အာလူး စားသုံးခြင်း နှင့် ကျန်းမာရေး

အာလူး စားသုံးခြင်း နှင့် ကျန်းမာရေး

လူတစ်ယောက်၏ ကျန်းမာရေးသည် ကံ၊ စိတ်၊ ဥတု၊ အာဟာရပေါ်တွင် တည်မှီလျက် ရှိသည်။ ကျန်းမာစွာ အသက်ရှင်နေထိုင်ရေး နှင့် စံချိန်မီကြီးထွား ဖွံ့ဖြိုးရန် အာဟာရဓာတ်များ ပြည့်ဝမျှတစွာ မှီဝဲစားသုံးရန် လိုအပ်သည်။ ဖွံ့ဖြိုးဆဲနိုင်ငံ တစ်နိုင်ငံအနေဖြင့် မိမိပတ်ဝန်းကျင်၌ စိုက်ပျိုးထုတ်လုပ် ရရှိနိုင်သော အစားအစာများကို အာဟာရပြည့်ဝ မျှတအောင် မည်သို့မှီဝဲစားသုံးသင့် သည်ကို သိရှိထားသင့် ပေသည်။

ကျွန်တော်တို့ မြန်မာနိုင်ငံတွင် နေ့စဉ် စားသုံးနေသော အစားအစာများတွင် အဓိက အားဖြင့် ထမင်းနှင့်ဟင်းကိုသာ မှီဝဲစားသုံးလေ့ ရှိကြသည်။ ၎င်းအစားအစာ များထဲတွင် အာလူးသည် ကုန်ကျစရိတ် သက်သာ၍ အာဟာရတန်ဖိုး မြင့်မားစွာပါဝင်သော အစားအစာ တစ်မျိုးဖြစ်သည်။ အခြားအစားအစာ များဖြစ်သော အမဲ၊ ကြက်၊ ၀က်များနှင့် နှိုင်းယှဉ်ပါက အသားဓာတ် ပါဝင်မှုနည်းပါးသော်လည်း ကျန်းမာရေးအတွက် လိုအပ်သော အခြားအာဟာရ တန်ဖိုးများစွာ ပါဝင်သည်ကို တွေ့ရှိရမည် ဖြစ်သည်။

အာလူးကို ဒေသအမည် (Aaloo, Batata) ၊ အင်္ဂလိပ်အမည် (Potato)၊ မျိုးရင်းအမည် (Solanaceae)၊ ရုက္ခဗေဒအမည် (Solanun Tuberosm)  စသည်ဖြင့် အမည်အမျိုးအစား များခွဲခြားခေါ်ဝေါ်ပြီး အာလူးကို အရွယ်အစား ပေါ်မူတည်ပြီး အကြီး၊ အငယ်၊ အရှည်၊ အလုံးစသည်ဖြင့် ပုံစံအမျိုးမျိုး ရှိကြသည်။ အရောင်ပေါ် မူတည်၍လည်း အနီမျိုး၊ အဖြူမျိုး၊ ခရမ်းရောင်မျိုး စသည်ဖြင့် အမျိုးမျိုးခွဲခြား ထားသည်ကို တွေ့ရှိရသည်။ မြန်မာနိုင်ငံ တွင်လည်း  တိုင်ထောင်အာလူး၊ မြေစိုက်အာလူး၊ စိုက်ပျိုးသည့် နေရာဒေသအလိုက် မြစ်ကြီးနားအာလူး၊ အောင်ပန်းအာလူး စသည်ဖြင့် ခေါ်ဝေါ်ကြသည်။

တိုင်းရင်းဆေး အာယုဗေဒအလို အားဖြင့် အာလူးသည် အေး၏။ ချို၏။ ခြောက်ကပ်၏။ ကြေကျက်ခဲ၏။ ကိုယ်ကိုလေးလံ ထိုင်းမှိုင်းစေတတ်၏။ အားကိုဖြစ်စေ၏။ သွေးအန် သွေးကျနာ(ရတ္တပိတ်)ကို နိုင်၏။ နို့ကိုပွားများစေ၏။ ဆီးရွှင်စေ၏။ အာလူး အနီမျိုးသည်အေး၏။ ချို၏။ သည်းခြေကိုနိုင်၏။ အပူကို ထုတ်ဆောင်တတ်၏။ သုက်ကိုပွားများစေ၏။ အားကိုဖြစ်စေ၏။ ၀ဖြိုးစေ၏။ ကြေကျက်ခဲ၏။ ၎င်းအာလူးကို အလွန်အကဲစားမူ အစာမကြေ လေပြည့်ရောဂါ ဖြစ်စေတတ်၏။ ထို့ကြောင့် ၀မ်းမီးနုံ့သောသူများ သုံးစွဲရန် မသင့်ဖြစ်လေသည်ဟု အရှင်နာဂသိန် ပုံပြဆေး အဘိဓာန်တွင် ဖော်ပြထားသည်။

အာလူး၏ ကျန်းမာရေး အကျိုးကျေးဇူးများ

အာလူးတွင် Phytonutrients ဟုခေါ်သည့် အော်ဂဲနစ်ကွန်ပေါင်း များဖြင့် ပြည့်သိပ်နေသည်။ အဆိုပါ အော်ဂဲနစ်ကွန်ပေါင်း များမှာ Carotenoids, Flavonoids, Caffeic Acids များဖြစ်ပြီး ကျန်းမာရေးအား အထောက်အကူပြု သည်ဟု သိရသည်။ အာလူးတွင် ပါဝင်သည့် ဗီတာမင်စီသည် ဓာတ်တိုး ဆန့်ကျင်ပစ္စည်းအဖြစ် ဆောင်ရွက်ပေးသည်။ ၎င်းဓာတ်တိုး ဆန့်ကျင်ပစ္စည်းသည် အချို့သောဆဲလ်များ ပျက်စီးခြင်းကို နှောင့်နှေးခြင်း၊ ကာကွယ်ခြင်းများ ပြုလုပ်ပေးသည်။ ၎င်းတို့သည် အစာခြေခြင်း၊ နှလုံးကျန်းမာရေးနှင့် သွေးဖိအားတို့အပြင် ကင်ဆာရောဂါ တို့ကိုပင် ကာကွယ်နိုင်စွမ်း ရှိသည်ဟု သိရသည်။

ခရမ်းရောင် အာလူးတွင် Phytonutrients နှင့်ဓာတ်တိုးဆန့်ကျင် ပစ္စည်းများ ကြွယ်ဝစွာ ပါဝင်ကြသည်။ ခရမ်းရောင်အာလူး ခြောက်လုံးမှရှစ်လုံး တစ်နေ့နှစ်ကြိမ် စားသုံးခြင်းသည် သွေးတိုးရောဂါ၊ နှလုံးရောဂါနှင့် လေဖြတ်ခြင်း တို့ကဲ့သို့သော ရောဂါခံစားနေ ရသည့် အ၀လွန်သူများကို ရောဂါသက်သာ စေရန် ကူညီပေးလျက် ရှိကြောင်း Journal of Agriculture and Food Chemistry မှ ၂၀၁၂ ခုနှစ်တွင်ပြုလုပ်သည့် သုတေသန၌ သိရှိရသည်။

အာလူးသည် သွေးပေါင်ချိန်ကို လျော့ကျစေသည်။ အဘယ်ကြောင့် ဆိုသော် အာလူးသည် သွေးထဲရှိ ကိုလက်စထရော နှင့်ပေါင်းပြီး ခန္ဓာကိုယ်မှ စွန့်ထုတ်လိုက်သည့် အတွက် ဖြစ်သည်ဟု အာဟာရပညာရှင် Victoria Jarzabkowski က ဆိုထားသည်။ အာလူးသည် ပိုတက်ဆီယမ်ကြွယ်ဝစွာပါဝင်သည်။ အာလူးတွင် ပါဝင်သည့် ပိုတက်ဆီယမ်သည် ငှက်ပျောသီးတွင် ပါဝင်သည့် ပိုတက်ဆီယမ် ထက် ပိုမိုပါဝင်သည်ဟု သိရှိရသည်။ ၎င်း ပိုတက်ဆီယမ်သည် သွေးကြောကို ကျယ်စေပြီး သွေးပေါင်ချိန်ကို လျော့ကျစေသည်။ အာလူးတွင် ပါဝင်သည့် Vitamin B6 သည် အာရုံကြော ကျန်းမာရေးကို အဓိကထိန်းညှိ ပေးသည်။

ထို့ကြောင့် အာလူး စားသုံးခြင်းဖြင့် စိတ်ကျရောဂါ၊ စိတ်ပင်ပန်း နွမ်းနယ်ခြင်း စသည့်ရောဂါများ သက်သာစေသည်။ အာလူးတွင်ပါဝင်သော ကာဗိုဟိုက်ဒြိတ်သည် သွေးတွင်း သကြားဓာတ်နှင့် ဦးနှောက် လုပ်ငန်းဆောင်တာ များကို ထိန်းညှိပေးသည်။ သကြားဓာတ် အတော်သင့်ပမာဏ တိုးတက်ခြင်းသည် သင်ကြားမှု စွမ်းရည်နှင့် မှတ်ဥာဏ်စွမ်းရည် တို့ကို တိုးတက် ကောင်းမွန်စေသည်။ အာလူး အလတ်တစ်လုံးတွင် ဗီတာမင်စီ ၄၅ ရာခိုင်နှုန်း ပါဝင်သည့် အတွက်ကြောင့် သာမန်ဖျားနာခြင်းမှ အစပြု၍ ဗီတာမင်စီ ချို့တဲ့ရောဂါကဲ့သို့သော ရောဂါများအထိ ကာကွယ်နိုင်စွမ်း ရှိသည်။ အာလူးတွင် အမျှင်ဓာတ်ကြွယ်ဝစွာ ပါဝင်သည့်အတွက် အလွယ်တကူ အစာချေဖျက် နိုင်အောင် ကူညီပေးသည်။

ထို့ပြင် နှလုံးရောဂါကို တားဆီးကုသ ပေးသော ဓာတ်များတွင် Caffeicchlorogenic acid and Anthocyanins ဓာတ်သတ္တုများ အာလူးတွင် ပါရှိသည့်အတွက် ကင်ဆာရောဂါ ဖြစ်ပွားစေသည့် ဓာတ်တိုးပစ္စည်း များကို ဓာတ်တိုးဆန့်ကျင် ပစ္စည်းအဖြစ် တိုက်ဖျက် နိုင်စွမ်းရှိသည်။ ပိုတက်စီယမ်ဓာတ် ပါဝင်မှုကြောင့် အာလူးသည် နှလုံးရောဂါ၊ သွေးကြောနှင့် ပတ်သက်သည့် ရောဂါများကို တားဆီးနိုင်သည့် အစွမ်းရှိသည့်အပြင် ကျောက်ကပ်တွင် ကျောက်တည်ခြင်း တို့ကိုလည်း ကာကွယ်ပေးသည်။ အာလူးတွင်ပါဝင်သည့် ဗီတာမင်စီ၊ B6၊ ပိုတက်စီယမ်၊ မဂ္ဂနီစီယမ်၊ ဇင့်နှင့် ဖောစဖောရပ် တို့သည် အရေပြားကို နူးညံ့ချောမွတ် စေသည့်အတွက် အရေပြား ကျန်းမာရေးအတွက် လည်း သင့်လျော်သည့် အစားအစာ ဖြစ်သည်။ ထို့ပြင် အာလူးစားသုံးသူများသည် အူမကြီးကင်ဆာ ဖြစ်နိုင်ခြေကို လျှော့ချပေးသည်ဟု Journal of Nutrition Biochemistry တွင် ၂၀၁၇ ခုနှစ်၌ သုတေသနပြုတွေ့  ရှိထားကြောင်း ဖော်ပြထားသည်။

အာလူးမစားသုံးသင့်သည့်အခြေအနေများ

အာလူး၏ပင်စည်၊ အကိုင်းအခက်နှင့် အသီးများသည် အဆိပ်အတောက် ဖြစ်စေသည်။ ၎င်းတို့တွင် Alkaloids (eg. Arsenic, Chaconine, Solanine) စသည်တို့ပါဝင်သည်။ Solanine သည် အလွန်ပြင်းထန်သည့် အဆိပ်ဖြစ်ကြောင်း National Institutes of Health ကဆိုထားသည်။ အတွင်းသား အစိမ်းရောင်ရှိသော အာလူးများ တွင်လည်း အဆိပ်အတောက် တွေ့ရှိသည်ဟု National Institutes of Health ကဆိုထားသည်။ 

မှန်ကန်သောအာလူးချက်ပြုတ်နည်း

အာလူးသည် ဗီတာမင်စီ ကြွယ်ဝသောကြောင့် လတ်လတ်ဆတ်ဆတ် စားသုံးသင့်သည်။ သို့သော် ကာလကြာရှည် သိုလှောင်ပြီးမှ ချက်ပြုတ်လျှင် အာဟာရဓာတ် လျော့နည်းတတ်သည်။ မပြုတ်မီ အခွံမနွှာပါနှင့်၊ ဗီတာမင်စီ၊ ဘီ၊ သံဓာတ်၊ ပိုတက်စီယမ်၊ ကယ်လ်စီယမ် နှင့် မဂ္ဂနီစီယမ်ဓာတ် တို့ကို အာလူးအခွံက ထိန်းသိမ်းပေး ထားသောကြောင့် ဖြစ်သည်။ ထို့ကြောင့် ရေဆေးပြီးအခွံနှင့် တကွ ပြုတ် သို့မဟုတ် ပေါင်းပါ။ ပြုတ်ခြင်းထက် ပေါင်းစားသုံးခြင်းက ပိုမိုကောင်းမွန်သည်။ ပြုတ်လျှင် ဗီတာမင်များ ရေထဲသို့ ပါသွားနိုင်သည်။

ကျန်းမာရေးအကျိုးဆက်

သြစတြေးလျလူမျိုး Andrew Flinders Taylor က တစ်နှစ်ပတ်လုံး ဘာမှမစားသုံးဘဲ အာလူးသာ စားသုံးလျှင် တစ်နှစ်လျှင် ပေါင် ၁၁၀ ၀န်းကျင် လျော့ကျ စေနိုင်သည်ဟု ပြောကြားသောကြောင့် ၂၀၁၇ ခုနှစ်ထုတ် Australian Popular Science Journal ၏ ဂျာနယ် ခေါင်းကြီးပိုင်းတွင် ဖော်ပြခံခဲ့ရသည်။ သို့သော် အာဟာရ ပညာရှင်များက အာလူး တစ်မျိုးတည်းဖြင့် ခန္ဓာကိုယ်အတွက် လိုအပ်သည့် Essential Amino Acids အမျိူး ၂၀ နှင့် ဗီတာမင်နှင့် သတ္တုဓာတ် အမျိုး ၃၀ မရနိုင်ဟု ဆိုထားသည်။ ထို့ကြောင့် ကျွန်ုပ်တို့ ကျန်းမာရေးအတွက် အထောက်အကူ ပြုမည့် အသီးအနှံနှင့် ဟင်းသီးဟင်းရွက်များကို နေ့စဉ် စားသုံးရမည့်အပြင် အာလူးကို မဖြစ်မနေ ထည့်သွင်းစားသုံး သင့်ကြောင်း ဆွေးနွေး တင်ပြအပ်ပါသည်။ ။

ဒေါက်တာ မျိုးသိန်း

မြ၀တီနေ့စဉ်