ဝိတ်ချရန် လေ့ကျင့်ပါ

ဝိတ်ချရန် လေ့ကျင့်ပါ

ဝိတ်ကျဖို့ အလွယ်ဆုံးနည်းက ပိုလျှံနေတဲ့ အဆီ ကယ်လိုရီတွေကို လောင်ကျွမ်းစေတာ ဖြစ်ပါတယ်။ ၀ိတ်အမြန်ဆုံး ကျချင်သူတွေ အနေနဲ့ လေ့ကျင့်ခန်း မှတစ်ပါး တခြားမရှိဘူး။ လေ့ကျင့်ခန်းကို စနစ်တကျ လုပ်သင့်တယ်။ ၀ိတ်ချတယ် ဆိုတာ ရေတို လေ့ကျင့်ခန်း မဟုတ်ပါဘူး။ ရေရှည် လုပ်ရမယ့် အလုပ်မျိုး ဖြစ်တာကြောင့် အားအင်ကုန်ခန်း တဲ့အထိ ဆက်တိုက် မလုပ်ပါနဲ့။ ခဏနားပြီးမှ လုပ်သင့်တယ်။ ယေဘုယျ အားဖြင့် တစ်ပတ်ကို တစ်ရက်နားပြီး ခြောက်ရက်လောက်ပဲ လုပ်သင့်တယ်။

ကျွန်တော်တို့ နေ့စဉ်လုပ်နေတဲ့ လေ့ကျင့်ခန်းတွေကို Cardio Exercise ခေါ်ပါတယ်။ နှလုံးခုန်မြန်စေတဲ့ ဘယ် လေ့ကျင့်ခန်းမဆို နှလုံး လေ့ကျင့်ခန်း ( Cardio Exercise ) ခေါ်ပါတယ်။ တချို့က Aerobic Exercise လို့လဲ ခေါ်တယ်။ လမ်းလျှောက်တာ ၊ ပြေးတာ ၊ စက်ဘီးစီးတာ ၊ ရေကူးတာ ၊ ကြိုးခုန်တာ စတာတွေဟာ နှလုံးလေ့ကျင့်ခန်း တွေဖြစ်ပါတယ်။

နှလုံးခုန်မြန်ရင် ဇီဝဖြစ်စဉ်က အလိုလို မြန်လာတယ်။ ကယ်လိုရီ လောင်ကျွမ်းမှု အားကောင်းလာတယ်။ ဒါ့ပြင် ကိုယ်ခန္ဓာ အစိတ်အပိုင်း အသီးသီးကို သွေးပို့လွှတ်ရလို့ စွမ်းအင်ကို ပိုမို သုံးစွဲရတယ်။ သွေးလျှောက်အား များလာသလို အောက်ဆီဂျင်လဲ ပိုလိုတယ်။ အသက်ရှူမြန် ၊ နှလုံးခုန်မြန် လေ့ကျင့်ခန်း မှန်သမျှ စွမ်းအင်ပိုထုတ် ရတာကြောင့် အဆီပိုမှန်သမျှ လောင်ကျွမ်းနိုင်တယ်။ ဒါကြောင့် လေ့ကျင့်ခန်းကို ဂရုတစိုက် လုပ်သင့်တယ်။ ဒါပေမယ့် သာမန် လှုပ်ရှားသွားလာမှု မျိုးကို လေ့ကျင့်ခန်းထဲ မထည့်ရပါ။ လေ့ကျင့်ခန်းလို့ ပြောလိုက်တာနဲ့ နှလုံးခုန်မြန်ဖို့ လိုသလို အသက်ရှူလဲ မြန်လာတဲ့ လှုပ်ရှားမှုမျိုး ကိုပဲ ခေါ်ပါတယ်။

ဘယ်အချိန် လေ့ကျင့်ခန်းလုပ်မလဲ . . မစားခင် တစ်နာရီအလိုမှာ လေ့ကျင့်ခန်း လုပ်တာ အကောင်းဆုံးပဲ။ ချွေးထွက်ပြီး နှလုံးခုန်မြန်ရင် ဇီဝဖြစ်ပျက်မှုလဲ မြန်လာတယ်။ လေ့ကျင့်ခန်း လုပ်တဲ့အခါ ပထမဆုံး ၁၅ မိနစ်က ပျင်းစရာ ကောင်းတယ်။ အရှိန်ရလာရင် သူ့ဘာသာ လုပ်ချင်စိတ် ပေါက်လာတယ်။ နောက်ဆုံး လေ့ကျင့်ခန်းပြီးတဲ့ အခါ ကိုယ့်ကိုယ်ကိုယ် ယုံကြည်မှု မြင့်တက်လာတာ တွေ့ရပါလိမ့်မယ်။ ဒါကြောင့် လေ့ကျင့်ခန်းကိုလဲ အားတင်းပြီး လုပ်ပါ။ အဆင်ပြေ လာပါလိမ့်မယ်။ အစပိုင်းပဲ အားထုတ်ဖို့ လိုတာ ဖြစ်ပါတယ်။

သွေးပူလေ့ကျင့်ခန်း

လေ့ကျင့်ခန်းလုပ်တဲ့အခါ ပထမဆုံး ၅ မိနစ်ကို သွေးပူ လေ့ကျင့်ခန်း အတွက် သီးသန့်အချိန် ပေးသင့် ပါတယ်။ ကြွက်သားတွေ သွေးလျှောက်အား များရင် အကြောတွေ အလိုလို ပြေလျော့ လာတယ်။ အဲဒီအခါ လေ့ကျင့်ခန်းလုပ်ဖို့ တော်တော် လွယ်ကူသွားတယ်။ ဒီနေရာမှာ အလျဉ်းသင့်လို့ ကျွန်တော် ၀ိတ်ချတုန်းက အလေ့အကျင့်ကို ပြောပါရစေ။ ကျွန်တော်က Gym ကစားတာထက် Dancing ကတာကို ပိုစိတ်ဝင်စားတယ်။ ဒါကြောင့် Gym မကစားဘဲ သီချင်းနဲ့ကပါတယ်။ မကခင် သွေးပူလေ့ကျင့်ခန်းကို ၁၅ မိနစ်လောက် လုပ်ပါတယ်။ ၀ိတ်ချတဲ့အခါ သွေးပူလေ့ကျင့်ခန်းက တော်တော် အထောက်ကူ ပြုတယ်။ အဲဒီ ၁၅ မိနစ်နဲ့ကို ချွေးတော်တော် ထွက်ပြီး ကယ်လိုရီတွေ ကုန်ဆုံး နေတယ်။ နောက်တစ်ချက်က လေ့ကျင့်ခန်း ပြီးတဲ့အခါ အိပ်ထမတင် ဗိုက်လေ့ကျင့်ခန်းကို ၁၅ မိနစ် သီးသန့် ထပ်လုပ်ပါတယ်။ ဗိုက်ချပ်ဖို့ ဒီလေ့ကျင့်ခန်း က အများကြီး အထောက်အကူ ပြုပါတယ်။  သွေးပူလေ့ကျင့်ခန်း လုပ်ပြီးတဲ့အခါ အိပ်ထမတင် ၊ ထိုင်ထ ၊ ခါးလှည့် စတဲ့ လေ့ကျင့်ခန်း တွေနဲ့ အရင်လုပ်ရမယ်။ ပြီးမှ နည်းနည်းပြင်းထန်တဲ့ လေ့ကျင့်ခန်းတွေ ဆက်လုပ်သင့်တယ်။ တော်တော် ပြင်းထန်တဲ့ လေ့ကျင့်ခန်းမျိုးကို မိန်စ ၄၀ ထက်ပိုလုပ်မိရင် Cortisol ဟိုမုန်းထွက်လာတတ် တာလဲ သတိပြုသင့်ပါတယ်။

ဝိတ်မတာဟာ အဆီဆိုတွေ လောင်ကျွမ်းစေတယ်။ ကြွက်သားထုထည် များလေ ဇီဝဖြစ်စဉ် ပိုမြန်လေ ဖြစ်ပါတယ်။ နေ့တိုင်း ပြုလုပ်တာထက် တစ်ပတ် သုံးကြိမ် ၊ လေးကြိမ် လောက်ပဲ လုပ်ပါ။ လေ့ကျင့်တဲ့အခါ အားနည်းတဲ့ ကြွက်သားကိုပဲ အထူးလေ့ကျင့် သင့်တယ်။ ခန္ဓာကိုယ် အစိတ်ပိုင်းတစ်ခုစီ အတွက် လေ့ကျင့်ခန်း သုံးကြိမ်စီပြုလုပ်ပါ။ ၀ိတ်ပြားမမယ် ဆိုရင် သိပ်မလေးတာက အရင်စလုပ်ပါ။ ၁၆ ကြိမ်ပြီးတော့ ၁၂ ကြိမ်၊ နောက်ဆုံးရှစ်ကြိမ် စသဖြင့် ၀ိတ်ပြား လေးလာသလောက် အကြိမ်ရေ လျှော့လုပ်ပါ။ ကြွက်သား ထွက်ချင်သူတွေ အနေနဲ့ နေ့တိုင်းမလုပ်ဘဲ တစ်ရက်ခြားတစ်ခါ (တစ်ပတ်ကို သုံးကြိမ်ပဲ) လုပ်ပါ။

အသက် လေးဆယ်ကျော်ရင် အပြေးလေ့ကျင့် တဲ့အခါ သတိထားရမယ်။ ဘာကြောင့်လဲဆိုတော့ ဒူးဆစ်တွေကို အပေါ်ဝိတ်ကဖိပြီး ပိုမိုထိခိုက်နိုင်လို့ ဖြစ်တယ်။ ကျွန်တော့်ဆီမှာ အသက်အရွယ် ကြီးရင့်သူတွေ ၀ိတ်လာချတဲ့အခါ ဒီအချက်ကို အမြဲသတိပေး ရတယ်။ နောက်ပြီး သက်လုံ မကောင်းဘဲနဲ့ တအားပြေးတဲ့အခါ ခြေကုန်လက်ပန်းကျပြီး လုံလောက်တဲ့ ကယ်လိုရီထိ မဖြုန်းတီးနိုင်တာရှိပါတယ်။ ဒါကြောင့် လေ့ကျင့်ခန်းကို ပုံမှန်ပဲလုပ်ပါ။ အသက်လေးဆယ် ကျော်တွေကို တစ်ပတ်သုံးကြိမ်ထက် ပိုမပြေးခိုင်းသင့်ဘူး။

လေ့ကျင့်ခန်းထဲမှာ ကြိုးခုန်တာကို အားပေးတယ်။ အထူးသဖြင့် အသက် ငယ်ရွယ်သူတွေ ကြိုးခုန်သင့်တယ်။ အသက်ကြီးရင့်သူမှာ စက်ဘီးစီး၊ လမ်းလျှောက် တာကောင်းတယ်။ လှေကား အတက်အဆင်းလဲ လုပ်သင့်တယ်။ ဒီထဲမှာ အချိန်မပေးနိုင်ဘူး ဆိုသူတွေလဲ ရှိအုံးမယ်။ အမှန်က မနက်စောစော ဒါမှမဟုတ် ညနေခင်းမှာ လုပ်လို့ရတယ်။ ဥပမာနေ့ပိုင်း အလုပ်မအားရင် မနက်စောစော လေ့ကျင့်ခန်း လုပ်ဖို့ နာရီဝက်စော ထလို့ရပါတယ်။ နောက်ပြီး မနက်ပိုင်း လေ့ကျင့်ခန်း လုပ်တာဟာ ကျန်အချိန် လေ့ကျင့်ခန်း လုပ်တာထက် ပိုပြီးထိရောက် ပါတယ်။

ကယ်လိုရီ ဘယ်လောက် လောင်ကျွမ်းအောင်လုပ်မလဲ

ယေဘုယျအားဖြင့် ကယ်လိုရီ ၂၀၀ ကနေ ၂၅၀ ကြား လောင်ကျွမ်းစေရမယ်။ အပြေး လေ့ကျင့်ခန်း တစ်နာရီ ပြုလုပ်တာဟာ ဒီပမာဏလောက် လောင်ကျွမ်း စေတယ်။ လေ့ကျင့်ခန်း မလုပ်နိုင်ပေမယ့် ထိုင်မနေပါနဲ့။ ရသလောက်လုပ်ပါ။ နည်းတာ၊ များတာ မတွေးဘဲ လှုပ်ရှားနေပါ။ တစ်ရက်ကို တစ်နာရီလောက် လမ်းလျှောက်နိုင်ရင် တစ်ပတ်နေတဲ့ အခါ ကယ်လိုရီ ၁၅၀၀ ကျော် လောင်ကျွမ်းပြီး ဖြစ်နေပါမယ်။

ဝိတ်ချရာမှာ အဓိက အနှောင့်အယှက် ပေးတာက အချိုရည်ဘူးတွေ ဖြစ်ပါတယ်။ ၀ိတ်ချနေတုန်း ဘယ် အချိုရည်ဘူးမှ မသောက်ပါနဲ့။ နောက်ဆုံးကုန်ကုန် ပြောရရင် ရေအေးတောင် မသောက်တာ ကောင်းတယ်။ရိုးရိုးရေ ဒါမှမဟုတ် ရေကျက်အေး များများသောက်ပါ။ ရေဓာတ် လုံလောက်အောင် တစ်ရက်ကို ရေရှစ်ခွက် သောက်သင့်တယ်။ ၀ိတ်ချသူတိုင်း ရေသန့်ဘူး နှစ်ဘူး အနားမှာထားပါ။ မနက်အိပ်ရာထ တစ်ခါနဲ့ ညအိပ်ရာ မ၀င်ခင် တစ်ခါ ရေသောက်တာမျိုး ပြုလုပ်စေချင်တယ်။ သာမန်အချိန်တွေမှာ မစားခင်သောက်တာ ပိုကောင်းတယ်။ ဒီလို အလေ့အကျင့်ကောင်းတွေ ပြုလုပ်တာဟာ မကြာခင် ၀ိတ်ကျလာမှာ ဖြစ်ပါတယ်။

ဒေါက်တာ အေးမင်းထူး

ရတနာပုံနေ့စဉ်သတင်းစာ ၊ ၄-၉-၂၀၁၇