နာတာရှည် အဆုတ်ပွလေပြွန်ကျဉ်းရောဂါ သတိပြုကာကွယ်ကုသပါ

  

နာတာရှည် အဆုတ်ပွလေပြွန်ကျဉ်းရောဂါ သတိပြုကာကွယ်ကုသပါ 

 

နာတာရှည် အဆုတ်ပွ လြွေပန်ကျဉ်း ရောဂါသည် လူတို့၏အဆုတ်၊ လေပြွန်များ တွင် အမြဲရောင်ရမ်း နေစေကာ  လေ၀င်၊   လေထွက် လမ်းကြောင်းတို့ ကျဉ်းသွားခြင်း ကြောင့် ဖြစ်ရသော ပြဿနာဖြစ်သည်။   နာမည်ပါအတိုင်း နာတာရှည် အဆုတ်ရောဂါ တစ်မျိုး ဖြစ်သည်။ တဖြည်းဖြည်း ရောဂါဆိုးရွား နိုင်သည်။ အားလုံး သိထားကြသော ပန်းနာရင်ကျပ် ရောဂါနှင့်မတူ  ကွဲပြားသည်။ ရင်ကျပ်ရောဂါ သည် ဓာတ်မတည့်သော အကြောင်းအရာ တစ်ခုကြောင့် ချက်ချင်း အဆုတ်လေပြွန်များ တစ်ခဏအတွင်း ကျဉ်းမြောင်း လာမှုကြောင့် ရောဂါဝေဒနာ ခံစားရသည်။ ရင်ကျပ်ရောဂါနှင့် တူသလိုလိုနှင့် ကွဲပြားသည်။

နာတာရှည် အဆုတ်လေပြွန်ကျဉ်း ရောဂါ၏ အဓိကလက္ခဏာ များမှာ    ချောင်းဆိုးခြင်း၊ မောခြင်း၊  မောပန်း လွယ်ခြင်းနှင့်  ချောင်းဆိုး သလိပ်ပါခြင်း တို့ဖြစ်သည်။ နာတာရှည် လေပြွန်များ ရောင်ရမ်းကာ   ကျဉ်းလာမှု တို့ကြောင့် အသက်ရှူ လိုက်တိုင်း တရွှီရွှီနဲ့ သံစုံကြားရ တတ်သည်။ ရောဂါဝေဒနာ ဆိုးရွားလာမှုက မိမိတို့၏ နေ့စဉ်လှုပ်ရှား သွားလာနေထိုင်မှု များ ထိခိုက် လာရသည်။ ကန့်သတ်သွား ရသည်။ အနည်းငယ် လမ်းလျှောက်ရုံမျှ၊     ကိုယ့် အ၀တ်အစားကို ၀တ်လိုက်ရုံမျှပင်  မခံမရပ် နိုင်အောင်  လှိုက်၍ မောလာရသည်။ လေငတ်လာသည်။ အချိန်တိုင်း မောနေသောကြောင့် စိတ်ဓာတ် ခွန်အားများပါ ထိခိုက်လာရသည်။ နာတာရှည် ချောင်းဆိုးခြင်း က   တစ်နှစ်တာ ပတ်လုံး   သုံးလထက် ပိုကာ ခံစားနေရပြီး နှစ်နှစ်အထိ ရှိလာလျှင် နာတာရှည် အဆုတ်ပွ လေပြွန်ကျဉ်း ရောဂါ ဖြစ်နိုင်သည်။

နာတာရှည်အဆုတ်ပွ လေပြွန်ကျဉ်းရောဂါ ဖြစ်ပွားရသော အဓိက အကြောင်းရင်းမှာ ဆေးလိပ် သောက်ခြင်းကြောင့် ဖြစ်သည်။    ဆေးလိပ်နှင့် ဆေးရွက်ကြီး တို့တွင် ပါဝင်သော ဓာတ်ပစ္စည်းများ၊ ၎င်းတို့ လောင်ကျွမ်းမှုကြောင့် ဖြစ်ပေါ်လာသော တုံ့ပြန်ဓာတ် များက အဆုတ်နှင့် လေပြွန်တို့ကို အချိန်ကြာမြင့်စွာ ထိတွေ့မှု ဖြစ်သည်။ ထိုမှတစ်ဆင့် နာတာရှည် ရောင်ရမ်းမှုများ ဖြစ်ပေါ်စေသည်။

အဆုတ်လေပြွန်များ ကျဉ်းမြောင်းလာရပြီး အဆုတ် အသားများ ပျက်စီးစေသည်။ ဆေးလိပ်၊ ဆေးပေါ့လိပ်များ မသောက်ပါဘဲ မီးခိုးငွေ့များနှင့် အမြဲထိတွေ့ နေရသူများ၊ လေထု ညစ်ညမ်းခြင်း၊ ထမင်းဟင်းချက် ရာတွင် ထင်းမီးခိုး၊ မီးသွေးမီးခိုးများ အမြဲထိတွေ့ နေရသူများ တွင်လည်း နာတာရှည် အဆုတ်ပွ လေပြွန်ကျဉ်း ရောဂါ   ဖြစ်နိုင်သည်။

သဘာဝ တွင်းထွက်များ၊ ဓာတ်ငွေ့များ တူးဖော်ခြင်း၊ ကျောက်မိုင်းများ၊ ချည်မျှင်နှင့် အထည်စက် စသည်တို့၏ လုပ်ငန်းခွင် နောက်ဆက်တွဲ ကျန်းမာရေး ပြဿနာတို့တွင် နာတာရှည် အဆုတ်ပွ လေပြွန်ကျဉ်း ရောဂါ ပါဝင်သည်။

တစ်ခါက အဘွားတစ်ယောက် နာတာရှည် အဆုတ်ပွ လေပြွန်ကျဉ်း ရောဂါနှင့် ဆေးရုံကို လာရောက်ပြသ၍ ရောဂါရာဇ၀င် မေးကြည့်ရာ အဘွားက ဆေးလိပ်လုံးဝ မသောက်ပေ။ သို့ပေမယ့် အဘွားက မိရိုးဖလာ နတ်ကွန်းတွင် နေထိုင် အလုပ်လုပ် နေသော   နတ်ထိန်း ဖြစ်နေသည်။ နေ့စဉ် နတ်ကွန်းလာသူ များ၏ ပူဇော်ပသမှုတွင် ကူညီဆောင်ရွက် ပေးရသူဖြစ်သည်။ နေ့စဉ်နှင့် အမျှ အသုံးပြု နေသော အမွှေးတိုင်များ၊ ခြင်ဆေးခွေ များကိုလည်း သတိထားသင့်ပြီဟုအကြံပြု ပါရစေ။ မျိုးရိုးကြောင့်လည်း    နာတာရှည် အဆုတ်ပွ လေပြွန်ကျဉ်း ရောဂါဖြစ်နိုင်သည်။

ကမ္ဘာ့လူဦးရေ    သန်းပေါင်း များစွာသည် နာတာရှည် အဆုတ်ပွ လေပြွန်ကျဉ်း ရောဂါကို ခံစားနေရသည်။ ဒေသတစ်ခုနှင့် တစ်ခု ဖြစ်ပွားမှု နှုန်းလည်း မတူညီကြပေ။ ၂၀၁၉ ခုနှစ် မြန်မာနိုင်ငံ ပြည်သူ့ကျန်းမာရေး တက္ကသိုလ်မှ ပြုလုပ်ထားသော     စစ်တမ်းအရ   ဖြစ်ပွားနှုန်းမှာ စစ်တမ်း လူဦးရေ၏ ၄ ဒသမ ၂ ရာခိုင်နှုန်း ရှိသည်။ ၂၀၁၈ ခုနှစ် မြန်မာနိုင်ငံ ကျန်းမာရေး သတင်း အချက်အလက်ဌာနခွဲ၏ စာရင်းအရ သေဆုံးမှု အကြောင်း အားလုံး၏ ၃ ဒသမ ၇ ရာခိုင်နှုန်းမှာ နာတာရှည် အဆုတ်ပွ လေပြွန်ကျဉ်း ရောဂါကြောင့် ဖြစ်သည်။

၂၀၁၅ ခုနှစ်တွင် ကမ္ဘာ့လူဦးရေ၏ ၂ ဒသမ ၄ ရာခိုင်နှုန်းသည် နာတာရှည် အဆုတ်ပွ လေပြွန်ကျဉ်းရောဂါ ဖြစ်ပွားခဲ့သည်။ လူပေါင်း ၃ ဒသမ ၂ သန်းအထိ အဆိုပါ ရောဂါကြောင့် အသက် ဆုံးရှုံးခဲ့ရသည်။ အသက် ၄၀ နှစ်အထက် ကျား၊မ မရွေး ဖြစ်ပွားနိုင်ပြီး နာတာရှည် ဝေဒနာရှင်အဖြစ် ရောက်သွား နိုင်သည်။ နာတာရှည် အဆုတ်ပွ လေပြွန်ကျဉ်း ရောဂါ သည် မဖြစ်ခင်က ကြိုတင် ကာကွယ်ရမည့် ရောဂါ ဖြစ်သည်။ ရောဂါဖြစ်ပွားပြီးမှ ကုသလျှင် အကျိုး သက်ရောက်မှု နည်းနိုင်သည်။ ကာကွယ်ခြင်းက ကုသခြင်းထက် ပိုအရေးကြီးသည်။   အဓိက ကာကွယ်၍ ရသည်မှာ  ဆေးလိပ်၊ ဆေးပေါ့လိပ် ရှောင်ရှားရမည်။ မိမိ ပတ်ဝန်းကျင် အနီးအနား တွင်  ဆေးလိပ်သောက် နေသူများ ရှိနေပါက မိမိသည် ကိုယ်တိုင် ဆေးလိပ်မသောက်ဘဲ ဆေးလိပ်နှင့် ဆေးလိပ်ငွေ့ အန္တရာယ်တို့ကို ထပ်တူ ခံစားရနိုင်သည်။ ပတ်ဝန်းကျင် လေထုသန့်ရှင်းရေး၊ လုပ်ငန်းခွင် ပတ်ဝန်းကျင် သန့်ရှင်းရေး သည်လည်း နာတာရှည် အဆုတ်လေပြွန်ကျဉ်း ရောဂါ ကာကွယ်ရေး အတွက် အရေးပါသည်။

နာတာရှည် အဆုတ်ပွ လေပြွန်ကျဉ်း ရောဂါတွင် နောက်ဆက်တွဲ ကျန်းမာရေး ပြဿနာများစွာ ရှိသည်။ လေပြွန်များ ရောင်ရမ်းခြင်းကြောင့် ကျဉ်းမြောင်းလာကာ နောက်ပိုင်းတွင် လေအိတ်လေး များကို  ထိခိုက်လာနိုင်သည်။  လေ၀င်၊ လေထွက် ခက်ခဲခြင်းကြောင့် လေမ၀သော ခံစားမှုများ သိသာလာသည်။ အဆုတ်လည်း ပွလာသည်။    ပျက်စီးလာသည်။    ထိုမှတစ်ဆင့် တဖြည်းဖြည်း ဆိုးရွား လာနိုင်ကာ အဆုတ် သွေးကြောတွင် သွေးတိုးခြင်း၊ ညာဘက်နှလုံး အားနည်းခြင်း၊  အဆုတ် မကောင်းခြင်းကြောင့် နှလုံးထိခိုက်ခြင်းတို့ ဆက်တိုက် ဖြစ်ပွားလာ နိုင်သည်။    အသက် အန္တရာယ်ကို    အချိန်မရွေး ခြိမ်းခြောက် နိုင်သည်။

နာတာရှည် အဆုတ်ပွ လေပြွန်ကျဉ်း ရောဂါ ဝေဒနာရှင်တို့၏ ချက်ချင်း ရောဂါပြင်းထန်မှု က အရေးကြီးသည်။ ရာသီဥတု ပြောင်းလဲခြင်းနှင့် အသက်ရှူ လမ်းကြောင်းမှ တစ်ဆင့်   ကူးစက်တတ်သော ရောဂါပိုးတို့ကြောင့် ချက်ချင်းရောဂါ ပြင်းထန်နိုင်သည်။ နာတာရှည် ရောဂါတစ်မျိုး ဖြစ်သောကြောင့် ရောဂါပိုးမွှား တို့က ၀င်လွယ် သေးသည်။ ရာသီပေါ် တုပ်ကွေး သည်လည်း နာတာရှည် အဆုတ်ပွ လေပြွန်ကျဉ်း ရောဂါကို ချက်ချင်းရောဂါ ပြင်းထန်စေသည်။

နာတာရှည် အဆုတ်ပွ လေပြွန်ကျဉ်း ရောဂါကို ကုသမှု နည်းလမ်းများစွာ ဖြစ်ထွန်း တိုးတက်လျက် ရှိသည်။ မိသားစု ကျန်းမာရေး ဆရာဝန်၊ အထွေထွေ အထူးကု ဆရာဝန်၊ ပြန်လည် သန်စွမ်းရေးဆိုင်ရာ အထူးပြု ဆရာဝန်နှင့် အဆုတ်နှင့် ရင်ခေါင်းဆိုင်ရာ ဆေးကုသမှု ပါရဂူများက စုပေါင်းကုသ ရမည်။

ဆေးဖြင့်ကုသခြင်း အပြင် အခြားသော ကုသမှု နည်းလမ်းများ ပါဝင်သည်။ ကုသသော ဆေးဝါး တွင်လည်း အဆုတ်လေပြွန် ချဲ့ဆေးနှင့် လေပြွန် အရောင်ကျဆေး တို့      အဓိက ပါဝင်သည်။ သောက်ဆေးအပြင် ရှူဆေးများဖြင့် ကုသရသည်။ အချို့ ဆေးကုသမှုတွင် လွဲမှားစွာ မှတ်သားမှုများ ရှိသည်။ ရှူဆေးဖြင့် ကုသပါက ရောဂါအလွန် ဆိုးရွားသောကြောင့် ထင်မှတ်မှား ကြသည်။ မဟုတ်ပါ။ ရှူဆေး ဖြစ်သောကြောင့် ဘေးထွက် ဆိုးကျိုး နည်းသွားခြင်း မဟုတ်၊ အချို့သော ဘေးထွက် ဆိုးကျိုးကို လျှော့ချနိုင်သည်။

ရောဂါ ကုသမှုတွင်  ဆေးလိပ် သောက်သူ ဖြစ်ပါက  ဆေးလိပ်ဖြတ်ရန်၊  ဆေးလိပ်လုံးဝ မသောက်ရန်  လွန်စွာ အရေးကြီးသည်။  ပုံမှန် ကိုယ်အလေးချိန် ရှိရန်လည်း ဆေးကုသမှု ရလဒ်ကောင်းရန် လိုအပ်သည်။ အခြားသော ကုထုံးများ အနေဖြင့် အောက်ဆီဂျင် ကုထုံး၊ ကာကွယ်ဆေးများ ပုံမှန်ထိုးနှံခြင်း၊   အဆုတ်ပြန်လည် ထူထောင်ရေး လေ့ကျင့်ခန်းများ၊ ခွဲစိတ်ခြင်းများကို အထူးကု ဆရာဝန်များက   လိုအပ်သလို ကုသပေးနိုင်ရန် ရက်ချိန်းပုံမှန် ပြသပြီး ညွှန်ကြားချက်များ အထူး လိုက်နာရန် လိုပါသည်။

နာတာရှည် အဆုတ်ပွ လေပြွန်ကျဉ်း ရောဂါအကြောင်း လူထုက ကျယ်ကျယ် ပြန့်ပြန့် သတိပြု လာနိုင်ကြရန်၊ ကာကွယ် ကုသမှု နည်းလမ်းများ ပိုမိုသိရှိလာပြီး ရောဂါဖြစ်ပွားမှု၊ ရောဂါကြောင့် သေဆုံးမှုများ လျှော့ချရန်နှင့် အုပ်ချုပ်ရေး အာဏာပိုင်များ၊ မိသားစု ကျန်းမာရေး ဆရာဝန် များအပါအ၀င်  ကျန်းမာရေး ၀န်ထမ်းများနှင့် ပြည်သူလူထုများ ပူးပေါင်း၍ ကာကွယ်ကုသရေး လုပ်ငန်းများ ပိုမို လုပ်ဆောင်ရန် ရည်ရွယ်ပြီး ၂၀၀၂   ခုနှစ်မှ စတင်ပြီး  နှစ်စဉ် နိုဝင်ဘာလ တတိယပတ် (ဗုဒ္ဓဟူးနေ့)ကို  ကမ္ဘာ့အဆုတ်ပွ လေပြွန်ကျဉ်း ရောဂါ အထိမ်းအမှတ်နေ့ အဖြစ် သတ်မှတ်ခဲ့သည်။ နှစ်စဉ်နှစ်တိုင်း ပိုမိုသတိပြု စေရန်     အထိမ်းအမှတ် ပွဲများပြုလုပ်ခဲ့ ကြပြီး ၂၀၂၀ ပြည့်နှစ်အတွက် အထိမ်းအမှတ်ဆောင်ပုဒ် မှာ Living well with COPD, Eyerybody Everywhere မြန်မာမှုအနေဖြင့် ''အဆုတ်ပွ လေပြွန်ကျဉ်းရောဂါ လူနာတိုင်း...အစဉ်အမြဲ ကျန်းမာ၊ နေရာတကာ'' ဖြစ်သည်။

အချုပ်အားဖြင့် ဆေးလိပ်နှင့် နာတာရှည် အဆုတ်ပွ လေပြွန်ကျဉ်းရောဂါ မဖြစ်ပွားအောင် အထူးသတိပြု ဆင်ခြင်ကြရမည်။ ကာကွယ်မှုများ ပြုလုပ်ရမည်။ ရောဂါ ဖြစ်ပွားလျှင်လည်း တတ်ကျွမ်း နားလည်သော    ဆရာဝန်တို့၏ ညွှန်ကြားချက်များ အတိုင်း လိုက်နာ ကျင့်သုံးပြီး သာယာသော နေ့စဉ်လူမှုဘ၀ ကို ဖြတ်သန်းနိုင်အောင် ကြိုးစားကြ ရပေမည်။  ။

 

မင်းလှိုင်ထော

ဓာတ်ပုံ - အင်တာနက်

ခရက်ဒစ် - mwddaily