22 Vs 28

ဒီအရွယ်ရောက်မှ ကောင်မလေးငယ်ငယ် တစ်ယောက်ကို ချစ်သူရည်းစား အဖြစ်နဲ့ ကြင်နာတတ်စ လူငယ်တစ်ယောက် အနေနဲ့ ခံစားကြည့်မိ ပါတယ်။ ကောင်မလေးကို ငယ်ချစ်ဦးရယ်လို့ ချစ်စနိုးခေါ်ရင် လှောင်ရယ်စရာများ ဖြစ်နေမလားတော့ မသိပါဘူး။ ၉ တန်း ၁၀ တန်း အရွယ်တုန်းက တွေ့ခဲ့ကြရင်တော့ ခေါ်ချင်တဲ့ ငယ်ချစ်ဦး ဖြစ်ခဲ့မှာပါ လို့ စိတ်ထဲ ခပ်ဆွေးဆွေးလေး ငြီးမိပါသေးတယ်။ ငယ်ချစ်ဦး မဖြစ်နိုင်တော့ရင်လည်း အချစ်ဦး တစ်ယောက် အဖြစ်နဲ့ တွယ်တာကြည့် ပါမယ်လေ ဆိုပြီး စိတ်ကို တထစ်လျော့ လိုက်ပါတယ်။ ဒီလိုပြောလိုက်တော့ ကိုယ့်လိပ်ပြာကို ကိုယ်မလုံမလဲ လှည့်ကြည့်မိတယ်။ လိပ်ပြာလေးက မျက်နှာလွဲလျက်နဲ့ပါ။ ပြန်မသွားချင်တော့တဲ့ အတိတ် ဇာတ်ကြောင်းတွေကို ဖြစ်နိုင်သမျှ လေ၀င်ပေါက်ပါ မကျန်အောင် အင်္ဂတေနဲ့ အသေပိတ်လိုက် ချင်ပေမယ့် မလုံနိုင်တဲ့ အပုပ်နံ့ကတော့ တစ်ခါတလေ ခပ်နွဲ့နွဲ့လေး ရှူရှိုက်မိပါသေးတယ်။ ဒီလိုအဖြစ်ကြုံလေတိုင်း ဆောင်းတွင်းအေးအေး ထဲမှာတောင် ဇောချွေးတွေ ရွှဲနစ်စေ ပါသေးတယ်။ ရှိစေတော့ အနာဂတ်ကိုလှပစေဖို့ပဲ ရည်ရွယ်တာ အမှန်ပါ။

ချစ်တဲ့စိတ်တစ်ခုကို အရင်းတည်ပြီး ကိုယ့်ကောင်မလေးကို ချစ်စနိုးလေးနဲ့ ညီမလေး ရယ်လို့ နုလိုက်ပါတယ်။ သူလေးအပေါ် အလိုလိုက် အကြိုက်ဆောင်မယ် ဆန္ဒနဲ့မို့ ဆိုးနွဲ့တာကိုလည်း ကိုယ်ခံပါ့မယ်။ စိတ်ကောက်မယ် ဆိုရင်လည်း ပင်တိုင်ချော့ပါမယ် လို့ ကတိတစ်လုံး ထားခဲ့ပါတယ်။ နှစ်ဦးသား မျက်နှာချင်းဆိုင် ဆုံတွေ့လို့ စကားပြောတိုင်း ထစ်ထစ်သွားတဲ့ စကားလုံးတွေကြောင့် အယောင်ယောင် အမှားမှား ဖြစ်တာကလည်း ကိုယ့်သတ္တိကို လှစ်ပြနေတာပဲလား၊ ဒါမှမဟုတ် ဖြူစင်တာကို ပြချင်တာ လားတော့ မသိပါ။ အပေါက်အလမ်း မတည့်တာကိုတော့ ၀န်ခံပါတယ်။ အနိမ့်အမြင့် မတူတဲ့ စိတ်နေသဘောထားတွေကို အတတ်နိုင်ဆုံး သံစဉ်ညှိယူဖို့ စိတ်ပိုင်းဖြတ်ထားပေမယ့် တစ်ယောက်အမှားကို တစ်ယောက်က ထောက်နေတာနဲ့တင် မတို့မထိနဲ့ ချောကလက် ရေခဲမှုန့်တွေ အရည်ပျော်ကုန်တာ ခဏခဏပါ။ အဆင်မပြေ ဖြစ်လေတိုင်း ကိုယ့်ရဲ့ အားနည်းချက် လို့ပဲမြင်ပါတယ်။ အရောင်မလက်ခဲ့တဲ့ ကိုယ်ရဲ့ အတွေ့အကြုံကိုပဲ အပြစ်ပုံမိပါတယ်။ အချစ်သည် စိတ်အကြိုက် လိုက်ပြောင်းတတ်တဲ့ ကောင်းကင်တစ်ခုသာ ဖြစ်ပေမယ့် ကနေ့ အချစ်ဆုံးသူဟာ မနက်ဖြန်မှာ အမုန်းရဆုံးသူ တစ်ယောက်အဖြစ်နဲ့ အဆုံးမသတ် ချင်သေးတာ မှန်သော သစ္စာပါ ။ ။