အေးသောရာသီတွင် ရေနွေးချိုးခြင်း အကျိုးအပြစ်

 

အေးသောရာသီတွင် ရေနွေးချိုးခြင်း အကျိုးအပြစ်

 

ရေချိုးခြင်းသည် စင်ကြယ်၏။ အသက်ကို ရှည်စေတတ်၏။ ပင်ပန်းခြင်း၊ ချွေး၊ အညစ်အကြေး တို့ကို ပယ်နိုင်၏။ အားကို ဖြစ်စေတတ်၏။ သြဇာကို လွန်စွာ ဖြစ်စေတတ်၏။ ရေနွေးဖြင့်  ဦးခေါင်းကို ဆေးလျှော်ခြင်းသည် အားကို ဖြစ်စေတတ်၏။ ဆံပင်၊  မျက်စိနှင့် မသင့်။ (ရေနွေးဖြင့် ရေချိုးခြင်း၊   ခေါင်းလျှော်ခြင်း သည် ကိုယ်စင်ကြယ်ခြင်း မျှသာဖြစ်သည်။ ဆိုခဲ့ပြီးသော ရေချိုးခြင်း၏ အကျိုးအပြစ် မရှိပြီ။)

ဦးခေါင်း ဆေးလျှော်၍ ရေချိုးခြင်းသည် ရေငတ်ခြင်း၊ အာစောက်၊ ပါးစပ်ခြောက်ခြင်း တို့ကိုနိုင်၏။ အညစ်အကြေးကို စင်ကြယ်စေ တတ်၏။ ကိုယ်၏ ပူအိုက်ခြင်း၊ ၀က်ခြံ၊ ယားနာ၊ သည်းခြေကြောင့် ဖြစ်သော ဦးခေါင်းနာ တို့ကိုနိုင်၏။ လေ၊ သလိပ်နာ ရှိသောသူသည် ရေအေး မချိုးကောင်း၊ စဉ်းငယ် နွေးသော ရေနွေးကိုသာ ချိုးရမည်။ သွေးနာ၊ သည်းခြေနာ ရှိသော သူသည်လည်း ရေနွေး မချိုးကောင်း၊ ရေအေးကိုသာ ချိုးရမည်။ ( ယောအတွင်းဝန်  ဦးဖိုးလှိုင် ဥတုဘောဇန သင်္ဂဟကျမ်း ရေတို့၏ ဂုဏ်ကို ပြခြင်းမှ) ထို့ပြင် မျက်နှာ၊ ပါးစပ်ရွဲ့သောသူ၊ လေနာ ရှိသောသူ၊ မျက်စိနာ ရှိသောသူ၊ ခံတွင်းနာ ရှိသောသူ၊ ၀မ်းရောင် သောသူ၊ နှာစေးသောသူ၊ အစာမကြေ သောသူ၊ အစာစား ပြီးနောက် စားသော အစာမကြေ သောသူ တို့သည် ရေမချိုးအပ်ကုန် ဟုလည်း နောက်ဆက်တွဲ ဖော်ပြထား သည်ကို လေ့လာတွေ့ရှိ ရသည်။

ရေနွေးချိုးခြင်း၏အပြစ်

လက်တွေ့တွင် စာရေးသူ ကိုယ်တိုင် အေးသော ဆောင်းတွင်းတွင် နံနက်စောစော လမ်းလျှောက် လေ့ကျင့်ခန်း လုပ်ပြီး ရေအေးမချိုးနိုင်ပါ။ ရေနွေးစပ် ပေးသည့် Heater တပ်ဆင်ထားပြီး ရေအေးပိုက်နှင့် ပေါင်းစပ်၍ အတော်အသင့် နွေးအောင် စပ်ပြီးချိုးသည်။ တစ်ခါတစ်ရံ ရေနွေးအစပ်များသွားလျှင် ခန္ဓာကိုယ်ထဲမှ အပူမထွက်သည့်အပြင် တစ်နေကုန် ညောင်းညာပြီး နေမကောင်း ဖြစ်သည်။ မျက်စိလည်း ကြည့်မကောင်း မျက်မှန်တွင် အခိုးများ ရိုက်နေ သကဲ့သို့ ခံစားရသည်။

ထို့ကြောင့် ရေနွေးကိုလျှော့ပြီး  ရေအေးကို ပို၍ ချိုးသောအခါ အဆင်ပြေသည်။ ရေနွေးများလျှင် ဆံပင်ခြောက်ခြင်း၊ ကြမ်းခြင်း၊ ငယ်ထိပ်မှ ဆံပင်များ ကျွတ်ခြင်းကို လက်တွေ့ခံစား ရသဖြင့် ရေနွေးများများ စပ်၍ ချိုးခြင်းမှာ မကောင်းပါ။

နောက်တစ်နည်းမှာ မိတ်ဆွေတစ်ဦးက အကြံပေး သဖြင့် စမ်းသပ်ကြည့် သာအခါ ပို၍အဆင်ပြေ သည်။ အညောင်းအညာ င်းသည်ကို တွေ့ရသည်။ ရေနွေးစပ်သော ရေကို အရင်ချိုးသည်။ ဆပ်ပြာတိုက်၊ ကြေးတွန်း၊ ရှန်ပူဖြင့် ခေါင်းလျှော်ပြီးလျှင် ရေနွေးချိုးခြင်း ကိုရပ်ပြီး  ပုံးဖြင့် ထည့်ထားသော ရေအေးကို ဒူးမှ အောက်ပိုင်း သုံးခွက်ခန့် လောင်းချသည်။ ထို့နောက် ပေါင်လယ်ခန့်မှ အောက်သို့ သုံးခွက်ခန့် လောင်းချ သည်။ တဖြည်းဖြည်း အပေါ်သို့ တက်လောင်းပြီး ရေအေး သုံးခွက်ခန့် ခေါင်းမှ လောင်းချသောအခါ ရှိန်းခနဲ ဖြစ်ပြီး အခိုးအငွေ့များ ထွက်လာသည်။ ရေအေးကြောင့် အခိုးအငွေ့များ ထွက်သွားပြီး သောအခါ မချမ်းတော့ဘဲ တစ်ကိုယ်လုံး ပူနွေးလာသည်ကို ထူးဆန်းစွာ တွေ့ရှိ ခံစားရသည်။

ထို့ကြောင့် မိုးတွင်း၊ ဆောင်းတွင်း အေးချမ်းသော အခါတွင် လူလတ်၊ လူကြီးများ ရေနွေးစပ်ပြီး ရေချိုးခြင်းမှာ မမှားပါ။ သို့သော် ရေနွေးချိုးပြီး အပူမငုပ် စေရန်၊ ငုပ်သွားသော အပူများ  ပြန်ထွက်စေရန် အတွက် ဒူးအောက်မှ စပြီး  အထက်သို့ ရေအေး ချိုးခြင်းကို တစ်ဆင့်ပြီး တစ်ဆင့် တဖြည်းဖြည်း ရေအေးချိုး၍ အဆုံးသတ်ခြင်းက ပို၍ ကောင်းမွန်ပြီး ကျန်းမာရေး နှင့်လည်း ညီညွတ် စေနိုင်ကြောင်း တင်ပြလိုသည်။

မိတ်ဆွေတစ်ဦး၏ ရေနွေးချိုးနည်း

ရေနွေး၊ ရေအေးချိုးခြင်း နှင့်ပတ်သက်၍ စကားစပ်မိ ကြရာ စာရေးသူက ရေနွေးချိုးပြီးမှ နောက်ဆုံးတွင် ရေအေးကို ၃-၄ ခွက်ချိုးလိုက်ရာ အခိုးများပွင့်သွား သည်ဟု မိမိလုပ်နေကျ နည်းကိုပြောသည်။ ကျန်းမာရေး စကားဝိုင်းတွင် ပါဝင်သူများ ကလည်း သူတို့ ကိုယ်တွေ့များ ပြောကြရာ မိမိနှင့်တူသူများ လည်းရှိသည်။

ထိုအထဲတွင် ထူးခြားသည်မှာ စာရေးသူ၏ မိတ်ဆွေ စာရေးဆရာ တစ်ဦးက ပြောပြသည့် သူ့အကြိုက်  ကိုယ်တွေ့ ရေချိုးနည်းမှာ ''ကျွန်တော်ကတော့ ဆရာတို့နဲ့ မတူဘူး။ ရေနွေးစပ် ထားတဲ့ရေကို အရင်ချိုးတယ် ဆိုရင် အခိုးငုပ်သွားမှာပဲ လို့ယူဆတယ်။ ဒါကြောင့် ရေကန်နား သွားပြီး ဒူးကစ အောက်ပိုင်း ရေလောင်းတယ်။ ခါးအောက်ပိုင်း လောင်းပြီးမှ တဖြည်းဖြည်း အပေါ်တက် လောင်းချိုးတယ်။ ရေအေးပဲ ချိုးတယ်။ ပြီးတော့မှ နောက်ဆုံးမှာ ရေနွေးစပ် ထားတဲ့ရေကို ချိုးတယ်။ အဲဒီအခါ အခိုးလည်း ထွက်ပြီးပြီ ဆိုတော့ ရေနွေးစပ် ထားတဲ့ ရေချိုးလိုက်ရတာ ၀မ်းထဲ နွေးသွားသလို ခံစားရတယ်။ ကျွန်တော့်နည်းက ရေအေးချိုး ပြီးမှ ရေနွေးချိုးတယ်'' ဟု ပြောပါသည်။ သူ့နည်းနှင့်သူ ကောင်းသည်ဟု ပင်ဆိုချင် ပါသည်။

နှာစေးရောဂါ သတိပြုစရာ

နှာစေးခြင်းသည် ကိုယ်တွင်းအပူ ငုပ်သည့် လက္ခဏာ ဖြစ်သည်။ ရှေးဆရာကြီး များက အပြင်မှ အအေးတို့ တပ်ဖွဲ့ပြီး ပိတ်ဆို့ထား သဖြင့်  ထွက်ပေါက် မရှိဘဲ အပူအကျဉ်းကျ ရောဂါ ဖြစ်ရသည်ဟု   ဆိုသည်။ မွေးညင်းပေါက် တို့မှ အခိုးအကင်း တို့သည် ချွေးအဖြစ် ထွက်မကျ ရသောအခါ နှာရည်ယို ကျခြင်းဖြင့် ထွက်ပေါက် ရှာရသည်ဟု အဆိုရှိသည်။  နှာရည်ကျခြင်းသည် ကိုယ်တွင်း အပူများခြင်း ကြောင့်ဖြစ်သည်။

ညနေစောင်း အလုပ်မှ အပြန်တွင် ရေချိုးလေ့ရှိသူ များသည် ဆောင်းဥတုတွင် နှာစေးပြီး ခေါင်းကိုက် ရောဂါရလေ့ ရှိသည်ကို တွေ့ရသည်။ နှာစေး၊ နှာရည်ယိုခြင်း ရုတ်တရက် ရပ်သွားပြီး နှာခေါင်းပိတ်သွား လျှင် ထိပ်ကပ်နာ ဖြစ်တတ်သည်။ ထိပ်ကပ်နာသည် နှာခေါင်းအတွင်း နှာရိုးမှ အရွတ်တုံးလေး ရောင်သော ကြောင့် ဖြစ်လေ့ရှိသည်။ ထို့ကြောင့် အလွန်အေးသော အရပ်ဒေသ များတွင် ရေနွေးဖြင့် ရေကိုစပ်၍ ချိုးရသည်။

ရေချိုးပြီး အအေးမိသည် ထင်လျှင် ပရုတ်ဆီကို ကြွေပန်းကန်လုံးတွင် သုတ်လိမ်းပြီး ရေနွေးအဖြူ လောင်းထည့်ကာ ထွက်လာသော ရေနွေးငွေ့ကို  ရှူပေးခြင်းဖြင့် ထိပ်ကပ်နာ ဖြစ်ခြင်းမှ ကာကွယ်နိုင်သည်။

ခန္ဓာကိုယ်အတွင်း အပူအကျဉ်းကျ သောအခါ နှာခေါင်းမှ နှာရည်ယိုသည့် အပြင် ငယ်ထိပ် ထွက်ပေါက် မှလည်း အပူငွေ့များ ထွက်တတ်သည်။ အချို့ လူကြီးများတွင် ဆောင်းတွင်းရောက်မှ ခေါင်းချွေးများ ပြန်ပြီး အမြဲတဘက်၊ ပ၀ါဖြင့်သုတ် နေရသည်ကို တွေ့ရသည်။ ခေါင်းချွေးပြန် ရပ်သွားလျှင် နှာစေး၊ နှာရည်ယို ဖြစ်ပြီး ခေါင်းကိုက် လာတတ်သည်။ ထိုရောဂါ အတွက် ညအိပ်ရာ ၀င်ချိန်တိုင်းတွင် ဦးခေါင်း ငယ်ထိပ်ကို အုန်းဆီစစ်စစ် လိမ်းပြီး အိပ်ခြင်းဖြင့် ကာကွယ်နိုင်သည်။ အုန်းဆီသည် ငယ်ထိပ်မှ ထွက်လာသော အခိုးကို ဖမ်းယူနိုင်ပြီး ဆံပင်ကျွတ်ခြင်း၊ ထိပ်ပြောင်ခြင်းကို ကာကွယ်ပေး နိုင်သည်။

အအေးမိကာကွယ်သော ဆေးနည်း

ချင်းတက်ကို ပါးပါးလှီးပါ။ မတ်ခွက်တစ်လုံးတွင် ထည့်ပါ။ ရေနွေးဆူဆူလောင်းထည့်ပြီး အုပ်ထားပါ။ ခဏကြာလျှင် မျက်နှာနှင့် ရေနွေးငွေ့ကို ငုံ့ပြီးရှူပါ။ ထိုရေနွေးကို   အကြမ်းပန်းကန် တစ်လုံးဖြင့်ငှဲ့ပြီး သောက်လည်း သောက်ပါ။ ချင်းပြုတ်ရည် သောက်သည့် သဘောဖြစ်သည်။   အလွယ်ကူဆုံး နည်းဖြစ်ပြီး  ခန္ဓာကိုယ်ပူနွေး လာစေသည်။ လတ်တလော အအေးမိ ခြင်းကို ကာကွယ်နိုင်သည်။

ကြက်သွန်ဖြူ သည် အအေးပတ်ခြင်း အတွက် အလွန် ဆေးစွမ်းထက် သည်။ ကြက်သွန်ဖြူ ကို နေ့စဉ် တစ်ဥ အခွံနွှာပြီး လတ်လတ် ဆတ်ဆတ် စားသုံးပေး ခြင်းဖြင့် အအေးပတ်ခြင်း၊ အဖျားပိုး ကူးစက်ခြင်း တို့ကိုကာကွယ် နိုင်သည်။ အချို့မှာ ကြက်သွန်ဖြူ ကို အစိမ်းမစားနိုင် သဖြင့် မီးဖုတ်ပြီး စားကြသည်။ ကြက်သွန်ဖြူ မီးဖုတ်စား ခြင်းကြောင့် ခံတွင်းအနံ့ ဆိုးမည်ကို ကြောက်သူများ ပါ စားနိုင်လာသည်။ အနောက်တိုင်းတွင် ကြက်သွန်ဖြူ ကို အဆီထုတ်၍ အအေးမိ ကာကွယ်ဆေး အဖြစ် သုံးစွဲလာ ကြသည်။ မကောင်းသော အဆီ ( LDL Cholesterol) ကျသဖြင့် အဆီကျဆေး အဖြစ် သုံးစွဲသူများလည်း ရှိကြသည်။ လေသက်၍ အဆီကျသဖြင့် ကြက်သွန်ဖြူ ပုံမှန်စားသုံး ပေးလျှင် ၀မ်းဗိုက် အခေါက်ထူသော အဆီကို ကျစေနိုင်သည်။  လေသက်၍လည်း  ဗိုက်ချပ်စေ နိုင်သည်။

တစ်နည်း။ ။ ကြက်သွန်ဖြူ ၊ ကြက်သွန်နီ ကိုဓားပြား ရိုက်ပြီး ချင်းအနည်းငယ် နှင့်ရော ဟင်းသောက် ပန်းကန်လုံး တစ်ခုတွင်ထည့်၊ ရှောက်ရွက် အနည်းငယ် ထည့်ပြီးလျှင် ရေနွေးဆူဆူထည့်၊ ဆားအနည်းငယ်နှင့် ငါးငံပြာရည် အချို အနည်းငယ်ထည့် အုပ်ထားပါ။ ရှောက်ရွက်ဟင်းချို ဖြစ်သည်။ ရှောက်ရွက်သည် သွေးတိုးကို ကျစေသည်။ ရှောက်ရွက် ဟင်းချိုသည် အိမ်ရှင်မများ အတွက် အချိန် မကုန်ဘဲ လွယ်ကူစွာ ပြုလုပ်နိုင်သော ဟင်းချို ဖြစ်သည်။

ရေနွေးချိုး၍ မျက်စိအခိုး ထွက်လျှင်

အချို့သူများ ရေနွေးကို ရေအေးဖြင့် စပ်ပြီး နေ့စဉ် ချိုးခြင်းကြောင့် မျက်စိသို့ အခိုးတက်ပြီး ကြည့်မကောင်း ဖြစ်တတ်ကြသည်။  မျက်ဝတ် ထွက်ခြင်း၊  မျက်စိ ထောင့် နီရဲခြင်း ၊ အမြင်ေ၀၀ါးခြင်း၊ မကြည်လင်ခြင်း ဖြစ်တတ်သည်။ ထိုသို့ဖြစ်လျှင် စိတ်ပူပန်ရန် မလိုပါ။ ဖြေရှင်းနိုင်သည့် နည်းလမ်းများ ရှိသည်။

ညအိပ်ရာမ၀င်မီ     ခြေဖ၀ါးကို ဆားပွတ်ပါ။ ထို့နောက် ဒူးအထက် ပေါင်လယ်မှစပြီး အောက်သို့ ရေအေးလောင်းပြီး ခြေဆေးပါ။ ထိုသို့ညစဉ် ပြုလုပ်လျှင် မျက်စိကြည် သည့်အပြင်  ခေါင်းကိုက်ခြင်း ဝေဒနာ များပါ သက်သာနိုင်သည်။

ဆားရည်ကို အကြည်ရေ ယူပြီး မျက်စိအတွင်းသို့ မျက်စဉ်းခတ် ပေးနိုင်သည်။

ကျားမနိုင် နွယ်မြစ်ကို ကျောက်ပျဉ်တွင် သွေးပြီး မျက်စိကွင်း ပေးခြင်းအားဖြင့်  မျက်စိအခိုး ရိုက်ခြင်း သက်သာ စေနိုင်သည်။

မန်ကျည်းပနီခေါက် ကိုသွေးပြီး မျက်စိကွင်း ပေးလျှင် မျက်စိနီ၊ မျက်စိနာ သက်သာ စေနိုင်သည်။

စံပယ်ပွင့်ကို ရေတစ်ဖန်ခွက်တွင် တစ်ညသိပ် စိမ်ထားပြီး နံနက်အိပ်ရာ ထတွင် ထိုရေဖြင့် မျက်စဉ်း ခတ်ပေးလျှင် မျက်ဝတ်ထွက်ခြင်း၊ မျက်စိအခိုး တက်ခြင်း သက်သာ စေနိုင်သည်။

ရေနွေးချိုးခြင်း သည် ကျန်းမာရေး အတွက် အထောက်အကူ လည်းဖြစ် ၊ အကျိုးအပြင် အပြစ်လည်း ရှိပါသည်။ သို့သော် အေးချမ်းသော ဆောင်းရာသီတွင် လူကြီးများ အဖို့ ရေအေးချိုး ခြင်းသည် မဖြစ်နိုင်သဖြင့် ရေနွေးစပ် ချိုးပြီး ဖြစ်လာမည့် မျက်စိဝေခြင်း ၊ အသားပပ်ခြင်း၊ ခေါင်းအုံခြင်း အပြစ်များ အတွက်လည်း ကာကွယ်နိုင်သည့် နည်းလမ်းများကို တင်ပြလိုက်ပါသည်။  ။

 

ကြည်လွင်မြင့် (မုဒြာ)

ဓာတ်ပုံ - အင်တာနက်

ခရက်ဒစ် - mwddaily