဆားပါဝင်မှုများတဲ့ အတွက် ဆင်ခြင်သင့်ပါတယ်။

ပိုတက်စီယမ် သတ္တုဓာတ်ကြွယ်တဲ့ ငှက်ပျောသီး ဖီးကြမ်း တစ်နေ့သုံးလုံး စားပေးသင့်ပါတယ်။  အမျှင်ဓာတ်လည်း ပိုများလို့  ၀မ်းမှန်စေတဲ့ အပြင် ပိုတက်စီယမ် ပါလို့သွေးဖိအားကို ထိန်းညှိပေး ပါတယ်။ ယင်းအစားအစာ တွေဟာ   ခန္ဓာကိုယ်ထဲက  ဆားဓာတ်ကို ဖယ်ရှားပေး နိုင်ပါတယ်။

သောက်ဆေး။ ဆီးရွှင်ဆေး ( Diuretics ) ကိုပေးနိုင်ပြီး  ကျောက်ကပ်ထဲက ပိုလျှံနေတဲ့ အရည်တွေ ဖယ်ပေးနိုင်တာ၊ သွေးကြောတွေနဲ့ ခုခံအားကို လျှော့ချပေးနိုင် ပါတယ်။

ဘီတာဘလော့တာ။ နှလုံးအခုန်မြန် ခြင်းကိုနှေးစေပြီး နှလုံးကြွက်သား ကုံျ့အားကို ချပေးတယ်။ ဗေဆိုဒိုင် လေတာ သွေးလွှတ်ကြောတွေ ချဲ့ပေးပြီး သွေးတိုး ကျစေတယ်။ အေစီအီး ဆန့်ကျင်ဆေး ( ACE inhibitors ) သွေးကြောကျယ် စေတဲ့ဆေး အနေနဲ့ရော၊  ဆီးရွှင်ဆေး အနေနဲ့ပါ အကျိုးအာနိသင် ထိရောက်မှုရှိတယ်။ သွေးဖိအားဟာ ရံဖန်ရံခါ ပုံမှန်ဖြစ်သွား ပေမယ့်  ဆေးဝါးပုံမှန် သောက်ဖို့ အစာရှောင်ဖို့ လိုအပ်မှာပဲ ဖြစ်တယ်။  အိပ်ချိန်မှန်ဖို့၊  နေ့လယ်တစ်ရေး အိပ်ဖို့ လိုပါတယ်။   ။

 

ဒေါက်တာလွင်သန့်

ဓာတ်ပုံ - အင်တာနက်

ခရက်ဒစ် - mwddaily