7th FEB .. ..

တောင်ကုန်း တောင်တန်းတွေ လေးဖက်လေးတန် ၀န်းရံထားပြီး မြို့လေးကို ဒယ်အိုးသဏ္ဍာန်နဲ့ ချိုင့်ဝှမ်းလွင်ပြင်ထဲမှာ တည်ထားတယ်။ ဆောင်းတွင်းမှာ အရိုးကွဲအောင် ခိုက်ခိုက်တုန်ချမ်းပြီး နွေရာသီဆို အညာက မြို့တွေလို ပူပြင်းလွန်း ပါတယ်။ မိုးတွင်းဆို မိုးများပြီး ကောင်းကင်ယံမှာ မြူတွေ တိမ်လိပ်တွေ အမြဲပဲ အစိုင်လိုက် ခဲနေတတ်တဲ့ ရာသီဥတုလေး ရှိတယ်။ သံလွင်မြစ် အရှေ့ခြမ်း ကိုးမြို့နယ်မှာ အကြီးဆုံးမြို့လည်း ဖြစ်တယ်။ တိုင်းရင်းသား မျိုးစုံ အခြေချ နေထိုင်ပြီး ပျော်စရာ အတိပြီးတဲ့ မွေးရပ်မြေ ကျိုင်းတုံမြို့လေးပါ။

ကိုယ့်မွေးရပ်ကို ခွဲခွာခဲ့တာ နှစ်ပေါင်း မနည်းတော့တာမို့ မျက်စိထဲ စွဲစွဲထင်ထင် မြင်မိတာတော့ မြို့လည်ခေါင်က မဟာမြတ်မုနိဘုရား၊ နောင်တုံကန်၊ ဟိုခုံဈေးနဲ့ မြို့မဈေး။ ကျင်လည်ခဲ့တဲ့ မြို့မ ဘောလုံးကွင်း၊ ဘက်စကက်ဘော ကွင်းတွေပါ။ ခုလို ဆောင်းတွင်းဆို သွားနေကျ ရေပူစမ်းတွေ ဖြစ်ပါတယ်။ ရှမ်းပြည်ရဲ့ ရနံ့စစ်စစ်ကို ခံစားချင်ရင်တော့ ချယ်ရီပင်တွေ အစီအရီနဲ့ တစ်လမ်းလုံး ချယ်ရီပွင့်တွေကြွေချထားလို့ လှပလွန်းနေတဲ့ ပန်ဝိုင်လိုရွာလေးကို မျက်စိထဲက မထွက်ပါဘူး။ ဒီအထဲကမှာမှ ပိုအမှတ်ရမိတာတော့ သူငယ်တန်းကနေ ဆယ်တန်းအောင်တဲ့ အထိ ၁၁ နှစ်လုံးလုံး တက်ခဲ့တဲ့ အထက်တန်းကျောင်း လေးပဲဖြစ်ပါတယ်။ ကျောင်းလေးက လွိုင်စွန်ဆိုက်တောင် ပေါ်မှာရှိပြီး ခရစ်ယာန် မယ်သီလရှင်ကျောင်းကို ပြည်သူပိုင် သိမ်းထားတဲ့ ထုထည်ကြီးမားတဲ့ ကျောင်းဖြစ်ပါတယ်။ ကျောင်းပေါ်ကကြည့်ရင် နောင်တုံကန်ကို အတိုင်းသား မြင်နိုင်သလို၊ လွိုင်စွန်တောင်းတောင် ပေါ်က စွန်တောင်းစေတီကြီး ကိုလည်း ထည်ထည်ဝါ၀ါ လှမ်းဖူးမျှော်နိုင်ပါတယ်။ ညာဖက်ကို လှမ်းကြည့်ရင်တော့ လွိုင်စွန်မွန်းပေါ်က ထုထည်ကြီးမားလှတဲ့ သစ်တစ်ပင်တောင်ကို မြင်တွေ့နိုင်ပါတယ်။

(ရ)တန်းနှစ်ရောက်တော့ အခန်းရှေ့မှာ စုဘူးအကြီးကြီး တစ်လုံး တည်ထားတယ်။ တစ်တန်းလုံးပိုင်ဆိုင်တဲ့ အဲဒီ စုဘူးကြီးထဲကို ကိုယ့်မုန့်ဖိုးထဲကနေ တတ်နိုင်သလောက် ထည့်ကြတယ်။ ဇွန်လကနေ ဇန်န၀ါရီလအထိ စုလာတဲ့ ဒီစုဘူးကြီးကို အတန်းပိုင်ဆရာမရယ် အတန်းခေါင်းဆောင်ရယ် ၀ါ၊ စိမ်း၊ နီ၊ ပြာအရောင် ၄ ရောင် ခေါင်းဆောင်ရယ်နဲ့ အတန်းသားအားလုံးက စိတ်ဝင်စားစွာနဲ့ ဖောက်ပြီး ပိုက်ဆံရေတွက်ကြတာ ပျော်စရာပါ။ နှစ်တိုင်း ဖေဖော်ဝါရီလ (၇) ရက်နေ့မှာ ကျရောက်မယ့် ရှမ်းပြည်နယ်နေ့ အထိမ်းအမှတ်အတွက် ပျော်ပွဲရွှင်ပွဲ လုပ်ကြဖို့ ငွေတွေ နည်းနည်းချင်း စုလာကြခြင်းပဲ ဖြစ်ပါတယ်။ အတန်းဖော်တွေနဲ့ တစ်ကျောင်းလုံးမှာ ရှိတဲ့ ဆရာ ဆရာမတွေ အားလုံးကို ဖိတ်ကျွေးတာ ဖြစ်လို့ ၆ လကျော်စုလာတဲ့ငွေနဲ့ တွက်ပြီး ကျွေးမွေးချင်တာကို တိုင်ပင်ကြတယ်။ ငွေလိုရင်လည်း တစ်တန်းလုံး အချိုးကျ ထပ်ထည့်လိုက်ကြတယ်။ ဒါနဲ့ ဖေဖော်ဝါရီလ ၆ ရက်နေ့ညမှာ ကျောင်းဝင်းထဲမှာ သူ့အတန်း သူ့အခန်း အလိုက် ချက်ကြ ပြုတ်ကြ၊ အခန်းကို ဒိုက်ကရေးရှင်း ပြင်ဆင်ကြနဲ့ သူ့တာဝန်နဲ့ သူမို့ အားကြတယ် မရှိပါဘူး။ ကက်ဆက်တွေ အမ်ပလီဖိုင်ယာတွေ စပီကာတွေ ညံစီနေသလို ပူစီဖောင်းတွေ မင်္ဂလာဆောင်မှာ သုံးတဲ့ ရောင်စုံကြိုးတွေ အစုံအလင်နဲ့ အလှဆင် ကြတယ်။ မပင်ပန်းကြ သလို မောတယ်လို့လည်း မပြောကြပါဘူး။

ဖေဖော်ဝါရီ (၇) ရက်နေ့မှာ ပြင်ဆင်တာတွေ အချောသတ်ပြီး ကျောင်းအုပ်ကြီးကစလို့ မူလတန်းကနေ အထက်တန်းအထိ ဆရာအားလုံးကို အလှည့်ကျ ဖိတ်ပြီး ကျွေးမွေးတယ်။ ဆရာ ဆရာမတွေကို ကန်တော့တယ်။ ပြန်တွေးကြည့်ရင် မျက်ရည်လည်အောင် ကြည်နူးမိပါတယ်။ ဒီအစီအစဉ်တွေ ပြီးတာနဲ့ အတန်းဖော်တွေ စုကစားကြတယ်။ နောက် ညီညီညာညာ သိမ်းဆည်းရင်းနဲ့ပဲ နှစ်တစ်နှစ်ရဲ့ ရှမ်းပြည်နယ်နေ့ ပျော်ရွှင်ပွဲလေးကို အစသတ်ခဲ့ကြတယ်။ နှစ်စဉ် နှစ်တိုင်း မပျက်မကွက် ကျင်းပလာတဲ့ အမှတ်တရ ပျော်ပွဲရွှင်ပွဲလေးရယ်ပါ။

ရှမ်းပြည်ရဲ့ ပြည်နယ်နေ့ အထိမ်းအမှတ်ကို အဓိပ္ပာယ် ပြည့်ပြည့်၀၀နဲ့ အနှစ်သာရ ရှိရှိ လုပ်ဆောင်နိုင်တာမျိုး မဟုတ်ပေမယ့် ဒီ 7th FEB ရောက်တိုင်း ရှမ်းပြည်နယ်နေ့ ဖြစ်တယ် ရယ်လို့တော့ အမှတ်ရနေနိုင်အောင် အတန်းကြီးတဲ့ စီနီယာ နောင်တော်တွေက ခင်းထားတဲ့ လမ်းလေးကို လိုက်နင်းခဲ့တာပဲ ရှိပါတယ်။ ဒီအစဉ်အလာလေးကို နောင် အရွယ်ရောက်ပြီး အတန်းကြီးလာတဲ့ ကျောင်းသား ကျောင်းသူ ငယ်လေးတွေလည်းပဲ အမှတ်ရစေချင်တဲ့ ဆန္ဒလည်း ပါပါတယ်။ ချယ်ရီပင်တွေအစား ယူကလစ်ပင်တွေ နေရာအနှံ့ လွှမ်းမိုးနေတဲ့ ရှမ်းပြည်ဟာ အေးချမ်းတဲ့ ဥတုအစား ပူလောင်လောင် ဖြစ်နေပါပြီ။ ချယ်ရီနံ့တွေ သင်းနေရမယ့် နေရာမှာ ကန့်နံ့တွေ ထုံလွှမ်းလို့ နေတာမို့ ဒါရှမ်းပြည်လားဆိုတာ မေးယူရလောက်မတတ် လေလွှာတွေကပါ ပုံမှန်မဟုတ်တော့ သလိုပါပဲ။ ဘာပဲဖြစ်ဖြစ် နယ်နိမိတ် သတ်မှတ်ထားတဲ့ ရှမ်းပြည်လေးပါပဲ.....။ ကျွန်တော် နေခဲ့တဲ့ ရှမ်းပြည်လေးပါ။